Nesjavellir

Jamm þá fékk maður loksins að líta upp frá tölvunni og skreppa upp á Nesjavelli. Þegar maður er við tölvuna dag eftir dag viku eftir viku etc þá er það allveg magnað að komast aðeins frá. Skemmir ekki fyrir að fá borgað fyrir að sitja í bíl fram og til baka, það eru í rauninni mjög skemmtilegir tímar þar á ferð. En núna vill maður bara fara að gera þetta oftar. Áfram útrás segi ég!

Ud ad køre med de skøre

Jamm þetta er nafn á bíómynd sem búið er að þýða á dönsku og það sér það náttúrulega hvert mannsbarna að þetta er myndin Cannonballrun (eða kúlukappaksturinn eins og hún hét í ríkissjónvarpinu um árið). Enn veikindi á mínu heimili, Ástþór Örn alveg stíflaður af kvefi og hóstar í akkorði, ljóti fjárinn þetta kvef. Þessir dagar verða því mikið pússluspil hjá okkur Svönku, hún að skreppa í skólann og ég heima þá og svo ég í vinnu og hún heima. Bætir ekki að það er brjálað að gera hjá okkur báðum núna þannig að þessi veikindi hittast á versta tíma, en að því sögðu hittast ekki veikindi alltaf á versta tíma!!!??? En úti eru 9°C og því ber að fagna!

Helgin liðin

Jamm nú er helgin liðin og er það miður. Ástþór Örn enn lasinn greyið littla, fullur af kvefi og hóstandi, ljóti fjárinn þetta kvef. Við Svanka erum orðin nokkuð góð af okkar óværu en maður verður að viðurkenna að maður er hálfþreyttur eftir helgina. Missti af tveimur afmælum umhelgina, hefði verið fínt að skreppa smá í kökur, annarsvegar hjá henni Þorgerði frænku minni og svo hinnsvega hjá didda bróður. Svo skrapp Svanka í íkea að athuga með gluggatjöld sem hafa ekki verið til í nokkrar vikur en áttu að koma á föstudag og vitiði hvað þau voru orðin uppseld á sunnudaginn!!! Þetta eru náttúruega helvítisaumingjar alltsaman í þessu Svíaseli þarna niðurfrá. Innkaupastrjórinn er sem C spastísk fífl og það er sannað hér með!

Að tapa mér

Jamm maður leyfir sér að verða veikur um stund og þegar maður kemur aftur til vinnu skal það tryggt að maður fái nú ekki að ná sér í ró og næði. Neibb það er búið að vera alveg spastíkst álag á mér í gær og dag og ég sé enganvegin fram úr augunum. Í ofanálag er maður enn hálf slappur og vinnuafköstin því ekki eins öflug og maður vildi. En nú er bara að bíta í skjaldarrendur og bölva í hljóði því eins og fram hjá engum hefur farið er jú fokking föstudagur í dag og spurning um að fara að chilla í kribbunni eins og amerískt lástéttafólk sem telur sig vera hipp gæti hugsanlega orðað það!

Veikindi

Jamm þá eru það veikinda fréttir. Ég fór lasinn heim á þriðjudag og var að jafna mig í gær, í nótt veiktist svo Svanhildur og er hún eins og ég búin að vera að æla lifrum og lungum í fleirgang. Svo var hringt í mig í vinnuna í dag og þá var það dagmamman og Ástþór Örn var orðin lasinn. Þau liggja því hér sjúk saman mæðginin og ég kom heim úr vinnunni til að sjá um liðið. Jamm svona er að búa á lítili eyju þar sem tryggt er að maður kemst í snertingu við allar umgangspestir sem á ferðinni eru!!!

Október eða krækiber

Stundum eru helgar og stundum eru ekki helgar og er það til dæmis núna. Núna er ekki helgi og er það miður. Núna er ekki eins sinni mánðurinn miður, það er líka miður. Jamm helginni lokið og reyndist hún hin ágætasta í kópavoginum. Búið að henda upp gardínum í eldhúsið og hillu í svefnherbergið þannig að núna kemmst prenntarinn fyrir. Uppsettum snögum fjölgar og kössum á gólfum fækkar. Diddi og fjölskilda kíktu á föstudaginn í pizzu og íbúðar ákíkk það var gaman að fá smá heimsókn. Ástþór Örn taldi sig nú alveg jafningja eldri frænda sinna og var í miklu stuði. En núna er sælan búinn og vinnan bíður manns með bros á vör!!!

Allt klárt!

Jamm þá eru myndirnar komnar í trönsun og útboðslýsing í pdf form og allt að verða klárt. Var eina 13 tíma í vinnunni í gær, ágætt að ná smá yfirvinnu en andlega þreytan er gífurleg eftir svona leiðinda daga. Ástþór Örn hefur staðið sig eins og hetja fyrstu tvo dagana í nýju herbergi, rétt aðeins rumskaði um 12 í gær og svo rétt fyrir sjö í morgun, ekki hægt að kvarta undan því. En núna er best að mylja sig á fund og sitja á rassgatinu og hlusta og sötra kaffi í einn tíma eða svo!!!

Klukkan 18

Þá er klukkan orðin sex og Ziggy enn í vinnunni og ekkert alveg á leiðinni heim að svo stöddu. Þarf að senda útboð frá mér í fyrramálið og draslið þarf að vera klárt í fyrramálið svo núna er bara að bíta í skjaldarendur og klára þennan fjára! Búinn að vera mikill ys og þys dagur hjá mér, ekki stuð það, en það mun allt verða gúddí þegar ég kemmst heim þar sem ég á alveg ógeðslega kaldan bjór í ísskápnum mínum. Skál fyrir því!

Dagur miðrar viku!

Já vikan mallar áfram og er það bæði gott og slæmt. Gott því þá styttist í helgina, slæmt ég á eftir að gera svo margt fyrir föstudaginn að það er ekki finndið! Annars þá kom frumburðurinn heim í gær og dvaldi í framtíðar heimkynnum sínum og leist nú bara þokkalega á sýndist mér. Svaf svo einn í sínu herbergi í fyrsta skipti í nótt, hefur annars sofið inni hjá okkur. Vaknaði nú bara nokkru sinnum og var ekkert svo ómögulegur, kemur sennilega bakslag í það á næstu dögum þegar að hann fattar að hann er farinn að sofa einn í herbergi!! Settum upp hillu í herberginu hans og nokkrar myndir þannig að það er farið að taka á sig nokkuð endanlegt form. Það er aðallega að verða eftir ljós og gluggatjöld. En hvað er með IKEA er innkaupastjórinn þeirra þroskaheft fífl?? Var einar þrjá hillur sem við erum búinn að reyna að kaupa, engin til og allt að 6 vika bið í þær, allar gardínur sem við höfum reynt að kaupa þar hafa ekki verið til og margar vikur í þær flestar, ljós sem við ætluðum að kaupa.....!!! Ekki til heldur og eitthvað fleira dót líka. Er ekki hlutverk innkaupastjóra að fylgjast með vörustreymi og vera búinn að kaupa inn áður en allt er orðið uppselt!!! Þessi manneskja er ekki að vinna vinnuna sína rétt það er bara þannig, spurning um að sparka í hana!!!!

Dagur þrjú, kæri jóli!

Þá eru næturnar orðnar þrjár í nýja húsinu og allt í góðu enn fyrir utan þetta heimabíó grín á sunnudagskvöld! Nokkrar myndir komnar upp og fleira dót inn í skápa og skúffur og hillupláss minnkar ört í geymslu vorri. Ástþór Örn kemur svo heim á eftir, fúlt að missa af viðbrögðum pilts þegar hann sér þetta nýja heimili sitt komið með húsgögn og þesslags. En núna svona hvað úr hverju mætti fara að slakna á framkvæmda gleðinni hjá manni og maður ætti að fara að tappa smá orku inn á batteríin sem eru löngu orðin þurausin, t.d. setjast niður á miðvikudag og horfa á svo sem einn leik í meistaradeildinni, það ætti að vera allra meina bót!!!

Stoltur steypueigandi

Jæja við búin að gista tvær nætur í nýju eigninni og líkar bara ljómandi við lífið þarna. Komumst reyndar að því í gær að fólkið á hæðinni fyrir ofan okkur er með heimabíókerfi í svefnherberginu og um korter yfir tólf labbaði Svanhildur upp og benti á að þau væru að æra okkur!! Eitthvað sem verður efalaust rætt síðar en þau lækkuðu og þá var þetta ekkert mál höfðu ekki áttað sig á háfaðanum sem þó glumdi um allan stigagang. Lambið úr Dalnum var náttúrulega snilld, þvílíkt meirt og yndislegt eins og lambalæra er von og vísa. Það besta er samt að sjónvarpið er þvílíkt skýrt hérna, t.d. er skjár einn ekki lengur svarthvítur og flöktandi eins og í langagerði, auðveldar fótboltaáhorf tölvert. En eins og sönnum karlmanni sæmir þá miða ég innflutningstímann við það þegar sjónvarpið fór í gang!!!

Flutt

Heyrðu það vill svo skemmtilega til að við erum flutt. Búið setja bækur í hillur og föt í skáp og elda Dalslamb í ofni vorum og skola niður með rauðu í boði tengda móður minnar. Þakkir til hennar. Svo er það fyrsta nóttin á nýjum stað. Búinn að setja upp gardínur fyrir svefnherbergisgluggana aðrar gardínur í pöntun, IKEA er með einhvern spastískan fávita sem innkaupastjóra, það var nákvæmlega sama hvað við spurðum um í dag, ekkert var til og það var minimun 2 vikur í þetta allt. Ekki góð stjórnun á innkaupunum á þeim bænum. En núna leggjast til hvílu í nýja ameríska sealy rúminu okkar og sofa lengi og vært!!

Heirðu þá er það helgin!

Loksins loksins loksins er helgin komin og ber því að fagna það er bara þannig. Frekar erfitt að drulluslefast fram úr rúminu í morgun, hlý sæng og rigning og rok frá helvíti gnauðandi á glugga vora. Tókst samt að endingu eftir 30 mínótur í það að safna siðferðisþreki til að koma sér framúr. Náði samt að vera mættur 7:15 í vinnuna fannst ég standa mig vel þar, spurning um að verðlauna sig með einni kippu af öli í kvöld!!! Aldrei veit maður ekki neitt nema allt í einu og þá er það kannski of seint eins og maðurinn mælti ekki um árið. Búinn að flytja obban af klæðum mínum og koma fyrir í skáp þeim er við enda rúms míns dvelur í voginum er við kóp er kenndur. Hlutirnir eru sem C að malla í ágætum farvegi, spurningin um að herja bíl litlu systuminnar út úr henni (ekki það að hann sé uppi í henni bókstaflega) og flytja síðustu kassana og borðin úr gerðinu langa er hefur yfir okkur skjóli skotið undan farið ár og nokkur ár þar áður. Þar með verður málið klárt, dautt búið, finídos!!

Helgin

Þá er farið að styttast í helgina í annan endann og aldrei þessu vant í þann rétta!! Var að pússa glugga og dúlla mér í gær, enn með öll vit full af spartslryki, sennilega eitthvað sem maður klikkar ekki á oftar en einusinni að vera með rykgrímu littla að stærð!!! Nú er í raun bara eftir að skrúbba hansagardínuógeðin sem að voru í íbúðinni og þá er hægt að fara að sofa þarna!! Eigum reyndar líka eftir að fá nýjan rúmbotn frá þeim strákunum í Marco þar sem að sá gamli var allur rifinn og tættur þegar hann var tekinn úr plastinu og þeir ætla náttúrulega að skifta honum út. Kemur vonadi bráðlega. En núna er bara brostið á með bílrúðusköfun og kulda á morgnanna, ekki gott mál það, þýðir í raun bara að haustið er að hörfa og vetur pungur að ganga í garð!! Ég persónulega auglýsi eftir sól og sumri, vill láta setja bráðabirgðalög á snjó hið snarasta!!!

Allt að koma

Jamm þá er þetta allt að skríða saman hjá okkur í voginum er við kópa er kenndur. Fórum bræðurnir í smá innkaupaleiðangur í gær og slitum upp þvottavél og frystikistu og burðuðumst með þetta inn í íbúð. Þvottavélin var drullu þung verður að segjast og verst var að hún var í flutningpakkningum og plastið undir henni var svo hált að maður þurfti að læsa nöglunum í það undir vélini til að missa ekki takið. Maður fékk svo tilfinningar í fingurnar aftur um haustið sem var ekki seinna vænna því að kistan var eftir en hún var nú spaug við hliðina á þvottavélinni! Svo fórum við Svanka í gærkvöldi og settum upp borð og hillur og sófa og þrifum skápa og skúffur og blettuðum í málningu þar sem þess var þörf. Settum nýtt áklæði á svefnsófan okkar svo núna er hann eins og nýr og bíður þess að sjónvarpstæki komi í hús svo að hans ambitionir verði uppfylltar, i.e. menn geti brúkað hann við sjónvarpsgláp!!

Fyllerí

Jamm það vildi svo skemmtilega til að ég fór á fyllerí á föstudaginn. Hittumst gamlir starfsmenn úr ELKO og átum sama steik og drukkum öl hvað mest við máttum. Það var helvíti gaman að hitta piltana aftur en menn eru náttúrulega komnir í allar áttir eins og lög gera ráð fyrir. Laugardagurinn var í staðinn frá helvíti báðar leiðir. Spurning um að taka ekki 99 í nefið á fylleríum, ekki gott fyrir daginn eftir, ég ældi þó ekki eins og obbinn af liðinu og vil ég meina að neftóbakið hafi hjálpað þar til. Enn alltaf gaman að fá sér smá í tána verður að segjast svo lengi sem maður gerir það sjaldan. En ég kláraði parketlistana í gær juhúúúú og við Svanhildur sóttum dótið okkar sem var í geymslu hjá Þórdísi og Didda. Sem C tveir bílskúrar ekki lengur í gíslingu af dótinu okkar. Átti að geymast í svona 3 mánuði en þeir urðu að ári eða svo. Svo eru bara nokkri kassar (slatti) eftir í langagerði ætlum að koma hinum fyrir fyrst og vera farinn að gista þarna ekki seinna en um helgina! Skálum fyrir því!!

Mental overload!!

jamm núna er maður um það bil að brenna yfir. Útboð að fara frá mér á næstu dögum og ég er byrjaður að hann loftræstikerfi fyrir Hellisheiðarvirkju sem þarf að vera klárt í útboð 1.des. Og svona fyrir ég er að byrja á þessum svokölluðu húskerfum þarna uppfrá þá fékk ég líka að hanna í leiðinni vatns lagnir, hitalagnir, loftlagnir, bakrennslislangir, snjóbræðslulagnir, wc langir!!! Sem C klikkun að gera fram að jólum og í þokka bót er maður ekki fluttur enn og er því að dunda sér í kópavoginum eftir vinnu. Ef þessu standi fer ekki að ljúka þá er ég orðin stofnanamatur! En annars þá er mun betra að hafa nóg að gera en ekki þannig að það verður bara gaman að vinna flestar helgar í vetur (fjárhaginum veitir ekki af því). Ástþór Örn enn veikur en var ekki með nema 8 kommur í morgun þannig að vonandi að það versta sé nú búið. Búið að seinka okkur með innfluginingin aðeins að hann veiktist blessað skinnið en þannig er það nú þegar börn byrja hjá dagmömmu. Ég þyrfti að verða smá veikur þannig að maður gæti legið heima og slappa af í tvo daga eða svo!!! Eða ekki!

Föstudagur loksins

Já þá er kominn föstudagur loksins er búinn að bíða lengi eftir því. Þá er kanski smá séns að fá fleiri tíma en fáa í að vinna við að klára þessa blessuðu íbúð sína. Þetta er að verða hálf fáránlegt að hún sé ekki orðin klár enn. Stefnan var að flytja inn um helgina en þar sem Ástþór Örn veiktist í vikunni höfum við ekkert komist í að græja þarna síðan á þriðjudag og því verður ekki flutt inn um þessa helgi. Skrapp í Hagkaup í gær og keyti mér hinn fræga ameríska ís Ben & Jerry's, var reyndar drulludýr (740 kr fyrir um 400 ml) en djöfull var hann góður á bragðið. Reyndar sykur og kólestrol í hámarki í þessum ís og fita langt yfir mörkum en það má svona stundum! Ekki það að ég steig á vog hjá lækninum sem við fórum með Ástþór Örn til um daginn og sú sýndi 79 kg sem er svona c.a. 10kg meira en ég var fyrir um ári!!! Spurning um að fara að hreifa sig smá og hætta þessu ís áti. Ekki það að það gæti verið gaman að prófa að vera feitur um stund, og annrs neee held ekki. Ræktin það er!!

Crazy Weather

Hvað er um það bil að gerast með þetta veður hérna!! Ekki mikið miðað við Ivan grimma en alveg nóg fyrir mig, öskutunnurnar á hliðinni í morgunn og allt klárt! Annars þá var ég lítið í vinnu í gær, ekki nema nokkra tíma þar sem ég þurfti að fara heim og verja tíma með veikum syni mínum. Fór heldur ekkert í kópavoginn og átti því "frídag" frá vinnu og framkvæmdum. En nýr dagur sömu áhyggjur og því verður bara mun meira að gera í kópavoginum í dag í staðinn. En í svona rigningu og roki er bara best að fara að fá sér ein kaffi!!!

Parketlistar

Jæja þá er maður farinn í það að festa upp parketlista. Keyptum nýja lista í gær þar sem þeir gömlu voru alveg búnir verður að segjast. Svo eru það líka gluggapússningar sem eru næstar á dagskrá, fékk fínar leiðbeingar frá munda um það hvernig ber að snúa sér í glugga lökkun þannig að lakkið verði ekki eitt pennslafar, verður gaman að sjá hvernig það heppnast. Altt á fullu í vinnunni núna þannig að maður hefur ekki tíma í að gera neytt þyrfti að eyða deginnum bæði í vinnu og íbúð en það gengur víst rólega upp. Ástþór Örn allur að koma til í aðlöguninni hjá dagmömmunni gekk fínt í gær og vonandi betur í dag! Annars þá er meistaradeildin að byrja í kvöld sem er hið albesta mál verð ég að segja!

Íbúðarmál

Jæja þá er búið að mála og pússa parket hjá okkur. Svanhildur ætlar reyndar að mála yfir tvo veggi hjá Ástþóri með smá lit til að lífga smá upp á það. Annars þá er næsta mál á dagskrá að kaupa parketlista og klára að pússa og spartsla gluggana og drífa á þá svolitlu lakki. Þarf því að vera duglegur í kvöld að ná listunum og klára að spartsla og pússa. Svo kemur rúmið okkar í dag þannig að þetta er allt á góðri siglingu. Annars þá er commentakerfið búið að vera niðri um helgina veit ekki hvaða spaug það var en er komið inn aftur núna. Áttum ágætishelgi, skiptumst á málningarvöktum í kópavoginum þar sem Ástþór Örn var lasinn um helgina (með nefkvef og hósta) en hann er nú allur að braggast. En aftur í vinnu núna!!

Vetrarrútínan

Jæja þá er vetrarrútínan að hefjast, maður er í það minnsta búinn að mæta uppúr sjö í vinnuna alla þessa viku (nema í gær á var það 8). Þetta hentar mér í raun mun betur að vera sofnaður fyrir 11 og upp snemma, spurning um að reyna að halda þessum vana í vetur. Annars er littli maðurinn minn lasinn og var svolítið að vakan fyrripart nætur en svo vel seinnipartinn, vaknaði mun minna en í fyrrinótt þá var vaknað á 1,5 klst fresti, eitthvað sem hann gerir aldrei. Maður er því frekar rislár, ekki vanur svona svefnfrávikum, en öllu má nú venjast. Svo má fara að fara inn á parketið hjá okkur eftir hádegið í dag og fara að vinna á því á morgunn. Þarf því að ná málningarumferð yfir á morgunn og annarri á herbergin á sunnudag og svo að gúffa draslinu þarna inn. Rúmið kemur svo á mánudag og þá er í raun allt klárt!

Breytingar

Er ekki pirrandi þegar menn eru búnir að hanna eitthvað og allt virkar og er klárt að það komi einhverjir arkitektar og rafmagnsmenn og þurfa að gera breytingar á hönnun svo maður þarf að endurhanna eitthvað sem var klárt og það virkar ekki núna!!! Snilld þessar breytingar hefðu nú vel getað verið komnar fram fyrr þannig að maður væri ekki búinn að ganga frá sinni hönnun en svona er þetta víst í verkfræðiheiminum. Ég persónulega mæli með því að menn gerist bakarar og fái ekki hveiti ofnæmi fyrr en eftir fertugt það er mun vænna til árangurs!!!!

Nýji síminn

Jamm ég hef komist að því að ég þoli ekki stofnanir. Er með síma sem ég keypti á tilboði hjá símanum fyrir um hálfu ári síðan. Hann er þannig úr garði gerður að hann var aðeins fyrir kort frá landsímanum og það kostar 5 þúsund krónur að láta þá brjóta lásinn (þrjúþúsund ef maður hefur átt hann í ár). Ég sem sé fór í það í gær að láta brjóta lásinn og borgaði fyrir það 5 þúsund krónur og var símalaus í heilan dag. Fékk svo síma rétt fyrir 6 í gær og prófaði að skipta um kort í honum og vola fæ þessi fínu skilaboð á skjáinn "insert correct sim card" frábær helvíti síminn pikklæstur enn. Þarf því að fara niðureftir á eftir til að rífast og vera með almenn leiðindi, þoli ekki svona bull, þetta kostaði heldur ekki 2þúsundu krónur, neibb þetta var einn blár og þá setur maður þá kröfu að þetta drasl virki. Í danmörku var nóg að hringja eitt símtal eftir 6 mánuði og þá losuðu þeir lásinn í tölvunni hjá sér og það gerðist strax!! Fyrrverandi ríkisbatterís helvíti segi ég!!!
Update Fór aftur upp í síma og í þetta skiptið tókst þeim að gera þetta rétt strákunum. Er því búinn að loka landsímakortinu og er kominn með Og vodafon kort.
Nýtt símanúmer er því 694 2714

Jamm jamm og jæja

Jamm þá mallar vikan áfram og er það vel, þýðir í raun aðeins það að það styttist í að við getum flutt inn!!! Var í vinnunni til 6 í gær, langt síðan maður hefur ekki hætt á slaginu 4 til að fara að græja eitthvað í Kópavognum. Þetta mun samt vera meira fjárhagslega jákvætt að vinna smá yfirvinnu en að eyða peningum í Húsasmiðjunni!!! Ástþór Örn í aðlögun hjá dagmömmunni, ekkert alveg til í að kyngja því möglulaust en hann mun koma til að endingu pilturinn. Annars þá fer þetta haustveður mjög í skapið á mér, enda finnst mér haustið almennt ógeðslegt. Vor er minn tími, allt að springa út og fuglar og dýr að verpa og fjölga sér og allt að fyllast af lífi. Haustið hinsvegar skartar fögrum litum í hálftíma áður en þeir fjúka til helvítis og allt það líf sem byrjaði að skapast að vori sölnar og deyr, fuglar fljúga burt og "sumar" fyrirtækjunum lokar. Haustið er sem C tími dauða og leiðinda og því ógeðslegur tími sem slíkur!!! Persónulega vil ég sól og gróður allt árið um kring. Jamm það má vera smá svartsýnn í svona ógeðslegu roki og rignu = Hausti!!

Pása

Jamm nú er loksins pása í málningarstörfum og er það vel ó já. Er ekkert eftir nema ein svona snobb yfirferð yfir veggi eftir að parketpússun líkur, ætti ekki að taka nema dag eða tvo. Það er sem C verið að pússa tréið hjá mér núna og verður ekki hægt að fara inn á þetta fyrr en á föstudag þannig að maður getur ekkert gert þó svo maður vildi. Vill líka svo skemmtilega til að ég vil ekkert gera þannig að þetta hentar ótrúlega vel. Maður er nánast að breitast sleftandi fávita af þessu standi öllu, vinna málun og pússun og þetta allt sem þarf að gera, törnin orðin of löng og pásan því kærkominn. Vill líka svo skemmtilega til að það er klikkun að gera í vinnunni hjá mér þannig að ætli maður verði ekki eitthvað fram á kvöld í þessari viku að reyna að grynka á staflanum, fín hvíld frá framkvæmdum það :-)

Meiri málning

Jamm nú eru komnar tvær umferðir á alla vonda liti (nema ekki farið í herbergin ennþá) og það er mesta furða hvað þær ná að þekja. Með smá lukku þarf ekki að fara nema eina umferð yfir í viðbót. Ástþór Örn er svo að byrja hjá dagmömmu í dag, Svanhildur er þar með honum núna í smá aðlögun, vona innilega að það gangi vel. Manni er alltaf hálf illa við að láta einhverna vandalausan sjá um barnið sitt en það er víst tilfinning sem maður verður að venjast. Annars þá er hektískt að gera í vinnunni hjá mér, þannig að með málningu fram á kvöld þá verð ég að viðurkenna að ég er orðinn drullu þreyttur, hjálpaði ótrúlega til að fara að sofa laust upp úr 10 í gær (maður á að gera slíkt oftar, hvílík snilld það er). En brátt mun það helgi vera og er það Vel með stóru vaffi! Lifið heil eða a.m.k. að þremur fjórðu og eigið góða helgi

Málningarþreyta

Jamm verða að viðurkenna að ég er að verða frekar þreyttur á þessu málningarstandi öllu saman. Maður er mættur í vinnu um átta og strax um fjögur er farið í Kópavoginn og byrjað að mála og líma málningarteyp og mála og mála og mála!! Þurfti fjórar umferðir á eldhúsið!!! Litir í stofu eru ekki skárri, hreint ekki þarf ábyggilega fullt af umferðum á það, líka alltaf gaman að mála ofna í appelsínugulum lit!!! Hvað er að fólki þessir litir eru hreinn viðbjóður, en voru nú sennilega í tísku á sínum tíma, hann er sem betur fer löngu liðinn. Annars tókum við okkur pásu frá málningarstörfum um kvöldmatartímann í gær og skelltum okkur á Fridays og fengum okkur smá bita, það var bara nokkuð vel heppnað hjá þeim strákunum, í dýrari kantinum en nokkuð gott. Svo er bara að vinna til fjögur í dag og drífa sig svo í málninguna. Þannig að ef það er einhver þarna úti haldin sjálfspíningarkvöt þá er hann velkominn eftir fjögur í málningarvinnu :-)

Karl Sverrisson

Jamm þegar ég mætti í vinnuna þá beið mín bréf frá hvorki meira en minna en Karli Sverrissyni. Fyrir þá sem ekki vita þá er Kalli (oft kallaður bronsson í höfuðið á nafna sínum Charles (einni stytt í Bronsi)) snillingur af guðsnáð. Það er svo magnað með svona menn eins og Kalla að hann er bara snillingur, það er ekki ákvörðun hjá honum og hann getur í rauninni ekkert að því gert, hann er bara snillingur og fyrirmynd annarra í almennum fíflagani og góðu spaugi. Þar komast menn ekki með hælana þar sem kalli geymdi gúmmískóna í gær!! Karl er sem sé búinn að vera að vinna á bát í Brasilíu og er núna vélstjóri á lúxussnekkju á Bahamaeyjum. Það er gaman til þess að vita að það eru menn sem fara ekki troðnar slóðir og gerast skrifstofuþrælar eða verkamenn og gera eitthvað sniðugt og eftirmynnanlegt. Fyrir þá sem ekki vita þá höfum við Kalli verið saman í skóla og bekk í all mörg ár og útskrifuðumst við saman úr vélskólanum og bjuggum saman ásamt þeim Torfa og Baldri á Hóli einn vetur. Jamm ég hef oft lifað leiðinlegri vetur en þann vetur!! En spurning um að fara að slíta upp eina flösku af rommi og skála fyrir Kalla í heitulöndunum!!! (Nú eða bara landa í kaffi og púðursykur)!!!

Málun

Jamm þá er málningarvinna hafinn í íbúðinni. Fórum í gærkvöldi og límdum á innréttingar og þesslags og grunnuðum edhúsnið og snurfusuðum. Svanhildur fór svo ein í morgun þegar ég fór í vinnuna og er hún búin núna að mála eina umferð yfir eldhúsið þannig að þetta er allt komið vel af stað. Verður munur að koma eldhúsinu frá þannig að hægt verði að flytja inn diska og potta og þesslags og byrja að koma sér fyrir í rólegheitunum á meðan verið er að mála aðra hluta íbúðarinnar. Svo fæ ég mann í að pússa parketið næsta mánudag þannig að maður ætti að geta flutt inn aðra helgi. Annars er þetta búinn að vera fínn morgun, fundir í allan morgun og meira að segja leifar af afmælisköku úr barna afmæli sem ein tók með sér í morgun. Fundur, kaffi og kökur fín blanda til að fá smá pásu frá blessuðum tölvuskjánum! Ástþór Örn er svo í sveitinni með ömmu og afa efalaust í miklu spaugi ef ég þekki minn mann rétt, hann kemur svo til baka á fimmtudag! En aftur að tölvuskjánum....!

Strákarnir skruppu á Gamla vestið með þeim Munda og Svanhildi í hádeginu. Krakkarnir eru að fara aftur út til frans á miðvikudaginn og ekki seinna vænna að sjá aðeins í framaníið á þeim áður en þau hverfa af landi brott!! Mundi fann sig knúinn til að taka mynd af okkur Torfa og ég veit ekki hvort það eru hamborgarnir sem gera þetta en við virkum feitir á þessari mynd!!! 

Helgin búin

Jamm þá er helgin búin og alvara vikurnnar tekinn við. Ætlaði að vera duglegur í vinnunni um helgina en varði þess í stað allri helginni við að pússa og spartsla eina ferðina enn. Þessu pússi standi er nú samt að ljúka, ekki eftir nema að pússa yfir spartslið í gluggunum og spartla aftur í verstu sprungurnar sem eru ekkert svo slæmar. Það er því í raun ekkert til fyrirstöðu að fara að gluða einverju af þessum tólf lítrum af málningu sem við erum nú þegar búinn að fjárfesta í á veggina. Ætti að duga í umferð eða tvær en við þurfum a.m.k. þrjár umferðir af málningu til að hylja þessa glæsilegu liti sem eru núna á veggjunum. Ástþóri Erni þykir mikið gaman að hlaupa um tóma íbúðina með spýtur og prik, verður efalaust hundfúll þegar kominn verða í hana húsgögn. Annars þá var tandori kjúklinga boð hjá tengdaforeldrunum í gær, alger snilld eins og alltaf. Magnað hvað það er gaman að borða góðan mat, hrein snilld það er!

Föstudagur til frís!!

Þá er það dagur föstunnar, hvorki minna né minna!!! Er að verða pínu langþreyttur á þessu standi öllu saman, drífa sig í vinnuna og klára sína pligt þar og drýfa sig þá í kópavoginn og rífa af lista, pússa og sparstla. Á eftir að vera svoleiðis í góðan tíma í viðbót, verður bara þeim mun sætari stund þegar allt verður búið og maður getur bara flutt inn! AHHHhhh, alveg farinn að sjá mig fyrir mér liggjandi í nýja ameríska rúminu okkar. En meðan ég man, ef einhver á litla frystikystu sem hann er ekki að nota og dauðlangar að selja fyrir lítinn pening þá endilega hafiði samband. Þórdís fékk náttúrulega gömlu kystuna þeirra pabba og mömmu þannig að téknilega séð skulda þau mér frystikystu :-)

Púss í vegg

Núna er allt á fullu að pússa veggi og spartsla höllina og dytta að smálegum hlutum sem þurfa aðdittingu. Þarf svo að rífa að gólflista svo maður geti unnið veggina niður og ekki síður upp á parket pússun. Ástþór Örn heldur reyndar að þessar spartl klessur á veggjunum séu settar þarna svo að hann geti gert svona skemmtileg munstur í þau með fingrunum og skilur ekki þessi læti í okkur þegar hann er búinn að græja slík listaverk! Skruppum í Elko í gær og keyptum okkur ryksugu. Siemens að sjálfsögðu, 2000W svaka power. Búinn að ákvarða að það fer ekkert inn fyrir mínar dyr sem heitir arison eða melissa eða whirlpool eða einhver álíka homma merki!! Nenni ekki að kaupa eitthvað ódýrt drasl sem verður svo í viðgerð megnið að líftímanum, ó nei hósei alvör dót í byrjun, varist eftirlíkinar!!

Rafmagnsmál

Jamm þá er það rafmagnsmálin í íbúðinni sem eru mál málanna í dag hjá mér. Ein grein í íbúðinni ekki virk eins og er, þar innifalið ljós á baði, herbergjum og þvottahúsi (nema náttúrulega innstunga fyrir þvottavél í þvottahúsi þar sem hún er á annari grein) (smá innskot svo að Viddi fari ekki að leiðrétta mig)!!! Hringdi því í fyrrverandi eiganda og hann ætlar að senda mann í dag til að laga. Það er líka kanski viðeigandi þar sem þetta skeði þegar hann var að taka niður ljós í íbúðinni þegar þetta gerðist!!! Svo verður maður að fá sér rúsnesk perustæði þar sem slíkt var ekki skilið eftir!!! Ómögulegt að vinna í herbergjunum í myrkri og það er helst í slíkum birtuskilyrðum sem maður hefur tíma til að fremja smá vinnu í blessaðri íbúðinni!!!

Fjölskyldan kominn í bæinn.

Jæja skrapp í gær og sótti fjölskylduna í sveitina, þannig að núna hefst tíma málningar vinnu og sparsls í blannd við niður og upp pökkun og þrif þar á milli. Sem sé núna byrjar alvaran. Þurfum að fara að kaupa ísskáp, þvottavél og þesslags, pússa parket og fleira þannig að seðlarnir eiga eftir að fljóta næstu vikurnar, gaman að því. Skrapp svo með bílinn í 15þús km skoðunn í morgunn, 1500 kr í taxa í vinnuna, djöfull er þetta dýrt, hverjum dettur líka í hug að búa svona langt í burtu, meira bullið. Bíllinn ætti að verða klár um hádegisbilið þannig að þá fer annar 1500 kall. Maður hefði betur keypt sér Whiskey flösku fyrir þennan pening!!! Svo er nokkuð augljóst að skólarnir eru byrjaðir, umferðin hefurmargfaldast yfir nóttu, biðin á Gullinbrú í morgun var þó nokkur og bíla lest til helvítis og til baka tvær ferðir!!! En Þá er ekkert annað að gera en að brosa í kampinn og hugsa til þess að maður þarf ekki aftur í skólann :-)

Afhending

Jamm þá er maður búinn að fá afhenta lyklana að íbúðinni sinni. Skrapp í gær og hitt fólkið sem var að klára að þrífa geymsluna niðri en annað var orðið klárt. Það er því ekkert til fyrirstöðu að fara að slíta nagla úr veggjum og pússa veggi og spartsla og láta öllum illum látum. Ætlum svo að fá mann í það að pússa parketið fyrir okkur, frændfólk Svanhildar í eyjunum býr svo vel að luma á einum slíkum snillingi sem ættlar að athuga hvort að hann geti tekið það að sér. Jamm þetta er sem sé allt að bresta á og biðinni því senn að ljúka. Skrapp í lax um helgina í sveitinni, en þar var þvílíka rjómablíðan, sól og logn og ekki hafði rignt í fleiri vikur og áin því gersamlega vatnslaus og ekki líkleg til veiðar. Enda fór svo að ég fékk ekki neitt!!! Byrjaði að rigna sem sé daginn eftir okkar vakt!!! Svona er þetta. Átti samt snilldar helgi í Dal með Svönku og Ástþóri Erni og tengda foreldrunum. Skruppum í berjamó í smá stund og komum heim með fleiri lítra af aðalbláberjum og svo eina tvo af venjulegum bláberjum, svo núna er bara að byrja að sulta!!!

Oft

Oft er atviksorð. Svo mælti heimspekingurinn Hermann Gunnarsson á sínum blautari árum. Oft nennir maður líka ekki að vinna en neyðist til þessi. Oft. Er að reikna eftir tveimur stöðlum og það er hróplegt missamræmi í þeim og fyrir verkfræðing sem er vanur að fylgja hönnunarreglum og lendir í því að þurfa að brúa bil milli reglugerða er þetta ekki góður dagur! EN hins vegar er ég á leiðinn í sveitina á eftir í veiði þannig að þessir staðlar mega fara öfugir upp í óæðri endan á hverjum sem vill þá þangað inn. Ég bíð mig ekki fram. En það mun almagnað verða að labba um bakka árinnar í sólinn þó að sólinn geri út af við alla veiðivona þá er útiveran ekki tekinn af manni. Annars þá er maður ennþá á háu nótunum eftir að hafa skellt sér á völlinn í gær. Þetta var alveg eiturmögnuð stemmin þarna í gær og ótrúlega gaman að upplyfa þetta live og sjá knattspyrnurisann lagðan. Þetta er definitely einn í minnisbankann!

Almenn þreyta

Jamm það er full mikið að vinna 24 tíma á teimur dögum, maður verður eitthvað hálf þreyttur á þessu öllu saman verður að segjast. En tilhugsunin um að maður er að vinna af sér dag eða tvo til að komast í lax gerir þetta all worth while!! Spurning um að milja sig á landsleikinn í kvöld, kostar ekki nema 1000kr og maður fær að sjá ansi marga knattspyrnumenn sem maður hefði gaman að berja augum og reyndar aðra sem væri bara plain gaman að berja!!! En nóg af ofbeldi, talandi um það þá fæ ég stundum svona hvatir til að horfa á lélegar ofbeldisfullar bíómyndir og gærkveldið var eitt af slíku. Skellti því myndinni Once upon a time in Mexico í spilarann. Jamm mikill action og tölvert gítarspil sem mér fann nú ekki síðra heldur en ofbeldið og tölvert betra. Slatti af leikurum og eitt stykki Enrique Iglesias (hverjum dettur í hug að skella því vörtu fési í bíó!!). Myndin er sem sé stórkostlega yfirdrifin og ofgerð á geypilega hallærislega hátt og er þar enginn eftirbáti forvera síns (El marachi) sem var endurgerð sem Desperato fyrir Holliwood markað. Myndin stóð sem sé alveg undir þeim væntingum sem ég gerði til hennar og þörf minni fyrir ofbeldisfullum b mynum því svalað að sinni!!!

Þriðjudagur til þrautar

Jæja þá er löngum og leiðinlegum mánudegi lokið. Var í vinnunni til hálf níu í gærkveldi og fór þá heim að taka til!!! Ekki mín hugmynd af góðum degi, en í staðinn frekar effectífur dagur. Þarf að vinna af mér fjóra tíma á næstu tveimur dögum, það ætti ekki að verða svo mikið mál. Þarf að fara á eftir og kíkja á dagmömmu sem við ætlum að reyna að koma Ástþóri að hjá, allir listar að fyllast í vogi kópanna og því ekki seinna vænna en að vera handfljótur að skíta og drífa sig í að ganga frá þessu! Svo þarf maður að sæka einhver ógrynni af reiktum og gröfnum laxi í reik, veturinn lítur ekki svo illa út hvað það varðar, nóg til og er það vel. Annars þá eru flestir komnir úr sumarfríum þannig að þetta er smá saman að breitast í vinnustað aftur í staðinn fyrir þennan draugabæ sem verið hefur hér undanfarið.

Grasekkill

Þá er maður orðinn grassekkill. Svanhildur og Ástþór Örn eru að hjálpa Kötu fyrir vestann í veiðihúsinu og verðar þar um stund. Ég fór því einn í bæinn og verð einn þessa vikuna en stefnan er sett á það að renna vestur á fimmtudag upp úr hádegi og skella sér í smá veiði. Tek svo frí á föstudaginn og verð þarna um helgina. Ætla því að reyna að vinna eins og motherf...er í vikunni og vinna af mér þessa tíma, það ætti svo sem að vera vel gerlegt. Annars þá vöknuðum við á laugardagsmorgun og héldum vestur en þegar ég kom út í bíl, var búið að sparka speglinum nánast af og sparka í brettið á bílnum og dælda það aðeins. Frábært, snilld, kom samt speglinum saman með mikilli snilld þannig að hann virka, en beyglan er enn þarna. Var brotinn spegill á öðrum bíl og farið inn í þann þriðja og drasli dreyft út um alla götu!!! Hringdi á lögguna og hún kom og tók skýrslu en það kemur ekkert til með að koma út úr því!! Svo renndum við vestur og þegar við vorum að verða kominn í Dal var hringt í okkur og okkur tjáð að fólk sem var í sumarbústað í Svignaskarði hefði fundið peningaveskið hennar Svanhildar í Borgarnesi og við þurtum því að snúa við og rúlla upp í Svignaskarð!! Var sem sé hin besta byrjun á degi, en gott að það var heiðarlegt fólk sem fann veskið og öll kort á sýnum stað!! En eftir það reyndist helgin hin besta og núna er bara spenningur fyrir fimmtudeginum!!

Sumar á ströndinni

Jæja það fór ekki svo að maður skellti sér ekki á ströndina. Viðar nokkur Jón er við Baldur er kenndur og eiginkona hans Harðardóttir, Kolbrún og frændi hennar hann Hörður skelltu sér á ströndina og ég og Svanhildur og Ástþór Örn skelltum okkur með. Þetta var bara nokkuð magnað að liggja þarna í skeljasandinum á handklæðinu sínu og sötra smá öl. Reyndar til trafala þessi ÍTR starfsmenn sem koma öðru hvoru og segja að það sé bannað að drekka öl þarna. Málið er að drekka úr glasi og láta tóma prippsdollu liggja rétt hjá sér, voila málið dautt!! En alltaf gaman að hitta skemmtilgt fólk og spjalla saman og ekki skemmir að hafa útlanda veðrið með í för. Ástþór Örn var alveg dolfallinn yfir þessu öllu, lék sér bara að moka í kringum teppið og var hið mesta ljós. Annars þá er þessi blessaði pollur sem fólk er að synda í alveg drullu kaldur, mun kaldari en ég hélt. Svo mun fólkið í Kópavogi sennilega flytja stóruhlutina sína á laugardaginn svo vonandi fáum við afhennt í næstu viku það væri ekki verra!! Spurning um að vinna stutt í dag!!!

Hitabylgja á Íslandi

Þá er komið að því sem að engin hélt að myndi nokkurntímann gerast, það er kominn hitabylgja á Íslandi. Hiti í Reykjavík 24,8°C og er það 15°C yfir gamla hitametinu og er þetta því alveg ótrúlegt helv. Maður lá ofan á þykku dúnsænginni sinni í nótt og var bara tölvert heitt þótt engin væru fötinn. Svona var þetta í danmörku allt síðasta sumar, og er þetta að öllu leyti magnað nema þessi hiti á næturnar, það hentar bleiknefja íslendingnum mun betur að byggja upp hlýju undir þykkri dúnsæng en að reyna að losna við hlýjuna ofan á þykkri dúnsæng, það er bara þannig. Aðalmálið er náttúrulega það að það er sénslaus að vera lengur í vinnu en til 14 á daginn og því meiga svona hitatarnir ekki vera of langar ef maður á að ná að vinna upp tapaða tíma áður en mánaðarmótin skella á!!! Segi bara: I wont let the sun go down on me!

Nice wether

Það er svona drullu magnað veðrið þessa dagana og fær mann til að hugsa hvað væri yndislegt að búa hérna efa sumurin væru almennt svona góð. En hitt má svo vera að maður kann mun betur að meta góða veðrið ef maður lendir sjaldan í því!! Svo er ekki síður sú staðreynd að bjór er öfga dýr hérna og því ekki hægt að nota hann sem svaladrykk í heitum veðrum að staðaldri nema taka bjórkaupalán sem ekki eru í boði! Þessi helvítis fasismi í íslensku stjórnunarkerfi er að verða frekar þreittur. Svo koma fréttir um það að einungis þeir sem hærri laun hafi séu að leggja fyrir og gera ráðstafanir ef eitthvað kæmir fyrir eða einhver félli frá!! Skrýtið, hefur kannski eitthvað með það að gera að það er svo viðrinislega dýrt að búa hérna að ef menn eru ekki hálaunaðir er enginn afgangur til að leggja fyrir í þesslags hluti. Þurftu bankarnir virkilega að láta rannsaka þetta til að komast að þessari niðurstöðu! Hálvitar allt saman!

Útlandaveður

Alveg magnað þetta veður og synd að vera fastur á skrifstofunni. Þegar ég kom út í morgunn var svona hita/raka mollu lykt í loftinu, alveg eins lykt og það er alltaf snemma morguns á sumrin í Danmörku og náttúrulega víðar. Var ótrúlega gaman að koma út þar sem maður fékk svona flassback til Danmerkur. Mikill gróður í garðinum hjá okkur eins og tíðkast úti, þannig að þetta verður svona samblanda af raka og gróðurlykt, almagnað og hlýjaði þetta gamla manninum um hjartrætur! En svo tekur við þurrt loft úr loftræstikerfi fyrirtækisins og það er bara ekki að vekja upp eins skemmtilegar mynningar verður að segjast.
Annað, við hjónin skelltum okkur í kaffikönnu leiðangur í gær og fjárfestum í slíkum búnaði, rándýr fjári að sjálfsögðu en gælsileg vél og fyrsta tilraun okkar til kaffigerðar úr þessari vél heppnaðist svona ljómandi vel. Þess má geta að yfirleitt tekur það margar uppáhellingar að ná einhverju viti úr svona expressó vélum en þetta virtist vera ást við fyrstu sýn hjá kaffigerðar konu heimilisins og vélinni góðu! Nú er það því ljóst að fólk verður að vera duglegt að líta í heimsókn og fá sér einn kaffibolla eða tvo!!!!

Ný vika, Jamm

Þá er það ný vika og er það ekki vel í raun. Búinn að vera alveg ótrúlega mikið á ferðinni Þessa helgi. Keyrði upp á Snæfellsnes og sótti veiðmann í Straumfjarðarána og keirði hann svo út á Keflavíkurflugvöll. Tók Ástþór Örn með mér í þessa ferð en skildi hann eftir í Dal hjá afa sínum og ömmu. Fórum því aftur upp á nes á sunnudaginn til að sækja pilt. Náði maður því fjórum ferðum í gegum Hvalfjarðargönginn þessa helgi og Svanhildur skrapp á Síðasta fimmtudag í gegn líka þannig að kílómetrunum fjölgar ört þessa daganna. Ástæða þess að við skildum littla manninn eftir á nesinnu er sú að við fórum í brúðkaup hjá Stínu vinkonu Svanhildar á laugardaginn. Það var haldið í Súlasal hótel Sögu, þjónað til borðs og allt mjög grand verður að segjast. Sátum til borða með læknahjónunum Einari og Guðrúnu Láru og svo henni Björgu. Þetta reyndist hin besta skemmtun allt saman og ótrúlega gaman að fara loksins eitthvað út saman og geta sofið um morguninn :-)
Annars þá er það bara meiri vinna og bið eftir að íbúð losni. Svanhildur keirði framhjá í dag og sýndist fólkið vera að þrýfa baðgluggann!!! Vonandi að það sé farið að styttast í þessu öllu saman!

Vikulok

Jæja þá eru vikulok hjá mér!! Það fóðra ég þannig að Svanhildur þarf að vinna á bókasafninu á morgunn og ég þarf því að vera heima með littla gaurinn minn og þar með er vinnuvikunni lokið hjá mér og ergo vikulok. Magnað að vera með svona þriggja daga vinnu vikur þetta má í raun ekki meira vera. Annars þá skrapp ég um daginn að kíkja á Harald Pottlokssson í ljósvarpshúsi í Mjóddinni, verð að segja að ég hef bara nokkuð gaman af þessum sögum, skemmtilega naívar en samt smá spenna í þessu öllu saman hjá honum stráknum. Það stafar sennilega af því að mig hefur alltaf langað til að geta galdrað, væri ekki lífið þægilegt ef svo væri. Spurning um að fara heim að æfa sig, en fyrst að skreppa með nokkra laxa í reik!!

Vikan mið

Jæja vikan farinn að styttast í annan endann og er það svo sannarlega vel. Alveg magnað hvað ég er ekki að nenna þessu núna þetta sumar, búinn að vera einhver vinnudeyf yfir manni í allt sumar og sé í raun ekkert fyrir endan á henni. Skruppum í smá kaffikönnuleiðangur í gær, þurfum að fara að fjárfesta okkur í slíku þar sem expresso vélinn okkar er nánast búinn að gefa upp öndina og má segja að hún andi aðeins í gegum vél!! Maður er gersamlega steinhættur að drekka þetta venjulega togarakaffi, álít það rudda hinn versta í dag og set ekkert inn fyrir mínar varir nema kaffi lagað í expresso vél umlukið flóaðri mjólk að frönskum hætti. Það er bara þannig að ef menn komast á bragðið með eitthvað gott er erfitt að taka niður fyrir sig aftur, eins og maður drakk nú af hinu ógeðinu í gamla dag!!

Verslunarmannahelgi

Jæja þá er verslunarmannahelgin liðinn og er það í sjálfum sér vel. Maður er löngu vaxinn upp úr því að liggja í tjaldi með takmarkaða rænu eftir linnulausa drykkju daganna á undan þannig að fyrir mér var þetta bara löng helgi!! Held að ég hafi drukkið heila þrjá bjóra þessa helgi og ekki getur það talist mjög á minn mælikvarða! Hins vegar fór ég á laugardagsnótt og sótti 96 ára gamlan spánverja út á flugvöll og keirði hann upp á Snæfellsnes þar sem gamli maðurinn verður að veiða út þessa viku!!! Glæsilegur leikmaður þessi karl, 96 ára með nýja veiðistöng með sér í farkestinu, það ber vott um vissa bjartsýni. Sæki hann svo aftur næstu helgi og skutla honum aftur á völinn. Hitti svo Þorgerði frænku mína og fjölskyldu á flugvellinum þau að koma úr Danmerkur ferð. Gaman að sjá litla frænda minn í fyrsta skiptið, en maður hefur ekki enn farið að sjá hann (hef reyndar gert tilraunir til þess en engin verið heima (svona mér til smá málsvarnar :-) )) Maður var löngu búinnj að kaupa eitthvað til að gefa pilti (sem og Kristínar börnum) og þetta er efalaust allt orðið of lítið!!!!! Spurning um að fara að drífa sig í heimsóknir!!!

Skattur

Jæja þá standa yfir þessar árlegu skatta kæringar!! Alltaf mikið fjör þar á ferð. ég á að byrja að borga 60 þús þann 1.ágúst sem fyrstu greiðslu af 360 þús sem ég á að skulda. Þannig er reyndar alls ekki staðann, áætluð á mig staðgreiðsla frá því að ég var í danmörku svo maður þarf að kæra það til baka. Nú svo voru líka laun upp á 119 þús sem ég á að hafa fengið hjá Garðþjónustinni Ehf í apríl fyrir ári en ég var reyndar búsettur í Danmörku þá en ég þarf sennilega að sanna að svo hafi verið, ekki þeir að ég hafi verið í vinnu!! Þannig er þetta alltaf. Svo þarf ég að skutlast út á flugvöll í nótt og sækja 96 ára spánverja sem er að fara að veiða í Straumfjarðará, kraftur í karli!! Annars þá held ég að ég sé einn í vinnunni í dag, hugsanlega einhver einn á neðri hæðinni, enda hvað er fólk að vinna um verslunarmannahelgar!!!!

Fös

Þá er það síðasti vinnu dagur vikunnar, eða næstsíðasti hjá mér raunar þar sem ég þarf að vinna svoltið á laugardag til að fylla upp í tímana sem mig vantar eftir gærdaginn. Svanka skrapp í gær að Gæsa hana Stínu og ég þurfti því að vera heima og skulda því eina fimm tíma sem ég verð að vinna upp á morgun, stuð!!! En svona er þetta, það er ekki tekið út með sældinni að vera síldartunna!! Annars er enginn í vinnunni og vorum við ekki nema þrír á hæðinni lengi framan af morgni. Þá hjálpar að hækka vel í græjunum og er Billy Corgan að redda þessu fyrir mig í þessum töluðu orðum. Annars góða helgi og auf wieder sehen!!! (eða hvernig í helv. það er skrifað!!)

Drekinn

Jæja nú hefur drekinn ykkar verið duglegur, horfði á heila mynd í gær og þegar hún var hálfnuð mundi ég eftir að ég hafði séð hana áður. Ég man ekki hvað hún heitir eða hver leikur í henni, well see ya drekinn! (blogg fengið að láni hjá Svínasúpunni!!)
Annars þá er ótrúlega rólegt að frétta, ég ekki að nenna að vera í vinnunni og Svanhildur hefur engan frið til að skrifa ritgerðina sína heima í látunum þar. Enn verið að saga malbik, bora og brjóta með tilheirandi látum. Grilluðum í gær og það var svona ljómandi gott hjá okkur hjónunum, Svanka græjaði kartöflusallat og ég fyllta sveppi með hvítlauk og basil, alltaf gaman að grilla smá í sólinni. Svo átti pabbi afmæli í gær heirði aðeins í gamla manninnum, hann var hress á afmælisdaginn. En annars bið ég ykkur vel að lifa, eru hvort sem er allir í sumarfríi og engin að lesa þessa vitleysu hvort sem er :-)

Þriðjudags bluegrass

Þá er kominn þriðjudagur og tilvalið að skella smá blugrass á fóninn. Tilvalið í það að nota Krauss, mjög mistæk en það góða með henni er gott og þannig er nú það. Mörgum finnst þetta efalaust vera eitthvað kántrí gaul, en í rauninni er ekki svo þessvegan heitir þetta ekki kántrý heldur bluegrass. Enn verið að framkvæma í götunni hjá okkur og steinsagir og borar gelta allan daginn liðlangann. Gengur ekkert sérstaklega vel hjá Svönku að skrifa í þessum hávaða og látum þannig að það var eins gott að hún komst vel áfram í sveitinn við skrif. Svo er alveg að fara að renna upp mánuðurinn sem við flytjum í okkar eigin húsnæði. Það verður alveg frábært að flytja í sitt, get vart beðið að það gerist, verður alveg grámagnað!!

Frívikan búin

Jæja þá er sumarfrísvikann búin að sinni. Djöfull var þetta magnað að komast aðeins í smá frí og vera ekki að gera neitt í eina viku. Það er vera ekki að gera neitt vinnutengt og ekki að vera með samviskubit yfir að vera ekki að læra að skrifa lokaverrkefni eða eitthvað svoleiðis bull. Þetta mun vera í fyrsta sinn sem ég hef farið í smá sumarfrí og ekki verið með eitthað á bakinu alltan tíman. Í fyrra áttum við einar tvær vikur eða þrjár eftir að ég skilaði lokaverkefninu,en þá þurfti að undirbúa vörnina, ganga frá sínum málum í danmörku, pakka og flytja þannig að það varð ekkert frí þegar upp var staðið! Þetta hefur því verið snillidin ein. Verst að Svanhildur er búinn að vera mest að skrifa sitt lokaverkefni en við fundum nú tíma inn á milli til að gera eitthvað skemmtilegt. Þess á milli vorum við Ástþór Örn að leika okkur í sandkassanum sem ég smíðaði fyrir hann í sveitinni og keira dráttarvélina og hjálpa Ástþóri eldri við að smíða hesta gerði. Maður hefur verið að koma inn upp úr ellefu á kvöldin þegar vinnudeginum í sveitinni líkur, sæll og kátur og beint í ölið. Hvað villmaður hafa það betra já og 21°C í forsælu á sólarríkum dögum, snilllllld!!!

Síðasti dagur fyrir frí

Jæja þá er það síðasti dagurinn fyrir "sumarfríið mitt". Stefnan er að bruna vestur og dvelja þar í nokkra daga svo að Svanhildur geti haldið áfram að skrifa B.A. ritgerðina sína. Við Ástþór Örn ætlum hinsvegar bara að fara og hafa það gott í sveitinni. Fara út að moka og djöflast og hafa það sem allra best. En þangað til verður maður að harka af sér síðasta daginni í vinnunni í bili! Hurrey fyrir því!!

Sumarfrísdagar

Þá er það ákveðið og frágegnið að ég verð í sumarfrí í næstu viku no matter what!! Djöfull hlakka ég til verð ég að segja að ná níu dögum í beit í frí, það verður ótrúlegt helv!! Þarf því núna að vera duglegur að klára það sem liggur á, er nokkuð viss um að ná því! Magnað með sumarfrísdagana mig vantaði upp á maí, júní, júlí, ágúst, og hálfan september og á þá ekki nema 117klst í sumarfrí sem eru 15 vinnudagar!!! Verður svo maganð næsta ár að eiga 24 daga, verður algert æði hreint út sagt. Svo þegar maður verður 32ja ára fær maður svo extra tvo eða fjóra frídaga!! Alltaf að græða á ellinni, áður en maður veit af verður maður kominn með afslátt í strætó!!!!

Vikan í tvennt

Þá er vikan hálfnuð og er það vel. Nánast engir í vinnunni þessa daga nema ég og nokkri aðrir og það er í raun ekki afkastakvetjandi. Ætla sem C að taka mér frí næstu viku og ég hlakka alveg ótrúlega mikið til að gera slíkt það verður bara að segjast! Er að reyna að klára af mér verk sem eru komin á tíma og er að vona að það náist á föstudag, C ekkert því til fyrirstöðu og þá er ég farinn næstu níu dagana!! Nauðsynlegt að komast frá um sumar og hlaða batteríin og safna siðferðisþreki, þetta snýst jú allt saman um það er það ekki! Búið að grafa götuna okkar gersamlega í sundur og er verið að skifta um lagnir, en á meðan er ekki gott um vik að finna bílastæði og þau fáu eru þröng og leiðinleg plús það að hávaðinn af steinsögum og höggborvélum er að verða nógur að sinni!

Þriðjudagsblogg

Núna er þriðjudagsblogg og er það aðallega af því að það er þriðjudagur sem að það er þriðjudagsablogg! Hvernig líst ykkur á þessa setningu hér að ofan? Skrítið hvað maður nennir ekki að vinna á sumrin, finnst eins og ég sé ekki að skrifa um neitt annað en það að ég nenni ekki að vinna en það er sennilega vegna þess að ég nenni ekki að vinna! Það á að loka öllum fyrirtækjum nema verslunum og börum á sumrin og hafa þriggja mánaða sumrarfrí! Tel ég þessa hugmynd hina albestu og í raun bara spurning um að koma henni í framkvæmd. Það þarf bara að viðra þetta við Davíð og hann er svo geðsjúkur þessa dagana að hann væri vís með að nauðga þessu í gegnum þingið!!!

Veiði snilld


Eins og sjá má á myndinni var helgin alveg snilld. Skruppum á Snæfellsnesið og þegar þangað var komið frétti ég að það hafði losna stöng í veiðiholli hjá tengdapabba og ég komst því í veiði á laugardagsmorgun. Setti strax í lax og glímdi við hann um stund og var að draga hann á land, var svona tvo metra frá honum við bakkann þegar hann ákvað að nú væri nóg komið og bað mig vel að lifa og kvaddi að sinni! Tengdapabbi fékk svo einn á sama stað skömmu síðar og kom sá á land. Við færðum okkur svo neðar í ána en urðum ekki varir þar en á leiðinni uppefir prufuðum við staðinn þar sem fyrri laxinn fékkst og seti ég þá í annan og að þessu sinni kom hann upp. Var því maríulaxinn minn kominn á land við geypilegan fögnuð minn. Maður þarf svo að bíta af honum uggann eins og lög gera ráð fyrir. Laxin reyndist vera 5 pund og 65cm. Svo skruppum við Svanhildur í sundlaugina í Stykkishólmi og fórum í sund með Ástþór Örn í fyrsta skipti á ævi hans og var það skemmtun hin mesta, nema kappinn tapaði sér þegar það átti að fara í sturtu með einhverju ókunnugu liði. Góður matur snæddur og vín drukkið og svo í gær skruppum við tengdapabbi í langan og fínan reiðtúr í sólinni upp með á og inn á dal. Sem C uppskrift að frábærri helgi!

Ugginn bitinn af maríulaxinum, ótrúlega seigt í þessum uggum!!!  

Vinnupirringsblogg

Jæja þá er komin helgi. Planið hafði verið að taka sér frí í næstu viku og ná þannig tveimur helgum og viku eða níu dögum í frí í beit. En ég þarf að ná að skila drasli af mér sem aðrar verkfræði stofur eru farna að bíða eftir og hann hljóðdeyfilagnir og þennslureikna þær þar sem smiðirnir eru farnir að bíða eftri þeim!!! Því frestast þetta frábæra plan mitt um eina viku, það er að taka sér níu daga frí! Ef að heldur svona áfram í vinnunni fer maður nú að fá ómissandi komplex sem er skelfilegt fyrir bæri og í raun vírus á allt líf utan vinnu. Svoleiðis komplexar leiða til óhóflegrar yfirvinnu og frítímarnir fara í að hvíla sig og safna kröfum fyrir komandi vinnutörn!!! Ef að einhver sér þess merki að ég sé að fara út í svoleiðis fíflagang þá vinsamlegst stöðvið mig!!!
En núna er ég farinn í sveitina!!!

Placebo tónleikarnir

Þá er Placebó tónleikunum lokið og vóóóóóóóóóó!!! Ég var búinn að heira að þeir væru frábærir á tónleikum og bjóst því við þeim mjög góðum, en ég verð að segja að þetta fór langt fram úr mínum væntingum sem þó voru tölverðar. Þvílík snilld þetta kvöld var, lagaval frábært og flutningur framúrskarandi og mikið stuð á sviðinu, djöfulgangur og læti af bestu gerð. Eina sem að vantaði var að þeir tækju lagið I know, sem er þvílíkt afburðarlaga, en það svo sem fyrirgeftst þar sem þau lög sem þeir tóku voru lítið síðri! Þetta var sem sé snilld x 4 og eftir að hafa sé þessa tónleika er ég bara ekkert fúll yfir að hafa misst af Metallica. Svo var ég heima fram að hádegi í morgun, Svanhildur þurfti að skreppa á bókasafnið og ég var því með gaurinn. Skruppum í hjólatúr, spiluðum á gítar og létum öllum illum látum og höfðum hina mestu skemmtun að! En núna þarf að vinna upp þessa töpuðu fjóra tíma í morgun og gott betur!!!!

Placebo

Þá eru það tónleikarnir í kvöld, verður magnaður fjári nokkuð klár á því. Var í vinnunni til 6 í gær, hef ekki verið svo lengi í langan tíma, nenni bara ekki að vinna yfirvinnu núna enda sumar og ekki ástæða til þess að vera að slíta sér út á skrifstofunni. Nógur tími á veturnar til þessa að ná sér í smá extra aur, sumurin á að nota í annað það er mín skoðun og eins og svo oft áður sú rétta! Annars þá fékk ég mér annan skjá í vinnunni í gær og er núna með tvo skjái tengda við tölvuna almagnað fyrirbæri það, maður getur notað annan skjáinn sem aðal og hinn til að henda ýmisskonar drasli á, nú eða verið með tvö wordskjöl uppi við eða eitthvað í þeim dúrnum. Þetta er klárt nördismi að mínu skapi!!

Andlaust þriðjudagsblogg

Áfram áfram bílstjóri eða áfram áfram vikan þitt er valið! Það er alveg eins og ég átti von á því að núna er maður drullu fúll yfir að hafa ekki eitt peningum á Málmsleikjuna (Metallica) en það var ekki gert og því er ekki almenn gleði með það núna. Hlusta bara á lyfleysuna og hita upp fyrir tónleikana á morgunn, verð ekki leiðinlegt að berja þá augnum strákana þó svo þetta sé allt kolöfugt og tvíkynhneigt í bland þá er tónlistinn ekki verri fyrir bragðið. Einhverra hluta vegna á ég disk með Pat Benatar inni á tölvunni minni og einhverra annara hluta vegna hlustaði ég á hann í gær! Hvað var að gerast með tónlist upp úr 1980 það var bara rusl í gangi á þessum árum poppið er vond tónlist og pop rokkið hennar Pat ekki mikið skárra. Ekki það að hvað mun fólk segja um þessi helvítis smáhommabönd, westlife, boyzone og þessi stelpnabönd þegar fram líða stundir. Þetta er náttúrulega ógeðsleg tónlist stíluð inn á 12 ára stelpur, hvernig er það er það endalaus markaður þessar fjandans 12ára stelpur. Þetta drasl er spilað í útvarpi svo eðlilegt fólk neysist til að hlíða á þennan viðbjóð sé maður ekki í seilingar fjarlægð við útvarp til að geta slökkt! Hvað er svo með þetta nýja smá homma band sem var verið að setja saman hérna heima, Iceguys hvað er þetta klént og hallærislegt nafn, er þessi hljómsveit örugglega ekki grín. Ég er svo gersamlega steinbit!

Jæja þá er hafin ný vika það er bara þannig! Áttum hina bestu helgi, skruppum í brúðkaup hjónin og tengdapabbi og Ástþór Örn fór í pössun til Þórdísar systur og það vildi svo vel til að Affí systir var þar líka og voru þær með hann úti í eina þrjá tíma á laugardaginn því ekki vildi piltur una sér inni í bæ! Brúðkaupið gekk fínt og var hin besta skemmtun, en þarna var æsku vinur Svanhildar að gifta sig. Svo elduðuð þau feðginin svaka flottan teriaki kjúkling og steikt grænmeti á austurlensa vísu í gær það var glæsileg máltíð svona rétt fyrir úrslitaleik EM í gær sem reyndist hreint með ólíkindum eins og flestum ætti að vera ljóst! Svo var ég andvaka í gersamlega alla nótt einhverra hluta vegna og er því eins og zombie hérna í dag! Húrra verður sem c semmtilegur dagur í dag.
Já og það er verið að endurnýja lagnir í götunni hjá okkur og það tókst ekki betur til en að símakapallinn í botnlanganum var tekinn í sundur á föstudaginn og þar við situr, enn síma og internet laust í kofanum hjá okkur. Var reyndar ágætt að vera ekki að eyða tíma á netinum um þessa helgi maður er mun háðari þessu en maður heldur!!

Föstudagur að endingu
Þá er loksins kominn föstudagur. Loksins. Ég var alveg með það á hreinu að í gær væri föstudagur, svo ég ætlaði að vinna til 3 til að uppfylla vinnukvótann þann daginn. Heirði svo í Svönku svona hálf þrjú og sagðist vera búinn um þrjú, hún rak þá upp stór augu (sá reyndar ekki augun í henni þar sem um símtal var að ræða, en ímynda mér að þau hafi verið stór) og benti mér á að það væri fimmtudagur! Þvílík vonbrigði þurfti að hanga til 17 og var nánast allur af hreinskærum leiðindum og almennri sjálfsvorkunn yfir því að komast ekki fyrr heim! Annars setti ég hjólin okkar í klössun í gær og fékk til baka, 9500kr fátækari en með hjól í toppstandi. Svo nú er ekkert því til fyrirstöðu að hjólin fái að standa í toppstandi úti í garði!

Jæja þá er þessi vika farinn að styttast heldur í annan endan. Merkilegt að vikur styttst bara í afturendan en ekki framendan, það er í raun alveg týpískt þar sem maður vill hafa vikurnar á síðari skipunum en ekki þeim fyrri að þær styttist ekki í fyrri endan! Svo duttu Hollendingar út í EURO2004 í gær, altaf gaman að sjá Grút fan Nistilógeð tapa, gleður alltaf mitt gamla hjarta að sjá slíkt, gaman hvað þeir voru duglegir að tapa ManU menn í fyrra, það var fallega gert. Þetta er alveg ótrúlega óheiðarlegt kvikindi þessi maður, ef það er eitthvað umdeilt atvik skal hann alltaf standa þar með sitt ljóta fés og vera hvatmaður að því. Sbr. í leiknum í gær þegar hann náði ekki til boltans fann hann sig knúinn til að sparka í markmanninn í fólsku, týpískur drullubesevi! En annars er planið að hafa náðuga helgi hvar sem það kemur til með að vera, jafnvel fá sér kippu af köldu öli og hver veit nema að grill verði haft um hönd, en samt ekki hönd í grilli!!!

UPDATE

Þar sem ég hef alltaf haldið því fram að til að vera leikmaður hjá ManU þurfi menn að vera þroskaheft fífl með núll í greindarvísitölu og þessir leikmenn eru alltaf að sanna þessa kenningu mína aftur og aftur. Því finn ég mig knúinn til að setja þetta gullkorn hans David Beckhams inn á síðuna mína, málflutningi mínum til stuðnings!!

Tekið úr viðtali við David Beckham

Reporter: Was Wayne Rooney disappointed to lose his youngest goalscorer
record on Monday?

David Beckham: No, it'll just make him even more determined to get it
back against Portugal.

Þar hafið þið það!!!!

Almenn sifja

Veit ekki hver djöfullinn þetta er en ég er svo sifjaður á morgnana þessar vikurnar að það nær ekki neinu tali. Vakna og slekk á klukkunni og steinsofna svo aftur í hálftíma til klukkutíma! Var sprottin upp eins og gormur í vetur þegar dimmt var úti og kalt en þegar allt er bjart og hlítt úti þá liggur maður eins og skata og má sig hvergi hræra. Hvað er með það? var sofnaður fyrir hálf tólf í gær og samt nær dauða en lífi í upp úr sjö í morgunn! Skrítið mál þetta sem þarfnast raksóknar að minni hálfu!

Vikan líður út um eyja sund!

Talandi um það það er allt of langt síðan að ég hef farið í sund! Mein hollur fjári að drífa sig í laugarnar, maður gerir allt of lítið af því. Spurning um að fara að fara að vakna fyrr og drífa sig í sund áður en maður mætir í vinnu. Málið er bara það að maður er svo þreyttur alltaf núna á morgnanna að það er engin afgangs orka til að drífa sig af stað, en ef maður myndi drullast á lappir í svona viku og fara í sund þá kæmi þessi umfram orka nú sennilega af sjálfum sér!! Annars segir fátt af einum og jafnvel þremur en ekkert slæmt á meðan!

Ný vinnuvika

Þá er það ný vinnuvika, ótrúlega sorglegt að vakna upp á mánudagsmorgnum og þurfa að starta nýrri vinnuviku. Átti hina ágætustu helgi nema náttúrulega að restin af mínum liðum er dottin út úr EM þannig að það eru bara einhver hommalið eftir! En svona er þetta kanski er tími hommana kominn hver veit! Átum þetta fína entrekót (ekki gerð tilraun til að skrifa rétt) um helgina og var það vel, alltaf ágætt hjá þeim krökkunum í Gallerí kjöt. Annars einkenndist helgin aðalega af áti, bláber sykur og rjómi, ís í fleirgang kjúklingréttur af betrigerðinni og til að trappa sig niður eftir helgina hakk og spaketí! Það er svo skrítið með það að það að borða er stórkostlega vanmetið en þó metið að miklu!

Nú er föstudagur og er það vel. Í raun er það ótrúlega vel. Ég er hálf skúffaður eftir að portugölsku pissidúkkurnar komust áfram á kostnað Englendinga í gær sérstaklega þar sem fullkomlega löglegt mark var dæmt af Englendingum í lok venjulegs leiktíma. Þetta gerðist reyndar líka á móti Argentínumönnum á HM um árið að Sol Campell skoraði mark sem var dæmt af í lokinn. Meira að segja veðbankar á Englandi ætla að greiða þeim út sem veðjuðu á að Campell myndi skora í leiknum þannig að þetta er frekar augljóslega rangur dómur hjá honum Urs Maier! Þess vegna skrapp ég á heimasíðuna hans og sendi honum línu þar sem ég sakaði hann um mútuþægni, ótrúlegt hvað svona smá skítabombur geta látið manni líða vel!!! Annars gott fólk, góða helgi og látið ekki plata ykkur í vinnu um helgina, það er nú einu sinni sumar og þar sem sólin skín ekki nema svona sjö daga á ári á íslandi þá þarf að nýta þá vel!!!

Almennur vinnuleiði í sumarsólinni

Það vill nú svo skemmtilega til um þessar mundir að ég bara nenni alls ekki að vinna, er algjörlega gersamlega svakalega ekki að nenna að fremja þá iðju. Og þó er ég ekki iðjuþjálfi! Var t.d. ekki nema 7 tíma í vinnunni í gær og þá var nóg komið. Fór reyndar í leiðangur og keypti prentara þar sem sá gamli gaf upp endurnar fyrir nokkrum vikum. Er búinn að vera að spá og spekulera um hríð núna. Ætlaði að hætta í Canon, prófa eitthvað annað jafnvel brjóta prinsip mitt og fá mér Epson og fór að ransaka þá, leist svo sem vel á prentarna en rekstrarkostnaður á þessu er frá helvíti, einhver 15ml hylki á yfir 3000kr í svörtu!! Fór því næst að kíkja á HP og var orðinn ákveðinn í að fá mér slíkt en eins og áður fór ég og kíkti á rekstrarkostnaðinn og á photo prenturunum frá HP er rekstrarkostaðurinn algert rugl. Þriggja lita hylki 17ml á 3600kr. Svona í samanburði þá er HP með önnur hylki sem eru ekki í myndaprentarana 32ml á 3500kr!!! Þannig að ég valdi en að nýju Canon, núna I865, þar er svart 17ml hylki á 1095kr!! og hver litur seldur stakur. Þetta er einfaldlega mun hagkvæmari prentari!

Nú er sól og sumar í sinni enda dreif ég mig heim úr vinnu klukkan 4 í gær, á mínótunni sem að vinnudeginum lauk hjá mér. Vinnulega séð þyrfti ég að vera að vinna mun meira en andlega hliðinn kemur í veg fyrir það hjá mér. Það eru heldur ekki svo margir góðviðrisdagar á þessu skeri að maður vilji vera að eyða þeim í eitthvað yfirvinnubull, virkar ekki svoleiðis. Grilluðum okkur þessar fínu pylsur í gær, svanka græjaði karftöflusallat og alles þannig að nú er búið að dusta rykið af grillinu og það því klárt í frekari sérverkefni. Græjaði líka hjólið hennar svönku í gær, skipti um hnakk og dældi í dekk og keypti hjálm á Ástþór Örn þannig að við feðgarnir skruppum í smá hjólatúr í gær. Ég hafði ekki stigið á hjól síðan í danmörku og ég flutti þaðan í ágúst í fyrra!!!!! Þessu skal ráðinn bót á, hjólið mitt fer í klössun þann 1.sta júlí og eftir það er það bara fun and games!

Líf mitt sem lax!

Við erum búin að eiga þessa fínu helgi á Snæfellsnesinu, skroppið í veiði, góður matur borðaður og Ástþór Örn fékk að sitja hjá afa sínum á baki á hestinum sínum og ég teymdi undir þeim smá hring við mikla kátínu stubbsins. En svo var það veiðin á sunnudag, var að kasta niður við á í strekkings meðvindi þegar vindurinn greyp fluguna og og fékk strenginn í hausinn og hugsaði með mér, fjandinn þessi kemur nú ekki til með að kastast rétt út í á. Það varð og raunin þar sem örskotsstundu seinna fékk ég þetta fína högg í bakið þegar flugan skall í herðarblaðinu á mér. Vildi ekki betur til en að hún fór í gegnum þykka peysu og bol og tveir önglar stungust inn í bakið á mér það djúpt að agnhöldin fóru bæði á bólakaf og hefðuðu fötin við bakið á mér. Það skipti engum togum en fjandans flugan var pikk föst í bakinu og náðist ekki út þrátt fyrir mikil tog!!! Svanka brunaði því með mig í Stykkilshólm þar sem læknir var ræstur út og þurfti hann að klippa utan að mér fötinn og klippa svo krókana af áður en hann gat skorði restina úr bakinu á mér!!! Svona líður sem sé löxum með öngla í sér (ekki það að þessi kvikindi eru með kalt blóð og skynja ekki sársauka). Engin var því laxinn hjá mér en ég setti samt í einn nokkra punda!!!!

Jamm jamm og jæja, síðasti dagurinn í þessari vinnuviku og er það svo sannarlega vel. Ég reyndist vera einn í vinnunni í gær og var það almagnað, græjurnar þandar til hins ítrasta (tveir littlir Creative hátalarar (sem sánda reyndar ekki illa)) og sungið með hástöfum! Gæti reyndar verið að einhver hafi mætt í vinnuna heirt sönginn og forðað sér, hver veit, alla veganna ekki ég!! Svo var það þetta líka fína grill hjá Didda í gær, Þórdís mætti með sitt lið og svo eru mamma og pabbi í bænum núna þannig að þetta var hin besta skemmtun! Svo er stefnan að slíta sig vestur á land í dag eða morgun ekki alveg búið að ákveða. Opnun á straumfjarðará á sunnudag þannig að ég ætla að vera í fríi á mánudag og njóta sveitasælunnar um stund. Hvað vill maður hafa það betra!

Jæja þá er ég sá eini sem er það vitlaus að vara að vinna í dag. Mætti í vinnun áðan og öryggiskerfið á, ergo engin í húsinu!!! Kemur mér reyndar mjög á óvart að það sé engin hérna núna og eitthvað af þessum vinnusjúklingum sem maður er að vinna með láta örugglega sjá sig síðar!!! Annars er ég búinn að vera íkt duglegur í morgunn, taka til í fleiri tíma og festa svo barnastól á hjólið hennar Svönku. Nú vantar bara smá loft í dekk og smurningu á keðju og þá er allt sett fyrir sumarið!! Gleðilegan þjóðhátíðardag!

Jæja eins og áður sagði þá erum við búin að ganga frá kaupum á okkar fyrstu íbúð. Allt undirritað og greitt í gær, nema 545þús sem verða greidd 60 daga eftir afhendingu, eitthvað sem fasteignasalinn sagði að gæti verið sniðugt að hafa inni, svo just in case ef eitthvað væri að! Það sem mér finnst samt verst í þessu öllu er að við díluðum þetta í gegnum fasteignasöluna Hól og þeir komu bara mjög vel fram! Synd og skömm að hafa ekkert til að agnúast út í fasteignasalann með. Þeir komu bara nokkuð beint fram og voru ekki að reyna að ljúga einhverri vitleysu í okkur. Ekki það að við vorum svo sem búin að lenda í allskonar vitleysingum í þessari leit sem lugu bara því sem hentaði og vissu oft ekkert hvað þeir voru að tala um en strákarnir hjá Hóli stóðu sig með prýði að þessu sinni! Heldi í vonina að það hafi bara verið uppáfallandi :-)

Jæja þá eru Ziggy og Svanka búin að skrifa undir kaupsamning á nýju íbúðinni okkar!! Búið að millifæra fullt af miljónum í gegnum heimabankann og skrifa undir tonn af pappír og er eignin því orðin löglega okkar. Reyndar á eftir að þinglýsa þessu öllu saman en það er jú formsatriði. Íbúðin losnar svo vonandi um miðjan ágúst en í síðasta lagi 1.sept. Þannig er það nú!

Jamm jamm og jæja, vikan farinn á flug og ætla ég að vona að hún fljúgi hratt að þess sinni. Magnað að koma aftur í vinnu eftir smá frí, maður hefði haldið að þá væri maður til í að eyða smá tíma í vinnunni ferskur og endurnærður en þannig virkar það ekki með mig. Alltaf þegar ég fer í frí vill ég bara vera í fríi áfram og er enganveginn að nenna að vinna. Magnaður andskoti það er. Hjálpar heldur ekki til að evrópukeppnin er á fullu núna þannig að það verða ekki margir yfirvinnutímar þennan mánuðinn hjá mér, hefði þurft að vinna svo sem eina helgi til að ná einhverjum og næsta helgi er frátekinn. Það verður opnuð áin fyrir vestan og ætlum við að mæta á svæðið fjölskyldan. Það er því bara spurning um að vinna helgina þar á eftir eða bara safna fullt af siðferðisþreki og vinna bara enga fjandans yfirvinnu!!!

Jæja þá er maður kominn heim frá norðurlandinu. Gerðum fína ferð hjúin, skroppið í mývó í fjölda heimsókna og borgari gripinn í gamlabænum og hlaðborði í Seli um kveldið. Megin parti ferðarinnar var þó varið á Akureyri þar sem ýmislegt var gert sér til dundurs, jólahús skoðað og í leiðinni ís í Vín eins og lög gera ráð fyrir, sjálfsögður gripinn Brynjuís ekki fengið svoleiðis í mörg ár og er það í raun slæmt! Grillpartý á föstudaginn, merkilegt með grillkjöt ég fæ ótrúlega oft hausverk daginn eftir að ég borða grillkjöt, ábyggilega eitthvað í kryddinu!!!! Mamma átti svo afmæli á laugardag og var borðað hjá Affí systur þá um kvöldið. Kom í raun öllu í verk sem ég ætlaði mér nema því að ég náði ekki að kíkja á Björn B sem var miður. Akureyri hafði um margt breist, miðbærinn er orðin gersamlega dauður sem er miður, ekki orðnar nema tvær verslanir í krónunni að hvað þetta heitir, auð húsnæði í götunni og meira að segja Amaró er ekki nema hálfnýtt. Ekki nema bókval og kaffihúsið á móti sem eru að standa sig í götunni eða í fáum orðum miðbærinn er búinn. Þessi nýja "Kringla" við Glerána er heldur ekki alveg að gera sig en kanski skref í áttina. En ég verða að segja það og ég veit að Torfa kemur ekki til með að líka það en það þyrfti að gerast eitthvað alveg mjög sérstakt til að ég myndi svo mikið sem íhuga það að flytja til Akureyrar, þessi bær er bara ekki að höfða til mín, búinn að prófa það í nokkur ár og sjenslaust að fara til baka. Ekki það að Reykjavík er meingallaður fjári það dylst engum sem sjá vill, en samt myndi ég velja hana fram yfir Akureyri sny day of the week! Svo er það bara að fara og skrifa undir kaupskjölinn á íbúðinni okkar á eftir, ekki slæmt að vera með 4 mills inni á reikningunum sínum, mætti vera þannig oftar!!!

Jamm þá er það síðasti vinnudagurinn í þessari viku, fyrir mig það er! Ætlum að renna norður eftir hádegið, kíkja aðeins hinumegin á landið. Tónleikar uppi í Mývatnssveit á morgun þar sem flytja á lög eftir pabba, þýðir ekkert annað en að drífa sig á það. Maður hefur samt vinnulega séð engan tíma til að vera að ferðast þetta svo signt og heilagt, fyrst England og svo Mývó. Þýðir í raun bara sólahrings vaktir þegar maður kemur heim, en það er svo sem ekki svo slæmt maður ætti að geta slitið upp nokkra yfirvinnutíma þá. Svo er það bara Júró2004 framundan best að fara að koma sér í startholurnar!!

Þetta er ágætt sýnishorn af "The Cottage" sem við bjuggum í. Geypi gróðursælt og fínt. 

Jæja þá er maður kominn heim frá Englandi sæll og kátur. Þetta var mikil og góð ferð hjá okkur hjónunum, vorum í Sussex sem er sveit sunnan við London. Þetta er staðurinn þar sem allir sem eru einhverjir vilja eiga sumarhús á, og verð á húsunum þarna er ekki undir 40 mills!!! Fólk þarna einfaldlega talar í öðrum stærðum en maður á að venjast en það er vissulega gaman að fá tækifæri til að fá að kíkja inn í þennan heim, allir þekkja alla þessa frægu og hafa marg oft verið með þeim í partýum og þesslags. Ekki það að ég leggi mikið upp úr því að umgangast mér frægari menn, tel það raunar til vansa, en þarna var gaman að þessu, þetta er eitthvað svo surreal! Fórum t.d. á mjög flottan gamlan enskan pöbb en Bryan Ferry á hús rétt við hann og situr oft þar að snæðingi en svo reyndist ekki vera að þessu sinni. En húsin sjálf eru æði (eða kofar = Cottage) flest byggðu um og fyrir 1500 og því vel kominn til ára sinna en mjög kósí í staðinn. Allt í bjálkum og leir inn á milli þeirra. Svaka garðar og gróður og dýralíf allt í hring. Ég átti til dæmis mjög bátt með mig að taka ekki loftriffilin og lóga fashanaparinu sem var alltaf að norpa úti við húsvegg. Eðal fæða það! Svo var það einn dagur í London í restina og það var í raun alveg nóg fyrir mig, lang erfiðasti dagurinn enda um 28°C hiti og ég hafði brunnið daginn áður og varð að vera í peysu!!!

Þá er það dagurinn sem Ziggy og Svanka skreppa til London. Afslappelsi í enskri sveit á stefnuskránni næstu dagana. Ástþór Örn fer í sveitasæluna með ömmu og afa, hann saknar okkar nú ekkert mikið þegar hann fær að vera að ærslast í sveitinni, frekar við sem erum eitthvað hálf vængbrotinn þegar hann er ekki nálægt :-) Svo er heimkoma á mánudagskvöld og brottför til Akureyrar á miðvikudag þannig að það er nóg að gera um þessar mundir í ferðalögunum!!!! Svo er maður náttúrulega ekki alveg búinn að meðtaka það að maður sé að verða heimilieigandi, tekur smá tíma að síast inn og maður nær því sennileg ekki fyrr en maður er fluttur inn og búinn að koma sér fyrir!!!

Fyrir forvitna skal benda a http://www.mbl.is/mm/fasteignir/ og skrifa Hlidarhjalli med Islenskum stofum tha kemur eign sem er baedi skrad a 14,3 og 14,7 mills! 

Oft eru ekki fréttir af manni og maður bullar einhverja vitleysu hérna bullsins vegna, en nú er bleik brugðið því að fréttir munu að okkur vera! Svo fór nefnilega í gær að tilboðinu okkar í íbúð í Kópavogi var tekið og munum við því verða Kópavogsbúar ekki seinna en 1.sept en sennilega í águst. Næsta adressan okkar kemur sem sé til með að verða Hlíðarhjalli 44 200 kóp..! Núna er svo allt á fullu að græja lánamál þannig að kaupinn geti gengið í gegn sem fyrst eða þannig að þetta náist í gamlakerfinu. En þetta eru spennandi tímar og verður virkilega gaman að flytja inn í sitt í fyrsta skiptið á ævinni. Elli merki, tja það verður þá bara svo að vera. Svo förum við á morgun til englands, kanski ekki ideal tímasetning á þeirri ferð þar sem kaupin eru að ganga í gegn en það verður samt fínt að slappa á í enskri sveit, hlakka mjög til þess!

Jamm jamm og jæja þá ætlar maður að skella sér á eftir og gera tilboð í íbúð. Verð að segja að ég vona innilega að það gangi og að íbúðarleit okkar sé loks lokið, alveg steinhættur að nenna þessu verður að segjast. Þetta er samt allt frekar knappt hjá okkur í tíma þar sem þau hafa til morguns með að svara þessu og við erum farinn út á fimmtudag þannig að það er í raun ekki tími fyrir gagntilboð!!!! Svo þarf að ganga frá lána málum og þesslags, var kominn með vilyrði fyrir aukaláni í Reykjavík en þarf að sækju um aftur fyrir Kópavog!!! Eins og maðurinn sagi: hví að hafa hlutina einfalda þegar þeir geta verið flóknir!!!!

Jæja þá er maður mættur í vinnuna á enn einum frídeginum. Ekki það að það er ágætt að fá daginn á yfirvinnu hefði bara verið mun betra að vera heima og safna siðferðisþreki fyrir komandi vikur. En það er svo mikið að gera hjá mér í vinnunni að ég varð að mæta, bætir ekki úr skák heldur að ég fer til London á fimmtudaginn og kem ekki aftur fyrr en á mánudag þannig að maður þarf að reyna að ná að koma af sér þeim parti sem aðrir eru háðir svo að maður sé ekki að stoppa marga!!!! En það stefnir allt í það að við gerum tilboð í íbúð í Kópavoginum á morgun, en fæst orð hafa minnsta ábyrgð svo ekki meira um það núna. Ástþór Örn er allur að hressast og orðin sjálfum sér líkur á ný, hættur þessu væli og voli sem einkennir jú veikindi hjá börnum oft á tíðum. Svo er það Norðurlandið á miðvikudag í næstu viku, ekki komið þar í mörg ár, t.d. hef ég ekki komið í mývatnssveit í ein sex ár eða svo en það mun sem sé verða ráðin bót á því núna. Margt að hlakka til á komandi vikum!

Þá er það síðasti dagur vikunnar, eða réttara sagt vinnuvikunnar. Verð að segja að ég er alveg ótrúlega þreyttur þennan morgun. Ástþór Örn enn með um 40°C hita og var svoltið að vakna í nótt greyið, þambaði einhver reiðinnar bísn af vatni í fleirgang. En það er náttúrulega mun betra að hann vilji drekka svo hann þorni nú ekki. Við foreldrar hans erum nú samt orðin svoltið sibbin en það er jú partur af prógrammet. Annars þá er bara allt of mikið að gera í vinnunni og maður enganvegin að komast yfir það og í ofanálag er þessi blessaða íbúðarleit ekki plús á það. Sem c almenn þreyta í gangi og er stefnan að vinna smá á henni um helgina!!!!!

Jæja þá er maður búinn að sjá Monkey goes to heaven live. Eitthvað sem ég átti í raun ekki vona á að ég mynd ná að gera en gerði samt. Voru þessir líka fínu Pixies tónleikar í gær, kunni bara alveg ljómandi vel við þá krakkana. Frank Black vel á annað hundrað kíló en gaf hvergi eftir. Þeir voru mun þéttari tónlistarlega en ég átti vona á og var það vel. Annars þá var svo mikill snilldar dansari sem var meðal áhorfanda í sal að annað eins hefur maður ekki séð. Maðurinn sem var eitthvað yfir þrítugt stoppaði ekki alla tónleikana, var bara að dansa við derhúfuna sína og sjálfan sig, dansandi á milli manna. Angus Young var í saman burði við þennan fýr eins og hlunkur í rólu svo mikir voru tilburðir kappans, hoppaði eins og gormur og skemmti áhorfendum með aula gangi sýnum. Annars er það helst í fréttum að Ástþór Örn er búinn að ná sér í einhverja pest og er með 40°C hita, ekki gaman að því!

Ekki seinna vaenna en ad byrja ad venja born vid vinnu! (Islenskir stafir virka ekki ???) 

Þá er liðið á miðja viku og við ekkert nær því að finna íbúð enn, ótrúlega lítið úrval af íbúðum verður að segjast. Svo er litli karlinn minn hann Ástþór Örn kominn með hita, erum að vona að hann hafi ekki náð sér í þessa streptókokkasýkingu sem er að ganga, gæti verið að taka augntennur, erum frekar að vona það. Annars er þetta fína sumarveður úti, 11°C og fínt, maður er svona umþaðbil að fatta að sumarið er komið. Komi það fagnandi!

?eir taki ?etta til s?n sem eiga!!! 

Jæja þá er ekki nema einn dagur eftir í Pixies tónleikana. Fyrri tónleikarnir í kvöld og þeir seinni á morgun og þar mun ég verða. Tilhlökkun tölverð enda hefur maður hlítt á Pixies í mörg ár og átti ekki vona á að ná þeim á tónleikum þar sem bandið var jú hætt. Svo er það bara 7 júlí þegar Placebo geysast á svið að ekki minni spenna mun verða í loftinu. Mikið tónleika sumar eins og áður hefur verið ritað hér á vefnum. Annars þá er maður að bilast á húsnæðisleit, gersamlega ekkert í boði útrúlegt en satt, allir að bíða eftir einhverjum fjáranum, gaman svo að sjá fréttir eins og í Mogganum í morgun að íbúðarverða hafi tvöfaldast á höfuðborgarsvæðinu á 7 árum!! Það er náttúrulega tómt rugla hjá fólkið að láta leiða sig svona upp í verði helvítis aumingjar sem á undan okkur eru gengnir og hafa stuðlað að því að hækka verðið svei þeim svei!!

Þá er enn ein helgin liðin, merkilegt hvað þær líða alltaf hratt helgarnar, púff farnar! Áttum þessa fínu helgi í Dal, kíktum á nýja folaldið á bænum fórum í húsin með Ástþór Örn og svo vorum við tengdapabbi ótrúlega duglegir að moka til grús inni í gamalli hlöðu sem við erum að breyta í hesthús og geymslu. Bara eitt gat á geymslunni þar sem hægt var að koma inn efni og þarf því að handmoka því á hinn endann, tölvert mikið og leiðinlegt verk en fín líkamsrækt, maður er amk með netta strengi í skrokknum. Skrítið að ég fæ aldrei strengi í minni vinnu, það er eins og það taki ekki nógu mikið á vöðvana að sitja í skrifstofustóla allan daginn, skrítið!!

Jæja þá vorum við Freyr að koma úr Og vondifónn með lyfleysumiða undir höndum (Placebo). Ég er búinn að vera að spá í að fá mér miða í fleiri mánuði en þeir bara seldust ekki upp þannig að ákvörðunin var ekki tekinn af mér og ég þurfti að kaupa miða að þeim sökum. Hlakka mjög mikið til að skreppa þar sem þetta band er tær snilld og í miklu uppáhaldi hjá mér. Þeir eru líka frægir fyrir að vera afbragðs tónleikaband. Svo var það brandari dagsins, það eru enn til um 200 miðar á Metallica, voru einhverjir 60 til í síðumúlanum þannig að það er ekki uppselt á þá enn. Það er bara full dýrt á þá fyrir minn smekk, langar mun meira að sjá lyfleysuna. Spenningur tölverður, ekki síst fyrir þær sakir að það er svo Pixies í næstu viku þannig að þetta stefnir í að verða hið besta tónleika sumar!!!

Jæja þá er maður mættur í vinnuna á enn einum frídeginum!!! Hvaða bull er þetta á manni, af hverju er maður ekki heima hjá sér að slappa af. Spurningin er í rauninni sú, hví velur maður sér vinnu þar sem maður er alltaf að drukna í vinnu, virðist engan enda taka þessi keirsla og það er fyrirsjáanlegt að það verði svona til 2014. Þá verður sennilega líka komið eitthvað annað þannig að það verður sennilega keirsla út allan starfsferilinn, en það fylgir jú minni stétt. Hvað með að verða bara húsgagnasmiður?? Vinna 8-4 frí allar helgar, er það ekki draumurinn, laus við að hanga framan við tölvu!!! Já þetta er findin stétt manna sem ég tilheiri. Annars þá svaf Ástþór Örn ti l9:30 í morgun eftir að hann gafst upp og sofnaði aftur klukkan hálf sjö í morgun. Það var indislegt að sofa svona lengi mætti alveg endurtaka sig mjög bráðlega mínvegna!!!

Jæja þá er kominn miðvikudagur og frídagur á morgun sem er vel. Ég verð reyndar sennilega að vinna á morgun og fæ mér frí um helgina í staðinn. Held að það sé í raun fín skipti að taka helgina góða. Annars er allt á fullu í vinnunni, er að drukna þar sem væri svo sem í lagi ef maður væri svo ekki líka á fullu að athuga með íbúðir, ekki mikill tími sem maður hefur í það og þar að auki er úrvalið á íbúðum afleitt um þessar mundir. En maður verður að bíða og vona og reyna að fylgjast með þess á milli. Annars segir fátt af einum, skruppum þó fjölskyldan á Á næstu grösum held ég að það heiti, á Klapparstígnum núna í hádeginu og það var mjög gaman Alltaf gaman að skreppa smá út saman. Svo ætlar Svanka að kíkja á vinkonu sína á eftir en ég verð í vinnunni á meða :-(

Jæja þá er íbúðarleitin hafinn á nýjan leik, fórum að skoða eina í gær. Vildi svo skemmtilega til að hún var gömul píanó búð sem búið er að breita í íbúð og var bara ekki alveg að gera sig verður að segjast. Ætluðum að skoða aðra en blessaðru fasteignasalinn hringdi aldrei þannig að ekkert varð úr því. Meiri aumingjarnir þessir menn, úfff. En svo er bara að berjast áfram í þessu, verst hvað þetta er djöfull leiðinlegt. Súpermann reddaði málunum eins og venjulega í mánudagsseríunni í gær, kom það mikið á óvart!!! Ég er orðin krónískt syfjaður, hvað getur maður gert við slíku????

Jæja þá er helgin liðin og vikan tekin við þar af leiðandi. Þetta var hin fínasta helgi í sveitinni, búið að vera í sauðburði og tölverðum framkvæmdum, rifin niður ágyrndarborð í hlöðunni, borin grús í gólfið á nýju skemmunni og tölverð dráttarvélavinna hjá mér. Svo náttúrulega borðaður góður matur og horft á júróvisíón. Skrítið að við skildum ekki fá fleiri stig því þetta var svo frábært lag sem við sendum, fjörugt og kraftmikið og alls ekkert leiðinlegt!!! En annars þá skilaði jóni þessu leiðinlega lagi ágætlega, við fengum í raun eins mörg stig fyrri þetta lag og við áttu skilið. Ástþór Örn mjög kátur með dvölina í sveitinni, hann vildi helst hvergi annars staðar vera ef hann mætti ráða. Svo hefur eitthvað fjárans skorkvindi ákveðið að bíta leggina á mér í tætlur, en það væri svo sem í lagi nema að kvikindið lagðist á fleiri fjölskyldu meðlimi, þ.m.t. Svönku og tengdapabba. Þessi týpísku kvikini sem lifa í heyinu á vorinn og skríða upp leggina á manni í fjárhúsunum og verða sér að góðu. Hata skordýr. Svo kasta Elva, meri sem tengdapabbi á, í nótt þannig að við passlega misstum af því, maður verður bara að kíkja á afkvæmið í næstu ferð!