Jamm jamm þá er ég mættur á nýjan leika og tekinn til við að rita niður ógrundaðar og illa framsettar hugsanir og gerða þær lýðunum ljósar. Er sem sé (C) búinn að skila inn skýrslunni minni og á bara eftir að verja hana. Vörnin fer fram þann 28.08 sem er alltof seint í ljósi þeirrar staðreyndar að Svanhildur á að byrja í skólanum heima þann 1.sept. Höfum verið í fríi núna síðustu daga, farið hér um á Sjálandi (Eyja sem Kaupmannahöfn er á (fyrir fáfróða)). Það er búið að vera alveg magnað. Hitinn aldrei undir 25°C og yfir 30°C. Það er helvíti heitt í rakanum hérna en þar kemur vinur minn Karl bergmann sterkur inn, má vel kæla sig með honum. Annars er ábyggilega dýrt spaug að vera alkohólisti í svona hita, maður getur drukkið þvílíka magnið án þess að finna á sér, nei þá er nú betra að vera róni í kuldanum heima. Svo þarf maður að fara að pakka og græja íbúðina, semja mastersvarnarræðuna og slappa aðeins meira af, þannig að það er nóg að gera. Annars er ekki nema 16°C hiti núna sem er alveg drullukalt, manni varð hálfnapurt í stuttbuxunum í bænum áðan, ekki lent í því í tvo mánuði eða svo. Keypti mér sólgleraugu í gær, með styrk og það er sennilega þessvegna sem sólin er farinn. Eins og þegar Ástþór tengdapabbi keypti sér snjósleðan um árið, þann vetur var ekki einn dagur sem hægt var að vera á snjósleða á Snæfellsnesi. Svona er þetta bara, spurning um að kaupa kuldagalla þegar maður kemur heim!!!!!!
En nóg bull að sinni!

Jæja þá er ekki nema einn dagur í að ég eigi að skila lokaverkefninu mínu. Það er ekki mikið, alls ekki mikið. Prófessorinn minn er farinn í frí þannig að hann kemur ekki fyrr en þann 12.ágúst aftur. Það hentar mér svo sem ágætlega, skrifstofan hans læst á meðan.......!
En þá er sem sagt allt of mikið að gera og ég er að berja við að reyna að klára þetta í tíma, hef ekki gert neitt annað í langan tíma en að vinna að þessu helvíti. Maður fær ekki einu sinni borgað fyrir þetta þannig að þetta er meira bullið. En, gleðinn verður taumlaus þegar þessu er lokið það get ég sagt ykkur, TAUMLAUS! Það er ágætt að Guðrún Lára er í heimsók núna þannig að Svanhildur er með félagsskap. Ekki mikill félagsskapur í mér þessa daganna, uppi í skóla allan daginn og með hugan við þetta helv. verkefni þegar ég er heima. Vona að allir séu að gera eitthvað skemmtilegra en ég, litlar líkur á að menn séu að gera eitthvað leiðinlegra, varla hægt að finna slíkt :-)

Þá er það dagur 24 í júlí. Það þýðir að ég á að skila verkefninu mínu eftir viku. Það er stutt. Var loksins að fá smá break through, fékk þetta helvítis forrit mitt til að virka eins og ég vill. Þannig að nú þarf bara að skella því af stað og sjá hverju það skilar. Er búinn að skrifa fyrripart skýrslunar, vantar bara results og conclutions, ekki svo mikið það :-) En þetta er gerlegt að klára á tíma, aðal málið er að ég er gersamlega búinn að fá skituna fyrir þessu verkefni. Held að mér líði eins og Torfa var farið að líða undir það síðasta í sínu námi. Leiðindin eru alger, ALGER. Diddi bróðir er búinn að vera duglegur að bjalla í mig,ég er bara alltaf niðursokkinn í einhverjar pælingar þegar hann hringir þannig að ég er efa laust mjög fjarlægur í símann, það er ekki meininginn svona bara er þetta allt samam. Maður er byrjaður að ítra í svefni þannig að geðveiki er ekki langt undan, verð að fara að klára þetta. Mundi var í Köben um helgina, þagnar aldrei síminn hjá manni þegar Mundi lítur í bæinn.......! (Ps hann er 22 82 90 19) :-)
Lifið heil eða í það minnsta 3/4 heil.

Þá er 10 daga múrinn rofinn. Er gersamlega að bilast á þessu verkefni. Er kominn í stuðið "bara klára þetta og fá 6" en það þýðir víst ekkert að hugsa svona maður verður að reyna að fá ágæta einkunn fyrir þetta. Fór til læknis í dag, er með vöðvabólgu á einhverju biluðu stigi. Mjög óþægilegur stóll sem ég er á hérna upp í skóla og rúmið mitt er ekkert frábært heldur. Er orðinn svo stífur maður er með kjálkan samanbitinn allan daginn og hausinn að klofna. Það hjálpar ekki beint til þegar maður þarf að sitja við allan sólarhringinn.....!!!! Núna er bara að drífa sig í sund og gera æfingar, þýðir ekkert væl. En nóg um það.

Enn fjandans hiti og svæla, var nánast ólíft í íbúðinni okkar í gær og þó að gluggin væri opinn í alla nótt var enn svaka hitabræla inni í morgunn. Vigga föðursystir Svönku er í heimsókn og er það vel, þá hefur Svanhildur einhvern félagsskap, maður verður sennilega ekki mikið heima næstu tvær vikurnar eða svo. Gersamlega hættur að nenna þessu verkefni, ekki það að ég hafi nennt því á einhverjum tíma punkti, oh nei. Forritið mitt er orðið bilað stórt, 23MB excel skjal sem tekur um 12klst að ítra í gegnum, veiiiii, eða þannig. Hafa hlutina einfalda, forrit ættu ekki að vera stærri en svo að þau væru að leggja saman tvær tölur og því allt eins gott og betra að nota vasareikni. Ég mæli persónulega með Casio FX-580, búinn að nota einn slíkan síðan ég var 13 ára, hefur dugað fínt í verkfræðinni. Nota reiknistokk, þeir voru að svínvirka í gamladaga!!!

Djöfull er leiðinlegt að vera að vinna inni í 26°C hita. Snapp markið færist óðfluga nær. Ekki til að bæta það, þá er Hans félagi minn, (sá sem hefur haldið geðheilsu minn í lagi á meðan að á þessum skrifum hefur staðið) að klára að binda sína skýrslu inn. Þannig að ég verð einn síðustu tvær vikurnar. Svo sem ágætt, Hans átti að skila 20.júní en það hefur dregist um tæpan mánuð hjá honum. Eru þá orðnir tveir eftir hérna niðri, ég og einn dani. Hann er svo sem ágætur, eða eins ágætur og venjulegur dani getur orðið. Þeir eru jú reyndar mun skárri á sumrin danirnir, veit ekki hvort þeir eru haldnir svona vetrar þunglyndi eða hver djöfullinn þetta er með þá. Ekki er það skortur á öli svo mikið er víst. Annars þá var það áhugaverðar staðreyndir sem komu frá Norge. Það er eitt af fáum löndum sem verðleggur áfengi en djöfulegar en Ísland og hverju skilar það??? Jú þeir drekka jafn mikið og danir, sem eru með lágt verð!!! Þetta er greinilega að skila sér hjá strákunum í Norge. Helv.. hommonistar þessi áfengis mafía heima. Söfnum liði og berjum þá segi ég, Já.

Þriðjudagur til þrautar segir einhvernstaðar að ég held. Búið að vera 26°C hiti og raki frá víti núna um skeið og gaffal. Ég er bara alls ekki að fíla það, fastur inni í sagga víti sem nefnt er bygging 402 í DTU. Ágætt að vera með svona "solar shading" á glugganum þannig að maður þurfi ekki að vera að horfa út, frekar fúlt að sjá sól og blíðu og vera fastur inni. En þetta er jú raun hins innivinnandi manns. Gengur ágætlega með verkefnið, er að klára forritið mitt, það er grunnin af því, þarf svo að láta það virka fyrir allar klukkustundir ársins. Miðað við ítrunartíma tekur það svo sem einar 12 stundir að láta það malla og ég þarf að láta það malla níu sinnum. það er ágætt tölvuver hérna á efri hæðinni með níu tölvum og þær fá að malla einhverja nóttina...! Spurning um að fara snemma heim í dag og koma við á ísbarnum, ekki slæmur sá. Maður getur fengið sér "Store Madsen" en það er eins og nafnið gefur til kynna, kúluís með fimm kúlum, einum negrakoss (sem heitir hér flødebolle), ísúr vél ofaná það, rjómi ofan á ísinn úr vélinni og sulta ofan á rjómann. Þetta er stórt helvíti, læt mér litla madsen duga, það er bara tvær kúlur og ís ofan á, temmilegt fyrir svona norðanhafs strák eins og mig.

Góðann og blessaðan daginn alheimur. Sit uppi í skóla og er að berjast við forritið mitt. Skrifaðin þennan líka fína macro í excel þannig að núna er excel að ítra fyrir mig á fullu. Með eitthvert fáránlegt magn af gögnum sem blessað forritið þarf að japla á. Á bara eftir að finna út hvernig ég á að láta varma dæluna vinna með "latent heat"!! Einhverjar hugmyndir???
En eins og sjá má í commenta glugganum hér að neðan hefur skapast mikil umræða um svo kallað Torfa/Bjarnar horn (ekki það að Birnir séu með horn)! Þannig standa málin. Björninn fékka nokkrar góðar sögur af Torfa sem að sjálfsögðu eru almeinlausar með öllu, Torfa finnst þær bara ekkert voða findnar og það er jú það sem gerir þær sniðugar:-) Kemur til af því að Björn þekkir rauða dýrið sem var í Grímsey á sama tíma og verkarinn (Torfi í þessu tilfelli). Þannig að núna þarf Torfi bara að skjóta til baka á Björninn.....!! Þannig fara svona dúellar fram.

Þá er ég kominn til baka. Ég kem ALLTAF til baka. Mér leiðist í svipinn einhver ósköp. Ekki nema 3 vikur eftir af verkefninu mínu og ég ekki búinn að gera nærri nógu mikið í því. Þýðir bara eitt, vinnu fram á kvöld í 3 vikur. Ekki alveg að nenna því í sannleika sagt. Skrapp á Maccan áðan með Hans Félaga mínum, pabbi hans er búsettur í USA og var að kaupa sér nýjan Volla að sverustu gerð í Svíþjóð fyrri um viku. Hans er núna með bílinn í smá tíma og við skelltum okkur í bæinn. Ekki amarlegur vagn, allur íklæddur tudda og svín liggur á vegi og ekki er upptakið verra. 18 gíra Gary Fisherinn minn á ekki roð í svona kerru. Mig langar í bíl. Hverning bíl á ég að fá mér þegar ég kem heim í haust!!!! Ekki dýran, en enga druslu heldur!!!

Þá er það mánudagur til mæðu og móðu. Nennti engan veginn upp í skóla að vinna, tók mér hálfgert helgarfrí, i.e. var alls ekki duglegur við lærdóminn. Það var alveg ótrúlega magnað að slappa svolítið af. Horfði á nokkrar DVD ræmur og borðaði íslenskan fisk með heimatilbúnum Cherry tómötum. Alls ekki slæmt, alls ekki. Það er orðinn þvílíur munaður að fá alvöru fisk að það hálfa væri þrisvar sinnum of mikið! En aftur í skólann að vinna á fullu. Gengur ágætlega en mig langar bara ekkert að eyða sumrinu í að læra, nema væri læra-sneiðar. En það er svo sem margt verra en að sitja og hlusta á X-ið og pikka smá á tasteturen eins og danirnir kalla lyklaborð af einhverjum óskiljanlegum sökum. En núna er Keldan búinn og maður veit þá að fólk er almennt ekki að skemmta sér miklu meira en ég. Af aleigingjörnum orsökum finnst mér það vel.

Þá er það fös. Breytir engu hvaða dagur það er þegar maður er að vinna verk sem þarf að klára fyrir ákveðinn tíma og maður fær ekki borgað hvort sem er. 25°C hiti úti og ansi heitt þegar maður er í sólinni. Því var alveg tilvalið hjá okkur fjölskyldunni að skreppa út á ísbar og fá sér einn lille Madsen eða svo. Lille Madsen er kúluís með tveimur kúlum, ís úr vél svo ofaná og dýfa yfir öllusaman. Almagnað, Al. En svo er bara að reyna að vera duglegur, próffinn í Germaní fram á þriðjudag og ég hálf stopp þar til hann kemur þannig að maður er bara að hreinsa upp smá hluti sem maður hefur ekki nennt að hreins upp fram að þessu. Ekki gaman, ekki grín og svo allir á Keldunni að hlusta á Metallicu og Iron Maiden but me.....! Sa er osomgert, osomgert.....!

Nýtt bloggerkerfi uppfært hjá mér í dag þannig að allt gamla bloggið var orðið vitlaust encodað og allt í rugli. Nýjasta bloggið datt út og allt í kúk og kleinu. Var að hlusta á Doktor Gunna og S Kjartansson í morgun og þeir voru með ágætis brandara á zombie listanum. Það var um matvörur sem hefðu verið teknar af markaðinum. Ein hljómaði eftirfarandi: Svitinn af Olgu Fersæt, þótt að framleiðslan væri mikil var eftirspurnin ekki að sama skapi!!!!
Fékk góða heimsókn áðan. Svanka og Ástþór Örn Ofurhetja litu inn, færandi muffins, Cola og Basset's hlaup í poka. Ekki afleitt að fá slíka heimsókn verður að segjast. Ástþór Örn skimaði í allar áttir alveg undrandi á þessum nýja stað. En aftur til starfa, ekki þýðir að blogga daginn í burtu!!

Allt á fullu í ritgerðar skrifum. Er að skrifa program sem reyknar út sambland af varmadælu og varmaskipti í nokkrum mismunandi kombinasjónum til varma endurvinnslu í loftræstikerfum. Hljómar spennandi hea, hea. (hea er svona redneck kveðja maður hækkar hljóðið á a-inu og dregur e-ið). Er að kíkja á allt of marga möguleika af samsetningum og notkunar prófílum á húsinu þannig að tíminn styttist óðflug, ekki nema tæpar 6 vikur eftir þannig að nú er bara að bretta upp ermarnar. Fínt að hafa rigningu og leiðindi úti við þá langar mann ekkert út. En það er ekki alltaf rigning hérna eins og sjá má

Fyrir þá sem ekki vita er ég þvílíki matjurtarræktandinn að það hálfa væri þrisvarsinnum of mikið, það er nú bara þannig. Ræktaði þvílít sterkt og fínt chilli sem dó úr þorsta yfir páskana (þoldi ekki Íslandsför okkar). Nú svo hefur rósmarínið alltaf komið sterkt inn, svo og mynntan, basilikum-ið og nú síðast og ekki síst cherry tómatplantan mín. Því til sönnunar og staðfestingar er þessi mynd!

Heldur betur glæsilegt!!! En ég spyr á nýjan leik, hvort er betra krókur eða kelda???? Menn verða að hafa skoðanir á hlutunum. Ég persónulega myndi velja Kelduna ef ég væri ekki upptekinn við skriftir.

Djöfull er leiðinlegt að vinna inni á sumrin. Get engan veginn njörvað heilan á mér niður við verkefnið bara ekki nokkur slóði að slíkt sé gerlegt. Nú ætti Björn hinn undarlegi að vera mættur á Mundavelli í Odense, pilarnir að skella sé á kelduna. Mundi á Ömmu á Króknum svo spurninginn er hvort er betra krókur eða Kelda. Skrapp í morgun að láta fjarlægja fæðingarblett sem var í óða önn að breytast í flugmóðurskip. Perónulega var mér ekkert um þá þróun hans svo ég lét skera hann af og verður hans ekki saknað. Nú er bara rignin og skýjað úti og er það vel kominn með nóg að þessu hita rugli. Þetta sýnir það bara að maður á bara að vera á Íslandi í 10 gráðum, ja Jón gamli það sé það besta!!!!

Þá er helginni að ljúka. Próffin minn vill að ég fari að vinna svoltið hraðar, líst ekki á tímamörkin svo nú er bara að spýta í lófana og vera duglegur það sem efir er. Það er jú 1 og hálfur mánuðr eftir af þessu gríni mínu. Svo eru þau gömlu að koma í heimsókn á eftir verða fram á miðvikudag. Maður kemur sjálfsagt ekki miklu í verk á þeim tíma. Annars þá fórum við fjölskildan í þetta ljómandi fína grillboð hjá mæðragrúppunni sem Svanhildur er í. Vorum í voða stóru og fínu húsi með almögnuðum garði. Reyndar sýnist allt stórt þegar maður býr í 40m2. Þetta var bara mjög gaman, steikur étnar og rauðvín sötrað (ananasgos fyrir brjóstfæðandi móður þó) allt eins og það á að vera. Fyndið að geta setið heila kvöldstund innan um dani og tekið þátt í umræðum maður hefði ekki skilið skít í fyrra hefði maður lent í slíkum aðstæðum. En svona breytist nú umgjörðin hjá manni.

Kominn aftur í skólann, tóm gleði. Fullt af fólki að skrifa í dag, þessir danir hafa ekki vit á að fara í sumarfrí frekar en öðru. Loksins í gær var hitinn á milli 13-17°C, kvöldsólinn reyndi nú samt að hita upp litla húsið okkar fyrir nóttina en tókst ekki svo vel að þessu sinni. Loksins fór maður ekki sveittur að sofa, það voru bæði jól og páskar skal ég segja ykkur. Núna þarf ég að fara að skrifa hraðar, tæpir tveir mánuðir til stefnu og ég á enn eftir að fá dót til að gera mælingar og svo vinna úr þeim þannig að maður verður að fara að halda rétt á spöðunum (eða tíglunum fyrir þá sem eru meira fyrir rautt). En ég er svo sem ekkert orðinn stressaður þannig lagað, verða að fara að reyna að stressa mig aðeins svo að það komi einhver gangur í þetta hjá mér. Íslenska aðferðin er alltaf best, safana öllu saman þar til einginn tími er eftir til að vinna þetta og græja þetta þá á nokkrum dögum. Fá sér svo bara kalt staup af íslensku og skála fyrir sjálfum sér :-) Annars þá komu tengdaforeldrar mínir færandi hendi. Höfðu meðferðis flösku af íslensku brennivíni, sem er búið að geyma á sérvöldum eikartunnum í fleiri ár. Þetta er eitthvað sem er bara til í takmörkuðu upplagi og ég ætla að bjóða upp á slíkt að mastersvörn lokinni. Styttist óðfluga!

Þá er það enn einn sunnudagurinn í þessari hita svælu. Hélt að maður gæti ekki fengið nóg að sól og hita en það er víst rangt. Eftir nokkrar svefnlausar svita nætur fer manni að leiðast þófið. Sá á kommenta glugganum að stórvinur minn hann Jón Viðar Baldursson er búinn að verja lokaverkefni sitt í Odense með sóma. Það ætti að þýða að piltur er orðinn rafmagnstæknifræðingur. Til lukku með það Viðar. Verð að segja að ég öfunda hann nú frekar mikið að vera búinn með þetta, svona í ljósi þess að ég á tæpa tvo mánuði eftir að mínu, en það er fljótt að líða svo sem. Enn eins og ég hef alltaf sagt: Jón Viðar að sér upplýsingum! hehe. Fengum fína helgarheimsókn núna, tengdaforeldrarnir eru í heimsókn og er það vel. Fórum í bæinn í fyrradag og komum svo heim og röltum um Birkerød þar til við fundum markað einn mikinn sem við vorum að leita að. Þarna voru fornsölu básar, leiktæki, matsölutjald með lifandi músík (alveg skelfilegri nauðgun á tónlist). Þetta var allt hin mesta skemmtun. En svo taka skóla leiðindinn við á morgunn, enginn gleði með það!

Öfugsnúanleiki tilverunnar: Það er 21°C í forsælu núna og ég er á stuttbuxum að frjósa inn í skóla. Á kvöldin skýn sólinn á gluggan hjá okkur þannig að maður sofnar í svitakófi seint og um síðir. Hvað með að vera bara á ströndinni alltaf og sleppa við þetta rugl allt saman. Svanka og Astorio skruppu í bæinn áðan að hitta vinkonu Svönku en ég var bara að reykna út orku í röku lofti. Skemmtileg skipti það. Skólaleiði minn er nú alger. Mér leiddist skólinn í barna skóla, menntaskóla og ég ætaði aldrei í háskóla ó nei. En skólaleiði magnast með faktor 7 þegar í háskólann er komið og hann gerir það með hverju árinnu sem líður þar. Þannig að núna er hámarkinu náð og ég bara nenni þessu rugli ekki lengur. Segi bara eins og Sigga Beina " vill ferðast og skemmta mér". Ekki vit í nokkru öðru. En það eru enn tveir mánuðir eftir þannig að það þarf að bíta í skjaldarrönd og fara svo og tannbursta sig (bölvaður skítur, blóð og svit á þessum skjöldum alltaf). Þannig að gleðinn er ekki alger í dag, en mér varð sæmilega úr verki þannig að er á meðan er eins og þar stendur. En allir í sólskinsskapi og kátir, þýðir ekkert annað. Ég er nefnilega á heimleið :-)

Ný vika enn á ný. Spurning um að hafa vikurnar helmingi lengri og þar af leiðandi helgarnar líka. Þá væru bara 26 vikur í árinu. Spurning um að bylta núverandi vikukerfi. Sit uppi í skóla og er að fara á mis við sól og hita sitjandi í sagganum í DTU. Fékk reyndar fína heimsókn áðan, Svanhildur og Ástþór Örn ofurhetja komu í heimsókn með Cola og bakarísdót. Það var vel. Ómögulegt að sjá ekki stubbinn svo að tímunum skiptir þegar maður er hérna uppfrá og einnig fínt að fá úr bakaríi. Búinn að vera þvílíkur hiti undanfarið að það hálfa væri sennilega aðeins of lítið. Kvöldsólin bylur á gluggunum hjá okkur og ekki nokkur leið að liggja með sæng ofan á sér, tala ekki um íslenska dúnsægn 210cm langa. Þetta er í mesta lagi fyrir týpíska íslenska aría (utan blárra augna og hvítt hárs (enda er það uppskrift af Svíum). Annars væri þetta alveg ideal ef glugginn okkar snéri ekki í vestur. Tómatatréð mitt er samt mjög kátt með þetta, farnir að koma Cherry tómatar á það :-)