Þá er dagur miðrar viku upp runninn og mátti það ekki tæpara standa. Verð að segja að ég er alveg ekki að nenna að vera í vinnunni þessa dagana. Búinn að vera eitthvað þreyttur og hálf slappur núna í vikunni og þegar þannig stendur á nennir maður alls ekki að vera að vinna. En maður hefur víst ekkert val með það annað en að bíta í skjaldarrendur! Nóg um það. Íslandía er búin að liggja niðri síðan á laugardag þannig að engar uppfærslur hafa verið að heimasíðunni okkar Svönku, en hún virðist vera kominn inn núna, veit ekki alveg hvað er búið að vera í gangi hjá þeim strákunum. Ótrúlega leiðinlegur rigningarsuddi úti núna, rok og rigning, svona ekta íslenskt sælu veður. Sigyn mágkona átti svo afmæli í gær og Diddi bróðir fékk hjá mér matreiðslubók til að elda nú eitthvað fínt fyrir frúna. Eldaði kjúklingin minn með ananasnum og cashew hentunum, hann svíkur aldrei sá, hepnaðist bara vel hjá honum að mér skilst. Annars þá eldaði ég Baska kjúkling um helgina, hann var góður sá. Fékk svo flotta matreiðslubók frá Svanhildi í jólagjöf að það var ekki seinna vænna að fara að nota hana. Svanhildur græjaði svo mjög góðan karftöflurétt með balsamik ediki og allskonar með kjullanum, þetta var allt hið albesta og verður pottþétt eldað aftur!

Heimasíðan okkar www.islandia.is/fortuna liggur því miður niðri vegna bilunar hjá islandia...þetta er ekki það að við séum eitthvað að klúðra málunum.
Kveðja, Svanhildur

Jæja vikan mallar áfram. Ekki mikið að frétta af þessum bænum. Var í vinnunni til 18 í gær frá rúmlega sjö og var eiginlega alveg búinn að fá nóg þegar því var lokið. Leiðinlega mikið eftir af því verki sem ég verð að klára fyrir mánaðarmótin þannig að það verður nóg af yfirvinnu hjá mér á næstunni. Ástþór Örn er allur að braggast orðinn mun kátari og líkari sér aftur þannig að það er allt á réttri leið. Hann er orðinn hinn mesti gönguhrólfur, röltir um öll gólf. Svo er ekki eftir nema að vakan þrjá morgna og næsti þar á eftir er svo helgarfrí!!!

Þá er helgin liðin og eins og venjulega mætti hún vera mun lengri. Sér í lagi þar sem ég fór í vinnu á laugardaginn finnst mér hún eitthvað í styttra lagi. Annars var þetta hin ágætasta helgi, ég var í vinnu á laugardag og svo heima með Ástþóri í gær. Tók til um morguninn heima og svo vorum við Ástþór bara að spauga fram eftir degi. Svanhildur var hjá Guðrúnu í gær þannig að við vorum bara tveir karlarnir heima í gær. Væri svo mikið til í það að eiga mun fleiri daga með honum heimavið, ergo helgarnar þyrftu að vera lengri. Það bendir allt í þá áttina. Í ekki ómerkari löndum en Puerto Rico er alltaf fjögurra daga helgi og einungis unni frá þriðjudegi til fimmtudags. Er það ekki það albesta, eru þeir ekki búnir að fatta hvað þetta gengur út á allt saman. Þykja reyndar frekar latir þegar þeir flytja til annara landa sbr. USA en þá er þetta bara spurning um að vera heima hjá sér í "helgarfríi". En núna er það bara vinnan sem kemur aftur inn af fullum krafti og þá verður maður bara að taka á því.
Ps. gaman að sjá 17milljóna punda manninn slátra Chelski í FA Cup í gær.

Þá er hinn langþráði föstudagur runnin upp. Magnað hvað föstudagar ná alltaf að kæta mann, vitandi af helginni fram undan er ekki hægt annað en að verða kátur. Bölvuð rigning og leiðindi úti núna, algert skýfall í morgun um sjöleytið og mér sýnist það ekkert að batna. Er búinn að vera að hlusta á nýju Air plötuna, Talkie Walkie og hún er nú bara nokkuð seig eins og við var að búast af þeim kumpáunum úr frans. Snilldar grúppa Air. Svo vorum við hjónin að horfa á Bruce Almighty í gærkvöldi, það var hin besta afþreying verður að segjst. Carey-inn var nokkuð seigur í henni og fullt af findnum atriðum að finna í henni. Helgin er svo sem ekkert plönuð þannig lagað, þyrfti faktíst að vinna þessa helgi, en ég sé til hvort ég nenni því eður ey. Það verður að koma í ljós!

Ekki eftir nema einn morguna að vaka fram að helgi og er það vel. Ástþór svaf ekki svo illa í nótt þannig að maður hefði átt að ná að hvíla sig smá, en ég fann það á mér í gær þannig að ég ákvað að fá í bakið í staðinn og liggja andvaka löngum stundum í nótt í staðinn. Þetta fer nú alveg að verða þreytt hjá manni, en helgin er að koma og redda þessu öllu fyrir mann. Nú ætti mydoom vírusinn að vera hættur að dreyfa sér og því "óhætt" að fara að nota kaaza aftur. Komst að því að Red Hot Chili peppers gáfu út fleiri en eina plötu þann 10.mars 2003 að mig minnir, hef ekkert heirt af því satt best að segja, sá þetta bara á amazon.co.uk. Núna er bara að sækja og sjá hvort þetta sé eitthvað af viti.

Nú er kominn nýr dagur sem þýðir í raun aðeins það að Björn Böðvarsson er orðinn rúmlega þrítugur. Hann er núna á milli þrítugs og sextugs á meðan að við hinir erum á milli tvítugs til þrítugs. Þetta er bara svona. Annars þá er ágætt að frétta, Ástþór Örn að braggast, hitinn í það minnsta að fara sem er vel. Svo er það bara blessuð vinnan, en það er allt á fullu þar þessa dagana og veitir ekki af. Thierry Henry búinn að skora 101 mark fyrir Arsenal í úrvalsdeildinni, ekki slæmur árangur það. Ég gersamlega að sofna en það er í góðu lagi þar sem ég pakka af döðlum. Fyndin fæða döðlur, engin undir 40 ára hefur þegið döðlu þegar ég hef boðið þeim þær en allir yfir 40 hins vegar gert svo. Þetta sýnir að þessi krakka gríslingar kunna ekki að meta nammi úr náttúrulegum sykri, heldur þurfa viðbættan sykur til að áhugin vakni. Þetta rennir stoðum undir þá samsæriskenningu að tannlæknar hafi staðið fyrir nammibyltingunni á 20 öldinni.

Ástþór Örn enn veikur, en með mun minni hita samt en undanfarna daga. Það þýðir ekki það samt að hann sofi í einum dúr á næturnar, nei ekki alveg. Hann er búinn að vera að vakna og vera lengi að sofna aftur núna í nokkra daga og þar af leiðandi erum við foreldrarnir ekki upp á okkar ferskasta. Ég verð að segja að ég er gersamlega að sofna, en það er enginn tími fyrir grín núna. Annars er nú frekar lítið að frétta af mér, maður er bara að vinna og svo heima með veikt barn eftir vinnu. En það er nú vonandi að sjá fyrir endan á þessu ferli, menn eru víst veikir í um viku af þessum fjára svo Ástþór gæti átt einn til tvo daga eftir enn. Hlakka bara til að geta sofið aðeins meira, svefn er gífurlega vanmetið fyrirbæri í hinum vestræna heimi.
Svo má til gamans geta að Björn nokkur Böðvarsson óðalsbónda sonur af norðurlandinu er orðinn þrítugur í dag. Björn það eru 3 og 0 á afmæliskortunum. Það dugar ekki lengur venjuleg súkkulaði kaka undir kertin, nei ekkert minna en skúffukaka dugar á svona mörg kerti. En mun þetta þýða að Björninn sé orðinn fullorðin og fari að hegða sér sem slíkur? Án efa NEI, núna er hann bara gamalt barn :-) Til lukku með daginn Bjössi, skál!

Ný vinnuvika og ég svo sem ekkert sérstaklega ánægður með það frekar en fyrridaginn. Ástþór Örn búin að vera með 40°C hita alla helgina og ljótan hósta litla greyið. Þannig að hann svaf ekki mikið í nótt, var mikið að brölta og setjast upp þannig að þetta var frekar erfið nótt. En vonandi fer honum nú að batna. Hann er samt voða góður og reynir að bera sig mannalega en er svona eins og hann sé nett drukkinn í hitanum! Annars þá var hegin frekar rólega hjá okkur fjölskildunni, Svanhildur og Kata skruppu í bæinn á laugardag og ég var heima með Ástþór á meðan. Svo kom Tinna móður systir Svanhildar í mat í gærkvöldi og var þetta líka magnaði tandorí kjúklingur græjaður, ekki ruslið í því. Svo er það bara að halda áfram að hanna skiljurnar mínar, að verða lítill tími eftir í þetta allt saman, en þetta ætti nú samt að sleppa.

Síðasti dagur vinnuvikunnar, hvílík gleði það er. Ég er annars alveg að sofna verður að segjast. Ástþór Örn er alveg stíflaður úr kvefi greyið littla, með dimman ljótan hósta svo hann fékk að koma uppí til okkar þegar hann vaknaði í nótt. Svo er hann náttúrulega svo óvær svona í kvefinu þannig að hann er búinn að vera bröltandi í alla nótt, ergo ég ekki sofið neitt og Svanhildur ekki heldur. Því hef ég ákveðið að dagurinn muni líða hratt í dag þannig að ég komist snemma að sofa í kvöld. Þyrfti að mæta í vinnu um helgina en þekkjandi sjálfan mig mun ég sennilega ekki gera það, helgarfríið er einfaldlega of mikils virði til að vera að eyða því í vinnu!

Seinni hluti vikunnar staðreynd það er bara þannig. Helgin framundan ekkert plönuð en verður efalaust hin besta, það vona í i hvert fald. Búinn að vera og sitja og forrita í gríð og erg undanfarna tvo daga, það er ágætt, alltaf gaman að búa til forrit ef það virkar það er að segja. Ekkert ömuglegra en að búa til forrit sem ekki virkar, vera búinn að eyða tíma í eitthvað sem ekki gengur, en það er svo sem þannig með allt sem að maður gerir. Dæmi: Það er til dæmis ekki gaman að moka skurð og þegar maður heldur að maður sé búinn er skurðurinn orðinn fullur aftur! Ég svo sem veit ekki hvernig þessi aðstæða gæti komið upp en efalaust er allt hægt! Þetta er bara eitt dæmi um leiðindi í vinnu, ja aðstæðurnar eru óteljandi og leita ég hér eftir hugmyndum!

Þá er vikan að hálfna í dag og gott betur upp úr hádegi. Ekki alveg eins ógeðslega kalt og hefur verið undanfarið, núna ekki nema -2°C en fór í -12°C um daginn og það er einfaldlega of kalt í röku Reykjavíkurlofti. Allt í lagi upp á hálendi að vera í svona köldu lofti en ekki niður við sjóinn. Þetta er í raun eins og í Danmörku, um leið að nokkrar gráður af frost voru í loftinu var gersamlega ólíft útivið. Það er í raun enn kaldara í -6°C í Danmörku en hérna heima, rakinn er enn meiri og svo er líka alltaf gola með frostinu þar. Mun kaldara þarna úti en hérna heima á blessaða klakanum. Annars er maður að drukna í vinnu um þessar mundir, það verður að segjast þannig að það er ágætt að mæta um sjö þannig að maður nái tveimur yfirvinnu tímum um fimmleytið og geti komið sér svo heima og átt smá frí seinnipartinn. Þetta hentar í raun bara mjög vel, held að ég sé að ná að venja mig á þetta og ætla að reyna að halda þessu við.

Sat í gærkvöldi og kíkti á SuperBawl mér til mikillar ánægju. Komst að því fyrir mörgum árum síðan að Amerískur fótbolti er fín afþreying en SuperBawl er ekki hægt að horfa á nema af teypi. Það eru einfaldlega endalausar auglýsingar og hlé í þessum leik þannig að maður verður af vera með FF takka á fjarstýringunni til þess eins að komast þokkalega óskaddaður frá þessu öllu saman. En leikurinn var hin mesta skemmtun og réðust úrslitinn ekki fyrr en 4 sek voru eftir af leik. En nóg um það. Svanhildur eldaði einn af mínum uppáhalds réttum í gær, smálúðu í indversku karrý, ekkert smá góða. Þetta er réttur sem hún bjó til upp úr sér fyrr í vetur og núna var verið að prófa hvort hann tækist aftur og tókst það með glans. Annars er allt á fullu í vinnunni, ég farinn að mæta klukkan sjö aftur þannig að maður er kominn með tov yfirvinnutíma um fimmleitið, nokkuð sáttur við það og ætla að reyna að halda því áfram, ekki jafn fjandi dimmt og undanfarnar vikur þannig að það er möguleiki á því að hafa sig framúr núna!!!!

Þá helgin er liðin í aldanna skaut og aldrei hún kemur til baka!!! Fín helgi liðin. Byrjaði á föstudag með þorrablóti VGK og var það hin besta skemmtun. Maturin fínn eins og lög gera ráð fyrir og söngur fram á nótt. Þar fóru fremstir í flokki Ágúst Torfi og Gulli Ó á gítörunum. Söngurinn lenti samt svoltið mikið á okkur Torfa þar sem teksta kunnátta var ekki eins almenn og búist var við. Það vill hinsvegar svo vel til að það hentar okkur ágætlega þar sem við erum lang flottastir. Svo var það bara laugardagur í rólegheitunum, skruppum í kringluna aðeins og vorum svo bara heima seinnipartinn. Ástþór Örn þvílíkt að sjarma stelpurnar á Kaffitár í Kringlunni þá sérstaklega eina þeirra, borsti alltaf þvílíkt til hennar, hann á eftir að verða skæður :-) Svo kíktu Diddi og Sigyn til okkar á sunndaginn, það var mjög fínt, alltaf gaman að fá fólk í heimsókn. Svo kíktum við til Guðrúnar Láru og Einars á sunnudag, í leifar eftir barnaafmæli hjá honum Huga. Það var mjög gaman, Ástþór Örn fann þar bíl sem maður getur setið á og labbaði á eftir honum og dró hann á eftir sér um allt hús. Gekka þarna í langa stund, frekar montinn, fékk svo bílin lánaðan heim til að geta æft sig meira í labbinu. Hann er farinn að taka fleiri skref óstuddur, þannig að hann er nánast farinn að ganga. Þetta innskot var í boði stolts pabba :-)

Þá er hinn langþráði föstudagur runnin upp, það þýðir í raun að ég má sofa á morgunn!!!! Ástþór Örn vaknaði snemma í morgun (nótt) og fékk að koma upp í hjá okkur, en var samt ekkert á því að sofna, eða í það minnsta að vakna alltaf með svona 10mín millibili og helst setjast upp og detta svo á andlitið á mér og þess slags. Svo er það alltaf voða gaman þegar maður vakar upp við að hann er að sparka í framaníið á manni. En það er samt voða notalegt að hafa svona kút hjá sér á morgnana, ekki alveg eins leiðinlegt að vakna. Annars þá er ég að reikna hardcore burðarþolsfræði í vinnunni, var bara alls ekki búinn að gleyma hvað slík fræði eru leiðinleg og héðan í frá mun ég aldrei gleyma því. Svo er það bara þorrablótið í kvöld og helgin framundan. Megið þið eiga góða helgi öll sömun.

Heirðu loksins sér maður fyrir endan á vikunni og er það vel. Ég er langt komin með hönnunina mína á gufuskiljunum enda ekki seinna vænna, þarf að fara að láta teikna þær og græja. Annars þá er ég bara farinn að sjá helgarfríið í hyllingum, byrjar á þorrablóti á föstudag hérna í vinnunni og svo verða það bara rólegheitin með fjölskildunni þar á eftir. Tengdaforeldrarnir verða úti í Vestmanneyjum um helgina þannig að við verðum að passa hundana um helgina. Spurning um að rölta með kvikindin út og fá sér smá göngu, manni veitir ekki af hreifingunni satt best að segja.

Nú er það officialt, vikan er í handbremsu. Ég lenti í timburmönnum á sunnudaginn síðasta þannig að ég fór inn í þessa vinnuviku frekar þreyttur og það er greinilega ekki að gera sig. Ég er búinn að vera að sofna alla vikuna og enn eru þrír dagar í það að maður geti sofið smá. Jamm þetta er stundum svona og þorrablót í vinnunni á föstudaginn. Ég hreinlega nenni ekki að taka aðra helgi í timburmenn þannig að maður verður að fara varlega í ölið. Á sínum yngri hefði maður nú ekki verið í vandræðum með þetta en ég er jú að verða þrítugur þannig að það breytir greinilega einhverju!!!! Svo keypti Arsenal sinn dýrasta leikmann í gær. Mjög fínt að fá góðan leiknmann svo sem en ekki fyrir þessa peninga upphæð, frekar að veðja á ungu strákana sem eru að koma upp og kosta ekkert en að taka þátt í svona ManU leik. Wenger hefur ekki látið draga sig inn í svona fíflagang fyrr þannig að þetta eru smá vonbrigðið, í það minnsta þar til kauði fer að skora grimmt!!!!

Vá hvað þessi vika ætlar að líða hægt. Mér finnst vera kominn fimmtudagur en það er bara þriðjudagur, hvílík vonbrigði það er. Var allt of lengi í vinnunni í gær og fór svo í bíó strax eftir vinnu þannig að ég náði ekki einu sinni að hitta Ástþór Örn í gær, það er íkt fúllt að hitta ekki á pilt enda get ég ekki beðið eftir því að komast heim núna. Fór í lúxus salin í Smárabíó með Didda og Sigyn í gær að sjá Return of the King. Þessi salur er náttúrulega snilld það verður ekki af honum tekið. Myndin er vel á fjórða tíma í sýningu þannig að það var ágætt að sitja í lazyboy með skemil undir fótum og láta fara vel um sig á meðan að á sýningu stóð. Það þarf náttúrulega ekki að taka það fram að myndin er alveg stórgóð eins og við var að búast enda fékk hún Golden Glob verðlaunin að mér skilst. Enn ein sönnun þess að andstæðingar LOTR myndanna hafa alrangt fyrir sér, en það var nú svo sem vitað öllum sem að vita vildu að sú væri staðan.

Þá er byrjuð ný vinnuvika!!! Koddinn vann nú fyrrihálfleik í morgun, var mjög erfið fæðing að koma sér á fætur. Það hafðist samt fyrir rest og hér ég er. Helgin rann sitt skeið stórslysalaust, kíktum á Laugarvegin á laugardaginn í smá göngutúr með Ástþór Örn. Þvílíkur vindur og kuldi var þar í gangi enda ekki margir þar á ferð. Svo kíktu Vigdís og Marteinn og fjölskylda í kinda löpp og bak á sunnudag. Það var mjög gaman og maturinn klikkaði ekki. Annars var helginni eitt í rólegheitum heima við hjá okkur fjölskyldunni, hefði bara eins og venjulega mátt vera lengri.

Þvílíkt vatnsveður í morgun, göturnar á floti og vinnukonurnar hafa varla undan sökum ofankomu. Ekki seinna vænna en að bræða afgangs ísinn sem er meðfram götum þar sem að hann spáir snjó um helgina hef ég heirt. Eða eins og maðurinn sagði: það var sagt mér!!! En þá er það spurninginn: hver er þessi maður sem er á stöðugu blaðri?? Eins og maðurinn sagði! Þessi maður er alltaf röflandi einhvern illa ígrundaðan fjára, tilhæfulausan með öllu í flestum tilvikum. Svo hver er þessi maður mér er spurn. Svo er það náttúrulega Geir H Horny mann tussan! Djö...! er ég reiður við þetta fífl. Ég er með bíl á rekstrarleigu sem að fyrirtækið rekur og lendi því í hækkunum þeim er fávitinn hefur boðað nú. Alveg magnað, hann ætlaði að gera þetta 2002 en þá voru kosningar í námd og hann hætti við allt saman en núna er langt í næstu kosningar þannig að best að ná inn nokkrum krónum í kassann. Þessi blessaði blái flokkur lofaði skattalækkunum en hvað hafa þeir gert? Hækka bensín skatta, hækkað skatta á rekstrarleigu bíla og í millitíðinni eru þeir búnir að vera að níðast á öryrkjum og núna sjúkum. Þetta eru þokkaleg óféti. Nokkuð klárt að ég mun ekki kjósa þennan flokk en þar sem ekkert nema fífl eru í öðrum flokkum er staðan slæm en verður samt ekki verri en þessir fjandans lygarar eru að bjóða uppá. Hvernig getur líka einn maður komið með skattahækkun, hví þarf ekki þingið að fjalla um þetta. Er ólöglegt að búa til bréfasprengju og troða henni upp í rassgatið á helvítinu honum Geir? Spurning um að láta á það reyna!!!!!

Næst síðasti dagur vikunnar, magnað. Var alltof lengi í vinnunni í gær og fór svo of seint að sofa þannig að morguninn var erfiður verður að segjast. Test keyrði þráðlausu heirnartólin mín í gær, þetta er nú bara nokkuð magnað verður að segjast. Fer hér milli hæða og alles með tónlist í eyrunum. Nú er ég sem sé orðinn einn almesti nördinn á stofunni, röltandi með stærðar headphones um allt og stoltur af!!! Annars er allt á fullu í vinnunni em er svo sem vel, ég er bara farinn að hlakka til páskafrísins hvenær er það haldið þið??? Ástþór Örn er alltaf að fá fleiri tennur og núna eru 6 stykki á leiðinni. Ágætt að hann hefur gaman af því að leika sér með tannburstann sinn, ómögulegt að fá að tannbursta hann, hann vill bara sjálfur. Veit ekki hvaðan hann hefur þessa þrjósku þar sem við foreldrar hans erum mjög lítið þrjósk!!!

Þá er vikan mið. Ekki riffilmið, ekki fiskimið, ekki viðmið heldur miðvikudagur!!! Þetta var nú ljómandi gaman hjá mér, ekki! Allt á fullu hjá mér í vinnunni, er að verða æði margt sem að ég þarf að gera á skömmum tíma og gallinn er að ég nenni ekki að vera hérna fram á kvöld eða um helgar, það er bara ekki að gera sig. Fór í Sony Center í gær og keypti mér þráðlaus heirnartól. Almagnað að ég tel, eru að hlaðast enn, en eiga að draga 100m í sjónlínu og eru skrambi þægileg. Núna er því senn liðnir dagarnir þar sem að ég þvæli snúrunni á heirnartólunum mínum í skrifstofustólinn og slít þú næstum úr tölvunni. Almagnað, já!

Jæja núna er að byrja fullt af nýjum seríum í kassanum. Ný syrpa af 24 og er það vel, fylgdist vel með þeim tveimur fyrri, spurning samt hvenær maður fær nóg af þessu consepti, kemur í ljós. Svo er að byrja 10 sería af vinum. Þar sem danir eru oftast langt á eftir okkur með frumsýningu sjónvarpsþátta eru þeir að sýna nýundu seríu núna þannig að við misstum af henni úti þar sem áttunda sería var í gangi þegar við vorum úti í fyrra. Af þessum sökum höfum við hjónin verið að taka Friends þættina á spólum undanfarin kvöld, eina spólu á kveldi í þrjú kvöld núna. Húmorinn er að það eru fjórir þættir á spólu, en á DVD eru átta þættir og leiguverð er hið sama að ég hygg fyrir DVD og VHS. Þá er það húmorinn, það á engin leiga Friends á DVD sem samt er þó komin á sölu DVD diska!!!! Þetta eru náttúrulega aumingja allt saman það er svo einfallt með það. Skruppum í afmæli til ömmu Svanhildar í gær, það var fínt, alltaf gaman að fá kökur og kaffi. Það er í raun alltof lítið um veislur almennt í heiminum, eða í það minnsta, mér er alltof lítið boðið í veislur í heiminum!!!!

Já þá er helgin búin því miður. Áttum fínan giftingarafmælisdag við hjúin, elduðum voða gott og dreyptum á rauðvíni. Það er nánast orðið fréttnæmt ef að maður fær sér rauðvín hér á landi, eitthvað sem maður gerði fimm daga af sjö í danmörku. En það er jú eilítið annað verðlag á víni þar en hér þar sem það eru bölvaðir hommonistar sem ráða ríkjum hér. Helgin var svo bara framin í rólegheitunum, Idol á föstudagskvöld eins og lög gera ráð fyrir og svo spillit ekki fyrir að ManU tapaði fyrir Úlfunum á laugardag, það var bara alveg bráðgaman að fylgjast með því verður að segjast. Svo er það bara að reyna að vera öflugur í vinnunni í vikunni, slatti sem bíður ennþá og verður að vera klárt fyrir miðjan febrúar sem nálgast óðfluga!!!!!

Hver orti og söng eftirfarandi línur:

"Tell me Im the only one.
Tell me theres no other one.
Jesus was an only son
Tell me Im the chosen one.
Jesus was an only son for you.
Despite all my rage I am still just a rat in a cage
And I still believe that I cannot be saved."

Því miður hefur þessi grúppa lagt upp laupana, lauparnir atarna.
En þá er það síðasti dagur vinnuvikunnar er ekki lífið ótrúlegt dúndur og æði??? Ekkert stórt planað um helgina ætla reyndar að elda voða góðan indverskan rétt í kvöld í tilefni þess að ár er liðið frá því að við Svanka giftum okkur í ráðhúsinu í Birkerød í Danmörku. Sem sagt fyrra brúðkaupsafmæli okkar á árinu er í dag. Vorum með þennan rétt úti fyrir ári og var það mjög fínt svo að nú skal leika leikinn þann aftur. Svo er Svanhildur búin að laga svo fínt til á hæðinni okkar að maður þarf ekki einu sinni að taka til um helgina, hvílík sæla það er!

Þessi vika hefur bara alveg flogið áfram allt eins og það á að vera, styttist óðfluga í að tugirnir verðið þrír. Þá má til gamans geta að Björn nokkur Böðvarsson er tæpan mánuð frá því að verða þrítugur hehe, um að gera að minna hann reglulega á það strákinn. En það á vonandi fyrir flestum að liggja að verða þrítugir þannig að það ætti að vera hið besta mál, eða hvað!!!! Ég mun sennilega ekki ná því að verða atvinnumaður í knattspyrnu sem er mjög skrítið þar sem ég hef ekki verið að æfa knattspyrnu né lagt nokkurt kapp á að verða atvinnumaður. Hins vegar hef ég fylgst með knattspyrnu að krafti en það er augljóslega ekki nóg að fylgjast með til að ná árangri í íþróttinni. Spurning um að snúa sér að skák eða einhverju þesslags. Svo er það kanski málið þar sem hópur af mér og mínum félögum verður sem fyrr segir gamalmenni á árinu að snúa sér bara hið fyrsta að bochia!!! Gætu jafnvel komið sniðug viðurnefni út úr því svo sem "Björn Bochia" kóngur svo eitthvað sé nefnt!!! Held samt ekki persónulega verð ég að segja. Nei.

þá er það dagur miðrar viku sem í daglegu tali er oft nefndur miðvikudagur. Enginn er það snjórinn sem prýðir götur bæjarins líkt og í norðri um þessar mundir, aðeins ís og sót. Miður þykir mér þau skipti. Fá rokið og kuldan en ekki snjóinn. Hins vegar má til sanns vegar færa að of mikill snjór getur líka af hinu illa verið í stað sem Reykjavík þar sem enginn virðist kunna að aka í snjó og glundurroði og almennur atgangur verður oft á götum úti við hið fyrsta fjúk. Spurningin er því sú hvort að Reykvíkingar geti lært að aka í snjó að gefinni þeirri tilgátu að snjóadögum muni fjölga eða að það sé í raun borinn von. En þó segir máltækið að æfinginn skapi meistarann. Má þá búast við að haldið verði meistarmót í snjóakstri í nánustu frammtíð eða mun sú keppni einskorðast við götur höfuðborgarinnar. Munu menn leggja af gangstéttir og taka í staðinn upp gönguskíða stéttir??? Verða gangandi vegfarendur bannaðir til þess að hægt verði að losna við snjó af götum upp á gangstéttirnar. Þetta eru aðeins nokkrar spurningar sem að ég veit að eru að brenna á okkur öllum. Spáum í tilveruna og vörumst innfluttan ost.

Koddinn hafði betur í slagi morgunsins. Ég lá í klukkustund og safnaði siðferðisþreki til þess eins að drullast á lappir. Þessi kuldi og vindur úti eru ekki alveg að gera sig, vorum líka á smá djammi í gær það hjálpar heldur ekki til við það að koma manni fram úr rúminu. En það hafðist að lokum því miður. Stefnir allt í það að næsti mánuðurinn verði frekar annasamur hjá mér í vinnunni, frekar mikið sem á eftir að gera fyrir þann tíma. Maður hefur bara ekki verið að nenna að vinna eftir jólafríið, hvernig verður maður eftir sumarfríið???? Tengdaforeldrar mínir komu heim í gær frá París. Þau áttu 26ára brúðkaupsafmæli þarna úti og Kata varð líka fimtug þannig að Svanhildur og Vigdís föðursystir hennar voru með smá boð í gær þegar þau komu heim, kampavín og hvítvín og snittur og alles. Svo fór allt liðið á Einar Ben, nema ég var eftir að passa littla gaurinn, það er svo sem fínt núna að vera ekki þunnur þá væri maður sennilega sofandi enn!!!!

Jæja þá er það mánudagur á ný. Var frekar sofandi þegar klukkan hringdi í morgunn og lét eftir mér að liggja í móki í hálftíma, það var magnað. Veit samt ekki alveg hvaða ósið ég er að koma mér upp á, það er bara eitthvað svo kallt og dimmt úti að rúmið virkar sem hinn öflugasti segull. Ummmmm rúm. En það er enginn miskun hjá Magnúsi og ný vinnuvika farin að rúlla. Átti hina bestu helgi, skruppum í bæinn í gær stórfjölskildan, kíktum á kaffihús (Te og kaffi að þessu sinni). Hef ekki komið þangað síðan ég flutti út, fínt kaffihús, gulrótarkakan sveik ekki. Ástþór Örn var líka alsæll með rúnstykkið sitt með skinkunni. Sunnudagurinn fór svo í tiltekt og sjónvarpsgláp, alveg hið besta mál inn á milli að taka smá til hjá sér. Þarf svo að fara með videotækið okkar í viðgerð í dag, búið að vera bilað lengi. Þar er svona sex ára gamallt eða svo og er búið að vera bilað í langan tíma, Panasonic drasl, kostar efalaust gommu að gera við það þannig að það er sennilegra ódýrara að fá sér nýtt. Hvernig er það með þessi aukaútlát eru þau endalaus??? Það dettur eitthvað inn í hverjum mánuði sem maður reikar ekki með og kostar lágmark 20 þús og yfirleitt mun meira. Það sukkar bigtime!!

Föstudagur júhúúú. Enn á ný bardagi við koddan, ekki nema 20 mín í dag. Gengur rólega að snúa sólarhringnum við aftur eftir jóla og áramótafríin. Svo er það bara helgarfríið á eftir djö...! hlakka ég til að sofa lengur á morgunn, það verður magnaður andskoti verð ég að segja. Verkfræðinemar koma svo í vísindaferð á stofuna í dag, var verið að biðja sem flesta að vera við vinnu um fimmleytið þegar þeir koma. Það liggur náttúrulega ljóst fyrri að ég nenni ekki að vera til 17 í vinnunni í dag þannig að það er spurning um að hætta um 2-3 leitið og kíkja aðeins aftur um fimm. Alltaf gaman að sjá fólk í þessum ferðum, svona var maður og kannski örlítið verri :-)

Vá hvað það var erfitt að vakna í morgunn. Vakanði að vanda fyrir sjö en lá svo bara í móki fram undir átta. Þetta er í fyrsta sinn í einhverja mánuði sem ég mæti í vinnuna eftir klukkan átta!!!! Þetta má ekki koma fyrir aftur!!! Annars var alveg magnað að liggja svona í móki, maður ætti að gera þetta miklu oftar, láta svolið eftir sér að lúra!! En helgin byrjar á morgun, magnaður fjári það. Elduðum íkt góðan fisk í gær, smálúðu í indversku karrý og kókosmjólk, var alveg magnaður fjári, get varla beðið eftir að það komi hádegi þannig að ég geti klárað leyfarnar af þessu. Ég er persónulega kominn með krónískt ógeð á Sóma samlokum og mun sennilega ekki leggja mér þær í munn aftur, búinn með þann fjára fyrir líftstíð það er bara þannig. Pylsurnar koma reyndar alltaf sterkar inn, held að það sé ekki hægt að fá leið á þeim, veit ekki hver fjandinn það er með pylsur, það má alltaf éta þær þegar maður er svangur. Sama með góðan borgara, fínt í hádeginu að skreppa á gamla vestið (Old West) hérna við hliðina á vinnunni minni og slíta í sig bogga með osti og frönskum og kokteil unnan úr majó frá vini okkar allra Gunnari Majonesi.

Vikan hálfnuð, verð að segja að það var tölverður bardagi við koddann í morgun. Var eitthvað svo kuldalegt úti og þvílíkt heitt undir sænginni minni, var bara ekki að nenna á fætur enda mætti ég ekki fyrr en hálf átta í morgun. Maður er eiginlega farinn að sjá helgarfríið í hyllingum, fá að sofa aðeins. Hef komist að því að maður ætti í raun alltaf að vera í fríi, launuð það er. Spurning um að fara að vinna einhverjar ruglaðar summur í happdrætti og leggjast í frí í nokkur ár. En í öllu falli þá er ég ekki að nenna að vinna þessa vikuna, það er bara þannig!!!

Ekki nema fjórir dagar eftir af þessari vinnuviku. Steingleymdi í gær að dissa nýársmynd ríkissjónvarpsins. Sá einhver Openberun Hannesar??? Hvað er í haus! Þetta var mest óspennandi og leiðinlegasta mynd sem sýnd hefur verið á öldunum í langan tíma. Illa leikin, leiðinleg saga og bara furðulegt verk. Svo er þetta helvíti í bíó núna að mér skilst. Hvað er með það? Sýna mynd í sjónvarpi og fara svo með hana í bíó. Er þetta ekki eitthvað rugluð aðgerða röð. Ég hef svo sem aldrei haldið því fram að Hrafn Gunnlaugsson sé neitt eðlilegur. En sagan er eftir Davíð Oddson svo ég ætla að vona hans vegna að Hrafn hafi afbakað hana vandlega, hún hafi ekki verið svona léleg í upphafi. En nóg um það og aftur til starfa. Björn nei ég keypti ekki Prowlerinn, tengdapabbi á Skidoo Grand touring 583, ekki mikið leiktæki til háloftaiðkana, en traustur og góður sleði til almenns aksturs.

Þá árið er liðið í aldanna skaut og aldrei það kemur til baka orti skáldið um árið. Búið að vera æði viðburðarríkt ár að minni hálfu. Útskrifaðist með masterinn minn, gifti mig tvisvar, eignaðist barn, flutti á milli landa, byrjaði nýja vinnu, sem sagt nóg að gera á liðnu ári og útséð með að ég kem ekki til með að toppa það í bráð. Núna er svo bara að bíða eftir páskafríinu og þá er orðið æði stutt í sumarfríið!!!!!! En hvaða spaug var þetta áramótaskaup??? Spurning um að hafa almenna aftöku á Ágústi niður á Lækjatorgi fyrir þetta skaup. Þetta var ógeðslegt helvíti þetta skaup, held að ég hafi brosað þrisvar, aldrei hlegið en brosað þrisvar. Það er ekki mjög á mælikvarða skaupanna. Sem dæmi má nefna þegar að Bubbi var spurður í Idol hvernig skaupið hafi verið og hann var eitthvað að dissa það þá klappaði allur salurinn, ergo engum líkaði þetta skaup. Þó gæti það verið að fólkinu sem líkaði ekki við Lord Of The Rings hafi gaman að þessu maður veit ekki alveg hvernig smekkur þess er að virka. En annars er þetta búið að vera hið albesta frí og synd að því sé nú lokið það verður að segjast. Var þetta fína sleðafæri á Snæfellsnesinu um áramótin og var það tækifæri nýtt til fullnustu og sleðanum þeitt um allar jarðir alveg eins og það á að vera!

Þá er það síðari vinnudagurinn í þessu milli fría ástandi. Ég var svo ótrúlega sniðugur í gær að mæta klukkan sjö og vinna til sex í gær þannig að þar sem ég mætti klukkan sjö í morgun þá þarf ég bara að vinna til tólf í dag. Stefnan er svo tekin á það að bruna vestur á land eftir vinnu hjá mér, það verður þó að fara eftri vindi og veðrum hvort lagt verður í hann. Maður er ekki alveg til í að fara í vetraferðalag á lítilli Toyotu með barn í bíl. Magnað hvað það snjóaði í gær, þegar ég mætti í vinnuna var ekki korn á jörðu og ég lagði bílnum uppi við vegg, við hliðina á gám og um hádegi var hann fenntur inni, var í smá tíma að losa hann og koma honum á meira bersvæði. Svona á þetta að vera, smá snjór og björgunarsveitir úti um allan bæ að hjálpa fólki sem ætti að vera í strætu á svona dögum. Fín auglýsing fyrir björgunarsveitirnar svona rétt fyrir flugeldasöluna, gat ekki komið á betri tíma.

Jæja þá er jólafríið sem slíkt búið. Ekki það að það er bara tveggja daga vinna og þá er komið næsta fimm daga frí, þar sem ég ætla að taka mér frí á föstudaginn 2. jan til að lengja þá frítörn aðeins. Verð nú að segja eins og er að ég er enganveginn að nenna að vera í vinnunni í dag, en það var kanski viðbúið eftir svona frí. Var samt mættur laust upp úr sjö í morgun, tölvert afrek þar sem ég svaf til 10:30 í gær og var því um tölverða sveiflu á svöfntíma að ræða. Annars hafa jólin verið hin bestu, mikil rólegheit á mínun bæ og mikið af góðum mat borðað. Skruppum í jólaboð til Didda bróður í fyrradag, Þórdís systir mætti líka þar með sitt lið, það var hin besta kvöldskemmtun og á Hann Diddi þakkir skidar fyrir það. En núna er best að fara að halda áfram að vinna. Til ykkar sem liggja sofandi heima núna: Grrrrrrrrrrrrrrrrr!!

Þá er aðfangadagur kominn og farinn. Áttum hina albestu stund hérna fjölskyldan, góður matur borðaður eins og lög gera ráð fyrir og pakkar opnaði. Þar var mikið af góðum gripum sem upp úr pökkunum komu. Ástþór Örn var alger rúsína í gær, svo stilltur og prúður að það var ekki mikið mál að hafa hann í öllu pakka standinu. Hann fékk talandi rugguhest, var svoltið hræddur við hann í fyrstu en er núna alveg búinn að taka hann í sátt. Maður er svo bara að borða leifarnar í dag, lesa Bettý hans Arnaldar og láta fara vel um sig. Vona að allir hafi það sem best!

Þá er síðasti vinnudagurinn fyrir jól á veg kominn. Græt það ekki í raun, verður að segjast. Vonandi að næstu fimm dagar verði notalegir, sé svo sem ekki af hverju það ætti ekki að gerast þar sem það eru jú jólin. Á enn eftir að skreppa í búð og kippa upp smá pakka, það ætti ekki að taka langa stund, annars er allt þetta gjafa stand klárt meira og minna á mínu heimili. Maður mætir svo galvaskur í tiltekt að vinnu lokinni í dag, ekki þíðir að fara í jólakött hreingerningarinnar. Hef reyndar ekki fengið mér neina flík fyrir jólinn þannig að ég fer í þennan hefðbundna jólakött og þá má jafnvel spyrja, getur hreingerningarkötturinn bætt einvherju við sem jólakötturinn ekki gerir. Því er það spurning um að taka ekki til þar sem engin er ný flíkin. Nei annars maður verður nú að hafa hreint og fínt um jólin það er eiginlega alger skilda. Ef ég nenni ekki að skrifa á morgun þá segi ég gleðileg jól öll sömun!

Þá er byrjun einhver stysta vinnuvika ársins. Mættu í raun allar vinnuvikur vera tveir dagar, það væri í raun alveg gráupplagt. Átti hina ágætustu helgi, vorum þrjú heima, ég Svanka og Ástþór Örn og í raun fjögur með henni Pílu sem við vorum að passa. (Labrador tík tengdaforeldra minna). Skrapp svo í bíó í gær, fór að sjá Matrix Revolution. Jamm. Ég verð að segja að fyrsta myndin í seríunni var alger snilld, ALGER. Svo kom mynd númer tvö, var löng og ekkert meira en lala og eiginlega hálfgert flopp. Svo fór ég í tíubíó í gær og myndin er 129mín. Það er í raun skemmst frá því að segja að ég leitaði að fjarstýringunni stóra hluta af myndinni til að reyna að hraðspóla yfir atriði. Fann helv. fjarstýringuna ekki því er nú ver og miður. Myndin í heild er frekar döpur og hefði geta verið mun styttri. Það verður þó að telja henni það til tekna að mörg atriði í henni voru þrælskemmtileg og maður hélt alltaf að myndin væri að ná sér á flug þá en þeim tókst alltaf að drepa hana niður inn á milli með einhverjum leiðindum. Dómur: Verður að sjást í bíó algert möst, ef það er ekki gert mun maður éta einn hatt og þrjár derhúfur meðan að á áhorfi stendur. Stjörnur: tvær af fimm og ekki orð um það meir.
Annað: Þegar ég var á heimleið í gærkvöldi klukkan 12:30 var bara hörkuvetur, snjór, skafrenningur og gaman gaman, kyngdi alveg niður snjónum. Ég var því farinn að hlakka til að keyra í vinnuna í morgunn, loksins séns á smá aksjón en þá var allur snjórinn orðin blautur og búið að skafa götur. Hvað er með það, ég veit að Reykvíkingar eru frægir fyrir það að kunna ekki að aka í snjó en það er nú alveg óþarfi að skeina göturnar fyrir þá, þetta er sennilega ástæða þess að allir sem að vetlingum geta valdið fá sér jeppa og bruna upp á jökla. Ég svoleiðis í framtíðinni!

Þá er vinnuvikann að enda og er það vel, það er alltaf vel. Svo er það frekar stutt vinnuvika næsta vikan, ekki nema tveir dagar, maður ætti alveg að kljúfa það :-) Það ættu svo að vera stóru Brands jól alltaf og í raun ætti að fella út þessa tvo daga sem maður þarf að vinna milli jóla og nýárs, tekur því varla að vera að vinna þetta. Ég er persónulega mjög hlyntur menntaskólakerfinu þegar menn fengu hálfan til næstum heilan mánuð í jólafrí. Í mínu menntaskóla var maður búinn í prófum á bilinu 15-20 des og byrjaði ekki aftur fyrr en 11-12 janúar, þannig á þetta að vera og enganveginn öðruvísi, það er nú bara þannig. Við hjúin erum svo að verða búin að kaupa flestar jólagjafirnar, ég á bara eftir að finna eitthvað fínt handa Svanhildi, spurning um að rölta í bæinn á laugardaginn og finna eitthvað handa stelpunni. En þá er það spurning dagsins: Hvað finnst ykkur um það að Michael Jackson hafi gerst múslimi eftri þessar kynferðisásakanir, hvað er með það. "Michael varstu eitthvað að taka í krakkana"? "Nei ef þú þegir ekki þá gerist ég bara múslimur". Hann er ekki alveg að gera sig blessaður karlinn. Mér þykir fyrir því Björn en hetjan þín er annað hvort með haustin ofhertan eða vanhertan á herðunum.

Alveg magnaður fjári hvað þessar vikur líða hratt, eða eins og Stebbi Hill orðaði það í laginu um árið "tíminn fljúga fljótt". Þess má til gamans geta þess þar sem Stebbi hefur unnið textagerðaverðlaun oftar en flesti íslenskir popparar ef mér skjátlast ekki, að það að nota orðsamsetningu eins og fljúga fljótt í enda línu (f-f) er stílbrjótur á íslenskum kveðskaparreglum. Þar sem Stebbi heldur að hann sé skáld og hefur reynt að fylgja reglum skáldasamfélagssin þá er þetta ljóður á hann bragarháttum og er þetta því miður ekki einangrað tilvik sem ég vitna í hér. Hinsvegar þá seldi ég Stebba síma sem hann notar í svefnherberginu sínu þegar ég var að vinna í Elko. Síminn þurfti að vera með takka sem hægt er að smella til hliðar til að slökkva á honum svo Stebbi gæti slökt á honum og hent honum í rúmið án þess að þurfa að vera með áhyggjur af því að síminn væri ekki á. Ég myndi segja að svona gripur væri nauðsynlegur í svefnherbergi allra íslenskra stórstjarna.

Nýr dagur, sömu áhyggjur og í gær. Enn sægur að gera í vinnunni en það er svo sem ágætt, maður er ekki að hanga á meðan. Styttist enn í jólin, verður ekkert smá ljúft að komast í jólafrí, hlaða batteríin og borða góðan mat, hvað vill maður hafa það betra. Svanhildur að skrifa jólakortin, ég er víst ekki með nógu góða rithönd til að framkvæma slíkt :-) Annars er allt heimilið búið að liggja í ælupest, nema ég reyndar þannig að ég bíð eftir að röðin komi að mér, verð ábyggilega ekki svo heppinn að sleppa við þennan fjára. Eða hvað????

Jæja enn einn vinnudagur. Hann byrjaði ekki eins snemma þessi vinnudagur eins og þeir flestir hjá mér. Vaknaði reyndar fyrir sjö, klæddi mig og fékk mér morgunmat en þá var kallað á mig. Svanhildur búin að vera að æla lifrum og lungum í alla nótt og ar ekki í neinu standi til að eiga við Ástþór í morgun. Ég hætti því við að fara snemma í vinnuna og fór upp og við lögðum okkur um stund eða þar til Kata vaknaði og tók til við að passa pjakkinn. Var frekar erfið nótt, Ástþór með í maganum líka og var á fartinni alla nóttina. Snéri sér hring eftir hring og sparkaði vel og reglulega í smettið á manni. Ég sem sé svaf ekki neitt og er frekar þreyttur eins og er. Synd og skömm að maður getur ekki keypt sér anfetamín í apótekum eins og var til að hressa sig aðeins við. Verð bara að láta kaffið duga. :-)

Þá er helgin liðinn því er nú ver og miður. En góðu fréttirnar eru þær að það styttist í jólafríið. Það verður svo eiturmagnað að ná að lúra fleiri en tvo daga í röð, þvílík sæla það verður. All brjálað að gera í vinnunni hjá mér, þar að ná að klára það sem ég er að gera fyrir föstudag, vona að það náist. Átti annars fína helgi, Svanka var að vinna eitthvað með pabba sínum um helgina þannig að við Ástþór vorum bara eitthvað að dunda okkur. Það var mjög gaman. Skruppum í nokkrar heimsóknir um helgina, til Vigdísar og Marteins og svo til Didda bróður og hennar Sigynar. Alltaf gaman að fara aðeins út úr húsi og hitta fólk. Maður mætti vera miklu duglegri við þetta.

Síðasti dagur vinnuvikunnar liðinn upp. Hjálpar mér efalaust lítið þar sem ég kem efalaust til með að kíkja í vinnuna um helgina. En það verður þá allt saman yfirvinna þannig að það er ekki svo slæmt. Lítið að frétta af þessum bænum, ekkert slæmt á meðan. Var mættur rétt upp úr sjö í morgunn, magnað að mæta svona snemma, engin á svæðinu, enginn sími bara ég að dúlla mér eitthvað, allt eins og það á að vera. Svo er París Hilton orðin fræg utan BNA eftir að klámmyndband með henni lak út á netið. Svo ef það eru einhverjar stúlkur sem hyggja á heimsfrægð þá geta þær komið svona myndböndum til mín og ég skal dreifa þeim á netið!!!! Smá spé!!!

Næst síðasti dagur vikunnar. Magnaðir leikir í meistaradeildinni í gær, mínir menn unnun sinn riðil, allt eins og það á að vera. Búinn að vera mikið í vinnunni undanfarið og veitir ekki af því, er að byrja að forhanna gufuháfa fyrir Hellisheiðarvirkjun. Miklar pælingar í stærð og styrk og hávaða þar sem háfarnir verða nærri stöðvarhúsinu kemur til með að heirast kvæs og ef þeir eru rangt hannaðir mun rigna úr þeim yfir stöðina. Það er víst talið óæskilegt einhverra hluta vegna. Þarf að vera búinn að þessu fyrir 19.des. Það er ágætt, á ekki eftir að lesa nema svona sjö möppur til að geta byrjað á verkinu!!!! En maður nær í í yfir vinnu með þessu, ljósu punktarnir!!!

Vikan hálfnuð og frost í lofti, allt eins og það á að vera, vantar bara smá snjó til að gera jörðina hvíta. Skruppum á jólatónleika í Hallgrímskirkju í gær, það var hin besta skemmtun. Kórinn góður og prógrammið fínt hjá þeim krökkunum, ágætt að brjóta desember aðeins upp. Svo er það stóri leikurinn með Arsenal í kvöld maður má ekki missa af honum það liggur ljóst fyrir. Annars er frekar mikið að gera í vinnunni hjá mér um þessar mundir, eða fram til 19.des. Þá þurfum við að skila drögum af hönnunarskýrslu fyrir Hellisheiðarvirkjun, gufuaðveituhlutanum, það er þeim hluta sem ég er að vinna í. Það er því fínt að vera að mæta upp úr sjö á morgnanna og fara heim eftir fimm og ná tveimur til þremur yfirvinnutímum á dag, fjárhagurinn minn er mjög sáttur við þessar framkvæmdir mála!!

Þriðjundagur til dags runninn. Í dag er skapadagur margra liða í Meistaradeild evrópu en á morgunn er nú stóri dagurinn í þeim efnum. Er að fara á jólatónleika í kvöld upp í Hallgrímskyrkju, fórum fyrir tveimur árum og var það hin mesta skemmtun. Guðrún Lára vinkona okkar er í kórnum þar og ætlum við að hlíða á þau í kvöld. Pabbi kíkti við í gærkvöldi hjá okkur og ég sleit upp entrecote í Gallerí kjöt og eldaði þessar fínu steikur. Þeir eru nú ekkert ódýrastir í bænum í galleríinu en þeir eru samt nokkuð nærri því að vera bestir. þvílíkar snildar steikur. Hef keypt svona áður hjá þeim og þetta bara feilar ekki, það eru einfaldlega aðrir í því að feila á kjötborðum. Fór til að mynda í Nóatún, er ekki frá því að entrecotið þar hafi verið skerpukjöt og það fullhert, djöfulssins viðbjóður það var og rándýrt í þokkabót. Svo fyrir áhugmenn um matargerð þá er hægt að fá frábæra hamborgara í Galleríkjöt stóra og djúsí. Nú er ég orðinn svangur, spurning um að fara og hækka blóðsykurinn aðeins með eins súkkulaðistykki eða tveim!!!!

Þá er helgini liðinn og þetta var hin ágætasta helgi. Byrjaði á fös með julefrokost. Það var hin ágætasta skemmtun verður að segjast, maturinn fínn og skemmtiatriðin líka. Mitt atriði tókst bara alveg bærilega, í það minnsta mikið hlegið þannig að hefur varla verið alsæmt. Svo var vaknað á laugardagsmorguninn og brennt í Dal á Snæfellsnesi þar sem kvennpeningur ferðarinnar bakaði sex sortir af smákökum og karlpeningurinn fór í fjárhúsin. Var bara full lítið að vera ekki nema einn dag í Dal, maður þarf nú eiginlega að fara upp úr tvö á föstudögum og koma heim á sunnudögum og ná þannig fullum tveimur dögum ef vel á að vera. Svo er bara að telja niður dagana fyrir næstu helgi, gerist í raun ótrúlega hratt. Skálum fyrir því.

Margir búnir að biðja um að ég setti brandarana sem ég flutti á föstudagskvöldið inn á netið og ákvað ég að verða við þeirri bón. Það má nálgast víruslaust wordskjal með því að klikka á krækjuna hérna : Brandarar úr Julefrokost

Föstudagur runnin upp, magnaður fjári það verður að segjast. Ziggy mættur í vinnuna 20mín yfir sjö, kraftur í strák. Fínt að mæta svona snemma, hækka í Placebo og reikna eins og griðungur (hvernig sem þeir nú reikna annars). Alveg magnaður fjári, erum með örbylgjuloftnet til að ná skjá einum, bíórásinni og fjölvarpi en sá hængur er á gjöf Njarðar að það er ekkert rosalega gott og skilyrðin eru ekki hin bestu heldur. Þannig vill því til að þegar rignir vill allt draslið detta út, einhverra hluta vegna. Ziggy var sem C að horfa á mynd á bíórásinni í gær, (voða fín hakkaramynd) og það var eftir svona 15mín þegar sjónvarpið datt út! Frábært, nú veit maður ekki hvernig myndin endar og ekki nenni ég að leigja mér mynd fyrir 15mín. Þetta sökkar bigtæm. En svo er það julefrokostinn í kvöld þannig að ég þarf að fara að huga að skemmtiatriðum. Kann einhver góða brandara?!?!?

Fimmtudagur er runninn upp. Hvernig renna dagar, ég hélt að þeir liðu, sbr. liðið lík, liðinn dagur. Hvernig líða lík?? Þú líða ekki áfram, þeim líður sennilega ekki vel (ekki illa heldur), svo hvernig líða lík. Ég veit það ekki ekki spyrja mig. Frúin komin í jólafrí, en Ziggy þarf að vera í vinnunni áfram! Verð að segja að ég hlakka mjög mikið til jólanna, verður samt skrítið núna þar sem við erum búinn að vera tvö úti um jól undanfarinn tvö ár en núna verður múgur og margmenni og barn, verður viss breiting. Efa laust ekki slæm breiting, bara breiting. Svo er það jule frokost í vinnunni á morgun, ég á að sjá um skemmtiatriði fyrir mína hæð, spurning um að fara að byrja að spá í því þar sem þetta er jú á morgun. En verandi verkfræðingur ætti maður ekki að vera í nokkrum vandræðum með að sleppa sem billegast út úr þessu, það er jú það sem við erum þjálfaðir í :-). Svo má til gamans geta að bæði ManU og Liverpool féllu úr leik í deildarbikarnum í gær aldrei leiðinlegt þegar svoleiðis gerist.

Dagur miðrar viku er vel á veg kominn, ég búinn að vera í vinnunni síðan 7:30 í morgun, enn að reyna að flýta komutíma mínum hingað á morgnanna til að eiga meiri tíma heima, nú eða meiri yfirvinnu. Síðasti yoga tíminn í kvöld, það er hálf fúlt verður að segjast, fínir tímar en maður er þá ekki bundinn tvö kvöld í viku í einskonar leikfimi huga og handar. Má til með að tjá mig aðeins um Hringjadróttins sögu þar sem Torfi var að hallmæla þessu snilldarverki. Oft hefur Torfi rétt fyrir sér og má hann njóta sannmælis þess vegna, en hér hefur hann hinsvegar alrangt fyrir sér, ALRANGT! Get vel skilið að fólk sem hefur ekki lesið bækurnar finnist myndirnar á köflum ruglingslegar þar sem mikið vantar upp á í söguna sem fram kemur í bókinni. Bækurnar eru sem sagt gargandi snilld en myndirnar eru alls ekki svo slakar heldur, flott myndataka, fínir búningar, góð saga hvað vilja menn meira? Jafnvel mikið að spennu og bardögum, þá aðallega í mynd tvö og svo þeirri þriðju. Torfi lestu bækurnar og sendu Mund þær svo þegar þú er búinn með þær. Þessar sögur hafa á löngum verið taldar höfða til hugsandi fólks með frjótt ímyndunarafl og slíkt fólk því náð að lifa sig vel inn í söguna. Sú staðreind að það séu margir þarna úti sem ekki ná kjarna sögunnar er í sjáfum sér ekki áfellisdómur um skort á ýmindunarafli aðeins sterkt hint í þá áttina!!!

Vikan spólast áfram og er það vel. Fór í magaspeglun í gær, sérdælis ekki skemmtileg iðja það. Rekin slanga niður í kokið á manni og lengst niður í maga þar sem hún er dregin fram og til baka. Maður netta kúgast af þessu það verður að segjast. Í það minnsta er þetta ekkert sem ég mæli með það verður að segjast. Skellti mér svo í bíó með tengdaföður mínum í gær. Fórum að sjá Kill Bill, mikil skemmtun það verð ég að segja. Náttúrulega vel blóðug eins og Tarantino er von og vísa, mikið af svörtum húmor og góðum fröstum. Mæli með henni, en samt ekki fyrir viðkvæmar sálir, þar kemur Bambi alltaf sterkur inn. Svo er það plönuð ferð á Snæfellsnesið á föstudaginn, svo nú er bara að telja niður dagana í það. Það er reyndar Jule frokost í vinnunni hjá mér á föstudag og ég á að sjá um skemmtiatriði, maður þarf að fara að leggja hugan í bleyti með það. Einhverjar hugmyndir??????

Þá er byrjuð ný vika. Það er nú eins og maður sé fastur í illa forritaðri lúppu, vika-helgi, vika-helgi og hverjum datt í hug að hafa vikuna lengri en helgina. Ekki Gáfuleg ákvörðun það, ekki. Er óvenju grumpy í morgunsárið núna, er að fara í magaspeglun um eittleitið og hef því ekki borðað síðan átta í gærkvöldið. Er svona týpan sem er ómögurleg ef ég fæ ekki morgunmat. Verð efalaust farinn að bíta fólk um hádegið. Átti annars ágæta helgi, vorum í rólegheitum mestan part helgarinnar, sváfum til 10 á sunnudagsmorgun, það var frekar ljúft. Tókum svo hæðina okkar í gegn, ekki vanþörf á því. Fínt að vera með svona smá generalprufu fyrir jólahreingerninguna. Svo er bara að telja mínóturnar þar til ég fæ að borða aftur, hlakka frekar mikið til þess verður að segjast!

Þá er hinn lagnþráði föstudagur runninn upp. Klukkan er um hálf níu og ég er búinn að vera í vinnunni í einn og hálfan tíma. Reif mig á lappir um hálf sjö og brunaði í vinnuna. Ekki vinnuskilda nema til tvö á föstudögum þannig að það er fínt að vera kominn með einn yfirvinnutíma þá. Svo er það jólamánuðurinn handan við helgina, ekkert að því, þessi fínu vinnumanna jól í ár, aðfangadagur á miðvikudegi og endalaus frí, svona á þetta að vera. Helgin bara plönuð í rólegheit að ég held, en maður finnur sér eitthvað til dundurs það er alltaf þannig.

Þá er það kominn fimmtudagur, tíminn flýgur áfram. Helgarfrí handan við hornið þótt ekkert sé hornið. Rúmið var nú frekar hlítt í morgun þannig að maður hefði nú alveg verið til í að liggja smá lengur. Var því mikið afrek að vera mættur klukkan átta (eins og reyndar alla morgna). Spurning um að fara að mæta fyrr en átta og eiga þá meiri part af deginum heima, það er eitthvað sem maður verður að velta fyrir sér. Hef svo sem oft gert það en málið er að koma því upp í vana, stilla líkamsklukkuna inn á það. Skrítið með þessa líkamsklukku, tímastillirinn er eitthvað svo djöfull stífur merkilegur fjári það!

Vikan að verða hálfnuð alveg magnð hvað þetta flýgur áfram. Alveg frábær leikur í meistaradeildinni í gær, mínir menn burstuðu Inter Mílan og eiga núna fínan séns á að komast áfram í keppninni. Var búið að afskrifa þá fyrir tveimur leikjum síðan en svona er þetta stundum í boltanum. Svo er bara kominn hörku vetur (-6° í Reykjavík er kalt). Snjór og frost, hið albesta mál, allt betra en þetta helv... slabb sem er búið að vera undanfarinn ár. Snjór og rigning til skiptis og allt á floti, þá er bara betra að hafa almennilegann vetur og gott sumar og vera ekkert að hræra þessu saman. Verð nú samt að viðurkenna að þetta er einn af þeim dögum sem ég væri alveg til í að liggja bara uppi í rúmi og horfa á góða mynd í staðinn fyrir að vera í vinnunni. Einhver sem kannast við tilfinningunna??

Þrið ju dag ur og ég á nýjum nagladekkjum hehe. Var íkt kátur með hálku og snjó í morgun. Ómögulegt að hafa keypt sér ný dekk og hafa engin not fyrir þau. Ég er bara kominn á þá skoðun að það á bara að vera snjór á veturnar, birtir upp á þessum dimmum þungu mánuðum. Svo koma gönguskíðinn sterk inn, spurning um að fá sér slíkt og fara að labba á skíðum í vinnuna. Maður gæti verið talinn allsérstakur fyrir slíkt athæfi og væri það vel. Ekkert gaman að vera meðal (l)jón mun betra að vera bara almennilega skrítinn. Spurningu um að vinda sér í það. Þarf sennilega ekki miklar fortölur til að fá Torfa í lið með mér í þeim efnum, eða hvað. Vill Torfi kannski vera allra manna eðlilegastur og fyrirmynd manna í hátterni og framkomu samkvæmt viðurkendum stölum mannlífsins. Hvar er staðlaráð mannlífsins til húsa og hvað heitir formaðurinn. Ég bíð mig persónulega fram í þetta starf, þannig að ef einhver heldur að hann sé eðlilegur þá get ég bent honum/henni á hið gagnstæða. Hvað er það að vera eins og fólk er flest. Fólk er ekki flest, bara alls ekki. Í þessum efnum eru fæstir flestir sem er þversögn og gengur því ekki upp og fólk er ekki flest, þar er bara þannig!

Þá er byrjuð ný vinnuvika sem er hið besta mál. Helgin fór að mestu í afslappelsi hjá mér, var voða fínt matarboð heima á laugardaginn, þannig að smá þreytu gætti á sunnudag :-). Svanhildur var að læra fyrir próf þannig að við Ástþór vorum bara að leika. Svo er allt orðið hvítt úti núna, veturinn að ganga í garð, þannig að það er spurning um að skreppa á eftir og kaupa sér nagladekk á vagninn.

Update:
Búinn að kaupa mér dekk, fékk mér þessi fínu Michellin dekk með nöglum sem slitna með auknu dekkja sliti (til að þeir standi ekki lengst út úr gauðslitnum dekkjum og spýtist í burtu). Þetta er líka góður 50þús komið undir, engin sérstök gleði með það verður að segjast en þetta dugar vonandi næstu þrjú árin og þá er þetta allt í góðu. Hendi hvort sem er vagninum í Toyotu eftir þrjú ár og vonandi fæ ég mér bíl með stærri dekkjum en 15" eftir þann tíma :-)

Heiruð þá er hinn langþráði föstudagur runninn upp, aldeilis gráupplagður andskoti það. Fórum á smá spilakvöld í gærkvöldi hjá Einari og Guðrúnu og spiluðum Trivial. Það er skemmst frá því að segja að læknirinn og verkfræðingurinn unnun sagnfræðinginn og bókmenntafræðinginn í geysi jafnri rimmu. Engin varð tapsár og allt í góðu :-) Alltaf gaman að bregða sér úr bæ og stunda samskipti við annað fólk, maður mætti gera meira af slíku. Svo er það bara róleg helgi framundan, Svanka í próflestri og ég að passa Astorio, það verður gaman maður hefur verið að vinna svo mikið þessa viku og þá séð hann svo lítið, þar að auki verið að heiman þrjú af síðustu fjörum kvöldum. Megið þið eiga góða helgi gott fólk, skál í boðinu!

Jæja hvað segist í dag. Eitthvað rugl á comentakerfinu, sínir ekki commentin nema stundum, i.e. comment síðustu dag. Veit ekki hvað er í gangi en get þó upplýst að mér líkar ekki þessi þróun mála. Ég var að koma úr helgarfríi og það er annað að byrja á morgunn, er ekki tilveran dásamleg :-) hehe. Ekkert planað að mínu viti fyrir þessa helgi en ég er að spá í að reyna að sanfæra betri helminginn um það að skreppa á Snæfellsnesið, held að það væri alveg tilvalið. Efalaust eitthvað sem þarf að taka til hendinni þar áður en Kári konungur mígur yfir mela og móa lands vors sínu frostþurkaða þvagi. Hverning stendur á því að ég á ekki snjósleða, merkilegur fjári það ef maður spáir í því. Hægt að fá gamla hálftrausta sleða á 100-150þús. Sá um daginn Prowler 92 árgerð á 150 allur upptekinn, maður á að kaupa svona hluti. Já það er ekki gaman að vera blankur að reyna að safna fyrir íbúð, spurning að fara að taka þátt í happdrættum, en þar á ég glæstan feril að baki. Minn hæsti happdrættisvinningur til þessa eru 2 lítrar af mjólk sem ég vann í Fjarkanum sáluga. (Fyrir yngri og þyngri lesendur, var Fjarkinn skafmiði og þessi frumlegi vinningur var þar á meðal lista af vinningum). Því hef ég fulla trú á að miljónir eigi eftir að sópast að mér í gegnum happdrætti landans. hehe.

Núna er vikan hálfnuð það er svo skrítið með það, hún er rétt byrjuð og strax farið að sjá fyrir endan á henni. Magnaður fjári það. Svo er Astorio ofurtöffari orðin níu mánaða í dag, til hamingju með það sonur sæll. Tíminn ekkert smá fljótur að líða verður að segjast, finnst svo stutt síðan hann kom í heiminn. Spurning um að fara að safna fyrir fermingargjöfinni hans, virðist ekki vera seinna vænna :-) Svo er næsta mál á dagskrá að fara að fá sér nagla dekk á blessaðan bílinn. Það er búin að vera viðvarandi hálka í botlanganum okkar of spurning um að gera eitthvað í málunum áður en það er orðið of seint.

Nýr dagur sömu áskoranir, það er, er í sama verki í dag og ég var í í gær. Er þó kominn mun nær lausn í dag, ekki seinna vænna. Fór í jóga í gær, fínn tími hjá honum Ásmundi, var að kenna okkur að anda, ekki seinna vænna :-) Nei hann var að fara í öndunaræfingar, styrkja þyndina og kenna okkur að anda með "maganum". Einnig farið í liðleika æfingar, ekki veitir af því að reyna að liðka sig svoltið þar sem maður er um það bil að skjóta rótum við tölvunna. Þekkið þið einhverja veiðimenn sem skjóta rótum??? Er það vænlegt til árangurs eða ættu menn a halda sig við höglin. Hverjum finnst Siv Friðbjóðsdóttir ógeð og ef ekki afhverju í helv.. ekki þetta myndi vera spurning dagsins.

Ný vika byrjuð hummmm. Mér líkaði nú ekkert svo illa við helgina satt best að segja. Var frekar róleg hjá okkur hjúunum, tiltekt á laugardag en svo skruppum við líka á kaffihús, beygluhúsið á laugarveginum, það var fínt. Hittum svo Guðrúnu og Einar vinafólk okkar á sunnudaginn, alltaf gaman að hitta fólk, maður ætti að vera duglegari við það. (Veit upp á mig skömmina í þeim efnum). Horði svo á Dani leggja Englendinga í vináttuleik á sunnudaginn, gaman að því þegar maður er búinn að vara með þetta danska landslið í æð í tvö ár að sjá þeim ganga vel. Engar smá krufningar sem fara fram í danmörku eftir svona leiki.

Þá er hann runninn upp, föstudagurinn. Loksins. Er enn að drepast úr kvefi, spýtandi hor og viðbjóði við hvert tækifæri, mikið fjör eða þannig. Fór í lyftingar í gær í sjúkraþjálfuninni og er einn strengur í dag. Fór í alveg snildar matarboð í gær hjá Vigdísi föðursystur Svanhildar. Vorum að kíkja á nýju íbúðina þeirra Marteins og Vigdísar og fengum þetta fína kálvakjöt í leiðinni og svaka köku á eftir. Ég er persónulega mjög hlynntur fólki sem bíður mér í mat, mætti vera meira af því :-) Magnað annars, það er nær ómögulegt að fá kálfakjöt í R-vík findinn fjári það. Sá líka á teypi okkur Ágúst Torfa taka lagið í brúðkaupinu mínu um daginn gaman að því.

Heirðu það er fimmtudagur. Helgin í nánd og allir kátir. Fór í jóga í gær og andstætt því sem Torfi heldur er þetta ekki stílað inn á 45 ára húsmæður. Mestmegnis fólk á milli 25-35 ára. Þetta var bara helvíti fínt hjá kallinum, kenna öndunaræfingar og slökun og þessháttar. Hlakka til að fara í næsta tíma sem er á mánudag. Fór svo að lyfta í sjúkraþjálfuninni í dag og er frekar þreyttur í vöðvunum. Það er svo merkilegt með það að maður styrkist alveg ótrúlega lítið við það að pikka á lyklaborð. Ég sem hélt að það væri allra meina bót.

Miðvikudagur runninn upp og er það vel. Styttist óðum í helgina. Ég er hérna enn hálf slappur af kvefi og aumingjaskap, væri alveg til í að vera heima að ná þessu úr mér. Svo er ég að fara í slökunar jóga í kvöld það verður efalaust mjög fínt, maður verður að læra að slappa af, aldrei kunnað þá list þó að ég sé vel liðtækur í sófahangsi :-) Fáránlega dimmt allan daginn núna, helvítis skammdegi að hellast yfir landann, meira ógeðið það. Þetta er í raun sáraeinfallt: Þegar er dimmt á maður að sofa!

Mættur í vinnuna á þriðjudegi. Var veikur heima í gær og ætti að vera veikur heima í dag, veit ekki hvað ég er að asnast í vinnunna. Var lasinn um helgina, ekki mikið stuð á mínu heimili, allir hálf lasnir þar. Ástþór enn með mikla hálsbólgu og voða lítill í sér þannig að maður þarf að vera að böðlast með hann allan daginn. Ekki gaman að berjast við barn þegar maður er lasinn og vill vera að slappa af, en svona er þetta. Keypti búr handa honum um daginn og það er ágætt að hann hefur mjög gaman af því að sitja í búrinu, dundar vel þar. En að öðrum og alvarlegri málum!!! Á einhver jöfnu fyrir hraðaprófílu hring um úttaksstút á cylender í fórum sínum???? Ef svo er væri fínt að viðkomandi myndi senda mér hana áður en hann fer í geðransókn!

Ja þá er það föstudagur og er það vel. Fórum í hádeginu á gamla vestið (The Old West) hópur úr vinnunni 15 manns eða svo og fengum okkur burger. Helvíti fínt verður að segjast, fínir borgarar á fínu verði. Svo er það bara helgin framundan með öllum sínum uppákomum hverjar sem þær kunna að verða. Ekkert er planað nema að Svanhildur þarf að lesa um helgina þannig að ég verð barnapía, vel sáttur við það. Tæpur klukkutími eftir af deginum hjá mér og þá helgarfrííííííííííííííííííííííííííííííííííííííííííííííííííííííííííííííííííííííííííííííííííííííííííííííííííííí.

Einn dagur eftir í helgarfrí. Ástþór Örn aðeins hressari en ég er alveg stíflaður úr kvefi, Veiiiiii. Byrjaður að lyfta í sjúkraþjálfuninni minni, ágætt að fá smá útrás, veitir ekki af því. Það var keyrt á bíl tengdapabba fyrir utan húsið okkar og bíllinn stakk af, við sáum hann og náðum númerinu og löggan náði honum stuttu seinna. Hann var reyndar að skutla dóttur sinni í afmæli og hafði villst af leið og ákvað að skutla henni fyrist þar sem hann var orðinn of seinn og koma svo aftur og láta vita um bílinn. Svona er þetta stundum.

Þá er það þriðjudagur til þrautar, götur eru blautar en á þær virka ekki skautar. Enn! Allt hvítt og kalt hvur djöfullinn er þetta með veðrið, hverning væri að fá 25°C og sól, ég bara spyr. Það er ekki nokkurn hlut gerandi við þennan snjó ef maður á ekki snjósleða það er bara þannig. Skíði eru hjóm eitt í samanburði við sleða. Ég er ekki alveg að nenna að vera í vinnunni satt best að segja, væri alveg til í svona viku frí aðeins að hlaða batteríin. Littli er enn með mikinn hita og verður efalaust næstu daga ef þessi flensa fær einhverju ráðið. En nú er bara að draga fram þoturassana og fara að gera gaman af deginum :-)

Ný vika byrjuð og er það ekki alveg nógu sniðugt þar sem það þýðir að heillangt er í næstu helgi. Littli gaurinn minn er kominn með hita, fór í 40° í morgunn fárlasinn greyið. Ömurlegt að vera í vinnunni þá, maður vill bara vera heima að passa littla greyið. Fór og keypti nýtt power pack í tölvuna okkar heima, hún fær engan straum núna þannig að maður verður að vona að það sé ekki neitt meira að henni. Er satt best að segja búinn að fá nóg af þessari vél minni, búinn að eyða allt og miklum tíma í hana. Kíkti heim á litla gaurinn minn hann er bara sárlasinn og manna hans ætlar með hann til læknis á eftir bara svona til öryggis. Maður er hálf ómögulegur hérna í vinnunni í dag og allt of langt eftir af deginum enn!!

Föstudagur og ég er kominn heim :-) Svanka á flakkinu og ég heima með Ástþór. Vikan var frekar lengi að líða verður að segjast en það hafðist og núna bíða manns rólegheit helgarinnar. Maður verður að finna sér eitthvað skemmtilegt til dundurs og mikil skilda er að borða góðan mat. Spurning um entrecotin hjá gallerí kjöt, þau koma alltaf sterk inn. Eitthvað gott verður það í öllu falli. Svo er það spuringin um að fara að skella sér í bíó, hef ekki farið í bíó síðan ég kom heim. Ég skaust oft í danmörku eftir að Ástþór var fæddur en held að það sé að verða ár síðan Svanhildur fór í bíó. Svona er þetta þegar maður er með lítin gaur upp á arminn. Það er samt alveg þess virði. (Ættir að fara að prófa þetta torfi)

Það eru bara tveir heilir dagar í helgina veeeeeeeeeeeeeeeeeeeeiiiiiiiiiiiiiiiiii. Er að vinna í frekar þungum hæðarlínugrunnum í nýju tölvunni minni, sú er heldur betur að taka þetta í nefið. Vann fyrir hádegi í gær verk sem gamla 733MHz vélin hefði verið tæpa tvo daga að malla á. Mikill munur, 2.6GHz 512MB 400 MHz minni, 800Mhz front side bus, Hyper-threading og allt tilheirandi, ég mjög sæll. Nú vantar mig bara svona maskínu heim og þá er þetta komið. Hef núll að segja það er bara þannig í dag.

Jæja þá er kominn þriðjudagur og styttist óðfluga í helgina eða kanski óðkönguló. Var þessi fína helgi um síðustu helgi, brúðkaupið okkar fór fram með sóma, ekkert klikkaði í raun. Maturinn var fínn og veilsan vel lukkuð, ég var bara mjög lukkulegur með þetta allt saman. Síðustu gestirnir fóru úr veislunni upp úr fimm þannig að það var smá jamm í restina, við Svanka náttúrulega löngu farinn heim þá. Dagurinn eftir var ekki alveg eins skemmtilegur, ég að farast úr vöðvabólgu og smíðamönnum og þurfti að vaska upp diska glös og hnífapör eftir 120 manns. Það var svo sem ekki fjör, en að mörguleiti ágætt að geta staðið og gert eitthvað braindead job í timburmönnunum. Svo þurfti ég að skuttla Hans Ole út á flugvöll á mánudagsmorgunn, mætti því í vinnuna klukkan 6:30 þegar ég var búinn að skuttla honum. Þetta þýddin náttúrulega það að ég fór í koju upp úr nýju í gærkvöldi það var alveg magnað, er samt enn þreyttur. Nú er svo bara aðeins að slappa af og reyna að ná áttum eftir þetta allt saman, ekkert stórt sem bíður manns alveg á næstunni. Búinn að vera annarsamt ár, gifting, barnseign, útskrift, flytja heim, byrja í vinnu, gifta sig aftur og nú með pompi og pragt (hvað er pomp???). Þakka öllum sem að mættu í brúðkaupið fyrir ánægjulega stund (sérstaklega þeim sem gáfu okkur gjafir :-) ) Lifið heil.

Ja þá styttist enn í brúðkaupið og ég hef enn jafn lítinn tíma til að vera í vinnunni. Hellingur af hlutum sem eftir á að garfa í. Og Torfi, ég veit allt um brúðkaupið sem vita þarf, ALLT. Almennt þá veit ég allt, ALLT. Það er nú bara kominn tölverður hugur í mig fyrir þessu öllu það verður að segjast, verður líka gaman að hitta Hans á morgun, hann er alltaf hress. Hlítur að vera findin tilhugsun samt að vera að mæta í brúðkaup á Íslandi, þar sem maður þekkir bara brúðhjónin!!! En Hans hefur aldrei verið í vandræðum með að kynnast fólki þannig að ég held að það verði ekki vandamál. Verð ekki í vinnuni á morgun, þannig að í kvöld verð ég kominn í helgarfrí. Hvað með ykkur??

Miðvikudagur til múslís. Fékk mér samt sem betur fer ekki múslí í morgun því eins og Kalli Sverris segir: margur verður af aurum api og múslí rotta. Ekki vill maður lenda í því svona í morgunsárið. Held að ég sé samt ekki með neitt morgunsár eða ég vona ekki í það minnsta. Allt á fullu í brúðkaupsundirbúningi enda ekki langur tími til stefnu með það allt saman. Maður hefur engan tíma til að vera að eyða í vinnunni :-) Svo er þetta helvítis skammdegi að fara að koma. Fari það í tus.. og helvíti. Þegar það er dimmt úti á maður að vera inni sofandi, þetta er ekki flókið en samt ætlar samfélagið ekki að skilja þetta. tildæmis í desember ætti maður að vinna svona 3 tíma á dag ekki meir og vera í koju um 17 tíma, það væri temmilegt. Þoli ekki skammdegið, maður er eins og zombie allan daginn ljóti fjárinn.

Nýr dagur ný vandamál. Engin stór svo sem nema hvað ég er ekki að nenna að vinna í dag. Astorio var í vigtun og mælingu hjá hjúkkunni í dag, er enn í sinni stærstu vaxtarkúrfu. Henni fannst hann líka svo duglegur, klappar höndum, sýnir hvað hann er stór og stendur upp, íktur töffari. Ég get þetta nú allt saman líka og engum finnst ég neitt sérstaklega duglegur fyrir vikið :-)

Sá einn veit
er víða ratar
og hefir fjöld um farið
hverju geði
stýrir gumna hver,
sá er vitandi er vits.

Í dag er þriðjudagur, ég á því bara eftir að vinna tvo daga í vikunni þar sem ég mun taka mér frí á föstudaginn í giftingarmál og skutlerí. Hans Ole kemur á föstudaginn upp úr hádeg svo ég renni til "kebblavíkur" að kippa honum upp. Hafi góðan dag!

Þá er helgin öll og þykir mér því við hæfi að rita nokkur minningarorð um hana. Þetta var góð helgi þann stutta tíma sem henni var gefinn hér á jörðu. Hún var róleg og yfirveguð og hefði átt að vara í tvo mánuði í það minnsta til að koma öllu því í verk sem hana langaði til......!

Þá nam eg frævast
og fróður vera
og vaxa og vel hafast,
orð mér af orði
orðs leitaði,
verk mér af verki
verks leitaði.

Svona hljóða Hávamál dagsins!
Annars var þetta fín helgi, Svanhildur að læra á fullu um helgina og ég að passa. Fínt að vera ekki í skóla lengur og geta bara verið að passa og horfa á boltann án nokkurs samvisku bits. Fín bolta helgi líka, Man U hefðu alveg geta sleppt því að skora þetta mark en það er best að stinga þá ekki af alveg strax, halda smá spennu í þessu. Og fyrir ykkur Liverpool aðdáendurna (ef það eru einhverjir til ennþá) bara einn :-)
Annars komu tengdaforeldrar mínir frá Tyrklandi á laugardag og færðu mér þessa fínu Arsenal treyju, bláa úti treyju. Átti einmitt ekki O2 treyju. Svo er það bara brúðkaupið á laugardag sem styttist óðfluga í. (Þarf að kremja þessar óðu flugur áður en þær stinga). Það verður efalaust mikið spaug og skemmtun hin mesta, það vona ég a.m.k.

Þá er það föstudagur enn á ný sem er vel þar sem það þíðir að inngangur helgarinnar er hafinn. Látum oss líða vel og lífsinsraunir líða hjá í sælu helgarinnar. Bert er brókarlaust baran (enn ekki hvað). Spurningin er samt sú er barnið albert eða hálf bert??? Er maður ber ef maður er í buxum en engu að ofan??? Hví er maður ber ef maður er í peysu og engum buxum??? Er ekki verið að mismuna klæðnaði. Þetta þykir mér grófur yfirgangur og verðugt málefni fyrir jafnréttisnefnd ef þið spyrjið mig! Er kona ber ef hún er ber að ofan??? Af hverju eru þær ekki meira berar að ofan. Vísindalega sannað að karlmenn sem stara á brjóst 30mín á dag draga verulega úr hættum á hjartasjúkdómum!!!! How about those apples??? Blóðflæði eykst og andlegt heilbrigði í leiðinni. En hvað eiga konur að stara á til að auka blóðflæði??? Verslunarglugga??? Veit ekki það er mín ágiskun! Hvað haldið þig??

Sá er sæll
er sjálfur um á
lof og vit meðan lifir.
Því að ill ráð
hefir maður oft þegið
annars brjóstum úr.

Svo mæltu þeir strákarnir úr Hávamálum, vei þeim.

Vikan hálfnuð frábært. þýðir í raun að ekki nema annar helmingur hennar er eftir (fyrir þá sem vita ekki hvað hálfnað er). Ekki margt markvert borið á daga mína þessa vikuna, þó hefur verið mikið að gera. Höfum ekki verið með barnapössun þessa vikuna og því er ég að skjótst úr vinnu og fara aftur eftir að pössun lýkur. Svanhildur farið minna í skólann en hún ætti sökum þess, en svona er þetta, tóm sæla :-) Ástþór Örn eitthvað að vakan í nótt og skríða um í rúminu sínu, ekki mjög gaman þannig að ég er gjörsamlega að sofna fyrir farman tölvunna hérna. Held að ég fari og leggi mig smá fram á lyklaborðið.

Þá er það langþráð stund helginn er kominn. Ég kominn heim úr vinnunni og farinn að passa Astorio, fín skipti það verð ég að segja. Helgin ekkert plönuð og er það alveg hið besta mál verð ég að segja, það verða því engin læti um helgina bara afslappelsi. Svo þarf að fara að gíra sig upp í brúðlaupsundirbúningnum fer að styttast tölvert í þetta, þetta verður gaman. Annars þá lifið heil og eigið góða helgi.

Jaaa nú er þri og er það vel en ekki ver. Það þíðir að ekki eru eftir nema 3 dagar í helgina. Engin meistaradeild í vikunni sem þýðir að þá get ég haldið áfram að myrða herforingja og önnur siðspillt kvikindi í Hitman 2, geypi fín skemmtun það skal ég segja ykkur. Búinn að græja þvílíkt fínt reikniskjal fyrir stryktargjarðir á tengistútum á skiljum. Magnað, nú segja ábyggilega allir vá það er öfgaspennandi segðu okkur meira frá því. En þá segi ég NEI. Það er bara þannig. Er að hlusta á best of Jethro Tull, tussu fín tónlist það, mæli með því að menn kynni sér þetta.

Ja var að koma frá sjúkraþjálfaranum mínum í Gáska. Strákurinn svoleiðis hnikkti í hálsi og baki að mænan er efalaust kominn í hnút :-) Mjög frískandi samt að láta hreyfa við við þessum lítt notðu liðum í hálsi og baki. Svo er var það bara pylsa og sjeik í hádegismat, hvað vill maður hafa það betra ég spyr!!! Littli var svoltið mikið að vakna í nótt, frekar stíflaður úr kvefi svo sofnuðu náttúrulega allir í morgunn og ég vakanði upp úr níu!!!! Þýðir bara það að ég verða að vera lengur í dag!!! Fór og leigði mér smóking á föstudaginn, djöfull á ég eftir að vera sætur í brúðkaupinu, er nú glæsilegur fyrir!

Fimmtudagur júhúúú. Það þýðir einn dagur í helgi og er það vel. Skrapp í leikhúsið í gær með Ástþóri eldri og hlýddum á Helgu Braga kenna okkur ýmsa hluti um kynlífið sem maður hafði ekki verið að velta svo mikið fyrir sér. Þetta var fín skemmtun. Búið að vera mikið að gera hjá mér í vinnu undanfarið, þetta er alveg komið á fullt og á yfirsnúning raunar. Miklar setur við tölvuna!!! Eins gott að ég er byrjaður í sjúkraþjálfun sökum vöðvabólgu, bakið á mér er u.þ.b að rifna í tvennt. En svo er alltaf að styttast í brúðkaupið okkar, N.B. ef einhver les þetta sem hefur verið boðið og er ekki búinn að svara (á að svara fyrir þriðja) þá vinsamlega svarið hið fyrsta. Við þurfum að tala við kokkin á mánudag og vera þá með fjöldan á þeim sem mæta. Annars eru flestir í Svanhildar fjölskyldu búnir að melda sig fólk virðist vera eitthvað símahrætt í minni fjölskyldu. Svona nú drífa sig í að tjá sig!!!!!!!!!

Ný vika ný leiðindi :-) Hata mánudaga alveg eins og Garfield. Ætti að vera eins og á Puerto Rico þar sem allar helgar eru fjórir dagar, aðeins unnið á þri-fim restin er frí. Það er alvöru lazywill samfélag. Er hérna í voða útreikningum, maður er alltaf að sjá það betur og betur að maður á að vinna vinnu sem ekki þarf að hugsa í. Best að fara að læra til slátrara.

Þá er það bloggið. Hefur setið svolítið á hakanum hjá mér, er við tölvuna allan daginn og hreinlega nenni ekki í tölvu þegar heim er komið, ekki alveg að gera sig. Er að reikna þvílíka glás af tölum að ég er um það bil að bilast og því fannst mér tilvalið að blogga aðeins. Til að svara kommenti þá er ég ekki blóðgjafi, hef íhugað að gerast vampíra þó, hjálpar það?? Ástþór Örn byrjaður að skríða og klappa, mikið stuð á honum, vekur mann með miklum leik á morgnana. Svo styttist í helgina og er það vel, ekki alveg kominn í vinnu rittmann :-) Djöfull er kalt á þessu skeri, hvernig væri að banna þennan fjárans kulda og hafa aldrei undir 15°C. Ég á hvorki skíði né snjósleða þannig að ég hef ekkert með ís að gera nema bragðarefurinn í úlfarsfells sjoppunni í vesturbænum kemur sterkur inn.

Þá er fös orðinn áliðinn og ég farinn að hugsa mér til hreyfingar. Nenni ekki að vinna meira í dag og er því á heimleið. Hvað varðu um föstudagur = fyllerí......!!!! Ég held að ég sé orðinn gamall ekki spurning um það. Þurfum að klára að koma okkur fyrir um helgina koma síðasta draslinu fyrir, mikið fjör. Svo þarf að rúnta á nýja bílnum okkar. Glæný Corolla 1600 hatchback á planinu heima. Bíts strætó skal ég segja ykkur. (reiðhjólið mitt kom þó sterkt inn). Ástþór sjö mánaða í dag :-) tíminn flýgur ekki spurning um það.

Ég er að farast úr leiðindum á þessu ritaða augnabliki. Er bara að bíða eftir því að fara heim. Er eiginlega bara að finna mér eitthvað til dundurs, vantar eitthvað beint verkefni, þ.e. einhvern til að segja mér "gerðu þetta" nenni ekki að vera að finna eitthvað til dundurs sjálfur. Fékk mér nýjan tölvuskjá heim, 19" CTX með flötum skjá svaka græja. Þurfti að kaupa skjá þar sem sá gamli eyðilagðist enda pís of shit sá skjár. Sá nýji er draumur í dollu engin spurning um það. Svo erum við að fá okkur bíl á rekstrarleigu, nýja 1600 Corollu taumlaus gleði, fæ vaginn um þrjú á morgunn þannig að nú getur maður farið að freðast um frjáls ferða. Strætó er ekki að gera sig. Er að klofna úr vöðvabólgu og þá er það besta að sitja allan daginn við tölvuna, ekki spurning um það. Keypti reyndar sundkort um daginn og núna getur maður farið að fara í sund fyrst bíll er að koma í hús :-)

Þá er tölvan mín "up and running" loksins, var að tengja hana á netið . Ekki létt mál í raun. Það er ADSL kerfi hérna með router og hub og blessað net kortið mitt bara fannst ekki. Þurfti því að leggja höfuðið í bleyti (með Y komið af blautur), og fann windows forrit sem finnur IP tölu vélarinnar, sem reyndist vera sænuð á kolligienetið í danmörku. Með þessu forriti gat ég releasað IP allar IP tölur af vélinni og reasigned réttar tölur í staðinn. Ok og þá kemur spurningin, hverning í helvítinu á venjulegt fólk að finna svona vitleysu út, tók mig tvö kvöld að fatta þetta, enda er ég enginn netstjóri og stendur ekki til hjá mér að verða það, Nei. Beið samtals í 20 mín í símanum á þjónustuveri OG Vodafone en ekki svarað, enda hvernig á nokkuð gott að geta komið frá fávitum sem styrkja Man shitter Ónýtt (Man U fyrir fattlausa).
Annars allt fínt að frétta, byrjaður í vinnunni og gengur bara vel, mun koma til með að starfa við Hellisheiðarvirkjun, það er spennandi, þar sem sú virkjun er á fyrstu stigum. Ég er raunar að kíkja á mögulegar staðsetningar á stöðvarhúsinu, hvar hægt sé að hafa það þannig að allir séu sáttir, gaman að því. Svo er bara verið að klára að pakka sér upp og reyna að koma draslinu sínu fyrir, ekki létt verk né löðurmannlegt það (löðurmannlegt??- Hvað er að vera löðurmannlegur????, er maður ataður út í sápu (saman ber sjónvarpsþáttinn Löður (SOAP)). Nei ég bara spyr. Svo er skýrn hjá okkur á sunnudag og nafnið á drengnum mun verða!!!!!! Jú Ástþór Örn, mikil spenna fyrir nafninu verður að segjst hehe.
En nú er spurningin að fara aðeins og löðurmannast og skreppa í bað.

Kíkti í vinnuna í dag, það var fínt fullt af nýjum andlitum þar. Þarf að finna út hvar ég get verið með skrifstofu allt að verða frekar fullt, held að það sé samt hægt að fría einn bás. Ég kem til með að vinna á jarðhitasviðinu, það er spennandi þykir mér, verður gaman að takast á við ný verkefni. Svo er bara verið að pakka upp og bíða eftir draslinu okkar það kemur vonandi seinna í vikunni. Byrja síðan að vinna á mánudaginn en stefnan er sett á sveitasæluna um helgina.

Kominn heim, loftið hreint fólk talar eðlilegri tungu, sælan taumlaus. Erum á Snæfellsnesinu í besta yfirlæti, borða lamb ekkert helvítis svín ekta fjalla græs með hári (reyndar ekki eldað með hári).
Vörnin fór vel, fékk 10 danska sem jafngilir um 8,5 íslenskri einkunn.
Frábær dagur í dag, Aumingjarnir sem hafa dómarana með sér í öllum leikjum töpuðu fyrir Soton og Arsenal vann að sjálfsögðu og eru nú einir á toppinum. Ætla að fá mér Wiskí staup og fagna því. Aftur, loftið er hreint hér (en kalt).

Síðasta bloggið frá Danmörku. Sit uppi í skóla og er að fara yfir varnarræðuna mína, ver í fyrramálið. Fluttum draslið okkar niður á höfn í gærmorgun en höfðum verð að pakka langt fram á nótt. Vorum raunar að pakka til 4 um nóttina og vorum byrjuð aftur um sjöleytið, en Einar flutinga meistari kom um átta. Vorum því orðin frekar þreitt í gær, ósofin og uppgefinn. Hjálpar heldur ekki til að það er ekkert í íbúðinni núna, engir stólar, ekkert. Bara dýna á gólfinu og pappa diskar og plast glös, frábært að eiða deginum í þannig rugl. Maður náttúrulega búinn að vera að kafna úr hita í allt sumar og núna þegar maður þarf á hita að halda til að geta verið úti og setið einhversstaðar þá er úrhellisrigning og skítakuldi. Eins og ég segi þetta er hunda land og ég er að sleppa úr ánauðinni hérna ekki á morgun heldur hinn :-)
Gangi mér vel á morgunn!

Þá er farið að styttast í því. Haraldur konungur er fallin, útlegðinni er lokið. Við farin að pakka niður og ganga frá okkar málum í Danmörku. Á en eftir að semja varnarræðuna, en það ætti ekki að taka langan tíma, svo er pökkunarstand alltaf tímafrekara en ætlað er, þannig að það er gott að byrja í tíma. Flutninga maðurinn kemur svo á þriðjudag og sækir draslið okkar, þannig að við verðum alls laus hér fram á fimmtudag. Vörnin er svo á miðvikudaginn og það ætti að vera um það bil síðast verkið sem eftir verður í þessu guðs volaða landi. Annars er búið að vera alveg ótrúlega mikið af morðum í Danmörku í sumar eða 21 stykki. Mín kennig er sú að danirnir eru loksins að fatta hvað þeir eru leiðinlegur kynstofn og eru byrjaðir að reyna að útrýma sjálfum sér......! Gæti verið, ekki gott að segja.

Jamm jamm þá er ég mættur á nýjan leika og tekinn til við að rita niður ógrundaðar og illa framsettar hugsanir og gerða þær lýðunum ljósar. Er sem sé (C) búinn að skila inn skýrslunni minni og á bara eftir að verja hana. Vörnin fer fram þann 28.08 sem er alltof seint í ljósi þeirrar staðreyndar að Svanhildur á að byrja í skólanum heima þann 1.sept. Höfum verið í fríi núna síðustu daga, farið hér um á Sjálandi (Eyja sem Kaupmannahöfn er á (fyrir fáfróða)). Það er búið að vera alveg magnað. Hitinn aldrei undir 25°C og yfir 30°C. Það er helvíti heitt í rakanum hérna en þar kemur vinur minn Karl bergmann sterkur inn, má vel kæla sig með honum. Annars er ábyggilega dýrt spaug að vera alkohólisti í svona hita, maður getur drukkið þvílíka magnið án þess að finna á sér, nei þá er nú betra að vera róni í kuldanum heima. Svo þarf maður að fara að pakka og græja íbúðina, semja mastersvarnarræðuna og slappa aðeins meira af, þannig að það er nóg að gera. Annars er ekki nema 16°C hiti núna sem er alveg drullukalt, manni varð hálfnapurt í stuttbuxunum í bænum áðan, ekki lent í því í tvo mánuði eða svo. Keypti mér sólgleraugu í gær, með styrk og það er sennilega þessvegna sem sólin er farinn. Eins og þegar Ástþór tengdapabbi keypti sér snjósleðan um árið, þann vetur var ekki einn dagur sem hægt var að vera á snjósleða á Snæfellsnesi. Svona er þetta bara, spurning um að kaupa kuldagalla þegar maður kemur heim!!!!!!
En nóg bull að sinni!

Jæja þá er ekki nema einn dagur í að ég eigi að skila lokaverkefninu mínu. Það er ekki mikið, alls ekki mikið. Prófessorinn minn er farinn í frí þannig að hann kemur ekki fyrr en þann 12.ágúst aftur. Það hentar mér svo sem ágætlega, skrifstofan hans læst á meðan.......!
En þá er sem sagt allt of mikið að gera og ég er að berja við að reyna að klára þetta í tíma, hef ekki gert neitt annað í langan tíma en að vinna að þessu helvíti. Maður fær ekki einu sinni borgað fyrir þetta þannig að þetta er meira bullið. En, gleðinn verður taumlaus þegar þessu er lokið það get ég sagt ykkur, TAUMLAUS! Það er ágætt að Guðrún Lára er í heimsók núna þannig að Svanhildur er með félagsskap. Ekki mikill félagsskapur í mér þessa daganna, uppi í skóla allan daginn og með hugan við þetta helv. verkefni þegar ég er heima. Vona að allir séu að gera eitthvað skemmtilegra en ég, litlar líkur á að menn séu að gera eitthvað leiðinlegra, varla hægt að finna slíkt :-)