Góðan og blessaðan daginn er við fös er kenndur. Sit hérna uppi í skóla, um það bil einn á svæðinu, held að það sé þó a.m.k. einn til viðbótar hérna, heyrði hurðarskell áðan. Magnað! Það er einhver fjandans þjóðarhomma dagur hjá dönunum (Grundlovsdagen eða eitthvað álíka heimskulegt). Það þýðir að allt er lokaða í dag og lestar keyra með tveggja vetra millibili. Í ofanálag eru ekki nema 7°C úti og það er drullukalt í mörkinni. Annars er fínt að vera bara einn að nördanst hérna í skólanum. Sit og er að hlusta á nýja Placebo diskinn sem datt inn á tölvuna mína í gær með undraverðum hætti :-). Fín smíði hjá strákunum, FÍN. Fór að veita þessu bandi athygli fyrir alvöru þegar þeir og Bowie leiddu saman hestasveina sína í laginu "With out you I'm nothing", dúndur slagari það og ef menn kannast ekki við það mæli ég með : CNet og Kaaza 2.1 og svo bara sækja fjandans lagið. Er svo að fara að skreppa í útibolta, það er völlur einhverstaðar á campusnum en þar sem lengsta gatann hérna í gegn er um 1,5km getur þessi fjandans völlur verið hvar sem er. Bömmer. En helgin er framundan og brekkan er niðrundan og hornið er útundan og því ber að vera kátur sem Torfi(Slátur skv. færsu hjá honum um daginn). Enda ef maður er slátur er engin ástæða til að vera ekki kátur. Maður er alíslenskur og eftirsóttur!
Smá viðbót: Þetta er víst bænadagur ekki baðdagur þannig að 30% af kommentunum mínum um þennan dag eru dreginn til baka, ekki meira.
Fyrir þá sem eru með hljóðkort er alger verðing að kíkja á þetta snilldar flash.

Skrapp í teríuna og fékk mér pylsu í hádeginu. Einhver nýr sandnegraaulabárður fyllti hana með chilli sósu, ekkert smá magn, þannig að pylsan sprakk öll og sósa sprautaðist út þegar maður beit í hana. Var á röltinu upp í 402, fingurnir allir út í chilli og ekki minna magn á framanníinu. Var ný búinn að sulla Schwepps á servéttuna mína þannig að hún var vel vot, fann svo rusladall við hraðbanka á ganginum og lagði drykkinn á hraðbankann og var að reyna að þrífa mig. Þá náttúrulega rann schweppsið af hraðbankanum og í gólfið og ég með chilli sterkjuna í munninum og engan drykk. Svo þegar ég kom út var farið að hellirigna. Þetta er reynslusaga af ekki "Ideal" hádegi. Hvað má læra af þessari sögu? Jú kannski að vera ekki að éta á fartinni, eða að láta ekki einhverja fjárans heilageldinga vera að afgreiða sig. Maður á þá bara að skipta sér af framreiðslunni ef maður sér að í óefni er að fara. Þessi var bara svo djöfull ljótur að það þurfti átak til að fylgjast með honum og það var varla þess virði fyrir eina pylsu. Hélt ég!

Mánudagur Mánudagur Mánudagur. Enn ein vika að líða af stað. Það má svo sem segja að það sé vel, þá styttist en í verkefnalok, en í leiðinni þýðir það að ég þarf að fara að vinna hraðar. Bilað magn af vökva sem hvoldist yfir mig á leiðinni í skólann og því í kjölfarið fylgdi eitthvert ógrynni af eldingum með tilheyrandi hávaða. Eins gott að maður er ekki orðinn forfallinn golfleikari enn. (Stærsti hópur þeirra sem falla fyrir eldingum í USA eru golfleikarar). Það er nefnilega svo finndið með eldingar að ef maður passar sig á að vera í rigningunni lendir maður ekki í eldingu, það er á jaðarsvæði óveðursins sem eldingunum lýst niður og þar af leiðandi lenda golfleikararnir sem ætla að klára áður en regnið skellur yfir brautina, í því að fá í sig eldingu. Þessi fróðleikur um eldingar er í boði Orobleu.

Föstudagur til fitu. Þá er einmitt málið að fá sér nauta steik með bernes. Ekki nema 100g smjör í bernessósu en eins og gamla fólkið segir: það er ekkert svo gott að smjör ekki bæti það. Sól og blíða úti og við Svanka skruppum með litla súperman á kaffi hús hérna í göngugötunni. Skrambi þægilegt að sitja úti, gaurinn er bara sofandi í vagninum og ég að sötra øl. Ekki ruslið í því. Ég forritaði svo mikið í Matlab í gær að ég er með netta heilaskemmd eftir það allt. Því er það mjög ráðlegt að lækna slíka skemmd með glasi að gini. Held að ég vindi mér í slíkt

Jæja þá er það fim. Sól og blíða og suðandi flugur. Miðað við veðrið núna verður efalaust ekki auðvelt að hanga inni í skóla í júlíveðrinu sem væntalega verður gott. Gamla jafnan er jú alltaf í gildi ( Sól = úti). En ekki er á allt kosið í bæjarstjórnakosningum. En í gær skruppum við fjölskyldan í bæinn. Ekki seinna vænna en að skreppa með Ástþór á strikið fyrst hann er í Köben á annað borð. Það var gaman að kíkja, maður fer svo sjaldan niðurefir eftar að maður flutti út fyrir Köben. (enda svo sem ekki eftir mörgu að sækjast þannig lagað). Versla í heimabyggð segja þeir strákarnir.

Mánudagur til mjöls og mysu. Ekki ruslið í þessum degi í dag, 17 gráður á cels og sól og fínt fínt. Maður sat þetta náttúrulega af sér að mestu leiti uppi í skóla en það er nú samt 15°C ennþá þannig að það er ekki hægt að kvarta. Hefði fremur valið að eyða deginum í drykkju og át á köldum hlutum (þó ekki málmhlutum) en að skrifa Matlab kóða upp í skóla. En svona er nú líf vinnandi manns það er ekki bara sætabrauð og súkkulaði rúsínur. Talandi um súkkulaði rúsínur. Við eigum eitthvað ómælt magn af íslensku salgæti um þessar mundir, ekki ruslið í því. Anton Berg my ass, það er bara Nói Sírius sem blívar í raun. (P.s. fyrir þá sem telja að ómælt magn sé 8, þá eigum við mun meira en 8 af nammi :-) )

Þá er það sunnudagur til taumlausrar sælu. Skrönglaðist fram úr rúminu rétt fyrir ellefu og var það vel, úthvíldur og fínn. Dönsku veðurfræðingarnir voru búnir að spá 18°C hita og sól í dag, en sólina vantar og hiti er 7°C. Mikið skúffelsi, hefði getað verið stuttbuxna dagur og maður setið úti á kaffihúsi og sötrað kalt öl. En nei nei það er búið að klúðra því fyrir manni. Ég er að hugsa um málsókn á hendur dönsku veðurstofunni. Menn fara almennt ekki nógu mikið í mál hvor við annan í hinum vestræna heimi að USA undanskildu. Ætla að reyna að starta trendi í þeim efnunum :-)
Svo er bara að nýta daginn í að safna siðferðisþreki fyrir komandi viku.

Þá er það fyrsti maí, verkalíðsdagurinn mikli og afmæli Baldur á Hóli ekki síður merkilegur dagur fyrir þær sakir. Skrambi fínt, nánast enginn í byggingunni minni uppí skóla þannig að róin er alger fyrir utan að ég er að hlusta á einhverja graðhesta tónlist. Það er talið æskilega að hlýða á slíkt þegar maður er að vinna á tölvur. Fékk þennan fína USB minnis penna frá Svönku í afmælisgjöf. 128 eru þau megabætinn sem hann hefur að geyma og er það vel. Núna þarf maður ekki að vera að standa í að uploada gögnunum sínum inn í einhverja möppu á heimasvæðinu sínu í gegnum FTP heldu treður bara pennanum í USB portið. Er ekki tilverann dásamleg! Svo kemur hún Gurly hjúkka og vegur og metur piltinn minn á eftir og færir skilmerkilega til bókar, varður gaman að sjá hvað hann hefur bætt á sig, orðinn frekar mannalegur.

Sestur við skrifinn á nýjan leik. Samt er þetta faktísk alveg sami leikurinn og ég hvarf frá fyrir tveimur og hálfri viku og veit ég því ekki hvað ég er að þvaðra um að setjast á nýja leik. Hér er bara komið sumar takk fyrir og góðan daginn. Maður bregður sér af bæ í örskotastund og það kemur bara sumar á meðan. Svona mætti þetta alltaf vera, maður fari út og það komi sumar. Aldrei nóg af sumri. Núna er bara sól og suðandi englar úti eins langt og auðað eygir. (Auga eygir en eyra heirir! Af hverju eyrir ekki eyrað? Veit einhver það??). En eins og Santana sagði þegar að hann fékk strákana í Everlast göllunum til liðs við sig " hey now puts your lights on". Ekki það að það komi þessu máli nokkurn skapaðan hlut við, en frasinn stendur alltaf fyrir sýnu í samhengi eður ey.

Þá er maður kominn aftur til danaveldis. (Back to the Danaveldi) næstum eins og Michale J Fox um árið en ekki alveg samt. Hann fékk jú að nota mjög svalan handsmíðaðan breskan sportbíl (Delorian DMC-12) framleiddan í fáum eintökum en ég fór í staðinn með Iceland express. Magnað helvíti með Íslendinga við blótum flugleiðum í sand og ösku og réttilega svo þetta eru aumingjar par excelence sem hafa kúgað okkur á flugmarkaðinum svo áratugum skiptir. Svo reyna önnur flugfélög að koma inn á markaðinn með þeim afleiðingum að verð á ákveðnum flugleiðum lækkar. Jú menn eru tilbúnir að fljúga með lággjalds flugfélögunum, sé verðið undir því verði sem vondikallinn er að bjóða í það og það skiptið. Það sama er byrjað nú, ef menn fá ekki lægsta fargjald hjá Iceland express fara menn með flugleiðum. Hvað þýðir það, jú að Express hættir að fljúga og flugleiðir hækka sig upp úr öllu valdi til að vinna upp það tap sem þeir urðu fyrir í samkeppninni. Athuga skal að flugleiðir lækkuðu verðið bara á þeim flugleiðum sem Iceland Express er að fljúga á. Með öðrum orðum Íslendingar eru Helv. hórur sem velja frekar að fá rjómabollu en rúnstykki þó svo að þeir viti að þeir munu fá eitthvað langt og svert upp í óæðri endann að áti loknu. Svei segi ég, Svei.
Annars er allt fínt að frétta, gaman að fara heim og hitta liðið, endalausar kökur og fínt alveg eins og það á að vera, enda áttum við Svanhildur bæði afmæli í ferðinni. Lifið heil (þegar ég segi heil þá er ég náttúrulega að meina, reynið ekki að lifa án ennis eða maga eða einhvers lífsnauðsynlegs líffæris)

Þá er maður kominn úr sveitinni. Skruppum á Snæfellsnesið um páskana, vorum þar í góðum vellystingum og yfirlæti. Ekki farið mikið fyrir blogginu á meðan, en það er jú prinsip mál hjá mér að blogga ekki í gegnum 56k módem, það er bara ekki að gera sig!!! Svo nú er maður mættur í bæinn aftur, stútfullur af kvefi, með tak í baki og almennt alveg ómögulegur :-) Magnað fyrirbæri Ísland. Maður hefur ekki fengið almennilegt kvef í útlöndum í allan vetur, er svo rétt búinn að vera viku á Íslandi og strax farinn að þurfa að anda í gegnum saltvatnsupplausn. En svona er þetta, jaðarskilyrði lands vors eru svo þröng að ekki þarf nema einn hvefsýkil til að hálft landið liggi. En í staðinn höfum við ætan fisk sem er ófylltur af kvikasilfri eins og tíðkast í danaveldi, lambakjöt á lágmarksverði og heila þjóð að fólki sem ekki er hægt að alhæfa um að sé viðrini. Eftir veru mína í danmörku, trúið mér það er stór kostur!! Stór!

Þá er helgin búinn og tími til að blogga smá. Helgin búin að líða í rólegheitum og er það vel, miklar gestakomur og sýningar á gripnum. Svo er nú hinn 14.apríl sem er merkisdagur fyrir þær sakir að þá á ég afmæli. Ég er orðið gamal menni enn á ný og kann því ágætlega. Annars voru menn skilgreyndir sem eldri menn hér á árum áður ef þeir áttu sér konu festa að lögum svo samkvæmt þeirri skilgreiningu er ég líka gamalmenni :-)
Annars þá er Svanhildur að baka handa mér köku og ég er búinn að fjárfesta í Egils appelsíni svo að nú er ekkert að vanbúnaði fyrir smá afmælis át.

Júhúúúúú Þá er maður kominn til Íslands. Þessi ferð sem ég kýs að kalla "Börnin heim", he he, gekk mjög vel, litli stúfur svaf mest alla leið og það var alls ekkert mál að fara með svona gaur milli landa. Talandi um landa! Ég keypti mér alveg snildar malt whiskey, Glen að sjálfsögðu, specal reserva líterinn á 2300ísk ekki ruslið í því. Kynntist því aðeins í gær og hef í hyggju að hafa þau kynni meiri. Búið að vera mikill gesta gangur í Langagerðinu, allir að koma að kíkja á gripinn, litli skilur ekkert í allri þessari athygli. En það er gaman að þessu, maður hittir alla og alltaf er jú gaman að spalla við fólk sem er verðugt spjalls. Svo er bara að slapp af á íslandi fram til 28 apríl er útferð er áætluð.

Þá er það dagurinn fyrir Íslandsförina miklu. Verið að pakka og ganga frá málum áður en heim er haldið. Það er ótrúlegt hvað svona smá snáða fylgir mikið dót. Þett er jú stopp á þriðju viku þannig að maður nær passlega að drepa allar plöntur áður en maður kemur út aftur. Þegar ég tala um plöntur þá er ég að tala um nytjajurtirnar mínar. Þar er fremst í flokki Chili-ið mitt sem við hjónin höfum verið að dunda okkur við að snæða í vetur, geypi sterkt og bragðgott. Koma svona 1-1,5 cm chilliar á plöntuna en þar sem chilli plantan er þannig uppbyggð að þeim mun minni sem ávöxturinn er þeim mun sterkari. Ég fullyrði að eitt svona lítið chilli er álíka sterkt og tvö stór keypt út í Nýkaupum. Svo er það mynntan okkar, þetta mun vera tælenskt afbrigði. Fersk mynta er ómissandi í jógurt-myntu sósu tilvalið með t.d. kjúklingabollum. Svo er það rósmaríntréið okkar. Mjög öflug kryddjurt þar á ferð ætti að vera til á hverju heimili. Þessar skal fremstar telja. Nú fara menn kannski að velta fyrir sér hvern fjáran ég sé að þrugla um einhverjar plöntur en þar sem mér tekst sennilega að drepa þær núna um páskana er þetta jú fyrirfram minningargrein.

Þá er það þriðjudagur, alltaf einu sinni í viku koma þriðjudagar. Kemur ekki oft fyrir að þriðjudagar séu tvisvar í viku en ekki skal útiloka neitt! Stóri plúsinn við að vera að vinna lokaverkefni einn er að ég ræð mínum tíma algjörlega og til dæmis í dag langaði mig að vera heima og spila civilization III og þá geri ég slíkt. Er ekki tilveran dásamleg??? Sólin lúber rúðurnar hjá mér en hitinn er samt ekki nema 2°C. Þetta er sem C það sem menn kalla Windows veður og því tilvalið að nota slíkt til tölvunotkunar. Það er sem sé ekki svaðilfara veður eins og Torfi og Eva lentu í á suðurför sinni. En eins og menn ættu að vera að segja, enginn er karakterinn sem ekki hefur í svaðilför lent. Það finnst mér a.m.k.
En að alvarlegri málefnum! Hjörleifur, hefur Gorenje verið að svíkja þig með bileríi eða er hann bara ekki vel byggður í grunninn?? Þetta er geypilega nauðsynleg spurning og ég reiði mig á Hjölla með svar :-)
En nú er Hildur vinkona okkar í heimsókn að kíkja á littla manninn og Svanhildur er búinn að baka eplaköku svo hugurinn hefur verið færður frá lyklaborði að maga. Látum það vera lokaorð að sinni.

Jæja þá er kominn mánudagur. Geypileg mæða það. Segja má að Garfield hafi rétt fyrir sér í öllum aðalatriðum og sér í lagi um mánudaga! Mánudagar tákna visst upphaf, og til að það upphaf geti átt sér stað þarf endi á eitthvað annað. Og mér sem var farið að líka alveg ljómandi við liðna viku.....Búmmmm!!! vikan búin. En nýrri viku fylgja ný verk og hið fyrsta sem ég gjörði í morgun var að fara niður í sendiráð og sækja passa fyrir Ástþór Örn. Magnað að fá fimm ára passa fyrir kornabarn. Eitt orð eins og Lárus Björnsson myndi orða það "FÍÍÍÍÍÍÍÍÍÍÍÍFL". Eitt er að vera með ökuskírteini til sjötugs frá 19 ára aldri, smá séns að hægt sé að sjá svip eftir allan þann tíma (ekki stór þó), en annað að gera ráð fyrir að barn sé eitthvað líkt sér að fimm árum liðnum. (Aftur "FÍÍÍÍÍÍÍÍÍÍÍÍFL"). Fór svo og kíkti í Elgiganten sem er ELKO Dana. Erum að spá í ísskáp, fengum aur í brúðkaupsgjöf og ættlum að fjárfesta í heimilistækjum. Þá er það spurninginn! Á maður að kaupa eitthvað Zanussi rusl af því það er svo billigt eða á maður að kaupa alvöru græju! Svarið er tvímælalaust ekki Zanussi eða Candy eða eitthvað öfugugga merki! Nei maður á að eyða aðeins meiri peningum og fá sér eitthvað almennilegt sem endist lengur en hálft ár. Við hjúin erum að spá í Stolti Slóveníu "Gorenje". Það eru ægi fögur og endigargóð tæki sem ættu að vera til á hverju heimili (eða siemens, AEG, Miele o.s.frv.). En svona mál skal ígrunda gaumgæfilega og ekki skal flana að neinu.

Þá er það sunnudags morgunn til taumlausrar sælu. Vöknuðum með guttanum og skelltum honum í bað, mikil skemmtun það. Sunnudagar eru alltaf frekar fyndnir dagar í Danmörku, hér skal hvíldardagurinn haldinn heilagur, i.e. búðir eru lokaðar og í fáum orðum, allt er lokað. Reyndar séns að fara í bíó. Það er reyndar ein búð sem má hafa opið á sunnudögum í bæjarfélaginu, en þá verður sú búðarkeðja að hafa undir einhverjum 10% í markaðshlutdeild í bæjarfélaginu. Í mínu ungdæmi var til ágætt orð yfir svona stjórnunarhætti, "Fasismi". Danir, eins ágætir og þeir eru í tívolí á sumrin að "Hygge sig", eru holdgervingar meðalmennsku og fasisma. Sjálfstæð hugsun og það að skara fram úr er litið stærðar hornauga hér. Það er án efa það erfiðasta við að búa í Danmörku að reyna að forheimska sig til að passa inn í þetta meðalmennsku helv...! Mér hefur engan veginn tekist það enn. Því verður það kærkomið að kíkja á klakann á fimmtudaginn næsta og safna smá siðferðisþreki fyrir lokabaráttuna hérna úti. Ekki það að sumarið verður efalaust fínt, sólin reddar því. Það má alltaf treysta gula fíflinu til að bjarga deginum svo fremur sem það láti sjá sig.

Þá er það dagur tvö í blogginu! Vaknaði um hálf níu að dönskum tíma við hjal frumburðarins. Fyndið að morgunfúli maðurinn ég hef mjög gaman af því þegar guttinn er að spjalla við mig á morgnanna. Svona getur maður breyst. Erum að fá heimsókn á eftir, Ásta Finnboga og dætur (frænkur Svanhildar úr Eyjunum) ætla að líta við. Annars þá er ég að drepa Svanhildi úr hvítlaukslykt, fékk mér hvítlauksbrauð með pastanu í gær og þar sem laukur/hvítlaukur fer afar illa í ungabörn má hún ekki borða slíkt. Þar af leiðandi er ég eini aðilinn í hjónarúminu sem að ilma eins og Hallgrímur Hvítlaukur!!!! Ekki vænlegt til árangurs það. En nú er laugardagur og hans skal njóta!

Þá er maður búinn að finna kommenta kerfi sem að tekur á móti nýjum notendum, geypilega sniðugt það. Eða eins og Otti myndi segja: "ekki ruslið í því". En þar sem maður er enn svo nýr í þessum heimi bloggsins er ekkert endanlegt form komið á þessa síðu. Í óreglunni verður að vera viss regla þannig að óreglan geti þrifist og dafnað og þann fína þráð á ég eftir að spinna.

Ekkert af þessum feedback kerfum tekur við nýjum notendum. Þetta eru náttúrulega aumingjar allt saman. Þetta stafar af því að aumingja dýrkun alheimsins er svo yfirgengileg að það hálfa væri þrisvar sinnum of mikið. Þannig er nú það!