Sumarfríið búið að mestu

Jamm maður hefur ekki bloggað í góðan mánuð og er það vel. Búið að gera ýmislegt í sumar, verið mikið fyrir vesta, farið í reiðtúra, aðeins í veiði og sitt lítið af hverju. Svo skelltum við hjónin okkur til London í smá ferð og var það mjög gaman. Verið að vinna vikur og vikur inn á milli og enganveginn verið að nenna því, enda allir í sumarfríum og ekkert gengur neinstaðar. Svo ætluðum við feðgarnir að skella okkur norður í dag með vélinni um 5 leitið en Ástþór Örn fékk ælupest og hefur ferðinni verið frestað til morguns. Nú er bara að sjá hvort að peyinn nái er ekki að fullu í dag (er orðinn æði hress raunar). Hann er líka íkt ánægður með daginn því að loksins fékk hann að prófa Coke!! Það má svona þegar menn eru með ælupest!!!

Hestar

Það er þannig að ég fer oft á hestbak með tengdaföður mínum fyrir vestan, maður er að jafnaði í fötunum sínum eins og gefur að skilja. Hins vegar eru fötin manns ekki hönnuð sérstaklega til að vera á hestbaki. Buxur eiga það til að reyna að snúast á fótleggjunum á manni og fleira í þeim dúrnum. Ég fór því í Ástund í gær og fjárfesti í reiðbuxum. Þessar fínu "skó" buxum með ekta leðri niður eftir skálminni. Já núna myndi efalaust einhver kalla mig hesta nörd!! Be there as it may!

The never ending vinna

Jamm er búinn að vera einn í kotinu síðan um helgi. Dagarnir frekar viðburðarlitlir hjá mér, mættur í vinnuna um 8 og að skríða heim upp úr sjö, svo andlega þreyttur að ég veit varla hvað ég heiti. Ef að ég sæi ekki fram á sumarfrí eftir helgi þá væri ég um það bil búinn að snappa núna!!! Maður á ekki að vinan yfirvinnu á sumrin það er bara þannig! En annars sumarfrí strax eftir helgi og allt klárt!!

Grasekkill að nýju

Jamm nú er Svanhildur farinn að vinna í veiðihúsinu fyrir vestan og með Ástþór með sér. Ég er því enn á ný orðinn grasekkill!! Verð nú alveg að viðurkenna að ég hefði alveg verið til í að verða bara eftir í sveitinni um stund, en þarf að klára pressumál hérna í vinnunni eins og vanalega!! Skruppum á hestbak í gær, ég og tengdapabbi, það var mikið gaman nema að við náðum í byrjunina á rokinu og rigningunni, en það herðir mann að fá smá storm í andlitið verður að segjast, ekki fær maður hann hérna fyrir framan tölvuna!!!
Annars stór dagur hjá mér í vinnunni, fékk skiljurnar mínar loksins úr yfirferð og teikningar stimplaðar og samþykktar!! Ótrúlega lukka með það, jafnast á við 1,5 glös af prósak myndi ég segja!!

Morgunmaturinn

Frekar findið í morgun þegar ég sat í rólegheitunum og át morgunmatinn og las blaðið með útvarpið á, þá varð mér litið út um gluggan og stóð þar ekki Guðmundur Valdimar Rafnsson öðru nafni Mundi við annan mann! Maður sá er um ræðir er málari og er hann nýfluttur í stigaganginn hjá mér og er að því ég komst að, vinnufélagi Munda. Ég hélt reyndar að Mundi væri enn í Frans eða Dan en pilur var víst bara fyrir norðan að spóka sig!! Skemmtilegt tilviljun!

Dagur í sveitinni

Jamm búið að vera mikið að gera undanfarið. Nina og Sven (Nina er dönsk frænka mín og Sven maðurinn hennar) komu til landsins og buðu íslensku ættingjunum út að borða í Perlunni, 27 manns eða svo!! Var mjög skemmtilegt kvöld, svo var farið heim til Didda og spjallið hélt áfram þar! Mamma og pabbi komu svo í kaffi á laugardaginni og Þórdís og Guðný með þeim, Svanhildur bakaði vöflur og heitt brauð, ekki ruslið í því! Svo skutlaði ég þeim mæðginum Svahildi og Ástþóri Erni í sveitina í gær og kom svo bara aftur í bæinn í morgunni. Fínt að komast í sveitina, við tengdapabbi stóðum með skóflu í hönd og skófum mold af gróðurplasti fyrir garðrækt í nokkra tíma, svo skelltum við okkur á hestbaka í kvöldsólinni og enduðum daginn á að skella okkur í pottinn. Ekki afleitur sunnudagur það verður að segjast, en hinsvegar verður að viðurkennast að skrifstofumaðurinn finnur mjög örugglega fyrir skrokknum á sér í dag!! Er með strengi svona um það bil allstaðar!!! Mein hollt að hreifa sig svona, maður ætti að gera meira af því!

Grasekkill

Jamm var grasekkill í síðustu viku, Svanhildur í Finnlandi og við Ástþór Örn einir heima! Gekk fínt hjá okkur feðgunum, ég hætti í vinnu klukkan 2 til að sækja hann á leikskólann og við vorum svo bara í einhverju spaugi þar á eftir. Fórum svo í Dal eftir leikskólann á fimmtudag og vorum fram á sunnudag. Mikið frábært að komast úr borginni og í sveitina, ekki skemmdi fyrir að við fórum í veiði niður í ós og slitum upp nokkrar bleikjur og Tengdapabbi náði einum laxi sem var grillaður um kveldið. Útivera er mikið mögnuð sérstaklega á sumrini og þá er veiði ekki versta form útiveru það verður að segjast. Svanhildur kom svo á mándudaginn og við rúlluðum í Dal í gær þar sem Tengdapabbi varð fimmtugur og var þar smá geym í gær. Það var mikið fjör, svona suprize veisla þar sem hann var við að opna veiðiána í gær og átti ekki von á fólki! Svo var brunað í bæinn í morgunn, þar sem ég hef alltof mikið að gera í vinnunni og varð að halda þar áfram, hefði nú alveg verið til í að vera í Dal fram að hádegi og veiða með þeim hjónum!!! Fjáras vinna á sumrin, það á bara almennt að leggja niður störf á sumrin, það er bara þannig!!

Heim úr bananalíðveldinu Rúmeníu!!

Jamm þá er maður kominn heim úr vinnuferð til Rúmeníu. Átti nú alveg von á fátækt of vandamálum henni tengdri en það sem að fyrir augu bara var mun meira en ég hafði gert mér í hugarlund. Sérstaklega var Búkarest eða Bucuresti eins og hún heitir á frummálinu viðbjóðsleg borg. Endalausar kommunista blokkir (kassalaga blokkir í jafnir stærð, allar eins því allt átti að vera eins og jafnt) löngu farinn af þeim málningin og engir peningar til að bæta þar um, hangandi sængur út á svölum til að reyna að losna við sagga fíluna úr þeim (svakaleg saggalykt í húsum þarna sem ekki eru loftræst). göturnar eru gamla og úr sér gengnar, spýtnabraka og pípur og drulla og skítur og rusl meðfram öllum vegum og bara almennur viðbjóður. Þetta er mjög stressuð borg og það var starað á mann sem útlending og beðið eftir tækifæri til að ræna mann þarna!! Var sérstaklega varað við því á hótelinu að vera á ferli einn fyrir utan hótel!! Verksmiðjurnar voru verulega gamaldags, enginn með hjálm og í raun sá ég hvergi hjálm í verksmiðjunni, efast um að slíkt sé til þar!! Allir reykja þarna og alltaf ofan í mann, hvort heldur sem er í morgunmatnum á hótelinu, leigubílum eða rútum, fundarherbergjum eða bara hvar sem er!! Maður er búinn að vera í óbeinum reyk í nokkra daga!! Sígaunarnir betlandi við hvert horn og findið að sjá sígaunalestirnar úti við þjóðvegina, enn svona hestavagna lestar og vareldar!! Sem betur fer fór ég svo til Constance sem er hafnarborg við Svarta hafið því hún er mun ásjálegri þótt mikið vanti upp á hana líka. Meira um það síðar!

Laugardagur

Jamm nú sé laugardagur og klukkan 20mín yfir 8!! Þá á maður ekki að vera búinn að vera 1,5 tíma í vinnunni!! Það er nú samt þannig! Ætla að sitja fram að hádegi og bruna svo vestur um stund! Tengdapabbi með málverkasýningu í Norska húsinun á Stykkishólmi og er hún að opna í dag þannig að ég ætla að verða viðstaddur þar. Svanhildur og Ástþór Örn eru þar núna svo að ég hitti þau bara í hólminum! Annars er bara verið að útbúa vinnuteikningar í loftræstikerfunum mínum á fullu, eiga að fara úr húsi ekki seinna en eftir helgi og helst fyrir helgi :-| Í öllu falli verð ég að klára þetta fyrir Rúmeníu förina á þriðjudag!

Annir og appelsínur

Jamm það er nóg að gera þessa dagana það er víst ábyggilegt. Var mættur hér klukkan 7:30 í morgun og er enn og ekki á leiðinni heim!! Þetta endara bara á einn veg, almenn sturlun og vanviska!! Það er nú gott að þau málefni eru eitthvað sem ég er á heimavelli með!!! :-) Jamm kaldasti maí síðan 1993 liðinn og er það vel, kann því illa að vera að setja kulda met það má gerast nyrst í Kanada eða á Grænlandi en ekki í Reykjavík. Svo er það spurning um að fara í búðina á eftir og fá mér smá steik á grillið svona fyrst ég er einn heima, ekki skemmir það fyrir heldur að ég á enn nokkur gæsaegg sem að Diddi bróðir var svo vænn að færa mér þegar hann kom að norðan um daginn, tel þau vera ættuð frá Jóhanni stórbónda á Gautlöndum!! Djöfull eru gæsa og andaegg góð!! Í raun ætti að banna hænur og borða bara andaegg í staðinn!! Þætti gaman að sjá hvernig KFC færi þá að því að tefja mann!!!

Grasekkill

Jamm þá er maður orðinn grasekkill!! Svanhildur og Ástþór farinn í sveitina og verða fram yfir helgi! Ég verð hinsvegar bara hlekkjaður við skrifstofustólinn minn áfram. Þetta eru grimm örlög illa veröld! Djók!! Svo þarf maður að fara að velta fyrir sér sumarfríi, negla eitthvað niður þannig að maður hafi til einhvers að hlakka. Er að fara í afmæli til Friðriks Aðalsteins frænda míns á eftir, orðin 12 ára peyinn. Ætla svo að skreppa með Didda bróður upp að álftavatni á eftir, búið að standa til lengi að kíkja á höllina hjá honum! Ég er kominn með flugmiðann í hendurnar, flogið á kaupmannahöfn-búkarest; búkarest-London-reykjavík!! Spurning um að skella sér í World of Whiskey í London eins og ég geri alltaf þegar ég á leið þar um, alltaf einhver tilboð á eðal whiskeyum þar!!!

Nýtt commentakerfi!

Jamm gafst upp á því gamla. Það er búið að liggja niðri í marga daga og ég sendi fyrirspurn til þeirra enetation manna og hef ekki fengið svar enn svo fuck'em. Jamm nýja kerfið virðist líka vera að virka mun betur, hraðvirkara og alles, vantar bara smilies í það eini gallinn!! Svo er maður bara að búa sig undir rúmeníu ferð í næstu viku, finna til vegabréfið, athuga með tryggingar, láta fyrirtækið kaupa mér örygisskó með stáltá og stálbotni, vinnugalla og svo videre!!! Jamm verður ágætt að komast í 25°C þarna út og hanga svo bara í galla inni í verksmiðju!!!

Haloscan commenting and trackback have been added to this blog.

Rúmenía

Jamm það er þá komið á hreint að ég verð í Rúmeníu 7-12 júní. Flýg réttara satt til danmerkur seinni part þann 7.júní og til Rúmeníu þann 8.júní. Verður gaman að koma þangað, aldrei komið til þessara austari Evrópulanda og Rúmenína er jú líka svoltið í suður þannig að maður þarf sennilega að taka með sér stuttbuxur. Búinn að verða mér út um VGK vinnugalla og svo þarf maður að fara og fá sér skó með stáltá og botni og þá er allt klárt!! Ég kem svo heim þann 12. og Svanhildur ferð svo út að morgni þess 13.júní þannig að það má segja að mikið flakk sé á okkur hjónunum í þessum mánuði! Jamm svo er helgin framundan, sveitaferð í Kjósina með Ástþóri Erni og leikskólanum. Vinna á sunnudaginn, hjá því verður víst ekki komist!!!!!!!

Sumar og sól

Já ótrúlegur úrslitaleikur í gær meistaradeildinni, hver hefði getað trúað að þessir Liverpool aular yrðu Evrópumeistarar!! Jæja þetta er stundum svona fáránlegt verður að segjast! Hjólaði í vinnuna í fyrra morgun og svo til bara aftur í gær, byrja rólega til að koma sér í form en sprengja sig ekki á þessu í upphafi! Var ekki nema 24 mín á leiðinni og þó aðeins mótvindur, þetta verður fínt í sumar að komast í smá form, ekki veitir af því á þessum bænum hef aldrei verið í jafn vondu formi!!!! :-(

Jamm bústaðar helgi liðinn!!

Já skelltum okkur í bústað um helgina. Fórum fjölskyldan og amma Svanhildar í bústað littlu legra en laugarvatn staðsettum í Reykjaskógi! Það voru hin mestu notalegheit og gott að vera þar! Reyndar skítkalt og hörku rok þannig að bjórin varð ískaldur þegar maður sat í pottinum!! Svanhildur skutlaði mér svo í Hveragerði þar sem Vigdís var svo elskulega að kippa mér með í bæinn og hef ég setið við tölvuna síðan!! Svanhildur og Ástþór koma svo á morgun. Findið að vera bíllaus í bænum maður er ekki vanur því en þá kemur taxi sterkur inn!! Ástþór Örn búinn að vera lasinn af kvefi og barið hóstann og ekki getað verið úti að þeim sökum, þetta er nú ljóta hundalandið!!! En helgin var engu að síður glæst, áfram sumarbústaðir!!

Sígur á seinnihluta viku

Jamm það sígur á seinnihluta vikunnar, yndislegt þegar vikan er bara fjórir dagar. Skrapp til Didda bróður í gær og fékk hjá honum 6 gæsaegg sem hann kom með úr Mývatnssveit. Orðið þó nokkuð síðan að ég át svona egg, en þetta er mikil uppáhaldsfæða hjá mér. Ekki eru andareggin verri verður að segjast. Vantar alveg alvöru varp hérna í Reykjavík hvernig stendur á því!

Bloggat

Jamm það virðist vera svo brjálað að gera hjá öllum í bloggheiminum að það er varla uppfært hjá neinum sem maður þekkir þessa dagana, comment í 0 og því finn ég mig sérstaklega knúinn til að blogga þar sem góðar líkur eru á að enginn sé að lesa þetta spark mitt. Jamm áttum frábæra helgi fyrir vestan, eða ég mætti á laugardagskvöld en restin af familiunni á föstudag. Magnað að komast í fjárhúsin, í sauðburðinn, eitthvað sem allir hafa gott af að stunda minnst einusinni á ári. Var kominn út fyrir klukkan 8 á sunnudagsmorgun með soninn og maður fór ekki inn fyrr en um kvöldmatarleitið og svo aftur út í pottinn um kvöldið. Já það er magnað hvað það gerir manni gott að vara úti við enn ekki í stöðurafmangnsskýinu í kringum tölvuskjáninn. Já mæli með að menn skelli sér undir beran himininn öðruhvoru!

Laugardagur

Nú sé laugardagur, nú sé ég í vinnunni, það sé bull!! Já það er ekki tekið út með sældinni að vera síldartunna! Svanhildur og Ástþór Örn fóru á nesið í gær að kíkja á lömbin og fleira skemmtilegt, skilst að sá litli sé að rifna úr hamingju þarna vestra! Ég neyðist á hinnbóginn til að reyna að grynnka á staflanum í vinnunni og taka eina vinnuhelgi! Nýtti mér einsemdina í gær og skrapp í bíó að sjá Kingdom of Heaven, verð að segja að ég hafði bara nokkuð gaman að henni. Það stafar efalaust af löngun minni til að vera hetja og bjarga heiminum, merkilegt að maður sé ekki að vinna neitt í þeim draumi!!!

Grillveisla

Jamm það var grillveisla í Hlíðarhjallanum í gær. Ástþór og Kata kíktu við og svo kom Davíð bróðir Ástþórs en hann er búsettur í Þýskalandi en var á landinu í gær! Þetta var svona ljómandi fínt grill, teriaki legnu kjúklinga lundirnar voru æði og grillpylsurnar frá íslenskt-franskt í Borgarnesi eru magnaðar. Jamm ekki spillti fyrir nokkrar léttar og pínu bjór! Magnað að heilsan skuli vera svona góð bara helv.!!&#$%&/ kvefið að angra mann, virðist ekki ætla að losna við þann fjára frekar en aðrir á þessu skeri!!!

Meira grill

Jamm grilluðum okkur þessar fínu ostappylsur frá SS, voru bara alveg ljómandi fínar. Fást í Nóatúni fyrir áhugasama! Svo er það smá grillboð í kvöld. Tengdaforeldrarnir koma í grill og er Svanhildur búin að marinera kjúklingabringur í Teriaki lime og hvítlauk og ég veit ekki hvað og hvað ilmurinn þvílíkur að það hálfa væri þremur og mikið. Tilhlökkun til áts í kveld því tölverð! Annars þá hef ég það prinsip að fá mér alltaf öl þegar ég grilla og sé ég því fram á blautt sumar!!! Er það eitthvað verra??

Ný vika :-)

Jamm ekki mikið um skrif í síðust viku, ástæður: Ástþór var lasinn í síðustu viku og ég var með hann heima á miðvikudaginn, á fimmtudag var svo frí og ekki sleginn hnappur á lyklaborði til annars en leiks og skemmtunar þann daginn. Föstudagurinn var svo á yfirsnúningum í fundum og tíma pressu, helginni ekki eitt í tölvur svo nú er kominn ný vika! Svanhildur búin að vera að skrifa ritgerð og allur tíminn farið í það svo við Ástþór Örn erum búinir að vera að spauga saman þeim meira! Fór og fjárfesti í grilli á föstudaginn, tengdaforeldrarnir gáfu okkur Svanhildi í afmælisgjöf upp í grill og setti ég það saman og var það brúkað á fös og lau við mikla gleði allra viðstaddra. Jamm þessar fínu grillsvalir okkar verða brúkaðar í sumar það mun víst vera! Áfram sumarið!

Vikan nýja

Já vikan nýja er rúlluð af stað. Sakna ekki þeirra gömlu, bara alls ekki. Maður er eitthvað svo þreyttur og uppgefinn að leggja inn í nýja viku að ég bíð ekki í hvernig ég verð á föstudaginn. Já það er mörg búmannsrauninn. Tildæmis að detta í flórinn, nú eða láta belju sparka í sig. Þetta voru bara fá dæmi um búmannsraunir! Já sauðburðurinn hjá Tengdaforeldrunum er á fullu og ekki eftir nema eina 10 kindur af 60 þannig að maður er temmilega búinn að missa af þessu!!! Það á náttúrulega að vera sauðburðarfrí sambærilegt við sumarfrí en frí sem myndi samt ekki skerða sumarfríið. Það ætti að verða næsta kjarabót!!

Morgun hani

Já ég er búinn að mæta í vinnuna klukkan 6:30 þessa viku og verð að segja að mér líkar það bara nokkuð vel. Klukkan hálf þrjú er maður farinn að vinna yfirvinnu og klukkan fjögur er maður farinn heim, ekki seinna!! Já eini gallinn er vekjaraklukkann hún hringir full snemma!!! En nú sé sumar og þá sé stuð!

Afmæli

Núna á hún Svanhildur mín afmæli, til hamingju með afmælið Svanhildur. Ekki gaman að eiga afmæli í miðri prófatörn en hún fer í próf á laugardaginn og því ekki mikill tími fyrir grín svona nokkrum dögum fyrir próf. Þetta styrkir mig bara enn meira í trúnni um að fara aldrei aftur í skóla og taka aldrei aftur próf, hata þennan fjára og er svo sannarlega búinn með minn skammt af þessu!!

Í sól og sumaryl

Ja í sól í það minnsta, sumarilurinn ekki orðinn enn nema 7°c. Já strákurinn mættur í vinnuna 6:30, ekki ruslið í því. Svanhildur er sem C að læra undir próf og Ástþór er bara á leikskólanum til 3 þannig að það er um að gera að vera kominn snemma heim í þessari viku. Orðið ótrúlega bjart Þetta snemma morguns og svo sem ekki mikið mál að vakan í svona björtu og fallegu veðri!! Maður verður bara að vona að það fari ekki að rigna og grámyglast í vikunni þá sofnar maður sennilega ofaní cherioos skálina sína!!

Sumarið formlega hafið!

Já sumarið formlega hafið og er það vel, ótrúlega vel! algert tilgangsleysi að vera með þennan vetar fjára!! Áttum glæsilegan sumardaginn fyrsta í gær, fórum í mat til tengdaforeldra minna ásamat Vigdísi og Marteini og vorum þar í þvílíku kræsingunum að það hálfa hefði verið nóg! Já átið var almennt og lengi og er það vel því það að borða góðan mat er skemmtilegra en flest annað. En annars þá er föstudagur í dag svo að helgin byrjar á eftir, hvílík snilldar vika þetta er!! Gleðilegt sumar gott fólk!

Dagurinn fyrir sumardaginn fyrsta!

Já heldurðu að maður megi bara ekki sofa út á morgunn!! Ja hvur þremillinn mætti vera svoleiðis fleiri fimmtudaga. Þvílíka sumarveðrið í gær, sól og 15°C hiti og hlýr vindur sem er mjög fátítt hér!! Ziggy nýtti sér tækifærið og skellti sumardekkjunum undir bílinn og allt klárt fyrir sumarið! Já og svo þarf maður að fara að græja sér grill og stóla á svalirnar og fara að vera aðeins meira utandyra en ekki neitt! Já sumarið er tíminni (nema maður sé námsmaður á sjó á sumrin, sbr. Ottó og Munda um árið)!

Getraun!

Já hugmyndaleysi í dag eins og venjulega og því er það bara getraun í staðinn. Hverjir sungu: When I look at the television I wanna see me staring right back at me!

Já og sem aukagetraun má svo spyrja: Hvaða tvær leikkonur úr vinsælum framhaldsþætti hafa verið kærustur söngvara þessarar hljómsveitar!!

Helgin búin!

Já magnað með þessar helgar þær enda alltaf allt of fljótt!! Þessi var alveg ágæt. Fórum á laugardagskvöl með familyupakkanum á Lækjabrekku að halda upp á Gullbrúðkaup mömmu og pabba, það var voða fínt. Svo var gúllassúpa og kökur hjá Didda á sunnudaginn í tilefni dagsins og komu þá fleiri ættingjar. Svanka skrapp svo í leikhús í gær svo að sósíallífið var alveg á fullu þessa helgina. Ástþór að ná sér af kvefi en var bara hafður inn þessa helgina, eitthvað sem er honum aldrei fullkomlega að skapi!! En núna fer nú vonandi að fara að koma sumar og maður þarf að fara að dusta rykið af hjólinu sínu, ekki seinna vænna!!

Helgin í vændum

Já fínn dagur í gær. Keypti Entrecote steikur í gallerí kjöt og eldaði það með bökuðum kartöflum, og rauðvínssósu og einhverri gommu af meðlæti. Svanhildur bjó til Panacota sem er í geypilegu uppáhaldi hjá mér. Já svelgdum þessu niður með rauðri og allt klárt. Já maður ætti að eiga afmæli sem oftast. Svanka gaf mér þessi fínu fötin í afmælisgjöf og var ekki vanþörf á þar sem skápurinn hefur ekki gengið í nýja lífdaga síðust árin og er að verða ansi lúðalegur miðað við staðla nútímans. Nýji diskurinn hans Nick Cave kominn í hús í tilefni dagsins og er það þrefaldur diskur með B-lögum og allskonar gríni. Já svo ætla tengdaforeldrarni að gefa okkur Svanhildi saman (hún á afmæli 27) grill til að skella á svalirnar! Þá myndi ég nú segja að allt væri að verða klárt! En stefna er sett á enga helgarvinnu þessa helgina og er það vel. Megið þið njóta góðrar helgar. Já og í framhjáhlaupi má benda á það að mamma og pabbi eiga gullbrúðkaup á morgunn!!! Þetta er náttúrulega kolruglað fólk :-)

Afmæli

Jamm nú á strákurinn afmæli í dag. Orðinn Thirty something!! Já stóri plúsinn er nú samt sá að það er mun lengra í fertugt en í þrítungt ennþá!!

Mr. Júlíusson!

Já þannig ber nú við að mesti töffari sem að Ísland hefur af sér alið er sextugur núna í dag! Já það koma svo sem margir til greina, en enginn hefur komið með eins sterkt tilkall til titilsins en Rúnar Júlíusson. Sitt kann hverjum að sýnast um Piltinn og allir hafa rétt á sínum skoðunum um hann. Hins vegar tala staðreyndirnar sínu máli og eru óhrekjanlegar! Maðurinn var í lang, LANG vinsælustu hljómsveit landsins, dáður af konum og öfundaður af mönnum! Maðurinn var landsliðsmaður í fótbolta og til að tryggja sér titilinn töffari Íslands þá nældi hann sér í hana Maríu Baldursdóttir sem var eins og glöggir lesendur efalaust vita, ungfrú Ísland á sínum tíma. Það má því ljóst vera að Rúni er mesti töffari sem að Ísland hefur af sér alið og segi ég því: Til lukku með afmælið Rúnar Júlíusson.

Lengi skal manninn reyna!

¨Já hélt að ég væri búinn að skila síðustu reikningunum af mér til yfirferðar til Den Norsk Veritas til yfirferðar og gæti nú loksins farið að snúa mér að öðrum verkum, en nei! Fékk þá til baka í morgunn og eitthvað leist honum ekki á blessuðum karlinum og morguninn búinn að fara í að gera honum til geðs blessuðum manninum! Ég er ekkert pirraður út af þessu. Nei mér finnst þetta gaman!! GAMAN MÚHÚÚÚÚ, MÚHÚÚÚÚÚ.
Annars þá komu Kristín frænka Svanhildar úr Vestmannaeyjunnum og Kiddý dóttir hennar í heimsók í gær, höfðu ekki komið í nýju íbúðina áður. Færðu okkur þessi líka fínu steikarahnífapör frá WMF og þetta fína fiska fat til að bera fram á fisk. Já það var ótrúlega rausnarlegt af þeim verður að segjast. Það var því setið og spjallað og litli maðurinn fór ekki í rúmið fyrr en upp úr níu og hugmyndin að vaka í morgun þótti ekki mjög góð þannig að við sváfum bara aðeins lengur og maður mætti bara í vinnuna klukkan 9 í morgunn. Hvílík sæla!!

Fjör í frans

Já það er fátt meira gaman en að vakna frekar snemma á laugardags morgni og drífa sig af stað í vinnuna!! En þetta þarf stundum að vera svona, yfirleitt er reyndar þvílíka veðrið þegar maður þarf að vinna um helgar en það virðist ekki vera raunin núna! Jamm komst ekki í fermingu norður til hennar Aldísar Dagmar systurdóttur minnar en sendi henni hinsvegar bestu kveðjur í staðinn!!

Svimi svimi svitabað!!

Neibb ekkert svitabað hérna. Myndi hinsvegar ekki veita af því að skreppa í ræktina og komast í smá svitabað! Frekar tíðindalaust á suðurvígstöðvunum, blessuð vinnan í alltof stóru aðalhlutverki, maður verður að fara að hætta þessu bulli og vera meira heima hjá sér!! En svona er íslenskt neyslusamfélag uppbyggt að maður er orðin tölvuþræll langt fyrir aldur fram. Fínt að gerast tölvuþræll svona upp úr sextugu en ekki árinu fyrr. Jamm ég segi að það eigi allir að vinna úti við og helst við að grafa skurð með skóflu eins og fólk gerði í gamla daga!! Það væri nú lífið :-)

Helgin fína!

Já það er langt síðan að við höfum átt svona notarlega helgi fjölskildan! Enginn í vinnu enginn að læra og enginn veikur þessa helgi!! Fórum í fermingu hjá henni Hildi Valdísi frænku minni og var það hið glæsilegasta mál, vel á borð borið og þaðan fór maður saddur og sæll! Mamma og pabbi kíktu í hrygg á föstudagskvöldið og var það mjög gaman að fá þau aðeins í rólegheitunum. Sunnudagurinn var svo tekinn með trukki og dýfu, byrjað að fara niður í Langagerði að athuga með hundana sem voru húsbóndalausir um helgina þar sem eigendurnir voru í eyjunum í fermingu. Þaðan var svo haldið í laugardaginn að gefa öndum og gæsum brauð, það þótti litlum manni ekki afleitt, svo var farið að græja þennan líka fína snjókarl heima við sem var orðin hauslaus seinni partinn í gær og einhver rústaði restinni af honum svo í gærkveldi. Svo bakaði Svanhildur súkkulaðiköku og henni var skolað niður með kakói og allt klárt! Sem sé fín helgi og vonandi verða fleiri svona á næstunni!!

Gamla commenta draslið

Já eftir stutta prufun á nýju commenta kerfi hef ég ákveðið að fara aftur í það gamal. Þetta nýja var ekki alveg að gera sig, full hægvirkt og engir broskarlar og því þá ekki að halda í það gamla! Er búinn að vera að hlíða á nýju tónsmíðina þeirra strákanna í Kent og lýst vel á gripinn, alveg að drukna í vinnunni og allt brjálað hjá Svanildi í skólanum! Þetta svo sem summar upp tilveru okkar þessa dagana, full mikið að gera og full lítill tími til að sofa! Magnað með svefn, maður væri alltaf til í að sofa smá lengur og svo loksins þegar menn verða gamlir og hafa ekkert skárra að gera en að sofa þá geta þeir það ekki!!! Svona er nú sanngirni tilverunnar!!

Páskarnir búnir

Já þá eru páskarnir búnir og mættu þeir hafa verið mun lengri mín vegna. VIð skruppum vestur á nes og höfðum það alveg ótrúlega gott þar. Þar var góður matur snæddur í kílóavís og kannski fullmikið rauðvín og gin drukkið og slappað af í sveitinni þess á milli. Veðrið var alveg frábært og allt eins og best verður á kosið. Græjuðum 600L fiskikar og breyttum í heitan pott, hann var stundaður grimmt á kvöldin, setið þar ekki undir tveimur tímum á kvöldin þannig að vöðvabólgan hefur sjaldan verið betri. En öllu góðu verður að ljúka og því er maður mættur hérna í vinnuna aftur!!!

Ps. Eins og glöggir lesendur hafa efalaust tekið eftir eru tvöfaldar Comment línur núna í gangi, þetta er sökum þess að ég er að prófa blogger commenta kerfið þannig að ef einhver vildi vera svo vænn að skella komment á þetta nýja væri það vel þegið!!

Eftirskjálftar

Já þá eru tveir dagar síðan að blessuð árshátíðin var í vinnunni og ég er enn ekki kominn alveg á rokk og ról!! Maður er að verða svo gamall og gersamlega kominn úr allri æfingu að þetta er að verða kvöl og pína að fá sér í glas!! Þetta er eitthvað sem maður er farinn að eiga til spari á tillidögum!! Annars þá varð litli maðurinn lasinn að nýju í gær, rauk upp í hita svo að hann er heima í dag, virðist ætla að ganga rólega að hrista þetta algerlega af sér. Svo er það bara páska fríið framundan. Páska fríið er eins og allir vita miklu meira FRÍ en jólafríið, einar félagslegar kvaðir og þesslags, bara slappa af og helst að fara útfyrir bæinn, mikið skilyrði í raun. Já maður verður að taka páskana með trukki og dýfu (voga)!!!

Frétt í aðal fréttum ekstrabladet!!

Rakst á þessa frétt á ekstrabladet, þar koma þrjár nýjustu "aðal" fréttirnar alltaf efst á síðunni, svipað og hjá mogganum í gamla dag! Eihvern veginn finnst mér þetta ekki aðal frétt, en þræl findinn! (restinn af fréttinni fylgir ekki þar sem þetta er spurning til pararáðgjafa)!



sdfs 

30-årig kvinde er frustreret over kærestens lortestriber i underbukserne og generelt dårlige personlige hygiejne. Se Joan Ørtings svar

Jeg er 30 år og gravid med mit/vores første barn i 32 uge, planlagt bryllup med faderen til barnet. Ja alt lyder jo perfekt, men jeg har bare et problem med hans hygiejne.

For det første kan han bare ikke tørre sig ordentlig efter toiletbesøg, der er faktisk altid lortestreger i underbukserne.

Han vasker ikke hænderne efter toiletbesøg. Jeg sætter også stor pris på at man tager et morgenbad, tager pænt rent tøj på og gør noget ud af sig selv og for hinanden, men det kan han ikke se noget i.

Líður á viku!

Já það er bara að verða búinn vinnudagur á fimmtudegi og er það alveg ótrúlega vel! Búinn að vera hin almesti leiðinda dagur og því vel við hæfi að honum fari að ljúka. Hinsvegar er bjart framundan þar sem helgin mun hefjast formlega klukkan 2 á morgun! Já það verður ekki ruslið í því, svefn matur og alles klárt. Árshátíð á laugardag og almenn vellíðan á sunnudag! Já það er gaman að þessu þegar allt kemur til alls!

Heim um klukkan 5

Já strákurinn var bara kominn heim klukkan 17:00 í gær! Var alveg með blússandi samviskubit á að vera ekki að gera neitt, hafa nokkra tíma til að haga, maður hefur ekki getað leyft sér það í langan tíma. Leiðinlegt hvað það er orðið kalt úti, maður var alveg kominn í útivistar gírinn hérna í hlýjunni um daginn, var farið að nálgast að maður gæti tekið garðinn og svalirnar með trompi og dýfu, jafnvel farið að hugleiða kaupa á grilli!! En allt á sér tíma og stað og verður þetta því vonandi framkvæmt í nánustu framtíð!!

Dagur 1!

Já þá byrja vikan að malla sinn hring eina ferðina enn. Í ljósi þeirrar staðreyndar að ég hef nú lifað í 1574,714 vikur á æfi minni veruð maður nú að segja að það vantar smá fjölbreytni í þetta! T.d. að hafa vikurnar mislangar, en þá þarf maður að núlla þær út á árs basis þannig að maður eldist ekki hraðar og meðal aldur hækki þannig og tryggingastofnun fari á hausinn! Nú eða ef vikurnar hafa meiri tendens að lengjast þá verður maður yngri lengur, en að sama skapi verður rekstur heimilana erfiðari þar sem það eru fleiri dagar í mánuðinum og þá er fínt að vera á tímakaupi en ekki föstu mánaðarkaupi!! Já það er margt í mörgu í maganum á henni Ingibjörgu!

Annir gífulegar

Já það er um það bil allt á hvolfi í vinnunni hjá mér um þessar mundir! stærðar útboð að fara út og allt á alsíðustu stundu og unnið fram á kvöld trekk í trekk! Lítill tími fyrir blogg og aðra slíka iðju, sérstaklega þar sem ég er líka að semja útboðsgögn fyrir málningarútboð sem að fjölbýlishúsið mitt er að fara í!! Já maður lætur plata sig í ýmsa vitleysu

Fyrir þá sem hafa gaman að því að sjá Runna bandaríska gerðan að fífli er þeim bent á þennan link og þeir minntir á að hafa hátalarna í gangi, annars er þetta ekki að virka!

Síðasti dagur á meðölum!

Já þá er síðasti dagurinn sem að Ástþór Örn þarf að vera á meðölum sökum þessarar lungnabólgu og getur hann því vonandi farið á leikskólann á morgunn. Búið að vera svoltið strembið hjá Svanhildi að eyða öllum tíma sínum í að vera með hann heima lasinn og geta ekki lesið á meðan. Hittir náttúrulega líka vel á að ég er í geðsjúkri törn í mörgum verkum núna og ný búinn að vera lasinn og hef því engan tíma til að vera með lítinn lasinn strák heima þótt ég feginn vildi! En núna er bara að vona að hann sé kominn algerlega yfir þetta og þessi blessaði veikinda febrúarmánuður sé algerlega að baki. Annars þá er enn þetta fína veður úti og maður kominn í algert vorskap, bíða samt fram í Apríl með að setja nagladekkin í skúrinn og sumarblöðrurnar undir, sérstaklega þar sem það á að fara að kólna!

Helgin liðin því er nú andskotans ver og miður!!

Já enn ein helgin í valnum og er það ekki vel. Hinsvegar þýðir það að núna er farið að styttast óðfluga í næstu helgi og það er vel. Ekki nema fjórir morgnar eftir að vakna fram að næsta helgarfríi. Já var að vinna á laugardaginn og það var ekki vel (nema fjárhagslega) en var svo heima með gaurinn á sunnudeginum þar sem mamma hans skrapp í afmæli til Hveragerðis. Við fórum hamförum í hreingerningu, bókalestri, söng, boltaleik, kubbun og almennum fíflagangi. Já nú er húsið um það bil að verða spikk and span og ekki seinna vænna, vorið á næsta leiti!

gísli, eiríkur og HELGI

Góða helgi fólk fjær og nær!

From AM to PM

Já núna er maður kominn í þann fasa að vera mættur klukkan 8 á morgnana og fara heim eftir 10 á kvöldin. Get ekki sagt að mér finnist það skemmtilegur fasi og þegar maður mætir á morgnanna er eins og maður hafi aldrei farið um kveldið. Ekki mín hugmynd af fun!! En hinsvegar má það ljóst vera að bankinn verður hæst ánægður ef maður nær að halda þessum dampi eitthvað sérstaklega eftir að maður var á dagvinnunni í febrúar sökum veikinda!! Litli maðurinn er að skríða saman, orðinn nokkuð brattur og við erum að vona að hann sé að ná að reka þetta úr sér svo hann fari nú að komast út greyið og morkni ekki í einverunni heimavið!! En aftur í þrældóminn sæl að sinni!

Lungnabólga

Já til stóð að halda barnaafmæli um helgina en því varð að fresta sökum þess að sá litli var kominn með lungnabólgu. Loksins þegar hann var búinn að ná sér af þessari flensu og búinn að vera hitalaus í eina 6 daga, vaknaði hann með 40°C hita og allt í mínus og við létum tékka hann daginn eftir og hann þá kominn með lungna bólgu og verður inn næstu vikuna í það minnsta!! Ég var því heima með hann í gær þar sem Svanhildur er með framsögu í skólanum í dag og kominn í algera tíma þröng. Ég er það svo sem líka og stressið á manni er um það bil að byrja að segja til sín. Maður er alltaf að sjá það betur og betur að maður hefði átt að drullast í bakarann eins og einn góður kennari minn úr vélskólanum var ætíð duglegur að benda mönnum á ef að þeir voru eitthvað að kvarta!!

Tímapressa

Já síðustu orð um klippingar. Einungis konur hafa verið í því að verja klippara með misgóðum rökum og velti ég því fyrir mér hvort að þær séu nokkuð svo ósammála mér og séu meira að réttlæta þetta fyrir sjálfum sér að vera búnar að eyða yfir 100 þúsund krónum á ári í klippingar??? Nei ég bara spyr. Að öðru þá er ekki verði heldur er búið að drekkja mér endanlega í vinnu. Núna er ég í þremur stórum verkum sem eru öll um það bil fallin á tíma og maður þarf að fara að velja það verk sem verst stendur í það og það skiptið til að vinna í á daginn. Næstu vikur verða ekki ljúfar en vonandi fer nú að róast upp úr því (ekki það að mér þyki það sennilegt en maður verður að vona). Svo er það afmæli hjá pjakknum um helgina og því verður enginn tími til vinnu um helgina jamm það er ekki tekið út með sældinni að vera síldartunna!

Klipping taka tvö

Já þar sem mér virðist sem að ég hafi hreyft við mönnum með bloggi gærdagsins finnst mér tilvalið að taka þá umræðu upp að nýju. Klipping er ekki óþryfalega vinna og er þar að auki þægileg innivinna og því ekki réttlætanlegt að leggja slík álög á eins og gert er með marga smíðavinnu. Menn eru í fínni aðstöðu til að sosíalsera með öðrum manneskjum og því er ekki um einmannalega vinnu að ræða heldur. Þar sem að í flestum tilfellum er verið að fylgja tískustraumum sem að aðrir hafa lagt út er heldur ekki hægt að tala um að menn séu að fremja list, frekar að kópera verk annara. Verið getur að námið sé lengra en ég sagði í gær en nám í skóla er ekki nema fárar annir restin er í vinnu. Þá er ég kominn að því atriði sem að mig langaði til að spjalla um. Nemalaun iðnnema: Í gær var ég rukkaður um 2650kr fyrir klippingu sem tók ekki langan tíma og spurningin er sú hver græðir. Flestar stofur eru í eigu klippara og eru flestar reknar að stórum hluta með nemum sem eru þarna sem hluti af sínu námi. Nemalaun í hárgreiðslu, þjóni og kokki eru eitthvað um tæpar 60 eða 70 þúsund krónur á mánuði síðast þegar ég heyrði. Það má því ljóst vera að neminn er ekki að fá margar krónur af þessum 2650 sem að títtnefndar hafa verið. Einhver er því að græða bara tölvert á meðan að viðkomandi er að svína á nemanum sínum. Og ef að menn eru ekkert að græða á þessu hvernig fara þá svona menn eins og Siddi rakarki að því að vera alltaf á nýjustu gerð af LandCruserum og fínt fínt??? Nei ég stend á því sem ég segi það er allt of dýrt að fara í hárskerðingu og mæli með Torfaaðferðinni fyrir sem flesta til að þvinga verðið niður! Og hananú!

Klipping

Jamm ég gerði gamalkunnan hlut í dag sem ég hef ekki gert í ein fjögur ár eða svo og það var að skella mér í klippingu. Jamm svoleiðis gjörning hef ég framkvæmt sjálfur með dyggri aðstoð elskulegrar eiginkonu minnar. Jamm og þegar var komið að því að greiða fyrir þjónustuna þá styrktist ég ennfrekar í trúnni að maður eygi að gera þetta sjálfur. 2650kr fyrir klippingu, herraklippingu for that matter, hvað er það!!?? Konur eru þá sennilega að borga 7-8 þús fyrir sinn pakka. Ég legg til að menn mótmæli þessum fáránlega kostnaði og hætti að fara í klippingu og neyði stofurnar til að lækka verðið á klippingum því þetta er ekki mönnum bjóðandi. þegar ég var í þessum pakka að láta klippa mig reglulega kostaði þetta 1400kr og þótti dýrt en er núna komið í 2650. Klippiverkfall það er málið!!

Jammserinn

Já það er um það bil brjálað að gera um þessar mundir og er það ekki vel. Svanhildur heima með litla lasarusinn og er hann orðinn hitalaus og hundfúll á að hafa varið undanförnum vikum innandyra, kann okkur engar þakkir fyrir slíkt. En hann fer nú vonadi að fara að komast út greyið áður en hann snappar. Svanhildur hefur líka engan tíma til að lesa á meðan stemmingin á heimilinu er ekki upp á það besta, litli maðurinn kallar á sýna athygli í svona veikindum. Jamm en ég held að það byrji að vora 6. apríl og hef því sætt mig við það að það er ennþá vetur en þann sjött mun það breytast þá verða dreginn fram sumarfötinn og sólskynsskapið og allt verður klárt!! Þið vitið ekki um einhvern sem á íbúið í köben og vantar að láta passa hana fyrir sig í vikur eða tvær í júlí??? Nei ég bara spyr!!

Rútínan að hefjast á nýjan leik!

Jamm það er byrjuð ný vinnuvika og Ziggy mættur í vinnuna. Ástþór Örn er reyndar heima að jafna sig eftir veikindi svo að rútínan er ekki orðin fullkominn enn en það er vonandi farið að styttast í það. Skemmtilegt þegar maður verður svona veikur og kemur aftur í vinnu viku seinna að það á gersamlega að drekkja manni í vinnu. Fáránlegur stafli af dóti sem ég er engan veginn að komst yfir og þar að auki er maður á frekar lágu "orkuleveli" þannig að það hjálpar ekki til heldur. Jamm og blómkálssúpa í matinn, hvað er það þegar að mann vantar orku!!!!!! Bökuðum köku um helgina og afi og amma hans Ástþórs kíktu inn í smá kaffi og Vigdís leit líka við með sinn litla. Þetta var gaman en alvöru afmæli verður haldið síðar hvernig sem við ættlum að koma öllu þessu fólki fyrir í íbúðinni okkar!!!!

Veikindi

Já þá er flogin vika úr lífi manns út um gluggann. Búinn að vera með hita upp á hvern dag í viku en í dag virðist vera að rofa smá til. Er búinn að vera hitalaus í dag og meira að segja skellt mér í sturtu. Það var þörf á því og ekki orð um það meir! Kominn í algert rassgat í vinnunni og verður stafli af leðindum sem að bíða mín þegar ég mæti þangað aftur sem verður vonandi á morgunn. Ástþór Örn búinn að vera lasinn með mér, var orðinn góður og hitalaus í nokkra daga og skrapp einn dag á leikskólann og varð veikur aftur þá um nóttina. Þetta hefur sem sé verið hið mesta pestabæli og tími hinn ömurlegasti. Verið með einhvern augnvírus sem fylgir þessu víst þannig að ég hef ekki getað lesið og það er bara sjónvarpið sem blívar og ekki er dagskráin beisin þar!! Sem sé ekki búið að vera gaman liðna viku, en eiginkonann hefur komið manni í gegnum þetta með glans og á hún þakkir skildar.

Kettir eru óhræsisdýr

Jamm hver vill eiga kött og afhverju?? Kettir líta niður á menn og "leyfa" þeim að klappa sér, meðan maður klappar hundi þar sem hann er neðar í virðingarstinganum!! Hver vill eiga gæludýr sem telur sig manni æðri?? Ekki ég það er klárt. Ekki bætir úr skák að Ástþór Örn er með ofnæmi fyrir þessum ófreskjum og hann er búinn að umgangast kattareigendur núna í tvo daga í röð og það er eins og við manninn mælt, hann barði hóstann þvílíkt í alla nótt. Meiri óþverrinn þessi ofnæmi. Það var því frekar brúnaþungt fólk sem staulaðis á lappir í Kópavoginum í morgunn en Svanhildur er heima með honum þar sem ekki er hægt að senda greyið svona hóstandi á leikskólann. Spurning um að fá sér grímu og setja nærurnar utanyfir buxurnar og gerast kattman-kattarbaninn ógurlegi muuhaaaaa muuuhaaaaaa. Nú eða ekki!!

Helgin liðin!!

Já þá er helgin liðinn og það er aldrei vel. Nei þetta var þrusufín helgi, enginn vinna, bolluát hjá Kötu og Ástþóri, kveðju kaffi hjá Helgu frænku minni og Doug sem eru að flyta til Boston og fínt fínt. Elduðum okkur gott á föstudag og gerðum okkur smá dagamun þar sem Svanhildur fékk 9 fyrir B.A. ritgerðina sína, glæsilegur árangur hjá stelpunni!! Búinn að vera að leika við Ástþór Örn í allskonar spaugi og glensi. Jamm var bara ekkert á því að opna augun í morgunn því almennt spaug er einfaldlega ekki eins mikið á virkum og þegar maður er að dúlla sér um helgar!!

Dagur föstu og frjálsra áta

Jamm það er dagur föstu og er það vel, ótrúlega vel í raun þar sem ég hef ákveðið að vinna bara annan dag þessarar helgar og á því heila frídag í vændum. Var ágætt áðan þá var að hætta starfsmaður og nýr að byrja hjá ENEX sem er fyrirtæki að hluta í eygu VGK og var sendur póstur á liðið um að það væri með kaffinu upp á fjórðu hæð þar sem þeir eru til húsa. Þar mætir múgur og margmenni og ég og þegar þangað er komið kemur í ljós að sá sem að keytpi inn hélt að það væri bara enex að mæta í kaffið en þau eru að ég held 5!!! Ein lítil súkkulaði kaka og ein vínarbrauðslengja!! Frekar kómískt og vandræðalegt þannig að forstjórinn skellti sér í bakarí og reddaði dæminu með sóma. Já ætti að vera kaffi á hverjum föstudegi væri eðal siður verður að segjast!!
En megið þið eiga góða helgi landsmenn nær og fjær og farið varlega í ölæðið!!

Snjór

Ja hvur gráskjóttur, það er byrjað að snjóa aftur og það bara í tölverðu magni. Svo bráðnar þetta efalaust á morgun og allt fer í bleytu og slabb, já núna þekkir maður Reykjavík, saga undanfarinna 10 vetra eða svo! Snjór á að vera í fjöllum en ekki á götum. Kuldi á að vera í ískáp en ekki í byggð. Sól á ekki að vera í ljósabekkjum heldur á mér!! Þetta bara er svona!

ACAD Map 2005

Jamm ég er alltaf að tilraunadýrast í vinnunni og var núna að skipta út ACad building system 2005 fyrir Map 2005. Hið síðarnefnda reynist svona miklu betur og öll heima forrituðu meunuarnir og toolbararnir svín virka í því síðar nefnda en ekki í því fyrra. Magnað hvað það er gaman að gera eitthvað annað en maður á að vera að gera, ekki það að það þurfti að kanna þetta og var ég fenginn í þetta, en það að fá að íta verkunum til hliðar og forrita smá og leika sér er fínt til tilbreitingar þó að ekki vildi ég hafa það að atvinnu!!! Já ekki voru þau orð fleiri!

Jamm jamm og jæja

Já þá er snjórinn farinn og mildur hiti úti og ergo allir að leggjast í kvef!! Magnað með þetta land, það eru allir alltaf lasnir, ef að það væri bara vetur þegar það er vetur væri kveftilfelli efalaust mun sjaldgæfari en þau eru í þessum umskiptingsveðrum, það er mín kenning alltént! Nýr mánuður byrjaður og jólin varla búin að manni finnst, þetta mun víst vera elli merki er mér sagt!! Þá er bara spurningin um að eldast hratt fram á sumarið og mjög hægt um sumarið, það er mitt plan fyrir sumarið!

Tími sannleikans

Já nú er tími sannleikans runninn upp. Sannleikurinn er sá að ég þarf að fara að mæta fyrr í vinnuna til að reyna að komast yfir allt sem ég þarf að gera. Var því mættu rétt yfir 7 í morgun og er það vel, nú er bara að gera þetta að vana ekki undantekningu. Annars var helgin fín þó svo að ég hafi verið í vinnu báða dagana. Skruppum í mat til Ástþórs og Kötu í gær og var amma svanhildar með í för. Það var þessi fíni tandoríkjúklingur á boðstólnum ásamt ýmiskonar indverskum kræsingum er fylgja slíkum rétti. Mikið er gaman að borða góðan mat, en ekki mátti miklu muna að súkkulaðikakan rifi buxnastrenginn þegar hún laumaði sér með ísnum niður í maga!!! Annars þá varð mér það á að standa fyrir framan spegil í gær og upp frá því var ákveðið að setja heimilið í ís og snakk pásu og er það vel!!

Hvað er í gangi

Hvað er nú í gangi, var í vinnuni í eina 6 tíma í gær og er í vinnunni í dag. Þetta er náttúrulega bull, hvað er að verða um þessi prinsip um að vinna ekki um helgar?? Ástæðan er tvíþætt, jólavísa og verkefnastaða í botni. Jamm maður neyðist því til að játa sig sigraðan og sitja hérna, hlusta á Kings of Leon og drullast áfram með verkefnastaflann. Annars þá var mér rúllað upp í Scrabble í gærkveldi af eiginkonunni, ég var með einhver 280 stig en Svanhildur fann sig knúinn til að komast langleiðina upp í stigin fjögurhundruð. Var það fallega gert af henni?? Nei! Vona að ykkar helgi hafi verið meira frí en mín, sem að öðru leiti en vinnulega hefur verið fín!

Fullt af commentum

Jamm í gær fór ég hamförum á commentakerfinu. Málið mun vera það að þetta helvíti virkaði ekki blautan skít og ég náði aldrei samband, reyndi þetta nokkrum sinnum og varð að endingu svo pirraður að ég ákvað þá að leggja smá álag á serverinn þeirra með því að halda enter takkanum niðri um stund. Lítur þannig út að einhverntímann á því ferli hafi þetta farið að virka svona 60 sinnum, henti út slatt í gær en sá svo hvað þetta var mikið magn og lét gott heita. Hvað heitir gott?? Það er spurninginn! Góða helgi, Seattle signing off!

Mojo Jojo

Já Núna eru allir fjölskyldumeðlimir orðnir heilir heilsu og er það vel. Versta er að ég sé fram á að þurfa að vinna alla helgina og er það mjög miður, mjög. En það má svo sem segja að félagi minn hann Jóla Visa verði kátur með það, skil nú ekki að maður skuli vera að velja sér svona félaga!!! Svanhildur fór í gær og kippti upp ljósi í stofuna og einum standlampa þar að auki svo núna þarf að festa það upp, ágætt þegar það verður einum rússanum færra í húsinu!! Annars þá er vor í lofti og vindur hlýr og vet....!! nei smá spé. En núna kaffi!

Gubbupest

Já síðasti sólahringur er ekki búinn að vera sá ljúfasti sem að um getur í sögu fjölskildunnar í Hlíðarhjallanum!! Neibb vorum komin í bælið rétt fyrir 11 í fyrrakvöld og allt í góðu. Svanhildur fór að kenna sér mein í maga og endaði það með því að hún fékk þessa fínu gubbupest. Svo þegar hún var búinn með það versta byrjaði Ástþór Örn að hósta inn í rúmi og ég fór og tékkaði á honum. Hann var þá búinn að æla smá þannig að ég tók hann yfir í okkar rúm og tók utan af sængurfötum hans. Svo sofnaði hann en vaknaði hálftímanum síðar og ældi yfir allt. Ég reyndi að grípa með lófunum en þeir fylltust fljótt!!! Svona er sem sé að vera með barn með ælupest sem kann ekki enn að æla í fötu þegar því er mál!! Þannig að nóttin fór í að skipta á rúmum og náttfötum og fínt fínt. Ég var svo heima í gær með Sjúklingana þar sem Svanhildur var alveg þræl veik. En núna eru allir komnir á rokk og ról og farnir í sínar vinnur og skóla. Megi verða langt í næstu ælupest og hún helst aldrei koma!!

Helgin að baki

Já þá er helgin búin og var hún þetta líka ljómandi fín að þessu sinni. Fórum upp úr 6 á föstudag út úr bænum og skelltum okkur á nesið. Fínt að prufa nýja bílinn í smá "langferð" svona á fyrsta eignardegi :-) Hann kom líka svona ljómadi vel út í ferðinni. Maður opnaði skottið og setti dótið inn og raðaði ekki einusinni gúffaði bara öllu inn og nóg pláss eftir, þumall. Svo munar um lengdina á honum miðað við Corolluna og var hann því mun stöðugri í hálkunni, maður fann ekki fyrir neinu þar. Þar að auki er hann að eyða miklu minna bensíni. Ef að einhver hefði sagt mér fyrir ári eða tveimur eða tíu að ég ætti eftir að eiga Toyotu og vera bara ánægður með hana þá hefði ég bent viðkomandi á að fara í heilascan og í a.m.k þrjú þarmatékk þar sem eitthvað stórkostlegt hlyti að vera að!! En svona er þetta nú. Helgin sjálf var mögnuð líka, snjór yfir öllu og við Tengdapabbi fórum með Ástþór Örn á snjóþotu og snjósleða út um allt. Fínt að renna sér á þotu niður brekkurnar og fá fara á sleðanum upp aftur, ekkert labb :-) Svo fórum ég og Ástþór eldiri í langa sleða ferð í hringum Seljafellið það var ekki mjög leiðinlegt, í logni og stillu og frosti, glampandi sól og fínt fínt. Etið þetta líka eðal lamb að kveldi með carnilone baunum (veit ekki hvernig er skrifað) og fínt fínt. Ólíver litli frændi hans Ástþórs Arnar var þarna líka í heimsókn og voru þeir fínir saman gauranir þó að sá stærri væri nú stundum með smá stæla! Sem sagt fín helgi og ekkert gaman að vera mættur í vinnuna. Svanhildur er svo að skila ritgerðinn í dag og er það vel og óska ég henni innilega til hamingju með það.

Avensis station

Já þá er verið að standsetja nýja bílinn okkar og verður hann klár seinna í dag. Er búinn að skila þeim gamla inn og því síðasta ökuferðinn á honum búinn og mátti það ekki seinna vera :-) Mun aldrei fá mér Over priced smábíl aftur. Núna er það bara station family car og alles klárt. Jamm ætti að vera notalegt tilfinning að vera með 2,5 millur undir rassgatinu maður ætti að geta vanist því. Ástþór Örn er svo á þorrablóti á leikskólanum, efalaust lang mesti töffarinn þar á stóru svæði :-) En stefnan er svo sett á vesturlandið þegar Svanhildur verður búinn í skólanum klukkann 6 í dag. Meiri tíminn 3-6 á föstudögum, ja það er ekki tekið út með sældinni að vera námsmaður það verður að segjast. Mental note: Aldrei gerast námsmaður aftur!!
Góða helgi gott fólk!

Ó borg mín borg ég lofa.....!!

Já þannig er nú það. Heyrt hef ég fleygt fram að ég hafi farið með fleypur inn á blogg síðu hér um daginn, nánar til tekið á síðunni hans Torfa. Þar mun ég hafa haldið fram að Mývatnssveit sé í yfir 200 metra hæð yfir sjávarmáli. Björn nokkur Böðvarsson mun ekki hafa verið sáttu við þessar tölur og tjáði umræddum síðuhaldara að hæðin á vatninu væri 280 metrar yfir sjávarmáli. Bið ég Björn velvirðingar á þessu og kem hinu rétt hér með á framfæri. Hins vegar hefði Björn nú alveg geta sent línu og sagt mér frá þessu sjálfur laupurinn atarna!! Já svona er nú minnið farið að svíkja mann á gamals aldri. Ef ég man kennitöluna mína ennþá þegar ég verð orðin sextugur þá verð ég sæll og glaður!!! :-)

Dagur þriðju!

Já vikan er bara ekki að líða nógu hratt fyrir minn smekk. En það má horfa á þetta þannig: á eftir að vakna við vekjarklukkur þrjá morgna og svo vakna við Ástþór Örn tvo á svipuðum tíma :-) Það er samt mun skemmtilegra en klukku fjárinn. Já núna er maður bara að bíða eftir nýja bílnum sem kemur kanski í næstu viku eða í lok mánaðarins í síðasta lagi. Verður ótrúlega gaman að losna við þessa corollu, allt of mikill smábíll fyrir minn smekk, minn ekki nenna svoleiðis dóti!!

Kalli Sverris

Já þá hefur ekki ómerkari maður en Karl nokkur Sverrisson riðið frá á ritvöll bloggheimssins með nýja síðu þar sem má sjá hugrenningar þessa merka manns! Það er því búið að bæta inn link á Kalla hérna á síðunni.
Jamm ætla að fara að skreppa með bílinn í söluskoðunn núna á eftir, fór og þreif hann í gær og koms þá að því að það er þessar fínu rispur á stuðarunum, einhver rekið sig í hornið á stuðarunum og rispurnar ná því alveg í gegn!! Ekki gott mál en vonadi ekki allt of kostnaðarsamt!! Kemur í ljós á eftir. Helgin var fín og varið heimavið að þessu sinni. Fórum reyndar í afmæli til Margrétar frænku sem á heima í þýskalandi en var á landinu yfir jólin. Fínt að kíkjá í smá kökur, verð þó að viðurkenna að þetta rjómaköku át er ekki að gera sig lengur, er alveg kominn yfir í brauðterturnar verður að segjast, maður verður svo belgdur af þessum rjóma, meingallaður fjári!!

Föstudagur

Já þá er það kominn föstudagur. Baðherbergið komið aftur í fulla notkun og því engin ástæða til að vera óþrifinn legur!! Ég á mér sem sé enga afsökun! :-( En svo er verið að spá í bílamálum á þessum bænum, er jafnvel að spá í að skila Cordollunni og fá mér Avensis station í staðinn. Var með Avensis í láni um daginn og líkaði bara nokkuð vel við kauða, miklu meiri bíll en Corollan enda er hún líka overpriced smábíll. Hafði það aldrei á tilfiningunni þegar að ég átti Golfinn að ég væri á smábíl, miklu meira fíl að keira hann en corolunna þar sem maður finnur ótrúlega fyrir því hvað það er mikill smábíll. Tala nú ekki um þegar maður neyðist til að fara á þessa fjandans yaris stofubíla, þá verð ég nú eiginlega bara reiður. Hvað er með það að kaupa sér yaris þegar ford focus er á sama verði!! Það er þó bíll, yaris er hlaupahjól með vél og andskotans ekkert meira! Segjum nei við Yaris!!

Fundir

Já það er merkileg með mannskepnuna, alltaf heldur hún að grasið sé grænna hinumegin við girðinguna. Ég er sem dæmi alltaf að tala um hvað það er fínt að fara á fundi, sitja og hlusta og leggja til málana við og við, sitja þess á milli og sötra kaffi. Nú svo þegar maður lendir í því, eins og í morgun að þurfa að sitja á fundir allan morguninn, þá er það bara helvíti fínt, meira af því!!!
Annars þá er búið að vera lokað inn á bað hjá okkur um stund þar sem ég pússaði og lakkaði vaskaborðið. Nema hvað, þetta hljóp allt í kekki og kúk og var ekkert að gera sig!! Ég reyndi bara að fara aðra umferð yfir í þeirri von að þetta myndi nú jafna sig, en allt kom fyrir ekki þetta bara versnaði. Nú þá voru góð ráð dýr og Svanhildur fór í Byko sem seldi okkur lakkið og í ljós kom að þetta var olía ekki lakk!! Ég í blindni treysti Bykoman sem sagði að það ætti bara að pússa með 180 pappír og Lakka yfir!! Nema hvað þá á að bera þetta á og pússa svo nánast strax með 500 pappír. Svanhildur er því í dag búinn að skafa af olíulagið sem ég setti á og bera nýtt á og pússa. Og ég sem ætlaði alveg að hlífa henni við þessa framkvæmd!! Sorrý Svanhildur!

Helgin

Já það er bara þannig að ég er farinn að sjá helgina í hyllingum! Þá fær maður að sofa lengur en til 7-7:30, nema að ef Ástþór Örn heldur uppteknum hætti og vaknar á þeim tíma!! Magnað, hann sefur eins og skata á morgnana þegar hann á að vakna og fara í leikskólann og þarf að vekja hann með stórvirkum vinnuvélum, en þegar við megum sofa um helgar er hann eins og sifjaður gormur upp fyrir 8. Hvað er það! En það er að koma maður frá útlöndum á fund á morgun og ég þarf að vera tilbúinn með fullt af gögnum til að hafa klár fyrir þann fund, er í miðju útboði og alles þannig að það er full mikið að gera og full mikið stress fyrir minn smekk!! Er þetta ekki bara bjórskortur!??

sittlítið af engu!

Enn nýr dagur en sömu þjáningarnar. Veit ekki hvað það er en heimilifólk á mínu heimili er óhemju syfjað um þessar mundir. Ég búinn að vera í pússistandi á borðplötum, Svanhildur í ritgerðarsmíð og Ástþór Örn í aðlögun á leikskóla. Það hefur því ekki verið nein sérstök ánægja þegar klukkan hefur hringt á morgnana hjá okkur, ekki það að það sé þannig almennt:-) En því hef ég ákveðið að vera kominn upp í rúm ekki síðar en 10 í kvöld. Á eftir að sjá hvort það gangi, en ég verð að segja að ég hlakka óhemju mikið til að skríða undir hlýja dúnsængina og steinsofna þar. Skruppum í ofnæmispróf í gær hjónin, Ástþór Örn er með ofnæmi fyrir köttum svo að við ákváðum að athuga hvort við værum með eitthvað slíkt sem reyndist ekki vera og er það vel. Já það er nú það!

Vikur líða

Já tíminn flýgur áfram, og ég hef engan veginn verið að standa mig í blogginu í liðinni viku. Ástæða þess mun helst vera annir í vinnu, búinn að vera í akkorði við að klára hin og þessi verk og hef bara varla farið inn á netið undanfarna viku. En núna eru yfirmenn mínir báðir í útlöndum og hvað er því betra en að skrappa smá á veraldarvefinn??? Búið að vera fínt hjá okkur fjölskyldunni undanfarið, kaffiboð hjá Vigdísi í gær, þrettándaboð hjá Hjalla með svakalegri flugeldasýningu, rusi, án efa flottasta einkasýning sem ég hef orðið vitni af, almagnað hjá honum piltinum. Svo fórum við í afmælismat hjá tengdamóður minni um daginn, þaö var glæst og því hefur verið nóg að gera hjá okkur í sósíalinum og er það vel. Ég byrjaði svo að pússa borðplötuna inn á baði í gær, hafði ekki gert mér grein fyrir því hvað þetta er mikið verk að pússa eina svona plötu ef maður á ekki juðara, aðeins sandpappír!!! Þetta er nú langt komið samt og kemur til með að verða mjög flott!! Ný blöndunar tæki á vaskann svo að blessaður sílekinn ætti að heyra sögunni til!!! Já framkvæmdagleði og allt jólaskrautið komið í kassa (það var reyndar ekki mér að þakka :-) )!! Já það er um það bil það!!

Vikan líður

Já vikan mallar áfram og er það hið besta mál. Ástþór Örn átti að byrja á leikskóla í dag en hann er hálf lasinn þannig að rágert var að halda honum heima að sinni. Björg vinkona Svanhildar frá fornu fari kom í heimsókn í gær, hún býr að jafnaði í ungverjalandi þannig að þær höfðu um nóg að spjalla stúlkurnar og gaman að fá hana í heimsókn. Vinnandi karlinn var löngu sofnaður þegar Svanhildur kom í rúmið í nótt. Já ég væri alveg til í að vera aðeins lengur í jólafrí það verður bara að segjast!!

Nú árið er liðið!

Nú árið er liðið í aldanna skaut og aldrei það kemur til baka. Nema maður eigi tímavél, og jafnvel þá er ólíklegt að maður komi aftur til ársins 2004, líklegra væri að maður færi til meira spennandi tíma en 2004. Já ég kveð árið 2004 ekki með söknuð í augum og slátur í vömb, þetta ár var mikið streð og álag og ágætt að það er liðið. Hinsvegar fagna ég árinu 2005 sem nýju ári þar sem það er tiltölulega lítið notað. Þetta árið kemur maður til með að eiga full sumarfrí og alles, já það er þegar allt kemur til alls litlu hlutirnir sem skipta máli. Annars erum við búin að eiga fín jól og áramót hjónin og sonurinn, vorum fyrir vestann um áramótin. Komumst á snjósleða í -12°C gaddi og allt klárt. Hvað vill maður hafa það betra? (kanski -3°C). En nú er alvarleiki hversdagsleikanns tekinn við á nýjan leik á nýju ári. Það eru háalvarlegar fréttir og ekki góðar. Það er einfaldlega ekki að gera sig að vera að vinna þetta svona rétt eftir jól, nei jólafríið ætti að vera amk mánuður eins og það var í VMA í gamladaga, það vöru alvöru jólafrí, vantaði einhverja 4 daga yfirleitt í fullann mánuð. En ekki orð um það meir, ætla að láta það eftir mér að dvelja í hugarheimi um stund og hugsa um liðnar jólafrísstundir, ekki síst þær sem áttu sér stað undir dúnsænginni með þegar bókin var kominn á hvolf á gólfið!

Jólin jólin jólin koma senn

Jamm þá er jólahelgin liðinn og farið að styttast í áramótin. Sit hérna í vinnunni og er ekki alveg að nenna því verður að segjast. Jólin fór vel hjá okkur fjölskyldunni, snæddum dýrindis fyllta gæs hjá foreldrum Svanhildar og opnuðum pakka á aðfanga dag. Littli maðurinn var ótrúlega stilltur og góður þetta kvöld, lék sér bara að nýja dótinu sínu og át konfekt :-) Svo fengum við Ástþór og Kötu í mat heim í fyrrakvöld þar sem snæddar voru endur og heimagerður ís í eftirrétt. Já, þetta er búinn að vera ljúfur tími, kalt hvítvínsglas að kveldi eða kaldur öl og Arnaldur í hönd, hvað vill maður hafa það betra??

Siðferðisþrek

Já það er magnað um þessar mundir að maður bara nær ekki að safna upp nægilegu siðferðisþreki til að vera próduktífur í vinnunni. Ég í orðsinsfyllstu meiningu bara er í vinnunni, algerlega andlega fjarverandi, næ bara ekki að fókusa á þetta. Húmorinn er að það eru allir svona í kringum mig líka, menn eru bara ekki með hugann við vinnuna á þessum tíma. Það er því bara spurninginn um að hætta snemma í dag, koma sér heim að taka til og ganga frá jólagjöfum, ekki það að það hafi verið að lenda mikið á mér, Svanhildur hefur nú borði hitann og þungann af jólagjöfum og jólakortum þessi jól eins og önnur og kann ég henni bestu þakkir fyrir. Annað var það nú ekki!!

Látum ekki deigan síga

? Hvað er deigi?? og hvert sígur hann??? Hver fann upp á þessu túrbó vitlausa máltæki og afhverju. Þetta er dæmi um spurningu sem maður vill ekkert endilega vita meira um. Ótrúlega skrítið með það verður að segjast. Já jólin nálgast meira með hverjum deginum og áður en maður veit af verður maður farinn að rífa bréf í gríð og erg en ekki í ergelsi þó. Hvað er gríð?? En ergur?? Hver fann þessa vitleysu upp og afhverju?? Já jólatréð fær að fara að koma inn og hlýja sér von bráðar og nýr dallur af jólaöli er væntanlegur í hús von bráðar. Svo þarf maður að fara að kaupa sér jóla Whiskeyið og víking jólabjórinn sem að þessu sinn er langbesti jólabjórinn. Þegar ég segi langbesti jólabjórinn er ég ekkert að meina að mér finnist hann lang bestur, hann ER langbestur það er bara þannig, þetta er enginn skoðanna könnun ég er að segja ykkur að þetta er svona!

Jóla gól

Jamm nú nálgast jólinn sem óður geitungur. Fjórir dagar í jólin hvorki minna né minna. Já það eru ýmis handtök eftir áður en jólaandanum verður formlega boðið til okkar híbýla en ekki svo mörg samt. Erum búinn að vera að raða í skápa og umstafla í skúffur og þesslags. Meira svona yfirborðsmeðhöndlun eftir, svo sem að reyna að þrífa strik og kröss af veggjum eftir ónefndan heimilismeðlim. Hann á efalaust eftir að eiga góða stund við að slíta niður jólakúlur og köngla af jólatrénu þegar það verður komið upp. Svo er bara spurning um hvað maður nær að taka sér langt frí á milli jóla og áramóta, þarf nú sennilega vinnulega séð að láta sjá mig eitthvað aðeins þarna á milli en ég á svo sem frídaga í að sleppa því. Spurning um að kíkja einhverja tvo daga eða svo, grinnka aðeins á staflanum, veitir ekki að því. En annars þá bæó.

Prófaannir og appelsínur

Jamm þá er Svanka í prófi í þessum töluðu orðum. Jólafríið blasir við henni og er það vel, þurfum að fara að taka til hönd eða fjórum á heimilinu svona fyrir jólin. Best að senda henni andlega núna í prófinu. Mér verður annars ótrúlega oft hugsað til þess í desember hvað þessi prófatími er óþolandi andskoti, sitja í fjóra tíma og skrifa stærðfræði eins hratt og maður getur, vitandi að allar líkur eru á því að maður komist ekki yfir allt prófið og þegar því ljúki séu bara tveir dagar í næsta próf. Í menntaskóla var gaman í prófum, lítið námsefni og alltaf klárt að maður hafði fínan tíma í að fara yfir ef maður nennti því það er að segja. Nei HÍ er ljótt stress fjölritunarbatterí og þvílík sæla að þurfa ekki að vera að þreyta þar próf lengur. Aldrei aftur HÍ húrrey húrrey húrrey!!!

Litlu jólin

Jamm það voru þvílíku kræsingarnar á borðum hérna í dag. Litlu jólin í fyrirtækinum, svona matarlega séð altént. Mátti velja milli hangikjöts og kartöflum í uppstúf, reiktrar skinku og brúnðuðum kartöflum, annarrar tegundar af skinnku, vel glábrúnaðri, kjöt af svínalæri, Waldorf salat, rækjuréttur, graflax og ýmsar tegundir af síld að ógleymdu laufabrauði og þrumara ef vildi. Jólaöl með og svo Ostatertur, risalamand og marenskaka í eftirrétt. Jamm síðustu bitarnir voru erfiðir en höfðust þó!! Búinn að kaupa jólavínið og allt klárt!! (já nema allar jólagjafirnar!!!)

Mættur til vinnu á nýjan leik!

Eins og jólaglöggir lesendur hafa efalaust tekið eftir hefur lítið verið að gerast á þessari bullsíðu minni að undanförnu. Ástæða þessmun vera sú að Ástþór Örn er búinn að vera lasinn undanfarna daga og ég hef því verið með hann veikann heima. Svanhildur á yfirsnúningi að lesa fyrir próf og því vorum við feðgarnir bara saman í rólegheitunum. Jamm maður skreppur frá í nokkra daga og þegar maður kemur aftur þá er bara nóg að gera í vinnunni hjá mér, magnað. Búinn að vera að horfa á DVD myndir undanfarið og þá myndir sem að ég veit að Svanhildur hefði ekki mikla ánægju eða yndisauka á að horfa á. Horfið fyrist á Cronicles of the Riddick(ulus)! Full mikill hetjuskapur fyrir minn smekk,og í raun vonbrygði þar sem ég sá fyrri myndinda á sýnum tíma og hafði gaman að (Pitch Blank). Jamm en núna átti ekki að gera "cult" mynd heldur hardcore hollywood hetju mynd með andhetju!! Ekki góð hugmynd. Seinni myndin sem ég augum á leit var I-robot. Engin óskarsverlaunamynd en allsekkert algalin heldur. Willi mikil hetja eins og ávallt og söguþráðurinn mætti vera betri en þetta var bara návæmlega mynd eins og maður átti von á henni. Svo hringdi Malla frænka í mig um daginn þar sem þau hjónakornin eru nýbúinn að fá afhenta nýja íbúð og þeim vantaði hjálparhendur í standsetningu. Ég alltaf verið á leiðinni að hjálpa hef bara verið á fullu heima við fram til klukkan að ganga 11 eða lengur í þessum blessaða mánuði. Ætlaði að vera búinn að hringja fyrir löngu þó og láta af mér vita en svona er maður nú framtaksamur!! Vona að framkvæmdir gangi vel.

Maraþon lestur!

Jamm sá littli var ekki alveg á þeim buxunum að sofna í gærkveldi. Held að ég hafi lesið fyrir hann í góða klukkustund áðurn en björninn var allur. fór meira að segja óvenju seint í rúmið í gær þannig að hann var loks að sofna þegar klukkan var orðin 10. Ekki mikið eftir af kveldinu til að gera eitthvað að viti þá þar sem ég er að reyna að mæta um sjö í vinnuna þessa daga svo að ég komist fyrir heim svo Svahildur fái smá frið til að læra. Það eina sem maður getur gert eftir svona daga er að fá sér bara eitt glas af gin og tónik og eina sneið af lime og þá er maður góður!!

Laufabrauð

Jamm í gær var gert laufabrauð á mínu heimili. Tengdaforeldrarnir mættu og skorið var út um stund og kökurnar svo steiktar. Reyndist hið besta laufabrauð eins og við var að búast. Jamm, við öll í þjóðlegu hefðunum þetta árið, slátur og laufabrauð, synd að við eigum ekki taðreikingarkofa þá hefði maður gert hangikjöt sjálfur :-) En svo er enn eftir að gera konfekt það myndi ég telja mikla verðingu, slíta upp nokkur kíló af hökkuðum möndlum meðhöndlaðar á sérstaka vísu og kallaðar marsípan á eftir. Jamm en það verður nú sennilega ekki farið í það fyrr en frúin á heimilinu verður búin í prófum. Verður nokkuð stíf törn hjá henni fram að prófi og ég verð með littla manninn á meðan. Já svona líður tíminn, búmm og það eru kominn jól!

16 liða úrslit

Jamm mínir menn komust með glans inn í 16 liða úrslit í mestaradeildinni í gær, unnu riðilinn og alles. Jamm skrapp á players í gær og kíkti á seinni hálfleikinn á leiknum þar sem ég er ekki með sýn lengur ;-) Jamm fengum okkur fjölvarpið í staðinn og lækkuðum með því reikinginn aðeins í leiðinni. Ekkert varið í sýn eftir að enskiboltinn fór þaðan. Jamm Svo er maður að skrifa skýrslu á ensku núna, hef ekki gert slíkt síðan í danmörku og aðeins farinn að ryðga en ekki svo, er fljótt að koma til baka.

Rólegheit

Jamm það eru rólegheit núna miðað við undanfarnar vikur og ég verð að segja að ég kann því vel. Kannski ekkert svo rólegt miðað við eðlilega vinnustaði en mjög rólegt miðað við undanfarnar vikur!! Búinn að taka til á borðinu mínu og setja öll gögn í möppur og núna glansar á allt hjá mér, almagnað það enda ekki seinna vænna en að gera jólahreingerninguna!!! Skruppum í gerðið langa í gær og þar var verið að líma saman og skreita piparkökuhús og ég fór að tíma til drasl af kvistinum sem við áttum enn eftir að fara með heim. Minnkar alltaf draslið sem við eigum þar en er þó smá eftir enn. Ástþór Örn svaf aðra nótt án þess að rumska núna og er það vel, ágætt að hann er ekki fullur af kvefi núna sem var alltaf að vekja hann upp! En núna er best að fara að þýða 42bls skjal á ensku þar sem skiljurnar mínar verða smíðaðar í útlöndum!

Þá er útboðið komið út

Jamm þá er útboðið komið út og ég ekkert smá feginn að vera ekki með þetta hangandi yfir mér lengur. Stefni að því að vinna ekki nema til 16 í dag og fara heim að slappa af. Jamm var heima í gær með syninum þar sem Svanhildur var að vinna í ritgerðinni sinni í gær af miklum dugnaði. Var alveg ótrúlega magnað að fara ekki í vinnu í gær, klárt tilfinning sem mætti venjast. Svo er maður bara andlaus í dag og veit ekki hvað maður á af sér að gera og á slíkum dögum er best að taka bara saman hönnunina sína og setja í möppur og ganga frá þessum stöflum á borðinu hjá sér. Ef maður gerir þetta ekki strax eftir útboð þá gerir maður þetta ekki sem er mjög slæmt. En núna er ég kominn í andlegt jólafrí og er það vel. Ástþór svaf í einum dúr til hálf átta í morgun þannig að hann var sofandi þegar ég fór í vinnuna, rumskaði ekki alla nóttina sem er ólýsanlega frábært, vakar oft svona einusinni á nóttu en ekki núna. Sem C tilveran bara sól og suðandi englar í dag!

Loksins frí

Jamm búið að vera vægast sagt fáránlega mikið að gera hjá mér undanfarið. Er búinn að vera að reyna að koma húsbyggingarútboðið fyrir Hellisheiðarvirkjun í geng, það er klára minn part í loftræstikerfa hönnun og svo erum við með samhæfigu á öllum köflum og magntöluskrám frá öllum hönnuðum og það er ekki lítið magn að því.Úff einar 500 teikingar eða svo og álíka margar blaðsíður í lensningu. Náði því á fyrstu fjórum dögum þessa mánaðar að komast í 20 yfirvinnutíma!! Það er full mikið fyir minn smekk!! Var julefrøkost í vinnunni á föstudagskvöld og maður nánast hljóp úr vinnu til að fara að drekka brennivín einungis til þess að mæta senmma næsta dags aftur í vinnuna og halda áfram. Jamm það var dagurinn frá helvíti í gær, þunnur og vitlaus og að berjast við uppsetningu á mjög stóru wordskjali og ganga frá reikngum!! Mæli ekki með því, en núna er það bara afslappesli á heimaslóðum. Ps. fékk símhringingu frá Vidda í gær frá Highbury þar sem Arsenal var að vinna Birmingham 3-0, nokkuð ljóst að Viddi hefði þurft að drífa sig þangað mun fyrr!!

Heima að passa gaurinn

Jamm ég virðist vera farinn að venja mig á það að slökkva á vekjaraklukkunni í svefni og vakna svo rétt fyrir átta!! Vondur ávani það. Var samt mættur fljótlega upp úr átta en þurfti svo að fara heim þar sem Ástþór er veikur og Svanhildur þurfti að fara í skólann. Var í raun ótrúlega gaman að fá að vera aðeins heima með littla manninum. Maður hefur varla séð hann undanafarnar vikur, alltaf að koma svo seint heim að það er rétt svo að menn ná að borða áður en hann þarf að fara í rúmið. Enda er hann að verða alger mömmu karl eftir þessa törn og var nú ekki á það bætandi!! :-) Það var því ótrúlega magnað að komast að því að ég á 43 tíma eftir af sumarfríinu mínu og þarf því ekki að vinna eins og sveppur mirkrana á milli um jólinn (reyndar stuttur tími mirkranna á milli um jól). Þessi afleitu fyrirtækjajól verða því ekkert svo slæm þegar allt kemur til alls. Spurning um að vera búinn að reyna að fría sig öllum verkum áður en að þessu kemur svo maður þurfi ekki að mæta sökum vinnunar!! Já það er ekki laust við að maður komist í jólaskap við að hugsa um þetta!!!!

Það sem ekki gaman er að gera!

Jamm mér finnst ekki gaman að koma heim úr vinnunni klukkan 11 á kvöldin, sérstaklega þegar maður er mættur 7:30!! Það bíður bara upp á snapp, jamm og snæhéra. Annars er verið að þjálfa upp átvöðvana hjá manni fyrir jólin hérna á vinnustaðnum, þar sem búið er að kaupa eitthvert ógrynni af smákökum sem maður má úða í sig að vild. Eru einhverjir 9 stórir pappakassar niðri fullir af kökum og súkkulaði. Já maður ætti að verða kominn í feikna form þann 24. Svo styttist í fimmtudaginn langþráða, en á miðnætti fimmtudags verður allt að vera klárt í þessu verki sem ég er í og eftir þann tíma ekki hægt að græja neitt um stund, sem þíðir vonandi rólegri tímar framundan. Maður lætur sig dreyma í það minnsta, reynslan sýnir samt að það muni sennilega ekki gerast, en maður má vona er það ekki!!

Ný vika enn á ný

Jamm þær láta ekki að sér hæða vikurnar og eru ekki hæddar fyrir vikið. Jólamánuðurinn handan við hornið og þá er ég ekki að tala um veitingastaðinn. Geðsjúk umferð í kópavoginum um helgina þar sem fólk flikkist umvörpum í smáralindunum að eyða peningum sem það á ekki, verðu sennilega bilað þarna þennan mánuð!! Ástþór Örn lasinn og Svanka líka þannig að það er sjúkrabeð heima! Virðast vera endalausar þessar fjandans umgangspestir. Horfðum á Spiderman 2 í gær og ég verð að segja að ég skil ekki alveg what all the fuzz was about!! Mér fannst hún langdreginn og niðurdrepandi svartsýn (eins og ég á góðum degi :-) ) og allt of lítið að einhverjum hasar. Gamla myndin var sennilega tæknilega betur gerð ef eitthvað var, mun meiri hasar þar líka. Jamm það er einfaldlega of lítið af góðum myndum í gangi núna þetta er allt bandarískt þetta djöfulsins rusl sem er í boði!!!

Vinna á laugardegi

Jamm það er ekki tekið út með sældinni að verkfræðingur!! Maður nær að koma sér í þannig verk að þessi andlega nauðsynlegu helgarfrí eru ekki valkostur lengur. Djö og helv!! En góðu fréttirnar eru þær að hinn annars ágætlega negatífi reikningur minn verður kátur með þetta!!! Vill bara svo skemmtilega til að ég er enganveginn að nenna þessu í dag en er samt búinn með tölvert, verið próducttífur dagur. Jamm fílupóstar mega ekki vera lengri en þetta og læt ég því staðar numið!!

Kópavogur gone mad!

Jamm þá er bæjarfélagið mitt orðið ótt. Ekki nóg með að þessari blessuðu 9 ára stúlku hefði verið rænt af þessum mann aumingja drulluslefa og skilinn eftir á víðavangi, heldur var dóttir dagmömmunnar okkar barinn í höfuðið með Baseballkylfu í gær. Hvað er að verða að þessu blessaða landi, fólk að verða geðsjúkt í kippum. Spurning um að fara að taka upp opinberar aftökur með fallexi eða góðum hengingar hnút. Það myndi kanski líka fá stjórnmálamennina okkar til að hugsa sinn gang ef við lóguðu svona einum þremur eða svo!!

Jamm og jæja

Dagur miðrar viku er runninn upp. Það þýðir aðeins í raun að dagurinn fyrir dag miðrar viku er liðinn. Ótrúlega skrítið með það að dagarnir líða og koma ekki aftur. Eða hvað??? Ég get svo svarið að það var miðvikudagur í síðustu viku og samkvæmt því þá koma dagarnir aftur. Svo hvort er það, nú er algerlega búið að rugla mig í rýminu. Mér finnst persónulega betra að láta rugla mig í rúminu en rýminu. Og hvað rými er það sem maður er ruglaður í. Höfuðið er í raun ekki rými því það er full af heila, en þá er tölvert rými fyrir utan höfuð en það tekur ekki þátt í hugsanagangi manns og því ekki hægt að rugla mann í því rými. Mér þykir þetta allt hið undarlegasta mál. Þannig er nú það!

Langar heim

Jamm verð að segja að ég er að verða búinn að fá nóg af endalausum fundarhöldum og þvæling og tímapressu!! Væri til í að sjá aðeins meira af Ástþóri Erni vakandi á daginn. Maður er að koma heim rétt fyrir og yfri sjö þessa dagana og hann er farinn að sofa um átta þannig að þetta er hund fúlt. En góðu fréttirnar eru að það eru meiri líkur á að maður eigi fyrir vísareikningnum ef maður vinnur eins og sveppur! Jamm svo er meistaradeildin á morgunn og ekki má maður missa af því!! Og umhleypingar byrjaðir, var búið að tolla snjór mun lengur en ég átti von á, yfirleitt koma umhleypingar strax eftir snjókomu þannig að þetta var smá plús. Jamm þá er það búið!

Matarboð

Jamm helgin var fín að þessu sinni. Fór ekkert í vinnu og drakk þeim mun meira af öli. Okkur var boðið í mat til Vidda og Kollu á laugardagskvöld og var þar vel veitt bæði í mat og drykk og þökkum við þeim hjónum kærlega fyrir okkur, þetta var skemmtileg kveldstund og nú stendur það upp á okkur að gjalda slíkt hið sama. Spilað var landnemaspið Catan sem er skemmtun hin mesta og ekki skotið fyrir það tólfunum að maður fjárfesti í slíku. Svo var okkur boðið í hreindýrasteik til tengdaforeldranna á sunnudagskvöld. Hreindýrið klikkar bara ekki, það er bara ekki í stöðunni. Snilldar helgi sem C. Það finndnast var samt að Ástþór Örn gisti hjá afa sínum og ömmu á laugardagsnótt og svo á sunnudagsmorgunn vaknar Svanhildur og klukkan orðin 10. Það hefur ekki gerst í langan tíma að maður hafi sofið svona út, þvílík snilld það er. Jamm en núna er það bara vinnan og kannski einn heitur kaffibolli hver veit.