Síðasti dagur á meðölum!

Já þá er síðasti dagurinn sem að Ástþór Örn þarf að vera á meðölum sökum þessarar lungnabólgu og getur hann því vonandi farið á leikskólann á morgunn. Búið að vera svoltið strembið hjá Svanhildi að eyða öllum tíma sínum í að vera með hann heima lasinn og geta ekki lesið á meðan. Hittir náttúrulega líka vel á að ég er í geðsjúkri törn í mörgum verkum núna og ný búinn að vera lasinn og hef því engan tíma til að vera með lítinn lasinn strák heima þótt ég feginn vildi! En núna er bara að vona að hann sé kominn algerlega yfir þetta og þessi blessaði veikinda febrúarmánuður sé algerlega að baki. Annars þá er enn þetta fína veður úti og maður kominn í algert vorskap, bíða samt fram í Apríl með að setja nagladekkin í skúrinn og sumarblöðrurnar undir, sérstaklega þar sem það á að fara að kólna!

Helgin liðin því er nú andskotans ver og miður!!

Já enn ein helgin í valnum og er það ekki vel. Hinsvegar þýðir það að núna er farið að styttast óðfluga í næstu helgi og það er vel. Ekki nema fjórir morgnar eftir að vakna fram að næsta helgarfríi. Já var að vinna á laugardaginn og það var ekki vel (nema fjárhagslega) en var svo heima með gaurinn á sunnudeginum þar sem mamma hans skrapp í afmæli til Hveragerðis. Við fórum hamförum í hreingerningu, bókalestri, söng, boltaleik, kubbun og almennum fíflagangi. Já nú er húsið um það bil að verða spikk and span og ekki seinna vænna, vorið á næsta leiti!

gísli, eiríkur og HELGI

Góða helgi fólk fjær og nær!

From AM to PM

Já núna er maður kominn í þann fasa að vera mættur klukkan 8 á morgnana og fara heim eftir 10 á kvöldin. Get ekki sagt að mér finnist það skemmtilegur fasi og þegar maður mætir á morgnanna er eins og maður hafi aldrei farið um kveldið. Ekki mín hugmynd af fun!! En hinsvegar má það ljóst vera að bankinn verður hæst ánægður ef maður nær að halda þessum dampi eitthvað sérstaklega eftir að maður var á dagvinnunni í febrúar sökum veikinda!! Litli maðurinn er að skríða saman, orðinn nokkuð brattur og við erum að vona að hann sé að ná að reka þetta úr sér svo hann fari nú að komast út greyið og morkni ekki í einverunni heimavið!! En aftur í þrældóminn sæl að sinni!

Lungnabólga

Já til stóð að halda barnaafmæli um helgina en því varð að fresta sökum þess að sá litli var kominn með lungnabólgu. Loksins þegar hann var búinn að ná sér af þessari flensu og búinn að vera hitalaus í eina 6 daga, vaknaði hann með 40°C hita og allt í mínus og við létum tékka hann daginn eftir og hann þá kominn með lungna bólgu og verður inn næstu vikuna í það minnsta!! Ég var því heima með hann í gær þar sem Svanhildur er með framsögu í skólanum í dag og kominn í algera tíma þröng. Ég er það svo sem líka og stressið á manni er um það bil að byrja að segja til sín. Maður er alltaf að sjá það betur og betur að maður hefði átt að drullast í bakarann eins og einn góður kennari minn úr vélskólanum var ætíð duglegur að benda mönnum á ef að þeir voru eitthvað að kvarta!!

Tímapressa

Já síðustu orð um klippingar. Einungis konur hafa verið í því að verja klippara með misgóðum rökum og velti ég því fyrir mér hvort að þær séu nokkuð svo ósammála mér og séu meira að réttlæta þetta fyrir sjálfum sér að vera búnar að eyða yfir 100 þúsund krónum á ári í klippingar??? Nei ég bara spyr. Að öðru þá er ekki verði heldur er búið að drekkja mér endanlega í vinnu. Núna er ég í þremur stórum verkum sem eru öll um það bil fallin á tíma og maður þarf að fara að velja það verk sem verst stendur í það og það skiptið til að vinna í á daginn. Næstu vikur verða ekki ljúfar en vonandi fer nú að róast upp úr því (ekki það að mér þyki það sennilegt en maður verður að vona). Svo er það afmæli hjá pjakknum um helgina og því verður enginn tími til vinnu um helgina jamm það er ekki tekið út með sældinni að vera síldartunna!

Klipping taka tvö

Já þar sem mér virðist sem að ég hafi hreyft við mönnum með bloggi gærdagsins finnst mér tilvalið að taka þá umræðu upp að nýju. Klipping er ekki óþryfalega vinna og er þar að auki þægileg innivinna og því ekki réttlætanlegt að leggja slík álög á eins og gert er með marga smíðavinnu. Menn eru í fínni aðstöðu til að sosíalsera með öðrum manneskjum og því er ekki um einmannalega vinnu að ræða heldur. Þar sem að í flestum tilfellum er verið að fylgja tískustraumum sem að aðrir hafa lagt út er heldur ekki hægt að tala um að menn séu að fremja list, frekar að kópera verk annara. Verið getur að námið sé lengra en ég sagði í gær en nám í skóla er ekki nema fárar annir restin er í vinnu. Þá er ég kominn að því atriði sem að mig langaði til að spjalla um. Nemalaun iðnnema: Í gær var ég rukkaður um 2650kr fyrir klippingu sem tók ekki langan tíma og spurningin er sú hver græðir. Flestar stofur eru í eigu klippara og eru flestar reknar að stórum hluta með nemum sem eru þarna sem hluti af sínu námi. Nemalaun í hárgreiðslu, þjóni og kokki eru eitthvað um tæpar 60 eða 70 þúsund krónur á mánuði síðast þegar ég heyrði. Það má því ljóst vera að neminn er ekki að fá margar krónur af þessum 2650 sem að títtnefndar hafa verið. Einhver er því að græða bara tölvert á meðan að viðkomandi er að svína á nemanum sínum. Og ef að menn eru ekkert að græða á þessu hvernig fara þá svona menn eins og Siddi rakarki að því að vera alltaf á nýjustu gerð af LandCruserum og fínt fínt??? Nei ég stend á því sem ég segi það er allt of dýrt að fara í hárskerðingu og mæli með Torfaaðferðinni fyrir sem flesta til að þvinga verðið niður! Og hananú!

Klipping

Jamm ég gerði gamalkunnan hlut í dag sem ég hef ekki gert í ein fjögur ár eða svo og það var að skella mér í klippingu. Jamm svoleiðis gjörning hef ég framkvæmt sjálfur með dyggri aðstoð elskulegrar eiginkonu minnar. Jamm og þegar var komið að því að greiða fyrir þjónustuna þá styrktist ég ennfrekar í trúnni að maður eygi að gera þetta sjálfur. 2650kr fyrir klippingu, herraklippingu for that matter, hvað er það!!?? Konur eru þá sennilega að borga 7-8 þús fyrir sinn pakka. Ég legg til að menn mótmæli þessum fáránlega kostnaði og hætti að fara í klippingu og neyði stofurnar til að lækka verðið á klippingum því þetta er ekki mönnum bjóðandi. þegar ég var í þessum pakka að láta klippa mig reglulega kostaði þetta 1400kr og þótti dýrt en er núna komið í 2650. Klippiverkfall það er málið!!

Jammserinn

Já það er um það bil brjálað að gera um þessar mundir og er það ekki vel. Svanhildur heima með litla lasarusinn og er hann orðinn hitalaus og hundfúll á að hafa varið undanförnum vikum innandyra, kann okkur engar þakkir fyrir slíkt. En hann fer nú vonadi að fara að komast út greyið áður en hann snappar. Svanhildur hefur líka engan tíma til að lesa á meðan stemmingin á heimilinu er ekki upp á það besta, litli maðurinn kallar á sýna athygli í svona veikindum. Jamm en ég held að það byrji að vora 6. apríl og hef því sætt mig við það að það er ennþá vetur en þann sjött mun það breytast þá verða dreginn fram sumarfötinn og sólskynsskapið og allt verður klárt!! Þið vitið ekki um einhvern sem á íbúið í köben og vantar að láta passa hana fyrir sig í vikur eða tvær í júlí??? Nei ég bara spyr!!

Rútínan að hefjast á nýjan leik!

Jamm það er byrjuð ný vinnuvika og Ziggy mættur í vinnuna. Ástþór Örn er reyndar heima að jafna sig eftir veikindi svo að rútínan er ekki orðin fullkominn enn en það er vonandi farið að styttast í það. Skemmtilegt þegar maður verður svona veikur og kemur aftur í vinnu viku seinna að það á gersamlega að drekkja manni í vinnu. Fáránlegur stafli af dóti sem ég er engan veginn að komst yfir og þar að auki er maður á frekar lágu "orkuleveli" þannig að það hjálpar ekki til heldur. Jamm og blómkálssúpa í matinn, hvað er það þegar að mann vantar orku!!!!!! Bökuðum köku um helgina og afi og amma hans Ástþórs kíktu inn í smá kaffi og Vigdís leit líka við með sinn litla. Þetta var gaman en alvöru afmæli verður haldið síðar hvernig sem við ættlum að koma öllu þessu fólki fyrir í íbúðinni okkar!!!!

Veikindi

Já þá er flogin vika úr lífi manns út um gluggann. Búinn að vera með hita upp á hvern dag í viku en í dag virðist vera að rofa smá til. Er búinn að vera hitalaus í dag og meira að segja skellt mér í sturtu. Það var þörf á því og ekki orð um það meir! Kominn í algert rassgat í vinnunni og verður stafli af leðindum sem að bíða mín þegar ég mæti þangað aftur sem verður vonandi á morgunn. Ástþór Örn búinn að vera lasinn með mér, var orðinn góður og hitalaus í nokkra daga og skrapp einn dag á leikskólann og varð veikur aftur þá um nóttina. Þetta hefur sem sé verið hið mesta pestabæli og tími hinn ömurlegasti. Verið með einhvern augnvírus sem fylgir þessu víst þannig að ég hef ekki getað lesið og það er bara sjónvarpið sem blívar og ekki er dagskráin beisin þar!! Sem sé ekki búið að vera gaman liðna viku, en eiginkonann hefur komið manni í gegnum þetta með glans og á hún þakkir skildar.

Kettir eru óhræsisdýr

Jamm hver vill eiga kött og afhverju?? Kettir líta niður á menn og "leyfa" þeim að klappa sér, meðan maður klappar hundi þar sem hann er neðar í virðingarstinganum!! Hver vill eiga gæludýr sem telur sig manni æðri?? Ekki ég það er klárt. Ekki bætir úr skák að Ástþór Örn er með ofnæmi fyrir þessum ófreskjum og hann er búinn að umgangast kattareigendur núna í tvo daga í röð og það er eins og við manninn mælt, hann barði hóstann þvílíkt í alla nótt. Meiri óþverrinn þessi ofnæmi. Það var því frekar brúnaþungt fólk sem staulaðis á lappir í Kópavoginum í morgunn en Svanhildur er heima með honum þar sem ekki er hægt að senda greyið svona hóstandi á leikskólann. Spurning um að fá sér grímu og setja nærurnar utanyfir buxurnar og gerast kattman-kattarbaninn ógurlegi muuhaaaaa muuuhaaaaaa. Nú eða ekki!!

Helgin liðin!!

Já þá er helgin liðinn og það er aldrei vel. Nei þetta var þrusufín helgi, enginn vinna, bolluát hjá Kötu og Ástþóri, kveðju kaffi hjá Helgu frænku minni og Doug sem eru að flyta til Boston og fínt fínt. Elduðum okkur gott á föstudag og gerðum okkur smá dagamun þar sem Svanhildur fékk 9 fyrir B.A. ritgerðina sína, glæsilegur árangur hjá stelpunni!! Búinn að vera að leika við Ástþór Örn í allskonar spaugi og glensi. Jamm var bara ekkert á því að opna augun í morgunn því almennt spaug er einfaldlega ekki eins mikið á virkum og þegar maður er að dúlla sér um helgar!!

Dagur föstu og frjálsra áta

Jamm það er dagur föstu og er það vel, ótrúlega vel í raun þar sem ég hef ákveðið að vinna bara annan dag þessarar helgar og á því heila frídag í vændum. Var ágætt áðan þá var að hætta starfsmaður og nýr að byrja hjá ENEX sem er fyrirtæki að hluta í eygu VGK og var sendur póstur á liðið um að það væri með kaffinu upp á fjórðu hæð þar sem þeir eru til húsa. Þar mætir múgur og margmenni og ég og þegar þangað er komið kemur í ljós að sá sem að keytpi inn hélt að það væri bara enex að mæta í kaffið en þau eru að ég held 5!!! Ein lítil súkkulaði kaka og ein vínarbrauðslengja!! Frekar kómískt og vandræðalegt þannig að forstjórinn skellti sér í bakarí og reddaði dæminu með sóma. Já ætti að vera kaffi á hverjum föstudegi væri eðal siður verður að segjast!!
En megið þið eiga góða helgi landsmenn nær og fjær og farið varlega í ölæðið!!

Snjór

Ja hvur gráskjóttur, það er byrjað að snjóa aftur og það bara í tölverðu magni. Svo bráðnar þetta efalaust á morgun og allt fer í bleytu og slabb, já núna þekkir maður Reykjavík, saga undanfarinna 10 vetra eða svo! Snjór á að vera í fjöllum en ekki á götum. Kuldi á að vera í ískáp en ekki í byggð. Sól á ekki að vera í ljósabekkjum heldur á mér!! Þetta bara er svona!

ACAD Map 2005

Jamm ég er alltaf að tilraunadýrast í vinnunni og var núna að skipta út ACad building system 2005 fyrir Map 2005. Hið síðarnefnda reynist svona miklu betur og öll heima forrituðu meunuarnir og toolbararnir svín virka í því síðar nefnda en ekki í því fyrra. Magnað hvað það er gaman að gera eitthvað annað en maður á að vera að gera, ekki það að það þurfti að kanna þetta og var ég fenginn í þetta, en það að fá að íta verkunum til hliðar og forrita smá og leika sér er fínt til tilbreitingar þó að ekki vildi ég hafa það að atvinnu!!! Já ekki voru þau orð fleiri!

Jamm jamm og jæja

Já þá er snjórinn farinn og mildur hiti úti og ergo allir að leggjast í kvef!! Magnað með þetta land, það eru allir alltaf lasnir, ef að það væri bara vetur þegar það er vetur væri kveftilfelli efalaust mun sjaldgæfari en þau eru í þessum umskiptingsveðrum, það er mín kenning alltént! Nýr mánuður byrjaður og jólin varla búin að manni finnst, þetta mun víst vera elli merki er mér sagt!! Þá er bara spurningin um að eldast hratt fram á sumarið og mjög hægt um sumarið, það er mitt plan fyrir sumarið!

Tími sannleikans

Já nú er tími sannleikans runninn upp. Sannleikurinn er sá að ég þarf að fara að mæta fyrr í vinnuna til að reyna að komast yfir allt sem ég þarf að gera. Var því mættu rétt yfir 7 í morgun og er það vel, nú er bara að gera þetta að vana ekki undantekningu. Annars var helgin fín þó svo að ég hafi verið í vinnu báða dagana. Skruppum í mat til Ástþórs og Kötu í gær og var amma svanhildar með í för. Það var þessi fíni tandoríkjúklingur á boðstólnum ásamt ýmiskonar indverskum kræsingum er fylgja slíkum rétti. Mikið er gaman að borða góðan mat, en ekki mátti miklu muna að súkkulaðikakan rifi buxnastrenginn þegar hún laumaði sér með ísnum niður í maga!!! Annars þá varð mér það á að standa fyrir framan spegil í gær og upp frá því var ákveðið að setja heimilið í ís og snakk pásu og er það vel!!

Hvað er í gangi

Hvað er nú í gangi, var í vinnuni í eina 6 tíma í gær og er í vinnunni í dag. Þetta er náttúrulega bull, hvað er að verða um þessi prinsip um að vinna ekki um helgar?? Ástæðan er tvíþætt, jólavísa og verkefnastaða í botni. Jamm maður neyðist því til að játa sig sigraðan og sitja hérna, hlusta á Kings of Leon og drullast áfram með verkefnastaflann. Annars þá var mér rúllað upp í Scrabble í gærkveldi af eiginkonunni, ég var með einhver 280 stig en Svanhildur fann sig knúinn til að komast langleiðina upp í stigin fjögurhundruð. Var það fallega gert af henni?? Nei! Vona að ykkar helgi hafi verið meira frí en mín, sem að öðru leiti en vinnulega hefur verið fín!

Fullt af commentum

Jamm í gær fór ég hamförum á commentakerfinu. Málið mun vera það að þetta helvíti virkaði ekki blautan skít og ég náði aldrei samband, reyndi þetta nokkrum sinnum og varð að endingu svo pirraður að ég ákvað þá að leggja smá álag á serverinn þeirra með því að halda enter takkanum niðri um stund. Lítur þannig út að einhverntímann á því ferli hafi þetta farið að virka svona 60 sinnum, henti út slatt í gær en sá svo hvað þetta var mikið magn og lét gott heita. Hvað heitir gott?? Það er spurninginn! Góða helgi, Seattle signing off!

Mojo Jojo

Já Núna eru allir fjölskyldumeðlimir orðnir heilir heilsu og er það vel. Versta er að ég sé fram á að þurfa að vinna alla helgina og er það mjög miður, mjög. En það má svo sem segja að félagi minn hann Jóla Visa verði kátur með það, skil nú ekki að maður skuli vera að velja sér svona félaga!!! Svanhildur fór í gær og kippti upp ljósi í stofuna og einum standlampa þar að auki svo núna þarf að festa það upp, ágætt þegar það verður einum rússanum færra í húsinu!! Annars þá er vor í lofti og vindur hlýr og vet....!! nei smá spé. En núna kaffi!

Gubbupest

Já síðasti sólahringur er ekki búinn að vera sá ljúfasti sem að um getur í sögu fjölskildunnar í Hlíðarhjallanum!! Neibb vorum komin í bælið rétt fyrir 11 í fyrrakvöld og allt í góðu. Svanhildur fór að kenna sér mein í maga og endaði það með því að hún fékk þessa fínu gubbupest. Svo þegar hún var búinn með það versta byrjaði Ástþór Örn að hósta inn í rúmi og ég fór og tékkaði á honum. Hann var þá búinn að æla smá þannig að ég tók hann yfir í okkar rúm og tók utan af sængurfötum hans. Svo sofnaði hann en vaknaði hálftímanum síðar og ældi yfir allt. Ég reyndi að grípa með lófunum en þeir fylltust fljótt!!! Svona er sem sé að vera með barn með ælupest sem kann ekki enn að æla í fötu þegar því er mál!! Þannig að nóttin fór í að skipta á rúmum og náttfötum og fínt fínt. Ég var svo heima í gær með Sjúklingana þar sem Svanhildur var alveg þræl veik. En núna eru allir komnir á rokk og ról og farnir í sínar vinnur og skóla. Megi verða langt í næstu ælupest og hún helst aldrei koma!!

Helgin að baki

Já þá er helgin búin og var hún þetta líka ljómandi fín að þessu sinni. Fórum upp úr 6 á föstudag út úr bænum og skelltum okkur á nesið. Fínt að prufa nýja bílinn í smá "langferð" svona á fyrsta eignardegi :-) Hann kom líka svona ljómadi vel út í ferðinni. Maður opnaði skottið og setti dótið inn og raðaði ekki einusinni gúffaði bara öllu inn og nóg pláss eftir, þumall. Svo munar um lengdina á honum miðað við Corolluna og var hann því mun stöðugri í hálkunni, maður fann ekki fyrir neinu þar. Þar að auki er hann að eyða miklu minna bensíni. Ef að einhver hefði sagt mér fyrir ári eða tveimur eða tíu að ég ætti eftir að eiga Toyotu og vera bara ánægður með hana þá hefði ég bent viðkomandi á að fara í heilascan og í a.m.k þrjú þarmatékk þar sem eitthvað stórkostlegt hlyti að vera að!! En svona er þetta nú. Helgin sjálf var mögnuð líka, snjór yfir öllu og við Tengdapabbi fórum með Ástþór Örn á snjóþotu og snjósleða út um allt. Fínt að renna sér á þotu niður brekkurnar og fá fara á sleðanum upp aftur, ekkert labb :-) Svo fórum ég og Ástþór eldiri í langa sleða ferð í hringum Seljafellið það var ekki mjög leiðinlegt, í logni og stillu og frosti, glampandi sól og fínt fínt. Etið þetta líka eðal lamb að kveldi með carnilone baunum (veit ekki hvernig er skrifað) og fínt fínt. Ólíver litli frændi hans Ástþórs Arnar var þarna líka í heimsókn og voru þeir fínir saman gauranir þó að sá stærri væri nú stundum með smá stæla! Sem sagt fín helgi og ekkert gaman að vera mættur í vinnuna. Svanhildur er svo að skila ritgerðinn í dag og er það vel og óska ég henni innilega til hamingju með það.

Avensis station

Já þá er verið að standsetja nýja bílinn okkar og verður hann klár seinna í dag. Er búinn að skila þeim gamla inn og því síðasta ökuferðinn á honum búinn og mátti það ekki seinna vera :-) Mun aldrei fá mér Over priced smábíl aftur. Núna er það bara station family car og alles klárt. Jamm ætti að vera notalegt tilfinning að vera með 2,5 millur undir rassgatinu maður ætti að geta vanist því. Ástþór Örn er svo á þorrablóti á leikskólanum, efalaust lang mesti töffarinn þar á stóru svæði :-) En stefnan er svo sett á vesturlandið þegar Svanhildur verður búinn í skólanum klukkann 6 í dag. Meiri tíminn 3-6 á föstudögum, ja það er ekki tekið út með sældinni að vera námsmaður það verður að segjast. Mental note: Aldrei gerast námsmaður aftur!!
Góða helgi gott fólk!

Ó borg mín borg ég lofa.....!!

Já þannig er nú það. Heyrt hef ég fleygt fram að ég hafi farið með fleypur inn á blogg síðu hér um daginn, nánar til tekið á síðunni hans Torfa. Þar mun ég hafa haldið fram að Mývatnssveit sé í yfir 200 metra hæð yfir sjávarmáli. Björn nokkur Böðvarsson mun ekki hafa verið sáttu við þessar tölur og tjáði umræddum síðuhaldara að hæðin á vatninu væri 280 metrar yfir sjávarmáli. Bið ég Björn velvirðingar á þessu og kem hinu rétt hér með á framfæri. Hins vegar hefði Björn nú alveg geta sent línu og sagt mér frá þessu sjálfur laupurinn atarna!! Já svona er nú minnið farið að svíkja mann á gamals aldri. Ef ég man kennitöluna mína ennþá þegar ég verð orðin sextugur þá verð ég sæll og glaður!!! :-)

Dagur þriðju!

Já vikan er bara ekki að líða nógu hratt fyrir minn smekk. En það má horfa á þetta þannig: á eftir að vakna við vekjarklukkur þrjá morgna og svo vakna við Ástþór Örn tvo á svipuðum tíma :-) Það er samt mun skemmtilegra en klukku fjárinn. Já núna er maður bara að bíða eftir nýja bílnum sem kemur kanski í næstu viku eða í lok mánaðarins í síðasta lagi. Verður ótrúlega gaman að losna við þessa corollu, allt of mikill smábíll fyrir minn smekk, minn ekki nenna svoleiðis dóti!!

Kalli Sverris

Já þá hefur ekki ómerkari maður en Karl nokkur Sverrisson riðið frá á ritvöll bloggheimssins með nýja síðu þar sem má sjá hugrenningar þessa merka manns! Það er því búið að bæta inn link á Kalla hérna á síðunni.
Jamm ætla að fara að skreppa með bílinn í söluskoðunn núna á eftir, fór og þreif hann í gær og koms þá að því að það er þessar fínu rispur á stuðarunum, einhver rekið sig í hornið á stuðarunum og rispurnar ná því alveg í gegn!! Ekki gott mál en vonadi ekki allt of kostnaðarsamt!! Kemur í ljós á eftir. Helgin var fín og varið heimavið að þessu sinni. Fórum reyndar í afmæli til Margrétar frænku sem á heima í þýskalandi en var á landinu yfir jólin. Fínt að kíkjá í smá kökur, verð þó að viðurkenna að þetta rjómaköku át er ekki að gera sig lengur, er alveg kominn yfir í brauðterturnar verður að segjast, maður verður svo belgdur af þessum rjóma, meingallaður fjári!!

Föstudagur

Já þá er það kominn föstudagur. Baðherbergið komið aftur í fulla notkun og því engin ástæða til að vera óþrifinn legur!! Ég á mér sem sé enga afsökun! :-( En svo er verið að spá í bílamálum á þessum bænum, er jafnvel að spá í að skila Cordollunni og fá mér Avensis station í staðinn. Var með Avensis í láni um daginn og líkaði bara nokkuð vel við kauða, miklu meiri bíll en Corollan enda er hún líka overpriced smábíll. Hafði það aldrei á tilfiningunni þegar að ég átti Golfinn að ég væri á smábíl, miklu meira fíl að keira hann en corolunna þar sem maður finnur ótrúlega fyrir því hvað það er mikill smábíll. Tala nú ekki um þegar maður neyðist til að fara á þessa fjandans yaris stofubíla, þá verð ég nú eiginlega bara reiður. Hvað er með það að kaupa sér yaris þegar ford focus er á sama verði!! Það er þó bíll, yaris er hlaupahjól með vél og andskotans ekkert meira! Segjum nei við Yaris!!

Fundir

Já það er merkileg með mannskepnuna, alltaf heldur hún að grasið sé grænna hinumegin við girðinguna. Ég er sem dæmi alltaf að tala um hvað það er fínt að fara á fundi, sitja og hlusta og leggja til málana við og við, sitja þess á milli og sötra kaffi. Nú svo þegar maður lendir í því, eins og í morgun að þurfa að sitja á fundir allan morguninn, þá er það bara helvíti fínt, meira af því!!!
Annars þá er búið að vera lokað inn á bað hjá okkur um stund þar sem ég pússaði og lakkaði vaskaborðið. Nema hvað, þetta hljóp allt í kekki og kúk og var ekkert að gera sig!! Ég reyndi bara að fara aðra umferð yfir í þeirri von að þetta myndi nú jafna sig, en allt kom fyrir ekki þetta bara versnaði. Nú þá voru góð ráð dýr og Svanhildur fór í Byko sem seldi okkur lakkið og í ljós kom að þetta var olía ekki lakk!! Ég í blindni treysti Bykoman sem sagði að það ætti bara að pússa með 180 pappír og Lakka yfir!! Nema hvað þá á að bera þetta á og pússa svo nánast strax með 500 pappír. Svanhildur er því í dag búinn að skafa af olíulagið sem ég setti á og bera nýtt á og pússa. Og ég sem ætlaði alveg að hlífa henni við þessa framkvæmd!! Sorrý Svanhildur!

Helgin

Já það er bara þannig að ég er farinn að sjá helgina í hyllingum! Þá fær maður að sofa lengur en til 7-7:30, nema að ef Ástþór Örn heldur uppteknum hætti og vaknar á þeim tíma!! Magnað, hann sefur eins og skata á morgnana þegar hann á að vakna og fara í leikskólann og þarf að vekja hann með stórvirkum vinnuvélum, en þegar við megum sofa um helgar er hann eins og sifjaður gormur upp fyrir 8. Hvað er það! En það er að koma maður frá útlöndum á fund á morgun og ég þarf að vera tilbúinn með fullt af gögnum til að hafa klár fyrir þann fund, er í miðju útboði og alles þannig að það er full mikið að gera og full mikið stress fyrir minn smekk!! Er þetta ekki bara bjórskortur!??

sittlítið af engu!

Enn nýr dagur en sömu þjáningarnar. Veit ekki hvað það er en heimilifólk á mínu heimili er óhemju syfjað um þessar mundir. Ég búinn að vera í pússistandi á borðplötum, Svanhildur í ritgerðarsmíð og Ástþór Örn í aðlögun á leikskóla. Það hefur því ekki verið nein sérstök ánægja þegar klukkan hefur hringt á morgnana hjá okkur, ekki það að það sé þannig almennt:-) En því hef ég ákveðið að vera kominn upp í rúm ekki síðar en 10 í kvöld. Á eftir að sjá hvort það gangi, en ég verð að segja að ég hlakka óhemju mikið til að skríða undir hlýja dúnsængina og steinsofna þar. Skruppum í ofnæmispróf í gær hjónin, Ástþór Örn er með ofnæmi fyrir köttum svo að við ákváðum að athuga hvort við værum með eitthvað slíkt sem reyndist ekki vera og er það vel. Já það er nú það!

Vikur líða

Já tíminn flýgur áfram, og ég hef engan veginn verið að standa mig í blogginu í liðinni viku. Ástæða þess mun helst vera annir í vinnu, búinn að vera í akkorði við að klára hin og þessi verk og hef bara varla farið inn á netið undanfarna viku. En núna eru yfirmenn mínir báðir í útlöndum og hvað er því betra en að skrappa smá á veraldarvefinn??? Búið að vera fínt hjá okkur fjölskyldunni undanfarið, kaffiboð hjá Vigdísi í gær, þrettándaboð hjá Hjalla með svakalegri flugeldasýningu, rusi, án efa flottasta einkasýning sem ég hef orðið vitni af, almagnað hjá honum piltinum. Svo fórum við í afmælismat hjá tengdamóður minni um daginn, þaö var glæst og því hefur verið nóg að gera hjá okkur í sósíalinum og er það vel. Ég byrjaði svo að pússa borðplötuna inn á baði í gær, hafði ekki gert mér grein fyrir því hvað þetta er mikið verk að pússa eina svona plötu ef maður á ekki juðara, aðeins sandpappír!!! Þetta er nú langt komið samt og kemur til með að verða mjög flott!! Ný blöndunar tæki á vaskann svo að blessaður sílekinn ætti að heyra sögunni til!!! Já framkvæmdagleði og allt jólaskrautið komið í kassa (það var reyndar ekki mér að þakka :-) )!! Já það er um það bil það!!

Vikan líður

Já vikan mallar áfram og er það hið besta mál. Ástþór Örn átti að byrja á leikskóla í dag en hann er hálf lasinn þannig að rágert var að halda honum heima að sinni. Björg vinkona Svanhildar frá fornu fari kom í heimsókn í gær, hún býr að jafnaði í ungverjalandi þannig að þær höfðu um nóg að spjalla stúlkurnar og gaman að fá hana í heimsókn. Vinnandi karlinn var löngu sofnaður þegar Svanhildur kom í rúmið í nótt. Já ég væri alveg til í að vera aðeins lengur í jólafrí það verður bara að segjast!!

Nú árið er liðið!

Nú árið er liðið í aldanna skaut og aldrei það kemur til baka. Nema maður eigi tímavél, og jafnvel þá er ólíklegt að maður komi aftur til ársins 2004, líklegra væri að maður færi til meira spennandi tíma en 2004. Já ég kveð árið 2004 ekki með söknuð í augum og slátur í vömb, þetta ár var mikið streð og álag og ágætt að það er liðið. Hinsvegar fagna ég árinu 2005 sem nýju ári þar sem það er tiltölulega lítið notað. Þetta árið kemur maður til með að eiga full sumarfrí og alles, já það er þegar allt kemur til alls litlu hlutirnir sem skipta máli. Annars erum við búin að eiga fín jól og áramót hjónin og sonurinn, vorum fyrir vestann um áramótin. Komumst á snjósleða í -12°C gaddi og allt klárt. Hvað vill maður hafa það betra? (kanski -3°C). En nú er alvarleiki hversdagsleikanns tekinn við á nýjan leik á nýju ári. Það eru háalvarlegar fréttir og ekki góðar. Það er einfaldlega ekki að gera sig að vera að vinna þetta svona rétt eftir jól, nei jólafríið ætti að vera amk mánuður eins og það var í VMA í gamladaga, það vöru alvöru jólafrí, vantaði einhverja 4 daga yfirleitt í fullann mánuð. En ekki orð um það meir, ætla að láta það eftir mér að dvelja í hugarheimi um stund og hugsa um liðnar jólafrísstundir, ekki síst þær sem áttu sér stað undir dúnsænginni með þegar bókin var kominn á hvolf á gólfið!

Jólin jólin jólin koma senn

Jamm þá er jólahelgin liðinn og farið að styttast í áramótin. Sit hérna í vinnunni og er ekki alveg að nenna því verður að segjast. Jólin fór vel hjá okkur fjölskyldunni, snæddum dýrindis fyllta gæs hjá foreldrum Svanhildar og opnuðum pakka á aðfanga dag. Littli maðurinn var ótrúlega stilltur og góður þetta kvöld, lék sér bara að nýja dótinu sínu og át konfekt :-) Svo fengum við Ástþór og Kötu í mat heim í fyrrakvöld þar sem snæddar voru endur og heimagerður ís í eftirrétt. Já, þetta er búinn að vera ljúfur tími, kalt hvítvínsglas að kveldi eða kaldur öl og Arnaldur í hönd, hvað vill maður hafa það betra??

Siðferðisþrek

Já það er magnað um þessar mundir að maður bara nær ekki að safna upp nægilegu siðferðisþreki til að vera próduktífur í vinnunni. Ég í orðsinsfyllstu meiningu bara er í vinnunni, algerlega andlega fjarverandi, næ bara ekki að fókusa á þetta. Húmorinn er að það eru allir svona í kringum mig líka, menn eru bara ekki með hugann við vinnuna á þessum tíma. Það er því bara spurninginn um að hætta snemma í dag, koma sér heim að taka til og ganga frá jólagjöfum, ekki það að það hafi verið að lenda mikið á mér, Svanhildur hefur nú borði hitann og þungann af jólagjöfum og jólakortum þessi jól eins og önnur og kann ég henni bestu þakkir fyrir. Annað var það nú ekki!!

Látum ekki deigan síga

? Hvað er deigi?? og hvert sígur hann??? Hver fann upp á þessu túrbó vitlausa máltæki og afhverju. Þetta er dæmi um spurningu sem maður vill ekkert endilega vita meira um. Ótrúlega skrítið með það verður að segjast. Já jólin nálgast meira með hverjum deginum og áður en maður veit af verður maður farinn að rífa bréf í gríð og erg en ekki í ergelsi þó. Hvað er gríð?? En ergur?? Hver fann þessa vitleysu upp og afhverju?? Já jólatréð fær að fara að koma inn og hlýja sér von bráðar og nýr dallur af jólaöli er væntanlegur í hús von bráðar. Svo þarf maður að fara að kaupa sér jóla Whiskeyið og víking jólabjórinn sem að þessu sinn er langbesti jólabjórinn. Þegar ég segi langbesti jólabjórinn er ég ekkert að meina að mér finnist hann lang bestur, hann ER langbestur það er bara þannig, þetta er enginn skoðanna könnun ég er að segja ykkur að þetta er svona!

Jóla gól

Jamm nú nálgast jólinn sem óður geitungur. Fjórir dagar í jólin hvorki minna né minna. Já það eru ýmis handtök eftir áður en jólaandanum verður formlega boðið til okkar híbýla en ekki svo mörg samt. Erum búinn að vera að raða í skápa og umstafla í skúffur og þesslags. Meira svona yfirborðsmeðhöndlun eftir, svo sem að reyna að þrífa strik og kröss af veggjum eftir ónefndan heimilismeðlim. Hann á efalaust eftir að eiga góða stund við að slíta niður jólakúlur og köngla af jólatrénu þegar það verður komið upp. Svo er bara spurning um hvað maður nær að taka sér langt frí á milli jóla og áramóta, þarf nú sennilega vinnulega séð að láta sjá mig eitthvað aðeins þarna á milli en ég á svo sem frídaga í að sleppa því. Spurning um að kíkja einhverja tvo daga eða svo, grinnka aðeins á staflanum, veitir ekki að því. En annars þá bæó.

Prófaannir og appelsínur

Jamm þá er Svanka í prófi í þessum töluðu orðum. Jólafríið blasir við henni og er það vel, þurfum að fara að taka til hönd eða fjórum á heimilinu svona fyrir jólin. Best að senda henni andlega núna í prófinu. Mér verður annars ótrúlega oft hugsað til þess í desember hvað þessi prófatími er óþolandi andskoti, sitja í fjóra tíma og skrifa stærðfræði eins hratt og maður getur, vitandi að allar líkur eru á því að maður komist ekki yfir allt prófið og þegar því ljúki séu bara tveir dagar í næsta próf. Í menntaskóla var gaman í prófum, lítið námsefni og alltaf klárt að maður hafði fínan tíma í að fara yfir ef maður nennti því það er að segja. Nei HÍ er ljótt stress fjölritunarbatterí og þvílík sæla að þurfa ekki að vera að þreyta þar próf lengur. Aldrei aftur HÍ húrrey húrrey húrrey!!!

Litlu jólin

Jamm það voru þvílíku kræsingarnar á borðum hérna í dag. Litlu jólin í fyrirtækinum, svona matarlega séð altént. Mátti velja milli hangikjöts og kartöflum í uppstúf, reiktrar skinku og brúnðuðum kartöflum, annarrar tegundar af skinnku, vel glábrúnaðri, kjöt af svínalæri, Waldorf salat, rækjuréttur, graflax og ýmsar tegundir af síld að ógleymdu laufabrauði og þrumara ef vildi. Jólaöl með og svo Ostatertur, risalamand og marenskaka í eftirrétt. Jamm síðustu bitarnir voru erfiðir en höfðust þó!! Búinn að kaupa jólavínið og allt klárt!! (já nema allar jólagjafirnar!!!)

Mættur til vinnu á nýjan leik!

Eins og jólaglöggir lesendur hafa efalaust tekið eftir hefur lítið verið að gerast á þessari bullsíðu minni að undanförnu. Ástæða þessmun vera sú að Ástþór Örn er búinn að vera lasinn undanfarna daga og ég hef því verið með hann veikann heima. Svanhildur á yfirsnúningi að lesa fyrir próf og því vorum við feðgarnir bara saman í rólegheitunum. Jamm maður skreppur frá í nokkra daga og þegar maður kemur aftur þá er bara nóg að gera í vinnunni hjá mér, magnað. Búinn að vera að horfa á DVD myndir undanfarið og þá myndir sem að ég veit að Svanhildur hefði ekki mikla ánægju eða yndisauka á að horfa á. Horfið fyrist á Cronicles of the Riddick(ulus)! Full mikill hetjuskapur fyrir minn smekk,og í raun vonbrygði þar sem ég sá fyrri myndinda á sýnum tíma og hafði gaman að (Pitch Blank). Jamm en núna átti ekki að gera "cult" mynd heldur hardcore hollywood hetju mynd með andhetju!! Ekki góð hugmynd. Seinni myndin sem ég augum á leit var I-robot. Engin óskarsverlaunamynd en allsekkert algalin heldur. Willi mikil hetja eins og ávallt og söguþráðurinn mætti vera betri en þetta var bara návæmlega mynd eins og maður átti von á henni. Svo hringdi Malla frænka í mig um daginn þar sem þau hjónakornin eru nýbúinn að fá afhenta nýja íbúð og þeim vantaði hjálparhendur í standsetningu. Ég alltaf verið á leiðinni að hjálpa hef bara verið á fullu heima við fram til klukkan að ganga 11 eða lengur í þessum blessaða mánuði. Ætlaði að vera búinn að hringja fyrir löngu þó og láta af mér vita en svona er maður nú framtaksamur!! Vona að framkvæmdir gangi vel.

Maraþon lestur!

Jamm sá littli var ekki alveg á þeim buxunum að sofna í gærkveldi. Held að ég hafi lesið fyrir hann í góða klukkustund áðurn en björninn var allur. fór meira að segja óvenju seint í rúmið í gær þannig að hann var loks að sofna þegar klukkan var orðin 10. Ekki mikið eftir af kveldinu til að gera eitthvað að viti þá þar sem ég er að reyna að mæta um sjö í vinnuna þessa daga svo að ég komist fyrir heim svo Svahildur fái smá frið til að læra. Það eina sem maður getur gert eftir svona daga er að fá sér bara eitt glas af gin og tónik og eina sneið af lime og þá er maður góður!!

Laufabrauð

Jamm í gær var gert laufabrauð á mínu heimili. Tengdaforeldrarnir mættu og skorið var út um stund og kökurnar svo steiktar. Reyndist hið besta laufabrauð eins og við var að búast. Jamm, við öll í þjóðlegu hefðunum þetta árið, slátur og laufabrauð, synd að við eigum ekki taðreikingarkofa þá hefði maður gert hangikjöt sjálfur :-) En svo er enn eftir að gera konfekt það myndi ég telja mikla verðingu, slíta upp nokkur kíló af hökkuðum möndlum meðhöndlaðar á sérstaka vísu og kallaðar marsípan á eftir. Jamm en það verður nú sennilega ekki farið í það fyrr en frúin á heimilinu verður búin í prófum. Verður nokkuð stíf törn hjá henni fram að prófi og ég verð með littla manninn á meðan. Já svona líður tíminn, búmm og það eru kominn jól!

16 liða úrslit

Jamm mínir menn komust með glans inn í 16 liða úrslit í mestaradeildinni í gær, unnu riðilinn og alles. Jamm skrapp á players í gær og kíkti á seinni hálfleikinn á leiknum þar sem ég er ekki með sýn lengur ;-) Jamm fengum okkur fjölvarpið í staðinn og lækkuðum með því reikinginn aðeins í leiðinni. Ekkert varið í sýn eftir að enskiboltinn fór þaðan. Jamm Svo er maður að skrifa skýrslu á ensku núna, hef ekki gert slíkt síðan í danmörku og aðeins farinn að ryðga en ekki svo, er fljótt að koma til baka.

Rólegheit

Jamm það eru rólegheit núna miðað við undanfarnar vikur og ég verð að segja að ég kann því vel. Kannski ekkert svo rólegt miðað við eðlilega vinnustaði en mjög rólegt miðað við undanfarnar vikur!! Búinn að taka til á borðinu mínu og setja öll gögn í möppur og núna glansar á allt hjá mér, almagnað það enda ekki seinna vænna en að gera jólahreingerninguna!!! Skruppum í gerðið langa í gær og þar var verið að líma saman og skreita piparkökuhús og ég fór að tíma til drasl af kvistinum sem við áttum enn eftir að fara með heim. Minnkar alltaf draslið sem við eigum þar en er þó smá eftir enn. Ástþór Örn svaf aðra nótt án þess að rumska núna og er það vel, ágætt að hann er ekki fullur af kvefi núna sem var alltaf að vekja hann upp! En núna er best að fara að þýða 42bls skjal á ensku þar sem skiljurnar mínar verða smíðaðar í útlöndum!

Þá er útboðið komið út

Jamm þá er útboðið komið út og ég ekkert smá feginn að vera ekki með þetta hangandi yfir mér lengur. Stefni að því að vinna ekki nema til 16 í dag og fara heim að slappa af. Jamm var heima í gær með syninum þar sem Svanhildur var að vinna í ritgerðinni sinni í gær af miklum dugnaði. Var alveg ótrúlega magnað að fara ekki í vinnu í gær, klárt tilfinning sem mætti venjast. Svo er maður bara andlaus í dag og veit ekki hvað maður á af sér að gera og á slíkum dögum er best að taka bara saman hönnunina sína og setja í möppur og ganga frá þessum stöflum á borðinu hjá sér. Ef maður gerir þetta ekki strax eftir útboð þá gerir maður þetta ekki sem er mjög slæmt. En núna er ég kominn í andlegt jólafrí og er það vel. Ástþór svaf í einum dúr til hálf átta í morgun þannig að hann var sofandi þegar ég fór í vinnuna, rumskaði ekki alla nóttina sem er ólýsanlega frábært, vakar oft svona einusinni á nóttu en ekki núna. Sem C tilveran bara sól og suðandi englar í dag!

Loksins frí

Jamm búið að vera vægast sagt fáránlega mikið að gera hjá mér undanfarið. Er búinn að vera að reyna að koma húsbyggingarútboðið fyrir Hellisheiðarvirkjun í geng, það er klára minn part í loftræstikerfa hönnun og svo erum við með samhæfigu á öllum köflum og magntöluskrám frá öllum hönnuðum og það er ekki lítið magn að því.Úff einar 500 teikingar eða svo og álíka margar blaðsíður í lensningu. Náði því á fyrstu fjórum dögum þessa mánaðar að komast í 20 yfirvinnutíma!! Það er full mikið fyir minn smekk!! Var julefrøkost í vinnunni á föstudagskvöld og maður nánast hljóp úr vinnu til að fara að drekka brennivín einungis til þess að mæta senmma næsta dags aftur í vinnuna og halda áfram. Jamm það var dagurinn frá helvíti í gær, þunnur og vitlaus og að berjast við uppsetningu á mjög stóru wordskjali og ganga frá reikngum!! Mæli ekki með því, en núna er það bara afslappesli á heimaslóðum. Ps. fékk símhringingu frá Vidda í gær frá Highbury þar sem Arsenal var að vinna Birmingham 3-0, nokkuð ljóst að Viddi hefði þurft að drífa sig þangað mun fyrr!!

Heima að passa gaurinn

Jamm ég virðist vera farinn að venja mig á það að slökkva á vekjaraklukkunni í svefni og vakna svo rétt fyrir átta!! Vondur ávani það. Var samt mættur fljótlega upp úr átta en þurfti svo að fara heim þar sem Ástþór er veikur og Svanhildur þurfti að fara í skólann. Var í raun ótrúlega gaman að fá að vera aðeins heima með littla manninum. Maður hefur varla séð hann undanafarnar vikur, alltaf að koma svo seint heim að það er rétt svo að menn ná að borða áður en hann þarf að fara í rúmið. Enda er hann að verða alger mömmu karl eftir þessa törn og var nú ekki á það bætandi!! :-) Það var því ótrúlega magnað að komast að því að ég á 43 tíma eftir af sumarfríinu mínu og þarf því ekki að vinna eins og sveppur mirkrana á milli um jólinn (reyndar stuttur tími mirkranna á milli um jól). Þessi afleitu fyrirtækjajól verða því ekkert svo slæm þegar allt kemur til alls. Spurning um að vera búinn að reyna að fría sig öllum verkum áður en að þessu kemur svo maður þurfi ekki að mæta sökum vinnunar!! Já það er ekki laust við að maður komist í jólaskap við að hugsa um þetta!!!!

Það sem ekki gaman er að gera!

Jamm mér finnst ekki gaman að koma heim úr vinnunni klukkan 11 á kvöldin, sérstaklega þegar maður er mættur 7:30!! Það bíður bara upp á snapp, jamm og snæhéra. Annars er verið að þjálfa upp átvöðvana hjá manni fyrir jólin hérna á vinnustaðnum, þar sem búið er að kaupa eitthvert ógrynni af smákökum sem maður má úða í sig að vild. Eru einhverjir 9 stórir pappakassar niðri fullir af kökum og súkkulaði. Já maður ætti að verða kominn í feikna form þann 24. Svo styttist í fimmtudaginn langþráða, en á miðnætti fimmtudags verður allt að vera klárt í þessu verki sem ég er í og eftir þann tíma ekki hægt að græja neitt um stund, sem þíðir vonandi rólegri tímar framundan. Maður lætur sig dreyma í það minnsta, reynslan sýnir samt að það muni sennilega ekki gerast, en maður má vona er það ekki!!

Ný vika enn á ný

Jamm þær láta ekki að sér hæða vikurnar og eru ekki hæddar fyrir vikið. Jólamánuðurinn handan við hornið og þá er ég ekki að tala um veitingastaðinn. Geðsjúk umferð í kópavoginum um helgina þar sem fólk flikkist umvörpum í smáralindunum að eyða peningum sem það á ekki, verðu sennilega bilað þarna þennan mánuð!! Ástþór Örn lasinn og Svanka líka þannig að það er sjúkrabeð heima! Virðast vera endalausar þessar fjandans umgangspestir. Horfðum á Spiderman 2 í gær og ég verð að segja að ég skil ekki alveg what all the fuzz was about!! Mér fannst hún langdreginn og niðurdrepandi svartsýn (eins og ég á góðum degi :-) ) og allt of lítið að einhverjum hasar. Gamla myndin var sennilega tæknilega betur gerð ef eitthvað var, mun meiri hasar þar líka. Jamm það er einfaldlega of lítið af góðum myndum í gangi núna þetta er allt bandarískt þetta djöfulsins rusl sem er í boði!!!

Vinna á laugardegi

Jamm það er ekki tekið út með sældinni að verkfræðingur!! Maður nær að koma sér í þannig verk að þessi andlega nauðsynlegu helgarfrí eru ekki valkostur lengur. Djö og helv!! En góðu fréttirnar eru þær að hinn annars ágætlega negatífi reikningur minn verður kátur með þetta!!! Vill bara svo skemmtilega til að ég er enganveginn að nenna þessu í dag en er samt búinn með tölvert, verið próducttífur dagur. Jamm fílupóstar mega ekki vera lengri en þetta og læt ég því staðar numið!!

Kópavogur gone mad!

Jamm þá er bæjarfélagið mitt orðið ótt. Ekki nóg með að þessari blessuðu 9 ára stúlku hefði verið rænt af þessum mann aumingja drulluslefa og skilinn eftir á víðavangi, heldur var dóttir dagmömmunnar okkar barinn í höfuðið með Baseballkylfu í gær. Hvað er að verða að þessu blessaða landi, fólk að verða geðsjúkt í kippum. Spurning um að fara að taka upp opinberar aftökur með fallexi eða góðum hengingar hnút. Það myndi kanski líka fá stjórnmálamennina okkar til að hugsa sinn gang ef við lóguðu svona einum þremur eða svo!!

Jamm og jæja

Dagur miðrar viku er runninn upp. Það þýðir aðeins í raun að dagurinn fyrir dag miðrar viku er liðinn. Ótrúlega skrítið með það að dagarnir líða og koma ekki aftur. Eða hvað??? Ég get svo svarið að það var miðvikudagur í síðustu viku og samkvæmt því þá koma dagarnir aftur. Svo hvort er það, nú er algerlega búið að rugla mig í rýminu. Mér finnst persónulega betra að láta rugla mig í rúminu en rýminu. Og hvað rými er það sem maður er ruglaður í. Höfuðið er í raun ekki rými því það er full af heila, en þá er tölvert rými fyrir utan höfuð en það tekur ekki þátt í hugsanagangi manns og því ekki hægt að rugla mann í því rými. Mér þykir þetta allt hið undarlegasta mál. Þannig er nú það!

Langar heim

Jamm verð að segja að ég er að verða búinn að fá nóg af endalausum fundarhöldum og þvæling og tímapressu!! Væri til í að sjá aðeins meira af Ástþóri Erni vakandi á daginn. Maður er að koma heim rétt fyrir og yfri sjö þessa dagana og hann er farinn að sofa um átta þannig að þetta er hund fúlt. En góðu fréttirnar eru að það eru meiri líkur á að maður eigi fyrir vísareikningnum ef maður vinnur eins og sveppur! Jamm svo er meistaradeildin á morgunn og ekki má maður missa af því!! Og umhleypingar byrjaðir, var búið að tolla snjór mun lengur en ég átti von á, yfirleitt koma umhleypingar strax eftir snjókomu þannig að þetta var smá plús. Jamm þá er það búið!

Matarboð

Jamm helgin var fín að þessu sinni. Fór ekkert í vinnu og drakk þeim mun meira af öli. Okkur var boðið í mat til Vidda og Kollu á laugardagskvöld og var þar vel veitt bæði í mat og drykk og þökkum við þeim hjónum kærlega fyrir okkur, þetta var skemmtileg kveldstund og nú stendur það upp á okkur að gjalda slíkt hið sama. Spilað var landnemaspið Catan sem er skemmtun hin mesta og ekki skotið fyrir það tólfunum að maður fjárfesti í slíku. Svo var okkur boðið í hreindýrasteik til tengdaforeldranna á sunnudagskvöld. Hreindýrið klikkar bara ekki, það er bara ekki í stöðunni. Snilldar helgi sem C. Það finndnast var samt að Ástþór Örn gisti hjá afa sínum og ömmu á laugardagsnótt og svo á sunnudagsmorgunn vaknar Svanhildur og klukkan orðin 10. Það hefur ekki gerst í langan tíma að maður hafi sofið svona út, þvílík snilld það er. Jamm en núna er það bara vinnan og kannski einn heitur kaffibolli hver veit.

Allir út að borða nema ég!

Jamm þannig er það nú í þessu hádegi að stór prósenta fyrirtækisin fór út að borða. Einar Gunn vann mat fyrir 8 á fylgisiskum og bauð öllum konum stofunnar út að borða (ekki í fyrsta skipti sem konunum er boðið, hvar er jafnréttið hérna). Svo eru Torfi og fleiri góðir í mat með OR manni sem er staðarverkfræðingur á Hellisheiði. Því skruppum við Freyr bara á Gamla vestið og fengum okkur risaborgara að hætti hússins. Jamm ef það vill enginn annar gleðja mann þá gleður maður sig bara sjálfur og málið dautt :-)
Ennþá meiri gleði í vændum, því nú er föstudagur og allir kátir!!!

fløde boller

Jamm í eftirmatinn hjá mér í vinnunni voru mandarínur og fløde boller eða negrakossar eins og þeir heita víst hér. Danir eru allveg vitlausir í þessi ósköp og þar gat maður keypt bakka með fløde boller með einum 20-25 bollum ef vildi og svo náttúrulega minni pakkningar líka. Jamm þeir eru engir áhugamenn um fløde boller. Annars er eitthvað svo mikill föstudagur í mér, sennilega þar sem maður er búinn að vinna tímana sína fyrir þessa viku og því finnst skrokknum tími á helgarfrí. Verður því hið mesta skúffelsi á morgun þegar að blessuð vekjarklukkan glymur í eyra. Jamm það verður ljúft að vakna ekki snemma á laugardagsmorgun, ætla að vona að það verði kallt úti og helst smá vindur, þá er alltaf best að liggja aðeins lengur. Spurning um það hvort sonurinn sé til í slíkt það er mitt laugardags lottó!!!

Sofið út (Næstum)

Jamm maður var að mæta í vinnuna núna um hálf tíu. Er venjulega mættur ekki seinna en 7:30 því ég þarf að fara heim aftur og með Ástþór Örn til dagmömmunar, en núna nennti ég ekki að vera fastur á eftir einvherjum spólandi sumardekkjafíflum með bílinn á 6000rpm og allt ekki klárt! FÍFL!! Þannig að við lágum bara eins og skötur til hálf níu og drifum okkur þá á fót og fætur og voala hér ég er!! Mér þykir mjög gaman að keyra í snjó, það er viss kúnst, en málið er að 97% innfæddra hafa ekki hugmynd um hvað það gegnur út á og þetta lið er stórhættulegt. Snéri einn bíl rétt fyrir aftan mig í gær, var að taka 90°beygju á van bíl og fannst allveg tilvalið að taka hana eins og það væri sumardagur, verandi jú á sumardekkjum. Fíflið var heppið að það var ekki neinn að koma á mótihonum því hann snérist 270°. Jamm svona er þetta hérna og enganveginn öðruvísi.

Jamm og jæja

Já þá er ekki öll vikan eftir bara meiriparturinn af henni!! Er að vona að versta törnin hjá mér sé búinn í bili á fimmtudaginn en maður þorir ekki að vona!!!! Jamm veturinn kominn með öllu sínu tilheirandi og núna vantar bara meiri snjó og gönguskíði og þá er allt klárt! Já eða sleða, ekki væri það verra. Svo er það blessaða kennaradeilan. Hvur djöfullinn er að þessum kennara aumingjum!! Jú vissulega er þeir með lág laun og allt það en núna er búið að setja lög á þá og þá taka þeir sig saman með fjöldaveikindi og koma opinberlega fram og segja það!!! Það ætti að kæra þessa andskota. Þegar ég sótti Ástþór í gær til að fara með hann til dagmömmunar þá voru krakka grey á öllum aldri ráfandi um götur og tún að rölta heim þar sem enginn var skólinn. Alveg niður í smá gríslinga. Ég veit ekki hvað kennarar gerðu ef eitthvað kæmi fyrir þessa krakka, svo sem keyrt yfri einn sjöára eða svo vegna þess að kennarar eru í fílu, það væri gaman að hafa það á samviskunni. Óháð því hvort að þessi meðferð á kennurum er sanngjörn eður ey þá er meðferð kennara á börnum ekki sanngjörn það er ljóst og samúð mín er ekki hjá kennurum eftir þessa framkomu!!!!

Helgin að baki

Jamm helgin liðinn og vinnuvikann framundan. ÖLL. Hvur djöfullinn. Jamm var í vinnunni allan laugardaginn og ákvað að taka mér smá hlé á sunnudaginn og safna siðferðisþreki. Veitti ekki af satt best að segja. Jamm vorum bara að spauga feðgarnir á sunnudaginn, Svanhildur ekki heima obbann af deginum og við því eitthvað að spauga. Jamm það er það albesta að vera bara að leika með syninum. En núna er því ekki að skipta og blessaður skrifborðsstólinn beið eftir mér brosandi í morgunn. Eldabuskann búinn að vera veik síðan á fimmtudag og maður þarf því að skreppa út í bakarí á eftir, nú eða fara bara á Old vest og fá sér eðal borgara þar. Það væri það nú!!

Digital Ísland

Jamm þá er maður orðinn stafrænn, eða að minnsta kosti Sonyinn manns!! Skrapp upp á stöð 2 í gær í hávaða renningi og fínt fínt með gamlan afruglara undir höndum og fjarstýringu í vasa. Kom til baka með þennann littla og netta stafræna afruglara sem var að sjálfsögðu plöggað í vegginn og stungið í samband. Jamm svona eggskýrt og fínt sjónvarp og svo er allt opið eins og stendur og því einar 48 rásir að ég held. Eini gallinn er að ég fæ hann ekki til að finna skjá 1 en það á samt að vera hægt sega þeir stöðvar 2 menn. Jamm svo var bara snjór og hálka í morgunn, veturinn farinn að minna óþyrmilega á sig. Verð samt að segja að væri nú bara til í að hafa snjó í vetur ekki þessa helvítis umhleypinga endalaust. Fá sér svo bara gamlan sleða og allt klárt, væri það ekki málið!!!!

Annar í kvefi

Jamm hægur batinn hérna meginn, manni versnar þó ekki og er það bót í máli. Svarið við spurningunni hér að neðan er Maus, eins og mörg löginn þeirra eru flott þá er textarnir vandræðalegir og söngurinn afleitur annars þá eru þeir orðnir þéttir og flott rokkband maður þarf bara að horfa fram hjá ofangreindu!! Jamm jamm og jæja það er ekki tekið út með sældinni að vera síldartunna!

Kvef

Jamm þá er komið almennilegt haust í mann, kominn með þessa fínu hálsbólgu og alles. Búinn að vera að hósta upp hori og vibjóð í allan morgun. Jamm hvað vill maður hafa það betra. Ég tel mig samt vera að vinna þessa síkla fjanda og spái því að þeir verði ekki langlífir, onei. Er enn hálf brosandi yfir knatspyrnuleik gærkveldsins þar sem varalið Arsenal lagði aðallið Everton (þeir eru í þriðja sæti í deildinni). Mestan part leikssins var meðalaldurinn hjá Arsenal 19,8 ár!!! Unnu sem C 3-1 og eru komnir í næstu umferð. Jamm svona þarf nú oft ekki mikið til að gleðja gamalt hjarta!

Spurning: Hvaða hljómsveit orti svo: "Því að einmanna stúlkur eru aum næring fyrir aldintré".

Matarboð

Jamm skruppum í matarboð til Didda bróður og frúar ég og mín frú í gær. Pilturinn var orðinn aldraðri en hann var í fyrradag og var því fagnað með góðu læri og ís að hætti Jóa Fel. Alltaf gaman að borða góðan mat, verður að segjast. Litli maðurinn gisti svo hjá ömmu sinni í nótt þannig að við vorum bara tvö í kotinu. Jamm svo er maður tilraunadýr á stofuni í að taka upp AutoCAD 2005 og er ég að testa það þessa dagana, forrita skipanir og fiktandi í lisp rútínum og allt er á góðri leið þar flestar rútínur farnar að virka og forritið mun skemmtilegra en það gamla. Jamm það er skemmtileg tilbreiting að fá að tölvunördast smá. Almennt þá er nördism stórlega vanmetinn, spurning um að vera bara stollt nörd!!

Sól í haga og slátur í vömb.

Jamm þá er lokið sláturhelgi einni gífurlegri. Var búið til blóðmör og lifrarpylsa og alles og svo soðnir keppir til prufu og þeir voru svona ljómandi líka góðir blesaðir strákarnir. Það lukkaðist framar vonum slátrið veður að segjast og þó nokkrir keppir komnir í frysti svo og nokkrir hryggir og læri og pokar af súpukjöti sem okkur áskotnaðist um helgina. Jamm frystikistan brosir breytt þessa dagana, bólgin af kjóti og kræsingum. Við langt komin með að fylla nýja skápinn, það er, glerhlutann að ofan en tölvert pláss er í skenknum enn þannig að enn er hægt að setja hluti sem maður veit ekkert hvað maður á að gera við þangað. Jamm og svo er litli bróðir orðinn fjörgamall í dag og ætlum við að kíkja í mat til hans í kvöld. Annars þá er bara að reyna að ná í skottið á sér í vinnunni og þar sem að whiskey glösin mín voru að koma upp úr kassa eftir 3 ára geymslu þá er ekki úr vegi að fá sér svona eitt glast að glöðum skota í kveld!

Slátur

Jamm núna er það spurning hvað maður nennir að vinna lengi því að það er sláturgerð í aðsigi á Snæfellsnesinu. Jamm hef ekki slátur snætt í áravís og er það ekki vel. Mun því taka sig upp tölverð gleði og hrifning í hjarta þegar að fyrstur verður soðinn keppurinn úr upplaginu að tarna. Jamm spurning um að slíta upp nokkrum lítrum af súr og græja sér slátur í grautinn, það væri ekki ruslið í því fyrst maður er að byrja á þessu á annað borð. En sennilega er best að taka bara fá skref í einu og kaldrúnka þessu ekki í byrjun! Sem C sláturgerð hjá mér og hver veit nema að ein kippa af öli slæðist ofan í mann við framkvæmdirnar. Jaaa hvur gráskjóttur!!

Stofuskápurinn fíni!

Jamm þá erum við komin með þennan fína stofuskáp. Fluttninga maðurinn frá tekk mætti eftir fimm í gær með herlegheitinn. Það eina var að þetta var svo þungt að það var ekkert spaug. Byrjuðum á að bera skennkinn upp og hann var léttari hluturinn en tók helvíti vel í vannotaða vöðvabyggingu tölvuþrælsins en upp og inn fór hann og var það vel. Svo fórum við og náðum í efri skápinn, en hann er með glerhurðum og úr þykkum við og þegar við lytfum honum upp hélt ég að ég hefði hann ekki á loft. Djöfull var þetta kvikindi þungt. Náðum að bera hann upp stigann upp á fyrstu hæðinna (fyrsta hæðinn hjá okkur er ekki á jarðhæð!!) en þegar þangað upp var komið var allt afl búið í lyklaborðhöndunum á mér og ég varð að leggja skápinn frá mér og hafði hann ekki á loft aftur. Það kom ekki að sök þar sem við gátum ítt honum inn og ekkert skemmdist nema egoið hjá mér sem beið tölverða hnekki. Það er nú ekkert langt síðan að maður hefði leikið sér að því að bera þetta inn. En það virðist einhvernveginn vera að maður safni ekki þreki fyrir framan tölvuskjáinn, skrítið. En þetta var klárt wake up call fyrir ræktina það er bara þannig!!!

Tilboðsopnun

Jamm skapp á fund upp á Orkuveitu í dag og var tilefni hans að vera viðstaddur opnun á tilboðum í skiljusmíðina mína. Það er skemmst frá því að segja að andrúmsloft er frekar rafmagnað á svona samkomum þar sem fjöldi manns er þar saman kominn að bjóða í verk fyrir hönd síns fyrirtækis og margar milljónir eru í boði. Skulum bara segja að menn eru ekkert að reyta af sér brandar við svona tækifæri. En samt gaman að sjá hvernig svona fer fram. Svo þarf maður að fara að liggja yfir tilboðunum og sjá hverju best er að mæla með. Jamm svo erum við búinn að vera að spá í skenk í Tekk og ætlaði móður amma Svanhildar að gefa okkur aur í honum. Var gamla konan mjög rausnarleg þar og kunnum við henni þakkir hinar bestu. Skennkurinn með skáp kemur svo í hús eftir fimm í dag og þá getur maður farið að sækja stellið fína úr villeroy og bock sem við fengum í brúðkaupsgjöf, en ekkert hefur verið plássið til að setja það þar sem enginn hefur verið skápurinn. Nú er sem C búið að leysa úr því og stofan að taka á sig endanlegri mynd. Fagn!

Jamm og jæja

Jamm enn ein helgin í valnum en í staðin er farið að styttast í þá næstu. Var hin ágætasta helgi, vinna í gær og afslappelsi og spaug á laugardaginn. Kjúklingut að Tyrkneskum hætti í gær og gin og tónik á laugardag. Jamm helgar eru yndi. Jólin nálgast líka óðfluga og er það vel, hlakka reyndar meira til páskana þar sem páskafríið er mun lengra en jólafríið að þessu sinni. Ótrúlega magnað til þess að hugsa að vera ekki í prófum fyrir jólin núna, innri plannerinn hjá manni gerir alltaf ráð fyrir prófum á þessum tíma þannig að það er alveg magnað að vera að fatta að maður þarf ekki að undirbúa sig fyrir svoleiðis leiðindi þessi jólin. Neibb núna þarf maður bara að undibúa sig undir Julefrokost og vonandi jóla glögg einhversstaðar og ekki myndi skemma að fá sér spænskar vöfflur með að Dönskum hætti. Jamm það væri það!!

Leikskóli

Jamm eins og ég greyndi frá í gær fengum við inni á leikskóla með litla manninn. Erum samt að hugsa um að bíða með það að skella honum inn þar sökum þess að það er annar og betri leikskóli í götunni okkar sem okkur þykir vert að bíða eftir. Það verður því bara dagmamman áfram. Jamm núna er föstudagur og er það vel, þó svo að maður komi til með að vinna um helgina þá er það samt mun rólegri tími vinnan um helgar heldur en á virkum. Svo getur maður líka mætt seinna og sofið smá, og ekki skemmir fyrir að fá sér kaldan öl fyrir svefninn. Neibb helgar eru indislegar og spurning um að stofna helgarvinafélag Íslands! Bíður sig einhver fram sem formann??

Blogger

Jamm veit ekki hvað er í gangi hjá blogga vini mínum, ég kemst ekki inn nema á vorinn þessa dagana. Nær aldrei sambandi við þá blessaða strákana og þar af leiðandi næ ég ekki að eyða tíma í að rita einhverja vitleysu hérna. Jamm tókst þó núna. Þá er það hitt, hvað hefur maður að segja? Þegar allur tíminn fer í að vinna fram að mat og eta og koma syninum í ró er ekkert eftir nema sjónvarpsgláp og þegar Svanka er að græja ritgerðir fram á nætur og sonurinn hefur sofið illa undanfarnar nætur er þreytan að verða almenn og fréttnæmi í lífi manns í frostmarki. Þó fengum við bréf um að erfðaprinsinn væri kominn með leikskólapláss og er það vel, verið að kanna þetta allt saman. Annars þá skrapp ég í nudd um daginn á heilsu og spa nýbýlaveginum og djöfull er þetta magnað fyrirbæri. Jól og páskar og jafnvel partur af sumarfríi, eiturmagnað. Mæli eindregið með að allir drulli sér í nudd. Engin var það þó ljóskan sem nuddaði mann með stinnum sílikonbrjóstum heldur smávaxinn dökkhærður karlmaður!! Er það mínus??

Annir og appelsínur

Jamm nóg að gera núna, skrapp á eina fjóra fundi í gær og var í sress reddingum þess á milli, yndislegur dagur. Ástþór Örn enn lasinn þannig að dagarnir eru mikið púsluspil, ferðir fram og til baka og svo lendir þetta samt allt einvhernveginn á Svanhildi þannig að hún nær ekkert að græja sín verk. Þetta er nú ljóta ástandið. Ágætt að mamma og pabbi eru búinn að vera í bænum núna, sá gamli á spítala að jafna sig eftir lungnabólgu og svo var stungið á lungun til að hreinsa út úr þeim einhvern viðbjóð. Hann þarf að liggja í tvær vikur í viðbót við þá sem hann er búinn að liggja og snilldin er að núna er allt að verða fullt á sjúkrahúsum reykjavíkur þannig að það á að fljúga með hann norður. Þvílíkur sparnaður í kerfinu, í staðinn fyrir að hafa nógu margar deildir opnar þá er borgað undir sjúkrabíl út á völl, flug norður og bíl af vellinum þar á Fjórðungssjúkrahúsið. Þar að auki er borgað undir hjúkku með honum á leiðinni. Þvílíkt rugl þetta er og þar sem mamma fer náttúrulega norður líka þá er maður pössunarlaus að sinni!! Þetta er allt að stefna í eitt allsherjar rugl.

Ný vika

Jamm þá er kominn ein ný vika enn, aldrei skortur á þessum vikum, mættu reyndar byrja á miðvikudegi!! jamm Svanhildur var að skrifa ritgerð alla helgina þannig að við Ástþór Örn vorum eitthvað að spaug í staðinn. Fórum reyndar út að borða með veiðifélaginu í straumfjarðar á, eða eldhúshluta þess má segja. Skruppum á Einar Ben og lifðum þar í vellystingum í þó nokkura stund. Vorum kominn heim um miðnætti þar sem móðir mín var að passa og einnig við orðin alltof gömul til að vera lengur úti um helgar. Dagurinn eftir var alveg nógu slæmur þó svo að geymið hafi ekki varað lengur hjá okkur. Svo hóstaði Ástþór Örn í alla nótt þannig að ég var heima með hann í morgun og verð því í vinnunni þar til að ég skrepp í nudd. Jamm eiginkona mín elskuleg bauð mér í nudd í tilefni þess að við giftum okkur með pompi og pragt fyrir ári síðan í dag. Jamm svona er nú tíminn fljótur að líða!!!

Styttist í helgina!

Jamm það styttist í helgina sem betur fer verð ég að segja. Er búinn að vera eitthvað ótrúlega sifjaður þessa viku og ekki verið að mæta í vinnuna fyrr en um níu. Hefur samt verið ótrúlega ljúf að vera að vakna rétt fyrir 8. Jamm farinn á fullt að hanna loftræstikerfi fyrir Hellisheiðarvirkjun, en er samt ekki búinn að koma gömlum syndum frá þannig að maður reynir að koma þeim inná milli. Kíkti á gamla manninn á landspítalann í gær, var verið að tappa einherjum vökva og drullu úr lungunum á honum og hann þarf að liggja þar í viku. Alveg merkilegt hvað ég hef mikinn viðbjóð á sjúkrahúsum, finnst ógeðslegt að koma inn á slíkar stofnanir, lyktin, stemminginn og meira að segja litur á veggjum fer í taugarnar á mér. Hef aldrei getað hugsað mér að vinna í klíníska geiranum. Þegar ég var krakki og var spurður hvað ég ætlaði að verða þegar ég yrði stór, þá sagði ég aldrei læknir klárt mál. Hinnsvegar má ekki skilja það svo að ég sé ekki feginn að fólk vinni við þetta, það er náttúrulega almagnað og nauðsynlegt, ég bara skil það ekki, það er bara þannig!!!

Ný veikindi!!

Jamm það hefur sennilega aldrei legið jafn mikið á mér í vinnu eins og þessar vikurnar og komandi mánuði, er bara enganveginn að hafa undann, ekki nálægt í raun. Það væri svo sem allt í lagi ef að það væri ekki svaka törn hjá Svanhildi líka, hún á kafi í ritgerum og lestri. Þannig að til að toppa þetta allt þá var Ástþór lasinn síðustu viku og var svo orðinn brattur um helgi, var hjá dagmömunni í gær og svo í morgunn fékk ég sms um að hann væri kominn með hita!!!! Þetta er magnað verður að segjast. Þannig að Svanka er heima í dag og ég tek vaktina á morgun. Svona er þetta að vera með barn í aðlögun hjá dagmömmu, blessað ónæmiskerfið að taka til starfa fyrir alvöru í fyrsta sinn. Jamm, spurning um að fá sér bara einn kaldann í kvöld og skella þessu öllu upp í kæruleysi.

Allt fram streymir endalaust ár og dagar líða!

Mælti skáldið um árið. Skáldið mælti en smiðurinn mældi en samt er grundvallar munur á iðju þeirra þótt orðið sé næstum hið sama. Eða eins og við Völundur Snær fundum út um árið að "betri er nagli en negla þegar maður er að negla, en betri er negla en nagli þegar maður er úti á bát". Þarna er gert ráð fyrir að bátur sé soðinn eða límdur en ekki negldur. Það er margt skrítið í kýrhausnum segja þeir strákarnir eða það er margt í mörgu í maganum á henni Ingibjörgu.....!!!!!

Sunnudagur til sveppaáts!

Jamm þá er það sunnudagur og það þýðir í raun aðeins eitt, það er mánudagur á morgun. Breytir svo sem ekki öllu fyrir mig þar sem ég er í vinnunni núna að reyna að ná upp gömlum syndum. Ótrúlega magnað reyndar að vera svona einn á hæðinni, Pearl Jam No Code í botni og fílingurinn alger, ekki ruslið í því. Sátum og spiluðum OKEY hjónin í gærkveldi en það er tyrknest spil af skemmtilegri gerðinni em tengdaforeldrar okkar færðu okkur frá Tyrklandi. Núna vantar okkur bara einhverja til að spila það við!! Any takers!!!!

Föstudagur yeah baby!!

Jamm Þá sé það föstudags. Djöfull er það nú eitthvað magnað. Þýðir í raun það að ég mun ekki vakna fyrir sjö á morgun þó svo að ég fari í vinnuna. Það eru nefnilega þessi littlu atriði sem að gleðja mann. Jamm ótrúlega magnað að sofa smá, stórlega vanmetið að sofa og þó er það metið tölvert. Tók fram pípuna mína um daginn þar sem ég er jú kominn með svalir og hef fengið mér pípu eða tvær. Almagnað að fá sér pípu með hæfilegu millibili verður að segjast, á enn eðal tóbak frá vini mínum W.O. Larsen á strøget, Signature að nafni og hvílík snilld og himasæla það er er, lyktin snilld og allt snilld í kringum það. Jamm lítið er ungs manns gaman eða er það kannski þunngs manns gaman, veit ekki í það minnsta flokkast ég í hvorugann þann flokk þannig að mikið er mitt gaman það er mitt mottó. Annað, verra er mottó en vinningur í lottó!

Brunnin yfir

Jamm ég held að maður sé endanlega brunninn yfir núna, hef engan vegin undan í vinnu og menn eru að byrja að verða fúlir með það!!!! Bíða mín tonn af verkefnum sem ættu að vera komin mun lengra á veg. Djöfull nenni ég þessu álagi ekki lengur, spurning um að fá smá slaka en það er ekki í augsýn á næstunni!!! Djö og helvíti, hví hafði maður ekki vit á að finna sér einvherja rólegri vinnu!!!
Fimmtudagsbölsýnin er í boði mínu!!!

Nesjavellir

Jamm þá fékk maður loksins að líta upp frá tölvunni og skreppa upp á Nesjavelli. Þegar maður er við tölvuna dag eftir dag viku eftir viku etc þá er það allveg magnað að komast aðeins frá. Skemmir ekki fyrir að fá borgað fyrir að sitja í bíl fram og til baka, það eru í rauninni mjög skemmtilegir tímar þar á ferð. En núna vill maður bara fara að gera þetta oftar. Áfram útrás segi ég!

Ud ad køre med de skøre

Jamm þetta er nafn á bíómynd sem búið er að þýða á dönsku og það sér það náttúrulega hvert mannsbarna að þetta er myndin Cannonballrun (eða kúlukappaksturinn eins og hún hét í ríkissjónvarpinu um árið). Enn veikindi á mínu heimili, Ástþór Örn alveg stíflaður af kvefi og hóstar í akkorði, ljóti fjárinn þetta kvef. Þessir dagar verða því mikið pússluspil hjá okkur Svönku, hún að skreppa í skólann og ég heima þá og svo ég í vinnu og hún heima. Bætir ekki að það er brjálað að gera hjá okkur báðum núna þannig að þessi veikindi hittast á versta tíma, en að því sögðu hittast ekki veikindi alltaf á versta tíma!!!??? En úti eru 9°C og því ber að fagna!

Helgin liðin

Jamm nú er helgin liðin og er það miður. Ástþór Örn enn lasinn greyið littla, fullur af kvefi og hóstandi, ljóti fjárinn þetta kvef. Við Svanka erum orðin nokkuð góð af okkar óværu en maður verður að viðurkenna að maður er hálfþreyttur eftir helgina. Missti af tveimur afmælum umhelgina, hefði verið fínt að skreppa smá í kökur, annarsvegar hjá henni Þorgerði frænku minni og svo hinnsvega hjá didda bróður. Svo skrapp Svanka í íkea að athuga með gluggatjöld sem hafa ekki verið til í nokkrar vikur en áttu að koma á föstudag og vitiði hvað þau voru orðin uppseld á sunnudaginn!!! Þetta eru náttúruega helvítisaumingjar alltsaman í þessu Svíaseli þarna niðurfrá. Innkaupastrjórinn er sem C spastísk fífl og það er sannað hér með!

Að tapa mér

Jamm maður leyfir sér að verða veikur um stund og þegar maður kemur aftur til vinnu skal það tryggt að maður fái nú ekki að ná sér í ró og næði. Neibb það er búið að vera alveg spastíkst álag á mér í gær og dag og ég sé enganvegin fram úr augunum. Í ofanálag er maður enn hálf slappur og vinnuafköstin því ekki eins öflug og maður vildi. En nú er bara að bíta í skjaldarrendur og bölva í hljóði því eins og fram hjá engum hefur farið er jú fokking föstudagur í dag og spurning um að fara að chilla í kribbunni eins og amerískt lástéttafólk sem telur sig vera hipp gæti hugsanlega orðað það!

Veikindi

Jamm þá eru það veikinda fréttir. Ég fór lasinn heim á þriðjudag og var að jafna mig í gær, í nótt veiktist svo Svanhildur og er hún eins og ég búin að vera að æla lifrum og lungum í fleirgang. Svo var hringt í mig í vinnuna í dag og þá var það dagmamman og Ástþór Örn var orðin lasinn. Þau liggja því hér sjúk saman mæðginin og ég kom heim úr vinnunni til að sjá um liðið. Jamm svona er að búa á lítili eyju þar sem tryggt er að maður kemst í snertingu við allar umgangspestir sem á ferðinni eru!!!

Október eða krækiber

Stundum eru helgar og stundum eru ekki helgar og er það til dæmis núna. Núna er ekki helgi og er það miður. Núna er ekki eins sinni mánðurinn miður, það er líka miður. Jamm helginni lokið og reyndist hún hin ágætasta í kópavoginum. Búið að henda upp gardínum í eldhúsið og hillu í svefnherbergið þannig að núna kemmst prenntarinn fyrir. Uppsettum snögum fjölgar og kössum á gólfum fækkar. Diddi og fjölskilda kíktu á föstudaginn í pizzu og íbúðar ákíkk það var gaman að fá smá heimsókn. Ástþór Örn taldi sig nú alveg jafningja eldri frænda sinna og var í miklu stuði. En núna er sælan búinn og vinnan bíður manns með bros á vör!!!

Allt klárt!

Jamm þá eru myndirnar komnar í trönsun og útboðslýsing í pdf form og allt að verða klárt. Var eina 13 tíma í vinnunni í gær, ágætt að ná smá yfirvinnu en andlega þreytan er gífurleg eftir svona leiðinda daga. Ástþór Örn hefur staðið sig eins og hetja fyrstu tvo dagana í nýju herbergi, rétt aðeins rumskaði um 12 í gær og svo rétt fyrir sjö í morgun, ekki hægt að kvarta undan því. En núna er best að mylja sig á fund og sitja á rassgatinu og hlusta og sötra kaffi í einn tíma eða svo!!!

Klukkan 18

Þá er klukkan orðin sex og Ziggy enn í vinnunni og ekkert alveg á leiðinni heim að svo stöddu. Þarf að senda útboð frá mér í fyrramálið og draslið þarf að vera klárt í fyrramálið svo núna er bara að bíta í skjaldarendur og klára þennan fjára! Búinn að vera mikill ys og þys dagur hjá mér, ekki stuð það, en það mun allt verða gúddí þegar ég kemmst heim þar sem ég á alveg ógeðslega kaldan bjór í ísskápnum mínum. Skál fyrir því!

Dagur miðrar viku!

Já vikan mallar áfram og er það bæði gott og slæmt. Gott því þá styttist í helgina, slæmt ég á eftir að gera svo margt fyrir föstudaginn að það er ekki finndið! Annars þá kom frumburðurinn heim í gær og dvaldi í framtíðar heimkynnum sínum og leist nú bara þokkalega á sýndist mér. Svaf svo einn í sínu herbergi í fyrsta skipti í nótt, hefur annars sofið inni hjá okkur. Vaknaði nú bara nokkru sinnum og var ekkert svo ómögulegur, kemur sennilega bakslag í það á næstu dögum þegar að hann fattar að hann er farinn að sofa einn í herbergi!! Settum upp hillu í herberginu hans og nokkrar myndir þannig að það er farið að taka á sig nokkuð endanlegt form. Það er aðallega að verða eftir ljós og gluggatjöld. En hvað er með IKEA er innkaupastjórinn þeirra þroskaheft fífl?? Var einar þrjá hillur sem við erum búinn að reyna að kaupa, engin til og allt að 6 vika bið í þær, allar gardínur sem við höfum reynt að kaupa þar hafa ekki verið til og margar vikur í þær flestar, ljós sem við ætluðum að kaupa.....!!! Ekki til heldur og eitthvað fleira dót líka. Er ekki hlutverk innkaupastjóra að fylgjast með vörustreymi og vera búinn að kaupa inn áður en allt er orðið uppselt!!! Þessi manneskja er ekki að vinna vinnuna sína rétt það er bara þannig, spurning um að sparka í hana!!!!

Dagur þrjú, kæri jóli!

Þá eru næturnar orðnar þrjár í nýja húsinu og allt í góðu enn fyrir utan þetta heimabíó grín á sunnudagskvöld! Nokkrar myndir komnar upp og fleira dót inn í skápa og skúffur og hillupláss minnkar ört í geymslu vorri. Ástþór Örn kemur svo heim á eftir, fúlt að missa af viðbrögðum pilts þegar hann sér þetta nýja heimili sitt komið með húsgögn og þesslags. En núna svona hvað úr hverju mætti fara að slakna á framkvæmda gleðinni hjá manni og maður ætti að fara að tappa smá orku inn á batteríin sem eru löngu orðin þurausin, t.d. setjast niður á miðvikudag og horfa á svo sem einn leik í meistaradeildinni, það ætti að vera allra meina bót!!!

Stoltur steypueigandi

Jæja við búin að gista tvær nætur í nýju eigninni og líkar bara ljómandi við lífið þarna. Komumst reyndar að því í gær að fólkið á hæðinni fyrir ofan okkur er með heimabíókerfi í svefnherberginu og um korter yfir tólf labbaði Svanhildur upp og benti á að þau væru að æra okkur!! Eitthvað sem verður efalaust rætt síðar en þau lækkuðu og þá var þetta ekkert mál höfðu ekki áttað sig á háfaðanum sem þó glumdi um allan stigagang. Lambið úr Dalnum var náttúrulega snilld, þvílíkt meirt og yndislegt eins og lambalæra er von og vísa. Það besta er samt að sjónvarpið er þvílíkt skýrt hérna, t.d. er skjár einn ekki lengur svarthvítur og flöktandi eins og í langagerði, auðveldar fótboltaáhorf tölvert. En eins og sönnum karlmanni sæmir þá miða ég innflutningstímann við það þegar sjónvarpið fór í gang!!!

Flutt

Heyrðu það vill svo skemmtilega til að við erum flutt. Búið setja bækur í hillur og föt í skáp og elda Dalslamb í ofni vorum og skola niður með rauðu í boði tengda móður minnar. Þakkir til hennar. Svo er það fyrsta nóttin á nýjum stað. Búinn að setja upp gardínur fyrir svefnherbergisgluggana aðrar gardínur í pöntun, IKEA er með einhvern spastískan fávita sem innkaupastjóra, það var nákvæmlega sama hvað við spurðum um í dag, ekkert var til og það var minimun 2 vikur í þetta allt. Ekki góð stjórnun á innkaupunum á þeim bænum. En núna leggjast til hvílu í nýja ameríska sealy rúminu okkar og sofa lengi og vært!!

Heirðu þá er það helgin!

Loksins loksins loksins er helgin komin og ber því að fagna það er bara þannig. Frekar erfitt að drulluslefast fram úr rúminu í morgun, hlý sæng og rigning og rok frá helvíti gnauðandi á glugga vora. Tókst samt að endingu eftir 30 mínótur í það að safna siðferðisþreki til að koma sér framúr. Náði samt að vera mættur 7:15 í vinnuna fannst ég standa mig vel þar, spurning um að verðlauna sig með einni kippu af öli í kvöld!!! Aldrei veit maður ekki neitt nema allt í einu og þá er það kannski of seint eins og maðurinn mælti ekki um árið. Búinn að flytja obban af klæðum mínum og koma fyrir í skáp þeim er við enda rúms míns dvelur í voginum er við kóp er kenndur. Hlutirnir eru sem C að malla í ágætum farvegi, spurningin um að herja bíl litlu systuminnar út úr henni (ekki það að hann sé uppi í henni bókstaflega) og flytja síðustu kassana og borðin úr gerðinu langa er hefur yfir okkur skjóli skotið undan farið ár og nokkur ár þar áður. Þar með verður málið klárt, dautt búið, finídos!!

Helgin

Þá er farið að styttast í helgina í annan endann og aldrei þessu vant í þann rétta!! Var að pússa glugga og dúlla mér í gær, enn með öll vit full af spartslryki, sennilega eitthvað sem maður klikkar ekki á oftar en einusinni að vera með rykgrímu littla að stærð!!! Nú er í raun bara eftir að skrúbba hansagardínuógeðin sem að voru í íbúðinni og þá er hægt að fara að sofa þarna!! Eigum reyndar líka eftir að fá nýjan rúmbotn frá þeim strákunum í Marco þar sem að sá gamli var allur rifinn og tættur þegar hann var tekinn úr plastinu og þeir ætla náttúrulega að skifta honum út. Kemur vonadi bráðlega. En núna er bara brostið á með bílrúðusköfun og kulda á morgnanna, ekki gott mál það, þýðir í raun bara að haustið er að hörfa og vetur pungur að ganga í garð!! Ég persónulega auglýsi eftir sól og sumri, vill láta setja bráðabirgðalög á snjó hið snarasta!!!

Allt að koma

Jamm þá er þetta allt að skríða saman hjá okkur í voginum er við kópa er kenndur. Fórum bræðurnir í smá innkaupaleiðangur í gær og slitum upp þvottavél og frystikistu og burðuðumst með þetta inn í íbúð. Þvottavélin var drullu þung verður að segjast og verst var að hún var í flutningpakkningum og plastið undir henni var svo hált að maður þurfti að læsa nöglunum í það undir vélini til að missa ekki takið. Maður fékk svo tilfinningar í fingurnar aftur um haustið sem var ekki seinna vænna því að kistan var eftir en hún var nú spaug við hliðina á þvottavélinni! Svo fórum við Svanka í gærkvöldi og settum upp borð og hillur og sófa og þrifum skápa og skúffur og blettuðum í málningu þar sem þess var þörf. Settum nýtt áklæði á svefnsófan okkar svo núna er hann eins og nýr og bíður þess að sjónvarpstæki komi í hús svo að hans ambitionir verði uppfylltar, i.e. menn geti brúkað hann við sjónvarpsgláp!!

Fyllerí

Jamm það vildi svo skemmtilega til að ég fór á fyllerí á föstudaginn. Hittumst gamlir starfsmenn úr ELKO og átum sama steik og drukkum öl hvað mest við máttum. Það var helvíti gaman að hitta piltana aftur en menn eru náttúrulega komnir í allar áttir eins og lög gera ráð fyrir. Laugardagurinn var í staðinn frá helvíti báðar leiðir. Spurning um að taka ekki 99 í nefið á fylleríum, ekki gott fyrir daginn eftir, ég ældi þó ekki eins og obbinn af liðinu og vil ég meina að neftóbakið hafi hjálpað þar til. Enn alltaf gaman að fá sér smá í tána verður að segjast svo lengi sem maður gerir það sjaldan. En ég kláraði parketlistana í gær juhúúúú og við Svanhildur sóttum dótið okkar sem var í geymslu hjá Þórdísi og Didda. Sem C tveir bílskúrar ekki lengur í gíslingu af dótinu okkar. Átti að geymast í svona 3 mánuði en þeir urðu að ári eða svo. Svo eru bara nokkri kassar (slatti) eftir í langagerði ætlum að koma hinum fyrir fyrst og vera farinn að gista þarna ekki seinna en um helgina! Skálum fyrir því!!

Mental overload!!

jamm núna er maður um það bil að brenna yfir. Útboð að fara frá mér á næstu dögum og ég er byrjaður að hann loftræstikerfi fyrir Hellisheiðarvirkju sem þarf að vera klárt í útboð 1.des. Og svona fyrir ég er að byrja á þessum svokölluðu húskerfum þarna uppfrá þá fékk ég líka að hanna í leiðinni vatns lagnir, hitalagnir, loftlagnir, bakrennslislangir, snjóbræðslulagnir, wc langir!!! Sem C klikkun að gera fram að jólum og í þokka bót er maður ekki fluttur enn og er því að dunda sér í kópavoginum eftir vinnu. Ef þessu standi fer ekki að ljúka þá er ég orðin stofnanamatur! En annars þá er mun betra að hafa nóg að gera en ekki þannig að það verður bara gaman að vinna flestar helgar í vetur (fjárhaginum veitir ekki af því). Ástþór Örn enn veikur en var ekki með nema 8 kommur í morgun þannig að vonandi að það versta sé nú búið. Búið að seinka okkur með innfluginingin aðeins að hann veiktist blessað skinnið en þannig er það nú þegar börn byrja hjá dagmömmu. Ég þyrfti að verða smá veikur þannig að maður gæti legið heima og slappa af í tvo daga eða svo!!! Eða ekki!

Föstudagur loksins

Já þá er kominn föstudagur loksins er búinn að bíða lengi eftir því. Þá er kanski smá séns að fá fleiri tíma en fáa í að vinna við að klára þessa blessuðu íbúð sína. Þetta er að verða hálf fáránlegt að hún sé ekki orðin klár enn. Stefnan var að flytja inn um helgina en þar sem Ástþór Örn veiktist í vikunni höfum við ekkert komist í að græja þarna síðan á þriðjudag og því verður ekki flutt inn um þessa helgi. Skrapp í Hagkaup í gær og keyti mér hinn fræga ameríska ís Ben & Jerry's, var reyndar drulludýr (740 kr fyrir um 400 ml) en djöfull var hann góður á bragðið. Reyndar sykur og kólestrol í hámarki í þessum ís og fita langt yfir mörkum en það má svona stundum! Ekki það að ég steig á vog hjá lækninum sem við fórum með Ástþór Örn til um daginn og sú sýndi 79 kg sem er svona c.a. 10kg meira en ég var fyrir um ári!!! Spurning um að fara að hreifa sig smá og hætta þessu ís áti. Ekki það að það gæti verið gaman að prófa að vera feitur um stund, og annrs neee held ekki. Ræktin það er!!

Crazy Weather

Hvað er um það bil að gerast með þetta veður hérna!! Ekki mikið miðað við Ivan grimma en alveg nóg fyrir mig, öskutunnurnar á hliðinni í morgunn og allt klárt! Annars þá var ég lítið í vinnu í gær, ekki nema nokkra tíma þar sem ég þurfti að fara heim og verja tíma með veikum syni mínum. Fór heldur ekkert í kópavoginn og átti því "frídag" frá vinnu og framkvæmdum. En nýr dagur sömu áhyggjur og því verður bara mun meira að gera í kópavoginum í dag í staðinn. En í svona rigningu og roki er bara best að fara að fá sér ein kaffi!!!

Parketlistar

Jæja þá er maður farinn í það að festa upp parketlista. Keyptum nýja lista í gær þar sem þeir gömlu voru alveg búnir verður að segjast. Svo eru það líka gluggapússningar sem eru næstar á dagskrá, fékk fínar leiðbeingar frá munda um það hvernig ber að snúa sér í glugga lökkun þannig að lakkið verði ekki eitt pennslafar, verður gaman að sjá hvernig það heppnast. Altt á fullu í vinnunni núna þannig að maður hefur ekki tíma í að gera neytt þyrfti að eyða deginnum bæði í vinnu og íbúð en það gengur víst rólega upp. Ástþór Örn allur að koma til í aðlöguninni hjá dagmömmunni gekk fínt í gær og vonandi betur í dag! Annars þá er meistaradeildin að byrja í kvöld sem er hið albesta mál verð ég að segja!

Íbúðarmál

Jæja þá er búið að mála og pússa parket hjá okkur. Svanhildur ætlar reyndar að mála yfir tvo veggi hjá Ástþóri með smá lit til að lífga smá upp á það. Annars þá er næsta mál á dagskrá að kaupa parketlista og klára að pússa og spartsla gluggana og drífa á þá svolitlu lakki. Þarf því að vera duglegur í kvöld að ná listunum og klára að spartsla og pússa. Svo kemur rúmið okkar í dag þannig að þetta er allt á góðri siglingu. Annars þá er commentakerfið búið að vera niðri um helgina veit ekki hvaða spaug það var en er komið inn aftur núna. Áttum ágætishelgi, skiptumst á málningarvöktum í kópavoginum þar sem Ástþór Örn var lasinn um helgina (með nefkvef og hósta) en hann er nú allur að braggast. En aftur í vinnu núna!!